1.2
.
Qo'ngʼirotlar
sulolasining
qoʼshni
mamlakatlar
bilan
elchilik
munosabatlari. Qoraqalpoqlar qoʼzgʼolonlari.
Xiva xonligida XIX asrning boshlarida hokimiyatni qo‘lga olgan qo‘ng‘irotlarning
hukmdorlari qo‘shni mamlakatlar bilan faol elchilik, savdosotiq munosabatlarini olib
borganlar. Xivaning bu yo‘nalishdagi faoliyati ilmiy adabiyotlarda qisman
o‘rganilgan bo‘lsa-da, mahalliy tarixchilar tomonidan bitilgan solnomalar
ma'lumotlari ilmiy muomalaga kamroq jalb etilgan. Xiva davlatining shu davrdagi
xalqaro munosabatlarini mahalliy tarixchilar asarlari ma'lumotlari asosida olimlardan
Yu.Bregel'2, Q.Munirov1, A..Sodiqov2, T.Ne'matov3, S.Kamalov4, H.Ziyoev5,
X.G‘ulomov6 va boshqalar o‘rgangan. XVII–XIX asr va XX asr boshlarida
Xorazmda yozilgan tarixiy asarlarda Xiva xonligining Buxoro, Qo‘qon xonliklari,
Rossiya va boshqa mamlakatlar bilan bo‘lgan diplomatik munosabatlari tarixiga doir
ma'lumotlarni ham ko‘p uchratish mumkin. Abulg‘oziy, Munis, Ogahiy va
Bayoniyning mazkur tarixiy asarlarida XVII-XVIII asr diplomatik munosabatlar
tarixiga oid ba'zi ma'lumotlar keltirilsa-da, Xivada qo‘ng‘irot sulolasi hukmronlik
qilgan davrdan boshlab bo‘lgan tarixiy voqealar, shuningdek, diplomatik
munosabatlar batafsil bayon etiladi. Xiva va Buxoro xonliklari o‘rtasida davom etib
kelayotgan diplomatik aloqa 1806 yildan, ya'ni Eltuzarxonning vafotidan so‘ng
ma'lum vaqt uzilib qolgan edi8. Buxoro xonligi bilan Xiva xonligi o‘rtasida ma'lum
vaqt to‘xtab qolgan elchilik munosabatlari 1811–1812 yillarda amir Haydar
o‘g‘lining to‘yi munosabati bilan Xorazmga yuborilgan O‘roqboy Jo‘ra oqosi va
Avaz Muhammad yasavulboshi yordamida tiklangandi. Buxoroliklar Xorazmga
kelgan vaqtda Muhammad Rahimxon I janubiy Orol hududiga yurish qilgan bo‘lib,
Xivada emasdi. Kutlug‘ Murod inoq Yormuhammadbek orqali Buxoro amirining
nomasini Muhammad Rahimxonga yuboradi9. Bu kelgan elchilarga Hasan Murod
otaliq va Kandum sardorni qo‘shib, Buxoroga yuboriladi1. Buxorodan bular bilan
birgalikda Yaqub qo‘rchibegi va Gul yasovul Xivaga elchi bo‘lib keladilar. Xivadan
esa Berdi inoq elchi bo‘lib, bular bilan birgalikda Buxoroga boradi va u taka
turkmanlari masalasi buyicha amir bilan suhbat qiladi. So‘ngra u bilan Xivaga
Musoxo‘ja o‘roq va Muhammad Jo‘ra oqosi elchi bulib keladilar2. 1812 yili Xiva
xonligiga Erondan Shahzoda Vali, O‘rta Yuz hokimi Omonboy biyning inisi
Qurbonboy ham Xorazmga elchi bo‘lib kelgan edi. Shu yili Shahzoda Vali huzuriga
Mashxadga Nodir sardor va Dashti Qipchoqqa, ya'ni O‘rta Yuz qozoqga Ollohberdi
xo‘ja elchi qilib yuboriladi3. Munis "Firdavs ul-iqbol"da yozishicha, 1813 yili
''Umarshayx va Amirxonkim... Xuroson bilodining xonlariga elchi qilib yubormish
erdi... ostonbusliqqa yetib, barcha xonlarning arizadosht va ixlosnomalarin
yetkurdilar... Rabi' al-avval oyi (15 mart-14 aprel') ning avoyilida Hasan Murod
otaliq Buxoro elchisi Boymuhammad jarchiboshi bilan... Muhammad Rahimxon
.7. Каримов И.А Ўзбек халқи ҳеч қачон ҳеч кимга қарам бўлмайди // Асарлар. ― 13-жилд. ― Тошкент: Ўзбекистон, 2005. ― 448 б
. .8. Каримов И.А. Илм–маърифат зиёси ҳеч қачон сўнмайди / Хоразм Маъмун академиясининг 1000 йиллигига бағишланган тантанали
маросимдаги нутқи // “Маърифат”. – Тошкент, 2006
12
mulozimatiga foyiz buldi. Mohi mazkurning avoxirida Berdi inoqni elchiyi
mazburga qo‘shub, Buxoroga irsol qildi... Mazkur oyning 27sida, yakshanba kuni
(1813 yil 11 aprel') Berdi inoq amir Haydarning elchisi Podshoxo‘ja sadr bila
Buxorodin kelib, ostonbuslik. sharafiga ixtisos topdilar. Jumod-il-avval oyining 10
ida, juma kuni (12 may) Kurdistondin elchilar kelib... tansuqoti muttakosira peshkash
qilib chikdilar... Buxoro elchisi Podshoxo‘jaga yana Berdi inoqni mashub qilib,
Buxoroga yubordi. Jumodiy-as-soniy oyining 8 ida, juma kuni (8 iyun') Xuroson
elchilarin ihsoni podishohona va in'omi bekarona bila bahramand qilib, o‘z yurtlariga
ruxsat berdi. Badirxon bek va Muhammad Husayn bekni, ... Sattor quli oqo bila
mazkur bo‘lg‘on elchilarga qo‘shib yubordi. Bu mazmun bilakim: "Agar ellik va
itoat izhorida sodiq bo‘lsalar, kuz faslida inshoolloh ul tarafga azm etkumizdir. Agar
el muxolif bo‘lsalar, alar samtiga nahzat qilgumizdur. Agar el bulsalar, Saodat
Qulixon yang‘liq akobir va mu'tabar kishilardan ko‘p kishi mulozimatga irsol kilib,
zakot va xirojni kamo haqqahu yuborsinlar. Alar seshanba kuni Xuroson azimati bila,
yo‘lga tushub ravon bo‘ldilar”1. 1815–1816 yili “Berdi inoq Buxoro elchisi bila
mulozimatga yetdi. Ul ovonda Xo‘qand viloyatining hokimi Umarxondin Sayyid
Muhammad hoji elchilikka kelib, ostonbuslik, sharafin topdi”2. 1816 yili Qandum
sardor Buxoroga elchi kilib yuborildi. Ramazon oyining 10ida, shanba kuni (5
avgust) Buxoro elchisi Nurmuxammad bek Xivaga keladi3. Sharqshunos Q.Munirov
xorazmlik tarixnavislar asarlarini tahlil etar ekan, ularni ma'lumotlarida elchilik va
turli aloqalar bilan uchrashgan hukmdorlar vakillarining suhbat tafsilotlari,
uchrashuv mavzularini yoritmaganini ta'kidlaydi4. Ko‘p hollarda faqat elchining
nomi va sanalar keltiriladi, xolos. Xorazm solnomalarida Xivaning O‘rta Osiyo
xonliklaridan tashqari, Eron va Rossiya bilan bo‘lgan diplomatik munosabatlar
haqida ham ma'lumotlar keltirilgan. 1233/1817 Zu-l-qa'da oyi (12 sentyabr' – 12
oktyabr') ning avvalida mulla Abdulnosir mingboshi “Urusdin Xivaga elchi bo‘lib
kelmish erdi”5; Shuningdek, 1235/18I9 yili muharram oyining g‘urrasida, seshanba
kuni (7 oktyabr') rus elchisi Nikolay Nikolaevich degan Gurjiston va Tiflis hokimi
Aleksey Petrovichdan dargohi olampanoh mulozimatiga yetti... juma kechasi rus
elchisin darbori oliy musharraf qilib... Yaqubboy bila Eshnazar Shotirg‘onni elchilik
yo‘suni bila anga qo‘shib ruxsat berdi”6. Olloqulixon davrida buyuk davlatlarning
nazariga tushgan Xiva xonligini bo‘ysundirish uchun diplomatik harakatlar avj oldi.
1834 yilda Rossiya hukumati topshirig‘i bilan asosan qozoqlar yashaydigan
Mang‘ishloq yarim orolidagi Qaydak degan joyda Novo-Aleksandrovsk harbiy
istehkomi қурилди. Рус қўшинларининг Ўрта Осиёга ҳарбий юришларида
таянч вазифасини бажариши кўзланган ушбу қалъанинг қурилиши Хива
хонининг кескин норозилигига сабаб бўлди. Бироқ бу ердаги сувнинг
сифатсизлиги ва табиий шароитнинг оғирлиги туфайли рус солдатлари орасида
касаллик тарқалди. Шу муносабат билан 1846 йил 12 апрелда Гурьев
шаҳарчасидан 700 солдат икки кема билан Манғишлоқ ярим оролига келиб,
ҳарбий истеҳком қуришга киришадилар. Бу истеҳком битгандан кейин, унга
13
Новопетровск номи берилади. Манғишлоқ ярим оролининг Тюқ-қараган деган
жойда қад кўтарган бу қалъада кемалар тўхташи ва шароити жиҳатидан жуда
қулай ҳисобланган. Ҳатто у ерда турар–жойлар қуриш режалаштирилганди1.
1839 йилда Хивага келган 6 нафар инглизлар жосусликда гумон қилиниб,
Оллоқулихон буйруғи билан қатл қилинди. Орадан сал вақт ўтиб, Оллоқулихон
Ҳиндистондан келган Буюк Британия элчиси Жеймс Абботни қабул қилди2.
Элчига хонни Англия томонига оғдириш ва Россияга қарши иттифоқ тузиш
вазифаси юклатилган эди. Муҳаммад Юсуф Баёнийнинг ёзиб қолдиришича
элчи хонга қуйидаги мазмундаги мактубни топширди: “Руслар... яна эллик
йилдан сўнг сизларнинг вилоятларингизни олур. Агар хоҳласангизким,
вилоятингиз, давом қўлингизда туриб, ҳеч киши анга мутаариз бўлмағай,
вилоятингизни хатлашиб бизга беринг. Хоразм инглиз юрти бўлди деган сўз
иштиҳор тобсун, андин сўнг бу хавфдин фориғ бўлурсиз. Бизнинг бу сўзимиз
ҳошоким нафсоният юзидан бўлмағай, балки маҳз дўстликдурким, ғаразимиз
Россияга Ҳинд йўлини масдуд этмакдур. Биздан сизга фойда етар, асло зарар
етмасдур, хатлашғонда хоҳишингизча шартнома ёза беринг, биз қабул
этармиз”3. Оллоқулихон мактуб мазмунидан оғир изтиробга тушди. Аммо
кўпни кўрган хон ўз яқин амалдорлари билан масҳатлашгач, элчига шундай
жавоб қайтарди: “Руслар ҳали бизга қарши юриш бошламадилар. Сиз
кўрсатган 50 йилда ким бору, ким охиратга кетади — буни ҳеч ким билмайди.
Эллик yildan keyin nima bo‘lishini aniq bilmasdan turib, biz o‘z mamlakatimizni
hech kimga bermaymiz. Bizlar o‘tgach, avlodlarimiz, nima qilsalar o‘zlari
biladilar”1. Olloqulixon 1839-1840 yillardagi Perovskiy fojeasidan keyin ruslar
bilan munosabatlarni keskinlashtirmaslik uchun turli davrlarda Xiva xonligi
hududiga bandi qilib keltirilgan va qul sifatida sotilgan rus asirlarini to‘plashni
buyurdi. Natijada 1840 yil avgustida to‘plangan 416 rus asirlari kornet Aitov
boshchiligida Orenburgga jo‘natildi2. 1256/1840-1841 yili Rossiyaga ozod etilgan
rus asirlari bilan birgalikda elchi qilib yuborilgan Otajon Oxun 1257/1841-1842 yili
qaytib keldi. U bilan Xiva xonligiga Rossiyadan kapitan Nikiforov elchi bo‘lib
kelgan edi. "Bu yil rajab oyining 3 ida shanba kuni (21 avgust) urus poytaxti
Peterburg podshoxi imperator bin Nikolay Pavlovichning qo‘shg‘on elchisi...
Andrich bin Nikifurusi (Nikiforov) ning hamrohligi bila kelib ostonbuslug‘ sharafiga
musharraf bo‘ldilar. Urus podshohining do‘stlig‘ va yaxshi jihatlik bobida yuborgan
ahdnomasin, tansuqot va peshkashlarin nazari anvor peshgohidin o‘tkarib, altofi
podishohona bila bahramand bo‘ldilar...3. Rossiya tashqi ishlar ministrligi
tomonidan kapitan Nikiforovga berilgan yo‘riqnomada: “Xiva xonini rus qo‘shinlari
tomonidan Sirdaryoning quyi qismini ishg‘ol qilish masalasida betaraf turishga,
Sirdaryoning shimolidagi yerlarni va Kaspiy dengizining sharqiy qirg‘og‘ini
.9. Каримов И.А. Инсон, унинг ҳуқуқ ва эркинликлари — олий қадрият. 14-жилд. ― Тошкент: Ўзбекистон, 2006. ― 280 б.
.10. Каримов И.А. Юксак маънавият – енгилмас куч. ― Тошкент: Маънавият, 2008
14
Rossiyaga tobe deb e'tirof etishga ko‘ndirish”4 lozimligi ko‘rsatilgandi. "Urus
elchisikim... iltifoti podshohonadin ko‘rinishi oliyga musharraf bo‘lib, kelturgan
tuhafoti behjatasar va tansuqoti g‘ayri mukarrarni nazari saodatasar peshgohidin
o‘tkardi. Ul jumladin bir taxti ravon otlig‘ aroba erdi...”1,― deb yozgandi Ogahiy.
Elchi Olloqulixon oldiga rus tovarlariga bo‘lgan bojxona to‘lovlari biroz
kamaytirish, rus asirlaridan bir qismini yurtiga qaytarish kabi talablarni qo‘ydi.
Xonlik hududida 1841 yil noyabr oyi o‘rtalarigacha bo‘lgan rus harbiy topograflari
3 ming chaqirim masofadagi yerlarni xaritaga tushirishga ulgurdilar2. Nikiforov
boshliq missiya o‘z oldiga qo‘ygan maqsadga erisha olmagandi. Ayniqsa, chegara
masalasida Xiva xoni Olloquli uning fikriga qo‘shilmagan edi3. 12 noyabrda yurtiga
qaytayotgan Nikiforov ekspedisiyasi a'zolari bilan birga Vais Niyozboy
boshchiligidagi 16 kishidan iborat Xiva elchilari jo‘natildi4. 1842 yil 1 avgustda
yurtiga qaytgan Vays Niyozboy bilan Rossiyadan elchi sifatida yo‘lga chiqqan
G.I.Danilevskiy boshliq rus diplomatik missiyasi 19 oktyabr' kuni Xivaga yetib
keldi5. Olloqulixon bu vaqtda Buxoroga safar qilgan bo‘lib, Xivaga 29 oktyabr' kuni
qaytib keldi. Ertasi kuni biroz betob bo‘lishiga qaramasdan xon rus elchilarini qabul
qildi. Keyingi muzokaralar esa faqat 10 noyabrda bo‘lib o‘tdi. Oradan 2 hafta
o‘tgach, Olloqulixon dunyodan o‘tdi. 1842 yil 25 noyabrda taxtga chiqqan yangi xon
― Rahimquli ruslar bilan muzokaralarni 29 dekabrda tugatdi va 9 moddadan iborat
shartnomani imzoladi. Ruslar 31 dekabrga qadar xonlikning turli joylarda bo‘lib,
harbiy maqsadlar uchun ma'lumotlar to‘pladilar. Jumladan, ruslar xonlik hududining
topografik xaritasi, aholisining etnik tarkibi va joylashishi, gidrografik
imkoniyatlarini aks ettiradigan 2 jildik ma'lumotlarni yig‘dilar6. Ruslar elchisiga
javoban Rahimqulixon Rossiyaga Muhammad Amin yuzboshini 1843 yil 14
yanvarda yuboradi Rossiya bilan bo‘lgan munosabatlarda Rahimqulixon yon berish
siyosatini yurgizdi va Olloqulixon rad etgan takliflarni qabul qildi. Endilikda Xiva
xoni ruslarning savdo-sotiq ishlariga yaqindan yordam berishi, savdogarlarni himoya
qilishi va ulardan mahalliy halq qatori boj olishi, xonlikda doimiy rus agenti
bo‘lishiga rozilik berishi lozim edi. Ruslar Xiva bojmonlari tomonidan Sirdaryo
sohillarida yashovchi qozoqqirg‘izlardan soliq yig‘ishni man etishni ham talab
qilgandilar. 1842 yil 27 dekabrda Rahimqulixon chor ma'murlari tomonidan
qo‘yilgan barcha shartlarni tasdiqlashga majbur bo‘ldi1. 1259/1843 yili zu-l-qa'da
oyining 14 ida chohorshanba kuni (21 dekabr') Rahimqulixon Qo‘qon elchisi
Qorabosh dodxohga Bobobek va Yaxshimurodbekni elchilik bilan Qo‘qonga
yuboradi2. Ular 1260/1844 yili jumodil-avval oyining 19 ida, juma kuni (7 may)
Qo‘qondan qaytib keladilar Rajab oyining 17-da payshanba kuni (1844 yil 3 avgust)
Buxoroga ketgan elchi Rahmonberdi oxun amir Nasrulloh qo‘shib yuborgan elchisi
Fathulloh xo‘ja sudur bilan Xivaga keladi. “Sha'bon oyining salxida, juma kuni Eron
shohi Muhammadshohning elchisi Shahsuvorxonga ruxsat berib, ramazon oyining 6
sida chahorshanba kuni esa (1844 yil 20 sentyabr') Qo‘qon elchisi Qorabosh
dodxohga... Yusufbekni elchi qilib Qo‘qonga jo‘natiladi”3. 1261/1845 yili
15
Buxorodan kelgan Qo‘chqorbek miroxurga Xivadan Rahmatulloh Qorako‘zni
qo‘shib Buxoroga elchi qilib yuborilgan edi. Xiva xoni Buxoro amiriga quyidagi
nomani yuborganini Ogahiy yozadi: “Amir Nasrullohning muddaosi agar musolaha
qilib borishmoq va kelishmoq bo‘lsa, bizning xohishimiz uldur va agar g‘arazi
savosh va talosh bo‘lsa muhoraba maydoniga chiqsunkim, biz ham ul amrga
muhayyo va omodadurmiz. Bu ikki ishning qaysisini ixtiyor qilsa, ul ishga bel
bog‘lasunkim, ikkisi ham bizning maqsadimizdur. Bu so‘z bila elchilarni Buxoro
viloyatiga irsol qildi”1. Shuningdek, Ogahiy o‘zining “Jomi' ul-voqioti sultoniy”
asarida Muhammad Aminxonning Buxoroga “Eshmurod rais bila... Olloberdi so‘fini
1262/1846 yili rabi' al-avval oyining to‘rtida yakshanba kuni (2 mart), mazkur oyning
23 ida, shanba kuni (19 mart) esa Bikish xalifani Buxoroga elchilik tariqasida
yuborgan. “Jumodil avval oyining 13 ida, juma kuni (1846 yil 9 may) ...
Abdulhalim... Xo‘qand viloyatidan kelgan elchiga saforat tarikasi bila hamroh bo‘lib,
mazkur viloyatga bormish erdi”2. Shu 1846 yil shavvol oyining 11–ida,
chahorshanba kuni (3 oktyabr') Shukrilloh og‘a bilan Qilichjonboy Rossiyaga
yuboriladi. Ular 21 avgust 1847 yili Rossiyadan qaytganlar. 1264/1848 yil 9
jumodul-avvalda (13 aprel') Muhammad Aminxon Buxoro elchisi Zakariyo xo‘ja
o‘roqni qabul qilgan. 20 aprelda esa xon Qutbiddinxo‘ja shayx ul-islom va
Shukrilloh oqani Turkiyaga yuboradi3. 1848 yil 7 mayda Muhammad Amin Qo‘qon
elchisi Xolmurodbiyni qabul qilgandi. 1264/1848 yili 21 iyun'. Xojash mahram va
Otaniyoz mahramni elchi qilib Rossiyaga yuborishadi va ular 1266/1850 yil shavval
oyining 15 ida panjshanba kuni (21 avgust) Xivaga qaytganlar4. Shukrilloh oqa yana
Rossiyaga 1268/1852 yili rabi'-al-avval oyining 9 ida dushanba kuni (2 yanvar')
elchilikka yuboriladi5. 23 ramazon oyi 1272/17 may 1856 yili Xorazm karvonlariga
qo‘shib Fozilxo‘ja shayx-ul-islomni Rossiyaga elchi qilib yuborildi. Bu missiya 1857
yil 16 mayda Xivaga qaytib kelganini Ogahiy ma'lum qiladi 1274/1858 yil zu-l-hijja
oyining 18 ida juma kuni (1 iyun') Rosiyadan N.Anichkov, 1275/1858 yil safar
oyining 2 si (12 sentyabr)da Buxoro amiri Nasrullohning Mirzo Ubayd miroxur
nomli elchisi Xorazmga keladilar1. 1281/1864 yili Muhammad Rahimxon II davlat
tepasiga kelgandan 9 kun keyin, bu voqeani bildirish uchun Buxoro amiri Amir
Muzaffarga Muso mutavalli va Avaz Murodbiyni yuborgan2. Shu yili jumodiy al-
avval oyining ikkisida, yakshanba kuni (4 oktyabr', 1864) Qo‘qonning elchisi kelib,
rus lashkari tomonidan Turkiston qal'asini olingani haqidagi xabarini yetkazadi va
xondan yordam so‘raydi3. Ogahiyning ko‘rsatishicha, Qo‘qondan yordam so‘rab
kelgan elchilar shu yilning rajab oyigacha Xivada turganlar va rajab oyining 9 ida
Xiva xonidan ruxsat olib, Turkiya tarafiga jo‘naganlar. Xiva xonligi hududidan
chiqarib qo‘yish uchun bir qancha lashkar ularga hamroh qilib berilgan. Yo‘l harajati
uchun mablag‘ ham ajratilganini Q.Munirov ham ta'kidlaydi4. 1281/1864 jumodiy
.11. Каримов И.А. Хоразм — муқаддас замин / Тўпловчи ― К.Нуржонов. ― Хива: Хоразм, 1998. – 61 б.
.12. Ўзбекистон Республикаси Вазирлар Маҳкамасининг “Ўзбекистон Республикаси Фанлар академияси Тарих институти фаолиятини
такомиллаштириш тўғрисида”ги Қарори // Халқ сўзи. 1998,
16
as-soniy oyining 21 ida, yakshanba kuni (22 noyabr') Buxorodan Shohxo‘ja sudur
Xivaga kelgan. Bunga javoban Buxoro elchisi bilan qiyot Bobobiy amirlikka
yuboriladi. U 1865 22 aprel' u yangi elchi Yahyoxo‘ja sudur bilan Xivaga qaytgan5.
Ogahiy, 1282/1865–1866 yilgi vokealar jarayonini bayon qilishda Qo‘qonga elchi
bo‘lib ketgan Do‘st Niyoz mahram va uning boshiga tushgan voqealarni bayon qilib,
uni 1282 yili safar oyining 28 sida, shanba kuni Xivaga kelganini bayon qiladi.
Buxoroga elchi qilib yuborilgan yana bir elchi Avaz Niyoz mahram 7 oy Buxoroda
turib qoladi. Buning sababi elchi Buxoroga yetib borganda Amir Muzaffar
Samarqandda edi2. Amir qaytgach, Xiva elchisiga yurtiga qaytishga ruxsat beriladi
va 1283/1866 yilning rabi' as-soniy oyining o‘n ikkisida, payshanba kuni (25 avgust)
Buxoro elchisi Sultonxojai o‘roq bilan Xorazmga keladi. 1283/1866 yilning rajab
oyida Buxoro elchisi Sultonxo‘ja o‘roqqa Buxoroga qaytishga ruxsat beriladi va unga
Fozilxo‘ja shayx ul-islom qo‘shib yuboriladi. U 1283/1867 yili zu-l-qa'da oyining 19
ida (26 mart) Xivaga qaytib keldi3. Shundan so‘ng, 1284-1889/1867-1872 yillar
davomida Buxorodan Yahyoxo‘ja sudur, Sa'dullohxo‘ja, Ibodullohxo‘ja o‘roq,
Avliyoxo‘ja sudur, Xivadan esa Buxoroga Bobobiy, Muso mutavalli, Bobo inoq,
Rahmatilloh qorako‘z, Muhammad Niyoz devonbegi, Qutluq Muhammad dorug‘a,
Murtazo biy, Qubodxonxo‘ja va boshqalar elchi bo‘lib borib keladilar4. Yuqorida
keltirilgan ma'lumotlardan ko‘rinib turibdiki, Xorazmda Abulg‘oziy, Munis, Ogahiy
va Bayoniy tomonidan yozilgan tarixiy asarlarda, qaysi yili va qaysi kuni, kimlar
Buxoro, Qo‘qon xonliklaridan yoki Rossiya davlatidan va Xuroson viloyatidan elchi
tariqasida kelganliklari va ularga kimlarni qo‘shib elchi tariqasida u mamlakatlarga
yuborganligi batafsil yozib qoldirilgan. Diplomatik munosabatlar bilan bir qatorda
savdo–sotiq aloqalari ham kengayib bordi. Xususan, Rossiyadan Xivaga
keltirilayotgan mollar orasida temir, po‘lat, mis, alyuminiy kabi metallar va ulardan
yasalgan turli uskunalar asosiy o‘rinni egallagan. O‘z navbatida xonlikdan oz
bo‘lsa–da, paxta, jun, gilam, quritilgan meva va boshqa mahsulotlar jo‘natilgan.
XIX asr o‘rtalariga kelib O‘rta Osiyodan Rossiya bozorlariga har yili 4 mln. so‘mlik
mahsulotlar chiqarilgan va 3 mln. so‘mlik mahsulotlar xonlik bozorlariga keltirilgan.
Nijniy Novgorod, Kazan', Astraxan va Orenburg shaharlari Xiva, Buxoro, Qo‘qon
savdogarlari uchun juda serqatnov bo‘lib qoldi1. Xiva xonligining o‘rganilayotgan
davrda qoraqalpoqlar bilan olib borilgan munosabatlarini yoritish ham juda muhim
ahamiyatga ega. Ba'zi ma'lumotlarga qaraganda, 1742 yilda Peterburgdan
qoraqalpoq "sultoniga" qoraqalpoqlarni rus fuqaroligiga qabul qilish haqida yorliq
yuborildi. Ommaviy qasamyod qilindi. Lekin bu gal ruslarning harakatlari
muvaffaqiyat qozonmadi. Qoraqalpoqlar 1750 yilda jung‘orlar tomonidan tazyiq
ko‘rib, janubiy–g‘arb tomonga, Xiva xonligi chegaralari yaqiniga chekina
boshlaydilar. Sirdaryo bo‘ylaridagi qariyb 6 ming oila qoraqalpoqdan o‘n yil
davomida bironta ham qolmadi. Ularning Sirdaryo bo‘ylaridagi manzillarini
qozoqlar egallashdi. Qoraqalpoqlarning bir qancha oilalari Buxoro xonligi
17
hududiga, Zarafshon daryosi vodiysiga o‘tishdi. Ularning asosiy qismi g‘arbga ―
Amudaryoning sharqiy qismidagi Yangidaryo tomon ko‘chdi. Bu hudud XVIII–XIX
asrlarda Qoraqalpoq yerlari deb atalgan. 1846 yilda Sayyid Muhammadxon
hukmronligi boshlanishidan oldin qoraqalpoqlar Qo‘ng‘irotni markaz etib mustaqil
xonlik tashkil etgan va uning taxtiga Zarliqxon degan qozoq to‘rasini ko‘targan
edilar2. Bu vaqtda turkmanlar isyonini bostirgan xon Qo‘ng‘irot xonligini tugatish
choralarini ko‘ra boshladi. Biylarning sotqinligi natijasida Zarliqxonni Xivaga asir
sifatida jo‘natdilar va uni dorga tortdilar. Qo‘ng‘irotdagi qoldauli urug‘idan chiqqan
Ernazar Olako‘z (1806–1856) xalqning og‘irlashib borayotgan ahvolini ko‘rib, ularni
1855 yilning noyabrida Xiva xoniga qarshi kurashga da'vat etadi2. Bundan xabar
topgan xon Ernazarni Xivaga chaqirtiradi va kelgandan keyin dorga osishga
buyuradi. Ammo Ernazar qochib yurtiga kelgach, qozoq va qoraqalpoqlarni
boshqarib turgan 60 nafar biylarni to‘playdi. Yernazar Olako‘z atrofiga barcha
o‘zbek, turkman, qoraqalpoq, qozoqlar urug‘–qabilalari birlasha boshladilar.
To‘planganlarga mang‘it Sayipnazarbiy, qipchoq Aliushi Qutliboev, muyten
Qutlimurot, keneges Ernazar Qobil o‘g‘li boshchilik qilardi. Xiva xoni qo‘shinlari
qoraqalpoqlarning lashkarlariga Xo‘jayli yonida bo‘lgan jangda qattiq zarba
beradilar. Bola Ernazar bilan Soyipnazarning xon tarafga o‘tib ketishi natijasida
qo‘zg‘olonchilar chekinishga majbur bo‘ladi. Natijada Ernazar Olako‘z o‘z qo‘l
ostidagi 700 ta xo‘jaliqdagi odamlar bilan ketib, Qozoqdaryoning Orol dengiziga
quyadigan joyidagi baland tepa ustida atrofi xandaq bilan o‘ralgan istehkom
qurdiradi. Ernazar madad so‘rab, chor Rossiyasining Sirdaryo chegarasidagi qo‘shin
qo‘mondoni Ilekey Sulton va Ermuhammad Qosimovlarga xat bilan murojaat
qiladi3. 1856 yil 8 iyunda Mahmud Niyoz yasovulboshi istehkomni katta kuch bilan
qurshab oladi4. Shu o‘rtada qotillar yordamida qo‘zg‘olon yetakchisini o‘ldirish
fikri paydo bo‘ladi. Jeleke Cho‘nqi degan bir odamga biylik lavozimi va'da qilinadi
va u yashirin holda qo‘rg‘onga kirib, Ernazarni 1856 yil 12 iyun' kuni otadi5. Yarador
bo‘lgan botir o‘tovga kirib, shu yerda jon beradi. Xiva qo‘shinlari qo‘rg‘onga bostirib
kirgach, Ernazarning og‘asi Iskandar va katta o‘g‘li Xo‘ja Xivada dorga osiladi.
Sotqinlarga esa lavozimlar va sovg‘a– salomlar ulashiladi. Xiva xoni zulmiga qarshi
qoraqalpoqlar 8 oy davomida ko‘rsatgan qarshilikga barham berib, eski tartib qayta
tiklanadi1. 1856 yil iyulida Ko‘hna Urganch va Ismamut ota ziyoratgohi yaqinida
yashayotgan yovmutlar, Chimboydagi jamshid urug‘i vakillarining xon hukumatiga
qarshi qo‘zg‘olonlari avj olib ketdi. Yovmutlar harakatiga Otamurodxon,
jamshidlarga esa ― Mahtumqulibek boshchilik qilardi. Xon qo‘zg‘olonchilar ustiga
katta qo‘shin yuborish bilan bir qatorda isyonchilar yerlariga suv bermaslik uchun
arna va katta ariqlar ― yoplarning soqalari ko‘mib tashlandi. Ammo ushbu
zo‘ravonliklar aholining norozilik kayfiyatini pasaytira olmadi. 1858 yili
.13 Абд ал-Кадир ибн Мухаммад-Амин. Маджма’ ал-ансаб ва-л-ашджар. Введение, перевод с арабского-персидского и тюркского, текст,
факсимиле автографа, комментарии и указатели Ш.Х.Вохидова, А.М.Муминова, Б.Аминова. ― Алматы: Дайк-Пресс. 2005
18
Muhammad Panoh ismli arbob boshchiligida Qo‘ng‘irotda xalq qo‘zg‘oloni
boshlandi. Muarrih Ogahiyning ma'lumotlariga qaraganda2 Muhammad Panoh
o‘zbeklarning balg‘ali urug‘idan chiqqan Olloberdibekning o‘g‘li bo‘lib, Xiva
yaqinidagi Kattabog‘ qishlog‘ida yashardi. Uning tog‘asi ― To‘ramurod so‘fi 1810
yilda Xiva xoni qo‘shinlariga qarshi urushda halok bo‘lgandi. Taqdirning taqozosi
bilan yer–suvidan ajralgan Muhammad Panoh Qo‘ng‘irotga ketib, u yerning hokimi
Qutlug‘murodni o‘ldirdi va o‘zini hokim deb e'lon qildi3. 1859 yil martda
Muhammad Panoh yordam so‘rab, Orenburg gubernatoriga murojaat qiladi4.
Natijada Orol dengizi va Amudaryo del'tasini o‘rganayotgan kapitan A.I.Butakovga
qo‘ng‘irotliklarga madad berish vazifasi topshiriladi. “Perovsk” kemasi va 2 ta
barjada kelgan rus askarlari iyun oyida Qo‘ng‘irotni qamal qilib turgan xivaliklarning
10 ming kishilik qo‘shiniga zarba beradi. Ammo Muhammad Panohga bu kamlik
qilgandek, ruslardan butun Xiva xonligini bo‘ysundirib berishni talab qiladi1. O‘z
hukumatidan bunday ko‘rsatma olmaganligini aytgan ruslar Qo‘ng‘irotni tark
etadilar. Keyingi bosqichda Muhammad Panoh o‘zidan norozi bo‘lgan mulkdor
biylarning mol–mulkini tortib oldi, oqsoqollarni o‘ldirib, qizlarini yovmutlarga
berdi2. Mahalliy aholining madadidan ajralib qolgan va yovmutlarning cheksiz
zo‘ravonligiga imkon yaratib bergan qo‘zg‘olon boshlig‘iga qarshi suiqasd
uyushtiriladi va u 1859 yil avgustida o‘ldiriladi3. Qo‘zg‘olon ayovsizlik bilan
bostirilganligiga qaramay Sayyid Muhammadxon qoraqalpoqlar yerlarini boshqarish
tizimini isloh qilishga va ularning qisman erkinligini tan olishga majbur bo‘lgandi.
Ilgari biylar tomonidan boshqarilgan qoraqalpoq elatlari endi ulardan yuqoriroq
lavozimlar hisoblangan ― otaliq (Ernazar bola, Soribiy, Orazbiy, Momutbiy),
beglarbegi (Soyipnazarbiy) va og‘a biyga (Erejep qipchoq) bo‘ysundirildi. Og‘abiy
deyarlik yarim xon mavqeiga ega bo‘lib, uning ruxsatisiz biron bir amaldorning Xiva
xoniga murojaat qilishga huquqi yo‘q edi. O‘ng qirg‘oq qoraqalpoqlar yerlarida
ushbu boshqaruv tartibi 1873 yilgacha, so‘l qirg‘oq hududlarda esa ― 1919 yilgacha
saqlanib qoldi4. Qoraqalpoqlar qo‘zg‘oloni bostirilganidan so‘ng, Xiva xonligi
Qoraqalpoq yerlaridagi hokimiyatni mustahkamlashga kirishdi.Qo‘ng‘irot bekligida
bo‘lib o‘tgan qo‘zg‘olon tarixini o‘rganishga keyingi yillarda ham katta e'tibor
qaratildi. Jumladan, bu haqda akademik S.Kamalov5, dosent S.Saymanov1 kabi
qoraqalpoq tarixchilari olib borgan tadqiqotlari xalq harakatining ob'ektiv va
sub'ektiv sabablarini holisona tahlil qilish hamda yangi xulosalar chiqarishga imkon
berdi. Shu bilan bir qatorda, keksa avlod tarixchilari asarlarida biroz qarama–qarshi
fikrlar ham uchraydi. Xususan, professor O.Sodiqov Muhammad Panohning
ruslardan madad olish uchun Orenburg gubernatori Katelinga murojaat qilgani2 va
akademik M.Yo‘ldoshev qo‘zg‘olon boshlig‘i 1857 yilda rus polkovnigi N.I.Ignat'ev
bilan uchrashgan vaqtida barcha qo‘zg‘olonchilarni rus fuqarosi deb qarashni
so‘raganligi haqida yozadilar3. Ammo ushbu taxminlar biroz shubhaliroq tuyuladi.
|