339
XXX Fəsil
YER QABIĞININ DƏRİN QATLARININ ÖYRƏNİLMƏSİ VƏ
REGİONAL TEKTONİK RAYONLAŞMA ZAMANI
GEOFİZİKİ DƏLİLLƏRİN ARAŞDIRILMASI
Çökmə qatın metamorfik və maqmatik komplekslərdə birinci 5
km hüdudunda quruluşunu planda, eləcə də kəsilişdə bilavasitə geoloji
və (o cümlədən, quyu qazma ilə) kompleks geofiziki üsullarla
öyrənirlər.
Bir neçə on kilometr dərinlikdə fiziki proseslərin və maddənin
halı, tərkibi, quruluşu haqda həqiqi məlumatlar geofiziki
dəlillərdən, təhlilin dən irəli gəlir. Bundan başqa ksenolitləri
bilavasitə öyrəndikdə maddənin tərkibi, vəziyyəti haqda alınan
məlumatlar geofiziki dəlilləri nəzərə çarpacaq dərəcədə
tamamlayır. Ksenolit maqmatik süxurların daxilində başqa tərkibə
malik olan qırıntılara deyilir. Yer qabığında və üst mantiyada
gedən prosesləri və fiziki şəraiti düzgün dərk etmək üçün
eklogitlərin öyrənilməsi böyük əhəmiyyət kəsb edir. Ehtimal ki,
eklogitlər metamorfik süxurlara aiddir, bunlar böyük təzyiq və
temperaturlarda əmələ gəlirlər. Bundan başqa, mülahizələr də
mövcuddur, hansı ki, eklogitlərin maqmatik süxurlara aid
olmasını, yəni qabbronun abissal forması kimi baxılır. Yer
340
qabığının öyrənilməsi üçün qarşıya qoyulan geoloji məsələ və
problemlərin öyrənilməsi nəzərə çarpacaq dərəcədə geofiziki
materiallara əsaslanır və ondan çıxır.
Elmi-texniki inqilabın müvəffəqiyyətləri geofiziki üsulların
texniki və nəzəri mükəmməlləşdirilməsinə gətirib çıxarır, xüsusi
ilə böyük dərinliklərin öyrənilməsində alınan nəticələrdə özünü
göstərir. Cihazların həssaslığının artması yeni araşdırma
üsullarının yaranması və EHM-dən geniş istifadə olunması Yer
qabığının bir neçə on kilometrə qədər dəqiq öyrənilməsinin
əlverişli olduğunu göstərdi. Yer qabığı haqda ilkin məlumatlar
seysmologiyanın dəlillərindən alındı. Hal-hazırda Yer qabığının
və üst mantiyanın quruluşu haqda dəlilləri, düzgün məlumatları
partlayış seysmologiya üsulu ilə alırlar. Təbii elektromaqnit
sahənin qeydi və hesablanması imkanları maqnitotellurik
zondlama üsulunun əsaslarının üzərinə düşür, bu da süxurların
elektrik keçiriciliyini 100-200 km dərinlikdə öyrənməyə imkan
verir.
341
Anomal maqnit sahənin nəticələrinin təhlili maqnitə həssas süxur-
ların paylanmasını qiymətləndirməyə imkan verir, anomal
potensial sahənin materiallarının təhlili partlayış
seysmologiyasının dəlilləri ilə kompleksdə dərin parçalanma
zonalarını ayırmağa imkan verir. Termometriyanın nəticələrinin
təhlili maqnit kəşfiyyatının dəlilləri ilə birlikdə Yer qabığının
maddələrinin vəziyyətinin qiymətləndirilməsində və Kürü
nöqtəsinə uyğun səthlərin paylanmasının öyrənilməsində böyük
əhəmiyyət kəsb edir.
Yer qabığının və üst mantiyanın quruluşu və orada gedən
proseslər Yer qabığının üst hissəsinin quruluşuna müəyyən təsir
edir, burada faydalı qazıntıların əsas hissəsi cəmlənir.
Tədqiqatçılar geofiziki dəlilləri ümumiləşdirib təhlil edərək Yer
qabığında və üst mantiyada bir neçə on kilometr hüdudunda
cəmlənmiş maddələrin quruluşu, tərkibi və vəziyyəti haqda
geoloji-geofiziki təsəvvür əldə edirlər.
342
Axır vaxtlar maqmatik süxurların tərkibi və filiz qurşağında Yer
qabığının qalınlığı arasında sıx əlaqə olduğunu qeyd etmişlər.
Bunların yerləşməsi dərin regional parçalanmalarla müşayiət
olunur və geofizikanın dəlillərinə əsasən bir neçə on kilometr
dərinliyə qədər uzanmışdır.
Axır bir neçə on illikdə Yer qabığının və üst mantiyanın
öyrənilməsi prosesində əməli və nəzəri tədqiqatların nəticələri
geofizikaya sərbəst elm kimi baxmağa imkan verir.
§123.Yer qabığının və üst mantiyanın geofiziki üsulla
öyrənilməsi.
Yer qabığının öyrənilməsi iki böyük seysmik üsulla aparılır.
1)Nəzarət olunan, düz, əks olunan, refraksiya, sınan, uzununa və
eninə dalğalara əsaslanan üsullardan istifadə olunur.
2)Zəlzələlər zamanı yaranan səthi dalğalara əsaslanaraq istifadə
olunan üsullar. Səthi dalğalar Yer qabığının böyük hissəsində az
təfsilatlı parametrlərin qiyməti ilə təyin olunur. Böyük, güclü
343
partlayış, süni dalğalardan fərqli olaraq səthi dalğalar Yer
qabığının böyük hissələrində parametrlərin orta qiymətini az
təfsilatla təyin etməyə imkan verir, həqiqətdə isə səthi dalğaların
araşdırılması Yer qabığının quruluşu haqda sərbəst faktiki
məlumatlar verir.
Hər bir seysmik üsul özünəməxsus dalğaya əsaslanır, əks olunan,
sınan dalğalar öyrənilən mühitin qeyri bircinsliyi hesabına əmələ
gəlir. Əks olunan dalğalar üsulunda (ƏDÜ) kritik mühitə qədər və
kritik mühitdən sonrakı əks olunmanı qeyd edirlər, sınan dalğalar
üsulunda isə baş dalğaları qəbul edirlər. Mübadilə dalğa üsulunda
ya təkcə əks olunan dalğa, ya da təkcə keçən dalğa öyrənilir.
yüksək (5-100 hers) və alçaq (5-50 hers) tezlikli dalğaları
fərqlənirlər.
Seysmologiyada və partlayış seysmologiyasında zəlzələlərin
yaratdığı elastiki dalğalara baxılmaqla bərabər heç bir təhrif
olunmadan uzununa və eninə dalğaları, müxtəlif növ mübadilə,
keçən səthi dalğalarını qeyd edirlər.
344
§124.Yer qabığının öyrənilməsində seysmologiyanın
dəlillərindən istifadə olunması. İlk dəfə olaraq seysmologiya
Yer qabığının okeanın və kontinentin altında müxtəlif quruluşa
malik olması haqda məlumatı, Yer qabığının qalınlığı və Yer
qabığında yerləşən maddələrin fiziki parametrlərini
qiymətləndirməyə imkan verdi. Stasionar seysmik stansiyalarda
zəlzələləri sutkalıq müşahidə edirlər. Seysmoloji stansiyaların
şəbəkəsi bütün Yer kürəsini əhatə edir.
Zəlzələ mərkəzindən Yerin səthi boyunca həm uzununa, həm də
eninə dalğalar yayılaraq səthi dalğalar Reley (L
R
yaxud Q) və
Lyava (L
O
) seysmik stansiyalarında seysmoqraflar qoyulur və bu
torpağın şaquli və horizontal yerdəyişmələrini qeyd edir. Zəlzələ
mərkəzində yaranan uzununa sferik dalğa Yerin səthindən keçərək
aşağı dərin qatlara keçdikcə səthlərdən əks olunmağa başlayır.
Eyni bir sürətlə sərhəd boyu hərəkət edən uzununa və eninə
dalğalar toplanaraq dalğalar yaradır, buna Reley dalğaları deyilir.
Dostları ilə paylaş: |