şəkildə milli teatr düşüncəmizin daxili məntiqini təşkil edir.Bu məntiqin başlıca
postulatı da hər hansı prosesin obyektiv şərtinə bağlıdır ki, bunu hələ eramızdan
əvvəl Demokrit formalizə etmişdir.”Başqa sözlə : teatr prosesinin
formalaşmasında maarifçi demokratçılıq dövrü üzvi , mənalı , səmərəli və
başlıcası , sonrakı inkişaf üçün məntiqli , əlaqələndirici bir hadisə oldu.XIX əsrin
ikinci yarısında N.Vəzirovla eyni mədəni məkan və zamanda
Ə.B.Haqverdiyev ,N.Nərimanov , S.Ə.Şirvani , Q.Zakir , Xurşudbanu Natəvan ,
M.R.Fəna, Bahar Şirvani , M.Cürmi, Aşıq Ələsgər , Aşıq Nəcəfqulu , Hüseyn
Bozlaqanlı kimi qüdrətli sənətkarların yaşayıb yaratmaqlarını nəzərə alsaq ,
Azərbaycan mədəniyyət və incəsənətinin o dövrdəki keyfiyyətini və maarifçilik
ideallarının zəminini daha aydın görə bilərik : müstəmləkə şəraitində inkişaf
edən milli mədəniyyət mütləq bu mərhələdən keçməli . daha yüksək səviyyəyə
qalxmalı idi....
“Seyr” poetikası məhz bu dövrdə demək olar ki, formalaşmasını sona
çatdırdı , əsas bazis prinsiplərini , mövzularını və dil-ifadə vasitələrinin sistemini
təyinləşdirdi.Faciə , dram və komediya kimi klassik janrlar milli sənət
təfəkkürünün kontekstində yeni çalarlar qazandı , milli teatr düşüncəsinin bir
çox ənənəvi tələbləriylə uzlaşdırılaraq milli teatr prosesinin institussional
istiqamətlərini müəyyənləşdirdi.
Rus imperiyasında olduğu kimi Azərbaycanda da XIX əsrin sonu və XX
əvvəlləri mürəkkəb . dinamik , imperiyanın dağılmasına aparan siyasi-ictimai
və iqtisadi proseslərlə səciyyələnir.”Rusiyada . o cümlədən Bakıda və
Azərbaycanın başqa yerlərində fəhlələrin təşəkkül və kapitalizm
ziddiyyətlərinin kəskinləşməsi , milli- müstəmləkə zülmü sinfi mübarizəsinin,
milli azadlıq hərəkatının genişlənməsinə səbəb olmuşdu.” 1904-cü ildə başlanan
Rus -Yapon müharibəsi , 1905-ci ildə “inqlabın baş məşqi “ və Bakıda fevralın
6-dan 9-na kimi davam etmiş erməni-azərbaycanlı qırğını , Sovetlərin
yaranması və sonralar “irtica” adlanan siyasi-ictimai hadisələr və hərəkatın
səciyyələri idi.
1910-1914 –cü illərdə güclənən proseslər yeni bir təkan aldı : 1914-cü il
iyulun 19-da birinci dünya müharibəsi başlandı.
Bu müharibədə uğursuz iştirak edən Rusiyada inqlabi şərait
kəskinləşirdi.”Burjuaziyanın çar II Nikolayla uzun-uzadı danışıqları nəticə
vermədi .Bolşeviklər zəhmətkeşləri çarizmə qarşı silahlı üsyana çağırdı
“.Fevralın 27-də çar höküməti devrildi.Müxtəlif siyasi hadisələrin dinamik
inkişafı nəticəsində 1918-ci il nəticəsində 1918-ci il mayın 28-də Azərbaycanın
dövlət müstəqilliyi elan olundu , dünya xəritəsində Azərbaycan Demokratik
Respublikası yarandı .Bu qısa təsvir etdiyimiz və cəmi 18 ilə yaxın əhatə
edilən zaman ərzində tariximizdə yeni möhtəşəm dönüş , daha doğrusu ,
sıçrayış baş verdi .Bütün başqa səciyyələrə toxunmadan bu prosesi
müstəmləkədən müstəqilliyə doğru inkişaf kimi dəyərləndirib , teatr prosesinin
səciyyələrinə bu konteksdə diqqət yetirək.
Məhz bu dövrdə H.Cavidin 13 pyesindən 7-si yarandı məhz bu dövrdə
Mirzə Cəlilin və dramaturgiyamızın şah əsəri olan “Ölülər “ pyesi yazıldı , gənc
C.Cabbarlının formalaşması məhz bu illərə təsadüf edir və “Aydın” (1919)
pyesi yaranır.
Teatr prosesinin az qala gündəlik səciyyələrini əks etdirən “teatr
salnaməsi” onun ictimai-siyasi və iqtisadi proseslərə sız bağlılığını da
açıqlayır.Salnamənin faktları aydın göstərir ki, 1900- 1918-ci illərin teatr
prosesi çox dinamik və rəngarəng idi və ən başlıcası Dünya teatr prosesi ilə
yaradıcı təmas şəraitində baş verirdi..Səhnəyə çoxlu tərcümə əsərləri gəlir ,
müxtəlif truppaların qastrolları təşkil olunur , mətbuat teatr hadisələrini geniş
işıqlandırır , teatr tənqidi fəal işləyir-bir sözlə , teatr prosesinin institussional
şərtləri bu prosesin də başlıca ideya-məzmun istiqamətinin müstəmləkə
düşüncəsinin müstəqil düşüncəyə tərəf olunduğu sübuta yetirir. Bu proses milli
azadlıq hərəkatının bədii- yaradıcı forması olaraq milli mədəniyyətmizin teatr
düşüncəsini zənginləşdirirdi , yeni janr və problemlərin mənimsəməsinə geniş
imkanlar açdı.Məhz bu dövrdə H.Cavidin “sehr” poetikasının ideyalar qatından
“türk ideyası “ öz bədii təcəssümünü tapdı.Sonradan pantürkist və panimalist
kimi damğalanmış Cavid əslində müstəmləkə psixologiyası və fəlsəfəsini
düşüncəmizdən yox etmək üçün hər hansı milli sənət düşüncəsi üçün hər hansı
milli sənət düşüncəsi üçün önəmli olan ənənəvi , tarixi köklərə qayıdıb oradan
gələcəyə yönəlmənin zərurətini təsdiqlədi .Bu məsələni araşdırarkən C.Cəfərov
yazır : “1920- 1926 –cı illərdə Cavidin səhnədə ən çox oynanılan əsərləri
inqlabdan qabaq yazdığı “İblis” , “Şeyx Sənan” , “Şeyda” və “Uçurum”
olmuşdur, yəni o əsərlər ki, müəyyən ideoloji zidiyyətlərinə (təbii ki, marksist
-leninçi nəzəriyyəsinin baxım bucağından - M.Ə.) baxmayaraq , Cavid
yaradıcılığının ən qiymətli dövrlərindən birini təmsil edir”.Cavidin
yaradıcılığına , poetikasının qayəsinə münasibətini “partiyalılıq və xəlqilik
“ kateqoriyaları prizmasından bildirməyə məcbur olan C.Cəfərov incə
priyomlarla məsələnin mahiyyətini açır : “Cavid yeni əsərləri ilə
( “ Peyğəmbər “ və “ Topal Teymur “) özünə qarşı çox kəskin və ədalətli (? –
M.Ə.) bir tənqid doğurduğu dövrdə teatr da öz tamaşaları ilə , “Topal Teymur”
nəzərə alınmazsa , ona şöhrət qazandırmışdı “ .Cəfər Cəfərovun göstərdiyi
maraqlı fakta nəzər yetirək : tənqidi məqalələrdə xüsusi qeyd edilir ki, Cavid
əsərlərinə çox tamaşaçı gəlirdi , bir çoxları bilet olmadığından geri qayıdırdı.Bu
fakt onu göstərir ki, artıq teatr prosesi və hakim ideologiya arasında ziddiyyət
başlamışdı.... Təhlil etdiyimiz dövrdə isə teatr prosesi və onun poetikası ictimai
şüuru düşündürən problemlərə adekvat idi və ən maraqlısı odur ki, dövrün
gərgin siyasi-ictimai vəziyyətində teatr prosesi sərbəst və müəyyən mənada açıq
formada inkişaf edə bilirdi. “Sehr “poetikası çərçivəsində milli təfəkkürün
qlobal problemləri , o cümlədən milli, tarixi . dini –fəlsəfi və ədəbi məsələlər
bədii formada qoyulurdu və onların həlli yolları göstərilirdi.Bu da poetikanın
formalaşmasında əvəzsiz rol oynadı –ekzistensional konfliktin mövcud olması
milli teatr düşüncəsinin yüksək səviyyəsini göstərir.
15-16 yaşlarında ədəbiyyata qədəm qoyan C.Cabbarlı bu düşüncənin
məzmun çərçivəsində formalaşaraq dramaturji yaradıcılığının ilk mərhələsində
məhz “sehr” poetikasından faydalandı : onun “Aslan və Fərhad “, “ Vəfalı
Səriyyə” və “ Solğun çiçəklər “ pyeləri melodrama janrında yazılmışdır və
Dostları ilə paylaş: |