89
91. Kazimir Malevich, "Suprematik kompozitsiya", 1916.
Ushbu kartina mashhur rus rassomi Kazimir Malevich tomonidan chizilgan bo'lib, rus
tasviriy san'atining eng qimmatbaho asari hisoblanadi. 1919-20-yillarda u Moskvada
ko'rgazmaga qo'yilgan. 1927-yilda kartina Varshavada,
keyinchalik Berlindagi
ko'rgazmalarda namoyish etiladi. Rassom 1927-yil iyun oyida SSSRga zudlik bilan
qaytayotganida kartinani nemis arxitektori Ugo Geringga saqlab turish uchun tashlab
ketadi. Umuman, ko'rgazmadan so'ng, Malevich Berlinda 100dan
ortiq asarlarini
qoldirib ketishga majbur bo'ladi. Keyinchalik kartina "degenerativ asar" sifatida
natsistlar tomonidan yo'q qilinmoqchi bo'lganida Gering
uni davlatdan olib chiqib
ketadi. 1958-yilda uning merosxo'rlari kartinani Amsterdamdagi "Stedelik" muzeyiga
120 ming guldenga sotib yuboradi. XX asr davomida asar bir necha bor turli
ko'rgazmalarda namoyish etiladi. Amsterdamdagi Malevich asarlari to'plami - sobiq
SSSRdan tashqaridagi eng kattasi hisoblanadi.
2003-2004-yillarda ushbu asar AQShda namoyish etilgach rassomning merosxo'rlari
Gering (va o'z navbatida muzey ham) uni tasarruf etish
huquqiga ega emasligini
ta'kidlaydi. 4 yillik suddan keyin tomonlar murosaga kelishadi - unga ko'ra muzey o'z
to'plamidan merosxo'rlarga beshta eng yaxshi kartinani qaytarib beradi. Sud ishlari
davom etadi hamda 17 yillik muhokamalardan so'ng kartina rassomning
merosxo'rlariga qaytariladi.
2008-yil 3-noyabrda Sotheby's auksionida kartina noma'lum mijozga 60.002.500
dollarga sotiladi. 2018-yil 16-mayda Christie's auksionida u yana sotuvga qo'yiladi va
85.812.500 dollarga sotilsdi. Bu gal ham xaridor noma'lum bo'lib qoladi.
90
92. Mark Shagal, "Shahar uzra", 1918.
"Shahar uzra" - Mark Shagalning eng mashhur kartinalaridan biri bo'lib, 1918-yilda
chizilgan. Unda rassom o'sha paytda o'z hayotida muhim bo'lgan
hamma narsani
tasvirlab bergan: o'zi, sevimli xotini Bella va Vitebsk. Kartinada shahar tepasida uchib
borayotgan baxtli sevishganlar tasvirlangan. Pastda Vitebskning ko'plab to'siqli
uylari.
Shagalning kartinalarida ko'pincha uchayotgan odamlar tasvirlanadi. Bunday holatda
"baxtdan parvoz qilish" metaforasining tom ma'nodagi misolini ko'rish mumkin.
Shagal dunyodagi eng yoqimli tuyg'uni tasvirlab bergan.
1914-yilda Shagall "Shahar uzra" kartinasini chizishni boshlaganda, Bella bilan 5
yildan beri tanish edi. Mark kambag'al yahudiy ishchining o'g'li edi,
Bella esa boy
zargarning farzandi. Shagal Parijga o'qish va nom qozonish uchun yo'l oladi. 1915-
yilda qaytib keladi va ular turmush qurishadi.
Dostları ilə paylaş: