Yönəldici
384
Yönəldici dəzgahlarda və ya ölçmə maşınla-
rında hərəkətli hissələr (stol, support və s.)
üçün dayaq rolunu oynayaraq, onların qovuş-
ma xətləri ilə təmasa girir və onların verilmiş
trayektoriya üzrə hərəkətini təmin edir (
şəkil 1
).
Yönəldicilər sürtünmə və ya sürüşmə prinsipi
ilə işləyirlər. Onlar dəqiq profilə malik olmalı,
titrəməyə və yeyilməyə qarşı yüksək davamlıq
göstərməlidirlər. Yönəldicilərin üzünömürlüyü
işçi səthlərin aşağı kələkötürlüyə və yüksək
bərkliyə malik olması, yağlama intensivliyi və
istismar müddətində düzgün qulluq edilməsi
ilə təmin edilir. Yönəldicilər adətən araboşlu-
ğunu daimi tənzimləyən mexanizmlərlə təchiz
olunurlar ki, bununla da yeyilməni kompen-
sasiya etmək olur.
Şəkil 1. Dəzgahda tətbiq olunan yönəldici
(alm. die Führung, ingl. Guideway)
Yönəldici arabacığı maşın və ya mexanizm
düyümü olub, üzərində bir neçə hissəni yönəl-
dici boyunca aparır. Metalkəsən dəzgahlarda
arabacıqlar supportun aşağı hissəsinə bərkidilir
və yönəldicilər boyunca hərəkət edir. Karusel
və yonma dəzgahlarında arabacıqlar eninə tirdə
yerləşir və ya konsol üzərində stolun hissəsi
olub, onun yönəldicilər boyunca hərəkətini tə-
min edir. Toxuma dəzgahlarında, yazı maşınla-
rında və velosipedlərdə də bu arabacıqların tət-
biqinə rast gəlinir.
Dəzgahlarda tətbiq olunan arabacıqların daxi-
lində xüsusi sürüşən diyircəkli sistem yerləş-
dirilir. Hərəkət zamanı yastıq kürəcikləri uy-
ğun daxili yuva üzrə diyirlənərək sürtünməni
azaldır və hərəkətin səlisliyini artırır (şəkil 1).
Şəkil 2. Yastıqlı arabacıq
(alm. die Führungswagen, ingl. G
uide carriage
)
Yönəldici mexanizmlər bir nöqtəsi çevrə üzrə
hərəkət etdikdə digər nöqtəsi düzxətt üzrə hə-
rəkət edən →mexanizmdir. Bu mexanizmlərin
işlənməsi Vatt tərəfindən gündəmə gətirilmiş-
dir. O, porşen qolunun düzxətli hərəkətini
çarxda bərkidilmiş, çevrə üzrə hərəkət edən
koromıselə ötürmək üçün belə bir mexanizm
üzərində düşünmüşdür. Yönəldici mexanizm-
lər →maşınqayırmanın sonrakı inkişaf dövrün-
də önəmli rol oynamışdırlar. Yönəldici mexa-
nizmlər dəqiq və təxmini olaraq iki növə bölü-
nürlər. Dəqiq mexanizmlər nəzəri cəhətdən də-
qiq düzxətli hərəkət icra etməlidirlər. Aşağı-
dakı dəqiq mexanizmlər mövcuddur: Qarp
antiparaleloqramı,
→
Poselye –Lipkin mexa-
nizmi, Brikar mexanizmi.
Şəkil 1. Çebışev mexanizmi
Yönəldici mexanizmlər
385
Təxmini mexanizmlərin bir nöqtəsi çevrə
üzrə döndükdə onun başqa bir nöqtəsi təxmini
düz xətt üzrə yerdəyişmə icra edir. Bu meyil-
lənmə o qədər azdır ki, praktikada çox vaxt
təxmini yönəldici mexanizmlərdən istifadə edi-
lir. Çünki, bu mexanizmlərin hazırlanması
asan başa gələndir.
Şəkil 1-də Çebışev mexanizmi göstərilmiş-
dir. Mexanizmin A nöqtəsi çevrə üzrə hərəkət
etdikdə, B nöqtəsi düzxətli hərəkəti icra edir.
Bunun üçün əsas şərt kimi qolların aşağıdakı
nisbəti vacibdir: OC=AC=64, OD=25, AD=11.
ACB bəndi düzdür və C nöqtəsində əyilmir. O
və D oynaqları tərpənməz yerləşirlər.
(alm. das Lenkgetriebe, ingl.
Guiding mechanismus)
Yuma maşın hissələrini yığmadan öncə metal
tozları, kiçik yonqar qırıqları, sürtmə ma-
teriallarının qalıqları, abraziv toz və bu kimi
qalıqlardan təmizlənməsi üçün tətbiq olunur.
Onların bu yolla hissənin deşiklərinə və ya
kanallarına düşməsinin və maşınların istismarı
zamanı hissələrin vaxtından əvvəl yeyilməsi-
nin qarşısı alınır. Maşın hissələrinin yuyulma-
sı çox əməktutumlu prosesdir və hazırlamaya
sərf olunan vaxtın 10%-ni təşkil edir.
Yumaq üçün əsasən aşağıdakı üsullardan isti-
fadə olunur:
Kimyəvi (hissəni mayedə batırma və üzvi
məhlulların köməyi ilə şırnaqla yuma),
Elektrokimyəvi (elektrolitdə sakit halda və
ya məcburi həyacanlandırma ilə),
Ültrasəs.
Maşın hissələrinin səthində olan rəng və
antikorroziya yağlarının qalıqlarının və digər
bərk çirklər mexaniki olaraq əllə fırçanın kö-
məyi ilə kənarlaşdırılır, yuyulur və sonda
sıxılmış hava ilə təmizlənir. Dəqiq birləş-
mələrin yığılmasında hissələrin yuyulması hər
düyümün yığılmasından öncə aparılır. Bununla
bərabər bu hissələrin və yığılmış düyümlərin
xüsusi yuma yerlərinə aparılması çətindir.
Buna görə də, bir çox zavodlarda bu və ya
digər düyümlərin yuyulması üçün nəzərdə
tutulmuş yuma dolabları yığma sahəsinə yaxın
yerləşdirilir. Belə bir dolab şəkil 1-də
göstərilmişdir. Mexaniki açılıb-örtülən qapağa
(1) malik bu dolab iki yönəldiciyə (2) malikdir.
Bu yönəldicilərə yığma düyümünə sazlana
bilən kassetlər yerləşdirilir. Kassetlər uyğun
ucluqlara və kanallara malikdirlər. Yuyulan
yığma vahidi kassetdə oturdulub dolaba daxil
edilir. Yuma maşını işə düşdükdə dolaba yuyu-
cu məhlul daxil olur.
Şəkil 1. Universal yuma dolabı
Seriyalı və kütləvi istehsalda düyümlər işçi
personalın iştirakı olmadan xüsusi yuma ma-
şınlarında (birkameralı, ikikameralı və üç-
kameralı) yuyulur. Kütləvi istehsalda böyük
sayda istehsal olunan eyni tipli yığım düyüm-
lərinin yuyulması üçün mexanikləşdirilmiş yu-
ma maşınlarından istifadə edilir. Şəkil 2-də
diyirlənmə yastıqların yuyulması üçün maşın
təsvir edilmişdir. Yastıqlar ağızlığa (1) dol-
durulur və oradan zəncir üzərində bərkidilmiş
tutucu barmaqlarla (2) götürülür. Zəncir üzə-
rində hərəkət edən yastıqlar cərgə ilə düzülmüş
ucluqların (3) altından keçdikdə onlar maye
şırnağı ilə yuyulur. Təzyiq altında verilən məh-
lul yastığın xarici üzüyünü gah bir, gah da o
biri tətəfə fırladır. Yuyulmuş yastıqlar yeşiyə
(4) atılır. İstifadə edilmiş maye aşağıdan çənə
(5) axaraq süzgəcdən keçir və yenidən dövriy-
yəyə daxil edilir.
Yuma prosesini aşağıdakı mərhələlər şək-
lində təsvir etmək olar: mayenin mexaniki tə-
siri, islatma, temperatur təsiri, hopma və yuma.
Yuma məhlulunun tərkibi təmizləmədə böyük
rol oynayır. Onlar çirk qatını yumşaldaraq onu
əriyən elementə çevirməli, səthi kifayət qədər
islatmalı, məhlulun səthə yenidən çökməsinə
imkan verməməlidir.