229
Siz Üzeyir bəyin ocağına xoş gəlmisiniz. Biz bu gün
doğrudan da xoşbəxtik, ona görə ki, bu gün bizim üçün əziz bir
gündür. 1995-ci ildə ulu öndər Heydər Əliyev xüsusi fərman
imzalayıb – 18 sentyabr həmişə Üzeyir musiqi günü kimi, bütün
Azərbaycanda qeyd edilir.
O ki qaldı bu binaya, bura bizim evimizdir. Təsəvvür edin,
hamımız, burada oturanlar 5 yaşından bu binaya gəlirik, çünki
Bülbül adına məktəb vaxtilə burada yerləşirdi. Ona görə bura
bizim üçün çox əzizdir.
Üzeyir bəyin ocağı yaşayır. İndi bu ocaqda Azərbaycanın ən
görkəmli bəstəkarları, ifaçıları toplaşıblar, Siz onların hamısını
tanıyırsınız. Onlar prezident təqaüdçüləridir. Bizdə 20 nəfər
prezident təqaüdçüsü var. Mən bilmirəm, hansı təhsil ocağında
bu qədər prezident təqaüdçüsü var? Müəllimlərimiz can-başla
işləyirlər, son on ildə beynəlxalq müsabiqələrdə 1-ci, 2-ci, 3-cü
yerləri tutan, laureat, diplomant adına layiq görülən neçə-neçə
tələbəmiz olmuşdur.
Mən adları çəkmək istəmirəm, amma, cənab Prezident, çox
istərdim ki, Sizin sərəncamınızı yerinə yetirən ən yüksək
vəzifəli şəxslərdən tutmuş, fəhlələrə qədər hamıya ürəkdən
minnətdarlığımı bildirəm. Çünki onlar qışın soyuğunda, yayın
istisində gecə-gündüz işləyiblər, çalışıblar ki, məhz 18
sentyabra qədər işi qurtarsınlar. Biz çox xoşbəxtik ki, buna nail
ola bildik.
Mən sadəcə onu demək istəyirəm ki, xoşbəxtik ki, Sizin
yanınızda, Sizinlə çiyin-çiyinə Mehriban xanım var. Musiqi-
mizin təbliği sahəsində Mehriban xanımın xüsusi xidmətləri
var. Dünən onun son layihələrinin – möhtəşəm «Üzeyir dün-
yası» və «Muğam ensiklopediyası» layihələrinin təqdimatı oldu.
Uşaqların və gənclərin simfonik orkestri Parisdə, YUNESKO-
da çıxış etdi. Biz hamımız o məşhur konsertə baxırdıq.
Ulu öndərimizin «Mən fəxr edirəm ki, azərbaycanlıyam»
sözləri hamımızın yadındadır. Bu konserti izləyərkən
avropalıların bizim uşaqlarımızı ayaqüstə alqışladıqlarını görən-
də, biz həqiqətən də çox xoşbəxt idik. Ona görə də Mehriban
230
xanım, bu layihələrə görə sizə xüsusi təşəkkürümü bildirmək
istəyirəm. YUNESKO və İSESKO-nun Xoşməramlı səfiri kimi,
Azərbaycan Mədəniyyətinin Dostları Fondunun, Heydər Əliyev
Fondunun prezidenti kimi, siz böyük işlər görmüsünüz. Bu
ancaq musiqiyə aiddir. Mən hələ təhsili demirəm, o qədər
məktəblər tikilir, o qədər kompyuterlər alınır. Yəni indi
şagirdlər, tələbələr üçün, müəllimlər üçün hər cür şərait var.
Cənab Prezident, həmişə Siz gələsiniz. Ulu öndərimiz bu
binaya bir neçə dəfə gəlmişdi. Məhz Heydər Əliyevin sayəsində
Rostropoviç yenidən Bakıya gəldi, burada müntəzəm ustad
dərsləri keçdi.
Mən Sizi ürəkdən salamlayıb yenə deyirəm: Üzeyir bəyin
ocağına xoş gəlmisiniz!
Çox sağ olun.
* * *
Sonda akademiya tələbələrinin, Bülbül adına orta ixtisas
musiqi məktəbi şagirdlərinin və italiyalı qonaq Cüzeppe
Talemoenin ifasında Azərbaycan və dünya bəstəkarlarının
əsərləri səsləndi.
Prezident İlham Əliyev təhsil ocağının kollektivinə bir daha
uğurlar arzuladı.
ABŞ DÖVLƏT KATİBİNİN AVRASİYA
MƏSƏLƏLƏRİ ÜZRƏ MÜŞAVİRİ, ATƏT-in
MİNSK QRUPUNUN AMERİKALI HƏMSƏDRİ
MƏTYU BRAYZƏ İLƏ GÖRÜŞ
231
Prezident sarayı
18 sentyabr 2008-ci il
Azərbaycan Respublikasının Prezidenti İlham Əliyev
sentyabrın 18-də ABŞ Dövlət katibinin Avrasiya məsələləri üzrə
müşaviri, ATƏT-in Minsk qrupunun amerikalı həmsədri Mətyu
Brayzəni qəbul etmişdir.
Görüşdə Azərbaycanla ABŞ arasında ikitərəfli münasi-
bətlərin inkişafından məmnunluq ifadə olundu, əlaqələrin
hazırkı vəziyyəti və perspektivləri, regionda vəziyyət və qarşılıq-
lı maraq doğuran digər məsələlər ətrafında fikir mübadiləsi
aparıldı.
232
PROFESSOR MURTUZ ƏLƏSGƏROVA
Hörmətli Murtuz Ələsgərov!
Sizi – Azərbaycanda hüquq elminin inkişafında mühüm
xidmətləri olan alim və tanınmış ictimai-siyasi xadimi 80 illik
yubileyiniz münasibətilə səmimi-qəlbdən təbrik edirəm, Sizə
möhkəm cansağlığı və xoşbəxtlik arzulayıram. Siz ölkəmizdə
hüquq elmləri sahəsində qiymətli araşdırmaları ilə nüfuz
qazanmış alimlərimizdənsiniz. Uzun illər ərzində Bakı Dövlət
Universitetinin professoru və rektoru kimi göstərdiyiniz
fəaliyyət səmərəli olmuşdur. Bu gün Azərbaycanın inkişafı və
daha da çiçəklənməsi naminə çalışan yetirmələrinizlə Siz haqlı
olaraq fəxr edə bilərsiniz.
Sizin Azərbaycan Respublikası Milli Məclisinin sədri
seçilməyiniz suveren dövlətçiliyimizin hüquqi bazasının möh-
kəm təməllər üzərində qurulması ilə bir vaxta düşür. Ölkəmizdə
parlament ənənələrinin formalaşmasında Siz böyük xidmətlər
göstərmiş və hüquqi dövlət quruculuğu işinə layiqli töhfələr
vermisiniz. Müstəqil Azərbaycan Respublikasının ali mükafatı
– «İstiqlal» ordeni ilə təltif edilməyiniz Vətən qarşısında
xidmətlərinizin təsdiqidir.
Ümidvaram ki, Siz bundan sonra da özünüzə xas olan
müdrikliklə respublikamızda hüquq elminin, təhsilin və
parlamentarizmin inkişafı naminə səy və bacarığınızı sərf
edəcəksiniz.
Hörmətlə,
İLHAM ƏLİYEV
Azərbaycan Respublikasının Prezidenti
Bakı, 19 sentyabr 2008-ci il
Dostları ilə paylaş: |