54
toxun muşdur. Ölçüsü 302x230-dur. Xalça sənətinin ikinci inkişaf dövrünü təşkil edən
və mürəkkəb dolama üsulu ilə toxunan vərnilər əksər hallarda maldarlıqla məşğul
olan köçmə həyat tərzi keçirən əhali tərəfindən toxunmuşdur. Digər xalçalardan fərqli
olaraq vərnilərdə başlıca olaraq şərtiləşmiş heyvan təsvirlərinə daha çox təsadüf edilir.
Azərbaycanın dağlıq rayonlarında yaylaq-qışlaq həyat tərzi keçirən əhaliyə məxsus
vərni toxunuşlu dəvə, at çulu, məfrəş, xurcun, pərdə, yüküzü kimi məişət əşyalarına
tez-tez təsadüf edilir. Vərnilər ən çox Qazaxda, Qarabağda, Qaradağda (Cənubi
Azərbaycan) və İrəvanın bir çox mahallarında istifadə olunmuşdur. Kərpiciyə çalan
qırmızı yerlikli bu vərninin əsas bəzəyi 16 böyükölçülü 2 rəqəminə və yaxud tərsinə
düzülmüş “S”-ə bənzər elementlərdən ibarətdir. Bu elementlər sürməyi yerliklidir.
Əjdahaların quyruğu və buynuzları çox aydın nəzərə çarpır. Bu elementlərin
kənarları daxildən və xaricdən yaşıl rəngli çıxıntılarla əhatə olunub. Çıxıntılar ağ
rəngli sularla tamamlanır. Əjdahaların üzərində latın əlifbasının “Z” hərfinə bənzər
motivlər işlənmişdir. Bu motivlər mor, qırmızı, ağ, göy, sarı, açıq və tünd yaşıl,
bənövşəyi, açıq və tünd şabalıdı rənglərlə tərtib edilmişdir. Bu motivlərin kənarları
müxtəlif rəngli “su”larla işlənmişdir. Ara sahənin boşluqları kənarları pilləli klassik
elementlər və “S”-ə bənzər motivlərlə doldurulmuşdur. Bu elementlər tünd və açıq
yaşıl, ağ, bənövşəyi, mor, tünd və açıq şabalıdı, sürməyi, qara rənglərlə işlənmişdir.
Xalçanın haşiyəsi mavi və qara rənglərlə işlənmiş “mollabaşı” elementləri ilə tərtib
edilmişdir. Haşiyənin kənarları yaşıl və qırmızı rənglərlə tərtiblənmiş mədaxillərlə
əhatə olunmuşdur. Mədaxillərin kənarları qara rəngli “su”larla, “mollabaşı”motivləri
isə qırmızı rəngli “su”larla tamamlanır.
İkinci vərni isə h.1299-cu ildə (1881) Dərələyəz mahalında (Soylan) toxunmuşdur.
Ölçüsü 374x228-dir. Xalça (bax: Kataloq. №64) Qarabağ kompozisiyası əsasında
toxun muşdur.Vərninin mərkəzində sağ tərəfdə h. 1299 tarixi vardır. Bu xalça
Azərbaycanın dekorativ-tətbiqi sənətində, o cümlədən xalçaçılıqda əsrlərlə tərtib
edilmiş klassik, stilizə olunmuş motivləri əks etdirir. Açıq qırmızı yerlikli bu xalçanın
əsas bəzəyi böyükölçülü sürməyi, ağ yerlikli “S”-ə, yaxud “2“ rəqəminə bənzər
elementlərdən ibarətdir. Bu elementlər xalçaçılar və sənətşünaslar arasında fantastik
heyvan - “əjdaha” kimi yozulur. Əjdahaların üzərində tərsinə düzülmüş “Z”-ə
bənzər və yaxud stilizə olunmuş ördəyə bənzər kiçikölçülü motivlər işlənmişdir.
Ağ rəngli əjdahaların kənarları sürməyi, sürməyi rəngli əjdahaların kənarları isə ağ
“su”larla işlənmiş çıxıntılarla tərtib edilmişdir. Əjdahaların buynuzları və quyruqları
bu motivlərin rənglərinə uyğun olaraq ağ və sürməyi rənglərlə işlənmişdir. Xalçanın
ara sahəsinin boşluqları stilizə olunmuş dördayaqlı fantastik quşlar, kənarları pilləli
rombvari kiçikölçülü “S”-ə bənzər, ağaca bənzər motivlər və digər klassik elementlərlə
doldurulmuşdur. Xalçanın ensiz haşiyəsi açıq qırmızı və yaşıl rənglərlə işlənmiş
“mollabaşı” motivləri ilə tərtib edilmişdir. Haşiyə hər iki tərəfdən şəkəri rənglərlə
işlənmiş “siçandişi”lərlə tamamlanır. Xalçanın baş və ayaq hissəsindəki haşiyələr
tünd şabalıdı yerlikli “köhnə su” motivləri işlənmiş mədaxillərlə əhatə olunmuşdur.
Xalça sənətinin ikinci inkişaf dövrünə aid edilən mürəkkəb dolama üsulu ilə toxunan
“vərni” adlanan xalçalar əksər hallarda maldarlıqla məşğul olan əhali tərəfindən
toxunmuşdur. Buna görə də bu tipli xalçaların üzərində başlıca olaraq şərtiləşmiş
heyvan təsvirlərinə daha çox təsadüf edilir. Azərbaycanın dağlıq bölgələrində
yaylaq-qışlaq həyat tərzi keçirən əhalinin vərni toxunuşlu at, dəvə, öküz çulu, məfrəş,
55
xurcun, pərdə və yüküzü kimi məişət əşyalarına tez-tez rast gəlinir. Vərnilər bir, iki
hissədən ibarət olur. Nadir hallarda üç hissədən ibarət olan vərnilərə də təsadüf
edilir. Vərnilər, əsasən, tünd qırmızı, sürməyi, kərpici və bəzən isə şəkəri yerliklə
toxunur. Yalnız Azərbaycanda toxunan bu xalça özünəməxsus rəng harmoniyası və
zəngin naxış tərtibatı ilə digər ölkələrdə toxunan xovsuz xalçalardan seçilir.
3.2.5. At çulu
Azərbaycanlıların həyatında at mühüm rol oynadığı üçün at çullarının toxunması
da geniş yayılmışdı. At çulu insanların məişət tələbatını ödəməklə yanaşı, qiymətli
sənət əsəri kimi də dəyərləndirilir.
Belə at çullarından biri h.1291-ci ildə (1874) İrəvan bölgəsinin Dərələyəz maha-
lında (Keşişkənd) toxunmuşdur. Ölçüsü 193x161-dir. Xalçanın (bax: Kataloq. №51)
aşağı hissəsində şabalıdı rapportun içərisində h. 1291 tarixi vardır. Zili texnikası ilə
toxunmuş çul üç hissəyə bölünmüşdür. Şabalıdı yerlikli mərkəzi hissə rapportlara
ayrılmışdır. Çulun yuxarı hissəsindəki rapportun içərisində “rombvari”, nəbati, ağaca
və quşa bənzər motivlər işlənmişdir. Rapport yuxarı və aşağı tərəfdən içərisində
rombşəkilli və digər klassik elementlər işlənmiş zolaqlarla əhatə olunmuşdur.
Mavi yerlikli üfüqi zolaqlar qarmaqlı motivlər və üz-üzə dayanmış quş fiqurları
ilə bəzədilmişdir. Hələ qədim zamanlardan Azərbaycan dekorativ-tətbiqi sənətinin
müxtəlif nümunələrində, o cümlədən xalçalarda işlənən əfsanəvi obrazlar bu əşyalara
yüksək bədii məna bəxş etmişdir. Bu obrazlardan biri quş obrazıdır. Araşdırmalar
göstərir ki, qədim dövrlərdə bir sıra quş obrazları dini ayin və mifik təsəvvürlərlə
əlaqədar tətbiq olunmuşdur. Əsrlər ötdükcə bu obrazlarda daha çox dekorativ
məzmun ön plana çəkilmişdir. Sonralar bu obrazlar bəzən ənənəvi bəzək elementinə
çevrilərək stilizə edilmiş və mücərrədləşmişdir. Şabalıdı yerlikli ensiz zolaqlarda stilizə
olunmuş tovuzquşu, dördayaqlı fantastik “qoşa quş” təsvirlərinə Quba, Qarabağ
xalça qruplarına daxil olan xalçalarda və tikmələrdə də təsadüf edilir. Azərbaycan
xalçalarında ən geniş yayılmış quş obrazlarından biri tovuzquşudur. Bu surət əsrlər
boyu Azərbaycan dekorativ-tətbiqi sənətinin müxtəlif növlərində dönə-dönə təsvir
edilmiş və hal-hazırda edil məkdədir. Bu at çulunun mərkəzindəki şabalıdı yerlikli
rapportun içərisində üç at fiquru təsvir edilmişdir. Atların üstündə insan təsvirləri
vardır. Azərbaycan xalçalarında və xalça məmulatlarında at obrazı ən geniş yayılmış
obrazlardandır. Bu heyvan xalqımızın təsərrüfatında və məişət həyatında böyük rol
oynamışdır. Azərbaycan xalçalarında və xalça məmulatlarında təsvir edilən at obrazı
ona olan böyük ehtiramın nəticəsidir. Oğuz tayfalarında at totemi şərəf, igidlik,
qələbə rəmzi olmuşdur. Çulun ara sahəsini hər tərəfdən içərisində rombvari motivlər
işlənmiş haşiyə əhatə edir. Haşiyə çulun ara sahəsinin sağında və solunda, həmçinin
aşağı və yuxarı hissəsində tərtib edilmişdir. Haşiyənin içərisində “gözqaytarıcı”,
“qoşabuynuz” motivləri də işlənmişdir. Çulun ara sahəsindəki rapportlar və haşiyə
zolaqları dilikli motivlərlə və ağ rəngli sularla əhatə olunmuşdur. Sürməyi yerlikli
sahəni sağ və soldan kərpici rəngli rapport əhatə edir. Bu rapportlarda stilizə
olunmuş dəvə, tovuzquşu, dörd ayaqlı fantastik quşlar, kiçikölçülü medalyonlar,
səkkizguşəli ulduz və müxtəlif nəbati elementlər təsvir edilmişdir. Çulun hasiyəsi
rombvari motivlərlə bəzədilmişdir. Onların içərisində “cütbuynuz” və kiçikölçülü
Dostları ilə paylaş: |