3
Kirish
Mavzuning dolzarbligi
.Istiqlol sharofati bilan tiklanayotgan qadriyatlar va
Vatanimiz tarixini xolisona oʼrganish bilan bogʼliq ijobiy jarayonlar milliy
oʼzligimizni anglash va mustaqilligimizni yanada mustahkamlashga chuqur zamin
yaratmoqda. Oʼzbekistonning istiqboldagi taraqqiyoti
haqida Prezidentimiz
I.А.Karimov: “Аvvalambor shu yurtda yashayotgan har qaysi inson oʼzligini
anglashi, qadimiy tariximiz va boy madaniyatimiz, ulugʼ ajdodlarimizning merosini
chuqurroq oʼzlashtirishi, bugungi tez oʼzgarayotgan hayot voqeligiga ongli qarab,
mustaqil fikrlashi va diyorimizdagi barcha oʼzgarishlarga daxldorlik tuygʼusi bilan
yashashi zarur”1, ― deb yozadi. Mamlakatimiz tarixining tarkibiy qismi boʼlgan
Xiva xonligining 400 yildan ziyodroq vaqt mobaynida mavjud boʼlib turgan davrda
oʼzbek davlatchiligi boshqaruv tizimi va milliy–madaniy qadriyatlari, anʼanalari
mujassamlashtirilgan, ayni paytda hududiy jihatdan oʼziga
xos jihatlari saqlab
qolingan. XVI asr boshlarida vujudga kelgan Xiva xonligida siyosiy, ijtimoiy–
iqtisodiy jarayonlar bilan bir qatorda, sanʼat,
adabiyot, meʼmorchilik kabi sohalar
izchil rivojlandi. “Xorazm va Xiva tarixi,— degandi Prezidentimiz I.А.Karimov,—
xalqimizning yozuv, ilm-fan, sanʼat, madaniyat va maʼnaviyat sohalaridagi yuksalish
bosqichlarini oʼzida mujassam etadi”2.
O’rganilganlik darajasi
.Darhaqiqat Xiva xonligida
davlatchilik asoslarining
mustahkamlanishi bilan bir qatorda madaniyat va maʼrifat, meʼmorchilik va sanʼat
yuksalib bordi. Qoʼli gul ustalar betakror meʼmoriy obidalar tikladilar, mahoratli
hunarmandlar sopol, yogʼoch, metalldan
noyob buyumlar yasadilar, adabiyot va
sanʼat nomoyondalari yirik tarixiy va badiiy asarlar, musiqa va raqs namunalarini
ijod qildilar. Natijada Shermuhammad Munis, Muhammadrizo Ogahiy, Muhammad
Rahimxon Feruz, Muhammad Yusuf Bayoniy kabi Xorazmlik allomalarning hayoti
va ijodiy faoliyati Xiva xonligi tarixini butun dunyoga koʼz-koʼz qilishga zamin
yaratdi.“Аyniqsa, Xorazmning shonli tarixi bizda oʼtmish
merosimiz bilan haqli
ravishda faxrlanish tuygʼusini uygʼotadi,― degan edi Prezidentimiz I.А.Karimov. ―
Chunki Xorazm tarixi oʼzbek davlatchiligi tarixining uzviy qismidir, uning qudrati
va qadimiyligi timsolidir. Аna shu bebaho meros bugungi avlod zimmasiga buyuk
ajdodlarimizga munosib voris boʼlishdek ulkan masʼuliyat ham yuklaydi”1. Oʼzbek
davlatchiligi tarixida Xiva xonligining ham oʼrni bor. Oʼz davlat hujjatlarini oʼzbek
tilida olib borgan mazkur davlat tarixining siyosiy jihatlarini (aspekti) oʼrganish
oʼzbek davlatchiligi tarixini yoritishdagi muhim vazifa hisoblanadi. “Madomiki, oʼz
tarixini bilgan, undan ruhiy quvvat olgan xalqni yengib boʼlmas ekan,— degandi
Prezidentimiz I.А.Karimov,— biz tariximizni tiklashimiz, xalqimizni, millatimizni
shu tarix bilan qurollantirishimiz zarur. Tarix bilan qurollantirish,
yana bir bor
qurollantirish zarur. Xiva xonligi tarixini oʼrganishga birinchi navbatda mahalliy
tarixchilar jiddiy eʼtibor qaratishgan.