I qt I sod I y o t fakult e t I
OLIY TA’LIMDA XALQAROLASHUV –
Yüklə 1,82 Mb. Pdf görüntüsü
|
| OLIY TA’LIMDA XALQAROLASHUV –
YANGI ISH O‘RINLARIDIR Oliy ta’lim tizimining jozibadorligi xalqarolashuv darajasi bilan isbot qilinadi. So‘nggi 41 yil ichida dunyoda xalqaro talabalar soni 8,3 barobar oshdi va ular soni qariyb 5 million kishiga yetdi. YuNESKO bashoratiga ko‘ra, 2025 -yilga borib xorijlik talabalar soni 7 millionga yetadi. 2017- yilda eng ko‘p xorijiy talabalar soni AQShda qayd etildi; AQSh universitetlarida milliondan ortiq chet ellik talabalar tahsil oladi va bu ko‘rsatkich jahon bo‘yicha xorijiy talabalar umumiy sonining 24 foizini tashkil etadi. Bu ko‘rsatkich Buyuk Britaniyada 11 foizni, Xitoyda 10 foizni tashkil etadi. Qozog‘istonda 15 yil davomida chet ellik talabalar soni 1,7 marta ko‘paydi. Chet ellik talabalarning ko‘pchiligi tibbiyot ixtisosligi bo‘yicha, shuningdek, hukumatlararo bitimlar asosida o‘qitiladi. Xalqarolashuvning sababi global miqyosda iste’dodlar uchun kurash bilan belgilanadi. Yaqin kelajakda dushman davlatini harbiy va jismoniy jihatdan yo‘q qilish g‘oyasi o‘z ma’nosini yo‘qotishi haqida ekspertlar fikri mavjud. Raqibni mag‘lub qilish uchun uning iqtidorli vakillarini o‘z tomoningizga o‘tkazib olishning o‘zi uni himoyasiz va xavfsiz qiladi. Ehtimol, shuning uchun ham dunyoning rivojlangan mamlakatlarining ko‘pchiligi imkon qadar chet ellik talabalarni jalb qilishni maqsad qilgan. Chet ellik talabalarni jalb qilish bo‘yicha aniq strategiyamiz bormi? Chet ellik talabalar uchun yangilangan va zamonaviy o‘quv dasturlarini ishlab chiqaryapmizmi? Talab qilinadigan jihozlar, professional o‘qituvchilar va chet ellik professor- o‘qituvchilarimiz bormi? Qozog‘iston Markaziy Osiyodagi ta’lim markaziga aylanish niyatida ambitsiyali rejalarga ega mamlakat bo‘lib, ta’lim vazirligi o‘z maqsadlariga erishish uchun ulkan sa’y -harakatlarni amalga oshirmoqda. Biz-chi, chet ellik talabalar uchun yaqin kelajakda mashhur joyga aylana olamizmi? O‘zbekiston oliy va o‘rta maxsus ta’lim vazirligi veb -saytining tahlil va statistik bo‘limini o‘rganib chiqdim, ammo O‘zbekistonda xorijlik talabalar sonining ko‘lami haqida ma’lumot topa olmadim. Qizig‘i shundaki, ingliz tilidagi veb- sahifada ma’lumot o‘zbek tilida taqdim qilingan. Agar vazirlikning veb-saytida ingliz tilida kerakli axborot bo‘lmasa, u qanday qilib ular xalqaro jarayonni kuchaytira oladi? |