1905
“Difai” (“Müdafiə”) partiyasının yaradılması. Partiya Ə.Ağayevin rəhbərliyi ilə, azərbaycanlılara qarşı
törədilən milli qırğınların qarşısını almaq məqsədilə yaradılmışdı. Partiyanın mərkəzi komitəsi Gəncə
şəhərində yerləşirdi. Bundan başqa Şuşada, Ağdamda, Naxçıvanda, Qarsda və Vladiqafqazda partiyanın
şöbələri yaradılmışdı. Partiyanın 1906-cı ilin oktyabrında “İrşad” qəzetində dərc olunmuş proqramında
qeyd edilirdi ki, torpaq onu əkib-becərənlərə, zəhmətkeş kəndlilərə verilməlidir
1905
M.H.Rüşdiyyənin “Vətən dili” dərsliyinin çap olunması
1905-1913
H.Mollazadənin “Zübdətül–təvarix” (“Tarixlərin ən yaxşısı”) əsərini yazması
1906 yanvar
Peterburqda Ümumrusiya müsəlmanlarının II qurultayının keçirilməsi.
Q
urultayda “Müsəlman ittifqı”nın
nizamnaməsi və proqramı müzakirə edilərək bəyənildi. “Müsəlman ittifqı”nın proqramında qarşıya iki
mühüm vəzifə - Ümumrusiya türklərini birləşdirmək və müstəmləkəçi çar imperiyasına qarşı vahid
cəbhədə mübarizə aparmaq ideyaları irəli sürüldü
1906
Qalakənd zavodunun istehsalı dayandırması
1906 23 fevral
Bakı Fəhlə Deputatları Sovetinin fəaliyyətini dayandırması
1906 7 aprel
“Molla Nəsrəddin” jurnalının nəşr olunması. Jurnal 1917-ci ilədək Tiflisdə, sonralar isə Təbrizdə və Bakıda
nəşr olundu
1906 aprel
I Dumanın bir qurup deputatı tərəfindən Vıborq bəyannaməsinin qəbul edilməsi
1906 may
İrəvanda və onun Məngüş, Güllücə, Kamal və Uşu kəndlərində ermənilərin milli qırğınlar törətməsi
1906 31 may - 7 iyul
I Dövlət Dumasının fəaliyyət göstərməsi. I Dövlət Dumasına Azərbaycandan
Əlimərdan bəy Topçubaşov,
İsmayıl xan Ziyadxanlı, Məmmədtağı Əliyev, Əsədulla bəy Muradxanov və Əbdürrəhim bəy Haqverdiyev
deputat seçilmişdir. Dumada Rusiya müsəlmanlarından seçilən deputatlar Ə.M.Topçubaşovun rəhbərliyi ilə
Müsəlman fraksiyasında birləşdi. Fraksiyanın 7 nəfərdən ibarət bürosunun tərkibinə M.Ə. Topçubaşov və
İ.Ziyadxanlı da daxil edildi
1906 avqust
Nijni-Novqorodda III Ümumrusiya müsəlmanlarının qurultayının keçirilməsi. Qurultayıda “Müsəlman
ittifaqı”na rəhbərlik etmək üçün daimi yeri Bakı olan Mərkəzi Komitə yaradıldı, türklər yaşayan
bölgələrdə yeni tipli məktəblərin yaradılması, ibtidai icbari təhsilə keçirilməsi və təhsilin ana dilində
aparılması, rus dilində təhsil alan müsəlman gənclərə ana dili və şəriət təliminin verilməsi, mədrəsələrin
yenidən təşkili, milli kadrlar hazırlamaq üçün Bakıda, Kazanda və Baxçasarayda pedaqoji institutların
açılması qeyd edildi
1906 iyun
Sultan bəy və İbrahim bəy tərəfindən Andronikin başçılığı ilə ermənilərin Qarabağa qırğın törətməsinin
qarşısının alınması
1906 oktyabr
“İrşad” qəzetində “Difai” (Müdafiə) Partiyasının proqramının dərc olunması
1906
“Nəşri maarif” və “Nicat” cəmiyyətlərinin yaradılması
1906
Ləki çiyid yağı zavodu əsasında “Qafqaz yağ zavodu” səhmdar cəmiyyətinin təsis edilməsi
1906 avqust
Azərbaycan müəllimlərinin I qurultayının keçirilməsi. Azərbaycan müəllimlərinin I qurultayında yeni tipli
məktəblərin yaradılması, icbari ibtidai təhsilə keçilməsi və təhsilin ana dilində aparılması haqqında
təkliflər qəbul edildi
1906 sonu-1907 əvvəlləri
II Dövlət Dumasına seçkilər keçirilməsi. II Dövlət Dumasına Azərbaycandan
Fətəli xan Xoyski, Məmmədtağı
Şaxtantiski, Xəlil bəy Xasməmmədov, İsmayıl Tağıyev, Mustafa Mahmudov və Zeynal Zeynalov
deputat
seçildilər. Lakin onlardan II Dumaya deputat seçilən H.Z.Tağıyevin oğlu İsmayıl Tağıyev Dumaya getmədi
1907 20 fevral
II Dövlət Dumasının ilk iclasına başlaması. Dumaya seçilmiş müsəlman deputatlar yenə də öz fraksiyasını
yaratdılar. Müsəlman fraksiyasının Bürosuna azərbaycanlı deputatlardan F.Xoyski və X.Xasməmmədov
daxil edildi. İ.Ziyadxanlı II Dumada çıxış edərək müstəmləkəçilərin xalqımızın başına gətirdiyi müsibətləri
çoxsaylı və tutarlı dəlillərlə ifşa etdi. Hər iki Dumada Müsəlman fraksiyasının proqramı hazırlandı. II
Dümadakı proqramı təcrübəli hüquqşünas Ə. Tobçubaşov hazırlamışdı. Müsəlman fraksiyasının proqramında
türk xalqlarının bütün sosial-iqtisadi, siyasi və mədəni problemləri öz əksini tapmışdı
1907 3 iyun
II Dövlət Dumasının buraxılması. II Dumanın buraxılmasının səbəbi onun tərkibinin mütləqiyyəti qane
etməməsi idi. II Dumanın buraxıldığı gündə III Dumaya seçkilər keçirilməsi haqqında qanun qəbul edildi.
Yeni seçki qanunu son dərəcə mürtəce və müstəmləkəçi səciyyə daşıyırdı. III Dumaya seçkilər keçirilən
zaman Qafqaz, Mərkəzi Asiya və Sibir xalqları siyasi cəhətdən qeyri- yetkin xalqlar hesab edildiyi üçün
seçki hüququndan mərhum edildilər. Cənubi Qafqaz müsəlmanlarından III Dumaya yalnız
Xəlil bəy
Xasməmmədov
seçildi
1907 may
“Müdafiə” təşkilatının yaradılması. Partiyanın rəhbəri İsmayıl xan Ziyadxanlı olmuşdur. Təşkilatın ətrafında
əhalinin imtiyazlı təbəqələri olan bəylər, mülkədarlar və ziyalılar birləşmişdilər. Təşkilatın fəaliyyəti ölkənin
qərb bölgələrini və Tiflis quberniyasının azərbaycanlılar yaşayan ərazilərini əhatə edirdi
1907
“İttifaq” təşkilatının yaradılması. Qurucuları Şərifzadə və Cuvarlinski olan partiyanın yaradılmasında məqsəd
müəslmanları erməni –rus silahlı birləşmələrinin soyqırımından qorumaq idi
1907
Rusiyada yeddi mis zavodunun ittifaqı olan - “Mis” sindikatının yaradılması
1907
Ağdaş, Qazax qəzasının Salahlı kəndində, Ağdamda, Balaxanıda, Qaryagin qəzasının Qarğabazar kəndində,
Şuşa və Şamaxıda qız məktəbləri açılması
1907-1911
“Arı” və “Bəhlul” jurnallarının nəşr olunması
1908 12 yanvar
Ü.Hacıbəyovun “Leyli və Məcnun” operasının ilk dəfə tamaşaya qoyulması
1908
M.H.Hacınskinin Bakı şəhər İdarəsində tikinti şöbəsinə rəhbərlik etməsi
1908
M.Ə.Rəsulzadənin İrana, sonra da İstanbula getməyə məcbur olması