təbiətlə görüşməkdən
vacib şey ola bilməz,
düz demirəm, hə?
O, Katyaya göz vurur və sürəti artırır.
Bir dəqiqə keçir, iki dəqiqə ötür və birdən...
budur o müdhiş, nəhs yer. Qabaqdan gələn
furqon ağ folksvageni ötərkən yolu ortadan
ayıran xəttin soluna keçir. Ford cəld sağa
döndərir. Katya qışqırır. Maşın yamaca düşüb
aşır və cevrilərək böyrü üstə ağaca çırpılır...
O bütün bunları görür: İlahi, gör neçənci
dəfədi görür, elə bil həmin anda o da onlarla
birlikdə olub. Görür ki, qızı oturacağa sıxılıb,
Alik onu qucaqlayıb oturacağa sıxıb. Beləliklə,
Alik onun qızını ölümdən qurtarmışdı; qızın
gözləri bərələ qalıb, qız Alikin qan içində
olan gicgahına baxır və qışqıra bilmir,
qorxudan heç ağzını da aça bilmir, qolları
isə ölü kimi Alikin maykasına ilişib; qız elə
hey baxır, baxır, Alikin gicgahından isə qan
axır, qırmızı qan; qızı nə Marinanın qışqırığını,
nə də "Təcili yardım"ın sirenasını eşidir...
Andrey siqaret kötüyünü küçəyə tulladı
və kötükdən çıxan ağ tüstü bir andaca yağış
suyunda yox oldu.
Yağış ikinci gün də yağdı, üçüncü gün də
tökdü. Hətta kəsəndə belə göy üzü yenə
tutulmuşdu, sanki yağış yenidən güc
toplayırdı.
‐ Kənddəki yağış şəhər yağışına bənzəmir,
‐ əri fikirli‐fikirli dilləndi. ‐Cansıxıcı deyil,
elə bil daha diridir...
‐ İlahi, görəsən, yağışın axırı olmayacaq?!
‐ arvadı ah çəkdi. Arvadı üçün yağış hər
zaman sadəcə yağış olub, adi su ‐ özüylə
soyuq və palçıq gətirən su! O, elə hər şeyə
bu cür yanaşır, hər şeyə! Hər gün belədir!
Artıq yeddi ildir! Yeddi ildir ki, bir yerdə
yaşayırlar. O, buna necə dözüb? Axı o, nəyə
ümid edir belə?
‐ Axı sən nəyə ümid edirsən?
Bir dəfə elə Alik də ona bu sualı vermişdi,
hələ heç Svetayla evlənməmişdi onda.
‐ Düşünürsən ki, Zoluşka şahzadə xanıma
dönə bilər? Sən romantiksən, sən gərək
müharibədən film yox, nağıl çəkəsən! Sən
dünyadakı bütün qadınları xoşbəxt eləmək
istəyirsən və başa düşmürsən ki, bəzən bir
nəfəri belə xoşbəxt eləmək üçün ömür çatmır.
Gücün çatan işdən yapış. Və eləsini də seç
ki, hər halda, onu xoşbəxt eləmək üçün sənə
mane olmasın...
Alik ona xəbərdarlıq eləmişdi, lakin özü
bundan sığortalana bilmədi, bir gün ona
zəng vurub yoğun səslə dedi:
‐ Lələ, mənə sənin antikvariatın lazımdı...
Antikvar saxta olsa da, əntiqəydi, qədim
boyunbağı kimi görünürdü. O, bu
boyunbağını ilk tammetrajlı filmindən xatirə
kimi saxlamışdı; bu filmdə müasirlik də,
müharibə də, Napoleonun Beryozindən geri
çəkilməsi səhnələri də vardı... Filmin süjeti
Napoleonun xəzinələri ətrafında qurulmuşdu,
onun ləl‐cəvahiratları arasında bu boyunbağı
da vardı...
‐ Maraqlıdı, de görüm şahzadə xanımlar
üçün nəzərdə tutulmuş daş‐qaşları taxa bilən
qadınları harda görübsən?
‐ Təsəvvür elə ki, Mərkəzi univermaqda.
O, mənim gözümün qarşısında əyilib vitrinə
baxanda dərhal düşündüm ki, ondan yaxşı
natura çıxar. Təsəvvür elə ki, qadın əyilib
özünə saat brasleti seçmək istəyirdi...
Alik peşəkar rəssam idi; bütün gözəl
qadınlar onun gözünə hər şeydən əvvəl
gələcək rəsmləri üçün natura kimi görünürdü.
‐ Yəqin, o qadını dilə tutmaq və natura
üçün razı salmaq səninçün çətin olmadı?
‐ Onun nişanlısı var, özü də pozada
duranda mütləq gərək nişanlısı yanında
olsun.
Andrey razılaşdıqları kimi emalatxanaya
bir qədər gec gəldi. Çox da hündür olmayan
kilkəbaş oğlan özünü kresloda taxtda oturan
kraliçalar sayağı əzib‐büzən lüt qızın qabağına
çalağan kimi atıb onu qarşıladı; lakin Andrey
qızın gözqamaşdırıcı ağ bədəninə baxmağa
macal tapdı, bir anlıq gözləri qızın üzündə
ləngidi; qızın təbii gözəlliyi əzəli qadın sirriylə
tamamlanırdı, hətta qırx yaşlı qadında olan
cazibə kimiydi.
Alik ondan boyunbağını aldı və öz
mənzilinin açarını dostuna uzadaraq göz
vurdu. Alikin mənzili onun emalatxanasıyla
eyni binada yerləşirdi.
Aylıq ədəbiyyat dərgisi
12
ULDUZ /
Dekabr 2015
‐ Evdə gözləyə bilərsən?
Andrey mənzilə getməmiş yaxınlıqdakı
qastronomdan iki şüşə şampan şərabı aldı,
apelsin, banan götürdü, sonra qayıdıb satıcıdan
xahiş elədi ki, bir dənə də araq versin...
İki aydan sonra Andrey Svetayla
aralarında ciddi münasibət yarandığını dilinə
gətirəndə Alik ondan soruşdu:
‐ Sən nəyə ümid edirsən?
‐ Axı sən özün onun portretini çəkəndə
onda şahzadəlik görürdün,‐ deyə Andrey
dalğın‐dalğın cavab verdi.
‐ Həmişə insanın yalnız özü real olur,
kölgəsi yox! Rəssamlar isə çox vaxt kölgəni
çəkirlər.
‐ Әgər incəsənət real həyatda görünən
əlçatmaz şeylərin ifadəsidirsə, onda belə
sənətin dəyəri nədir?..
Tutqun və rütubətli bir səhər idi; göyün
üzü qara buludlarla doluydu, sanki elə indicə
göy üzü buludların ağırlığına tab gətirə
bilməyəcək və onlar yerə töküləcəkdi. Bağdakı
otlar teyxa su içindəydi və ayaq basan kimi
yağış suları adamın ayaqlarına sıçrayırdı, elə
bil suyun içində yeriyirdin. Andrey çox çalışdı
ki, qızıyçün heç olmasa bir ovuc çiyələk
yığsın, mümkün olmadı ‐ əlinə gah çəhrayı‐
yaşıl, gah da çürümüş çiyələklər keçirdi.
Birdən qəflətən geri çəkildi: yaşıl yarpaqlar
arasında islanmış qaranquş balası gördü və
ətcəbala qara bapbalaca ürkək gözlərini
Andreyə dikdi.
‐ Sveta!
Andrey arvadını çağırdı və otluğun arasını
əliylə yoxladı. Və indi aydın gördü ki, iki
qaranquş ətcəbalanın başının üstündə
həyəcandan çığıra‐çığıra uçur. Yerə düşmüş
yuvalarından bir parça yarımdairəvi torpaq
qalağı qalmışdı, elə bil divara hörülmüş bir
neçə cərgə muncuq idi.
‐ Nə var? ‐ arvadı soruşdu.
‐ Bura bax.
Andrey yarpaqları araladı.
‐ Yazıq, ‐ deyə arvadı ətcəbalaya sarı əyilib
şəfqətlə dilləndi.
‐ Bəlkə, o, tək deyil? Adətən qaranquşlar
dörd‐beş bala çıxardır.
Başladılar axtarmağa, lakin heç nə
tapmadılar.
‐ Görünür, pişik yeyib. ‐ Arvadının səsində
təəssüf hissi duydu.
‐ Bizim pişik? ‐ kişi qeyri‐ixtiyari soruşdu.
Bu sualın heç yeri də deyildi.
‐ Get özündən soruş! ‐ arvadı zəhərli
cavab verdi. ‐ Gedim Katyanı çağırım.
‐ Amma o biri balalar barədə ona bir söz
demə.
Avtoqəzadan sonra ilk dəfəydi ki, Katya
gülürdü. Yox, bu, hətta gülüş də deyildi‐
qızın yalnız dodaqlarının qıraqları qaçdı,
gözləri isə gülmürdü! Onun baxışları
sevincdən təəccüb doğdu; bu, qəflətən və
yaxşı baş verdi. Balaca quşcuğaz qorx ‐
muşdu, üzülmüşdü və birdən‐birə adi
oyuncağa döndü. Lakin bircə dəqiqəlik,
çünki qız:
‐ O, burda yaşayır? ‐ deyə soruşdu.
Andrey arvadına çöndü və cavab
verməzdən qabaq bir qədər susdu.
‐ Yox, yuvasında.
‐ Bəs yuvası hardadı?
‐ Ordaydı, bax, damın qırağında. Amma
yerə düşüb, dağılıb.
‐ Dağılıb? Bəs indi o, harda yaşayacaq?
Yaşamaq! Onun üçün yaşamaq necə də
sadə bir şeydi!
‐ Bəlkə, onu açıq yerə gətirək, hə? ‐ arvadı
inamsız təklif etdi. ‐ Bəlkə, qaranquşlar onu
burda yemləyəcəklər?
Andrey başını buladı.
‐ Çətin. Sən yerdə qaranquş görmüsən
heç? Bəs pişikləri fikirləşmirsən? Elə bağdan
çıxan kimi onun başının üstünü alacaqlar.
‐ Gəl onu evə aparaq! ‐ Katya ucadan
təklif elədi.
‐ Bəs onu necə yedizdirəcəyik? Axı o, lap
körpədir.
‐ Birtəhər çəmin taparıq!
Çox keçmədi ki, arvadı ölü milçək gətirdi,
onu quşçuğazın dimdiyinə dürtdü, lakin
ətçəbala ölü milçəyi, deyəsən, möhkəmcə
sıxdı, vəssalam.
‐ Görürsən, səni öz anası kimi qəbul
eləmir, ‐ kişi istehzayla güldü.
Aylıq ədəbiyyat dərgisi
13
ULDUZ /
Dekabr 2015