İqtisadiyyat dəqiq , ictimai və humanitar elmlər sistemində.
İqtisadiyyat elm və
fəaliyyət növü kimi.
(Iqtisadiyyat nədir?)
İnsanlar yaşamaq üçün qida qəbil etməlidir. İctimai varlıq olduğundan insana
qidalanma ilə yanaşı mənzilə, geyimə , ev ləvazimatlarına və s. ehtiyacı vardır.
Cəmiyyətin inkişafı ilə əlaqədar insanların tələbatə daim dəyişir, müxtəlifləşir və
eyni zamanda mürəkkəbləşir. İnsanlar maddi tələbatlarla yanaşı mənəvi tələbatlara,
müxtəlif xidmətlərə daha cox ehtiyac hiss edirlər. İnsanlara lazım olan maddi və
mənəvi nemətlər müxtəlif sahələrdə (sənayə , kənd təsərrüfat, tikinti və s.) istehsal
olunur. Bu sahələrin məcmusu iqtisadiyyat adlanır. İqtisadiyyatın əsas vəzifəsi
cəmiyyət üzvləri üçün zəruri olan maddi nemətlər istehsal etmək və xidmətlər
göstərməkdir.
İqtisadiyyat hər bir cəmiyyətin əsasını,onun “onurğa sütununu” təşkil edir. O,
cəmiyyətin inkişafının əsas şərtidir.Belə ki, cəmiyətin inkişaf etdikdə insanların
tələbatı artır və müxtəlif tələbatlar meydana gəlir. Bütün bunları ödəmək üçün
iqtisadiyyat daim inkişaf etməlidir. İnkişaf edən iqtisadiyyat yeni-yeni tələbatların
meydana gəlməsinə səbəb olur. Bu səbəb-nəticə əlaqəsi daimidir və o, cəmiyyətin
aşağı pillədan yuxarı pilləyə doğru inkişaf etdirir. Geniş mənada iqtisadiyyat bütün
iqtisadi bilik sahələrinin, eləcə də iqtisadi nəzəriyyənin öyrəndiyi, araşdırdığı
obyektdir. Elm tarixində ilk dəfə iqtisadiyyat sözünü, anlayışını qədim yunan
alimləri işlətmişlər. O, Ksenofontun (e.ə-430-355) «Ev təsərrüfatı» və ya «Ev
iqtisadiyyatı» deyilən əsərinin adından götürülmüş, sonra Aristotel (384-322)
tərəfindən geniş şərh edilmişdir. Yunan sözü olan «Oykonomiya» iki sözdən-
«oykos» (ev, tə-sərrüfat) və «nomos» (qayda, qanun) söz birləşmələrindən
yaranmışdır. Bu mənada «Ekonomika» antik dövrün qul əməyinə əsaslanan ailə
təsərrüfatının, ən çox natural təsərrüfat münasibətlərini ifadə edirdi.
Təsərrüfat və onun idarəedilmə qanunları mənasını daşıyan bu anlayış sonralar
mürəkkəb və geniş bir fəaliyyət dairəsini, bütövlükdə iqtisadiyyat mənasını
ifadə etməyə başlamışdır. Hazırda dünyanın əksər ölkələrində, müxtəlif dillərdə
«Ekonomiks» geniş anlamlı bir kateqoriya kimi işlədilməkdədir. Bizim və bir çox
islam ölkələri xalqlarının dilində «ekonomika» ərəb dilindən alınmış
«iqtisadiyyat», «iqtisad» kimi sözlərlə ifadə olunur. Lüğəti mənası da elə
«ekonomika» anlayışının bildirdiyi mənaya uyğundur.
İqtisadiyyatı öyrənmə, dərketmə və idarəetmə baxımından yanaşdıqda o,
makroiqtisadiyyat,
mikroiqtisadiyyat,
mezoiqtisadiyyat,
meqoiqtisadiyyat
sahələrinə bölünür.
Mikroiqtisadiyyat - istehsalın və xidmətin müəssisə, firma səviyyəsində
araşdırılması, təşkili və idarəedilməsi deməkdir. İqtisadiyyatın özəyini təşkil edən
müəssisədə, firmada, şirkət və s. özəklərdə istehsalın və xidmətin daha səmərəli
qurulması modelləri seçilir, az xərclə daha çox və daha keyfiyyətli məhsul
buraxılmasına çalışılır. Bu dairədə istehsal xərcləri, mənfəət, qiymət, əmək
haqqı,tələb-təklif kimi iqtisadi amillərdən daha konkret şəkildə istifadə olunur və
idarəetmədə daha çevik formalar seçilir.
Makroiqtisadiyyat - bu, hər bir ölkənin və regionun iqtisadiyyatının bütövlükdə
öyrənilməsi, araşdırılması və təhlili deməkdir. Makroiqtisadiyyat səviyyəsində
cəmiyyətin, ölkənin, milli iqtisadiyyatın ən başlıca iqtisadi problemləri dayanır.
Burada ictimai məhsulun məcmu kəmiyyəti, milli gəlirin kəmiyyəti, onların artımı,
bölgüsü, sosial tələbatların təmin olunmaq səviyyəsi və s. kimi problemlərin
öyrənilməsi və həlli yolları araşdırılır.
Mezoiqtisadiyyat - makroiqtisadiyyatın yarımsistemidir; bir-biri ilə üzvi bağlı
sahələr kompleksidir. Məs., aqrar-sənaye kompleksi, aqrar-biznes, hərbi-sənaye
kompleksi. Bunların maddi əsaslarını əmək bölgüsü və kooperativləşmə təşkil edir.
Aqrar-sənaye kompleksində kənd təsərrüfatı ilə emal sənaye sahələrinin, bəzi
istehsal vasitələri istehsal edən sənaye sahələrinin üzvi əlaqəliliyi əsas götürülür.
Hərbi-sənaye kompleksində hərbi və mülki istehsal sahələrinin qarşılıqlı əlaqəsi
ifadə olunur.
Meqaiqtisadiyyat - bu anlayış altında bütövlükdə dünya təsərrüfatı, başqa sözlə,
beynəlxalq miqyasda iqtisadiyyat başa düşülür.
Dostları ilə paylaş: |