73
İsgəndər Atilla
onları iffətini qoruyan süs geyimli tüldə təsvir edir.
* * *
Hazırda dünya alimləri Adəm və Həvva əfsanəsinin doğru,
yaxud yalan olmasını araşdırırlar. Bəzi fərziyələrə görə, Adəm və
Həvva Cənubi Azərbaycan dağlarında yerə enmişdir. Başqa bir
versiyaya görə, hadisə Ərəbistanda baş vermişdi. Amerika
alimlərinin son tədqiqatlarına görə, əgər belə bir hadisə baş
vermiş olsaydı, ilk öncə Həvva, yüz min ildən sonra isə Adəm yer
üzünə gəlməli idi...
Şimdi əsl məqsədim vətənə
xidmət, həm də layiqincə xidmət
etməkdir.
2.3. Caviddə yurd sevgisi, yaxud vətən və
millət qəmilə cünun olan şair
“Vətən, vətən deyərək hər diyara səs salıram.” Və “Millət
qəmilə az qalıb cünun olum.” Misralarını şairin bu mövzuda və
bu ruhda yazdığı əsərlərinin leytmotivi hesab etmək olar.
Şair qürbət həyatın, qəribçiliyn nə olduğunu hələ gənc
yaşlarında ilk öncə Təbrizdə, daha sonra Urmiya və İstanbulda
yaşayarkən duymuş və dərk etmişdir. Qürbət həyatı və qəribçilik
onun həyat və yaradıcılığında silinməz izlər qoymuş, məktub və
şeirlərində həmin mövzunun üzərinə dönə-dönə qayıtmışdır.
Cənubi Azərbaycanda və Türkiyədə sıxıntılı və müsibətli bir
həyat yaşayan şair, tez-tez vətənini xatırlayır, ürəyinin dərd,
kədər və ələmini kağıza köçürməklə sakitlik və rahatlıq tapırdı.
1908-ci ilin yay günlərindən biri idi. Şair İstanbul Darül-
fünununda oxuyurdu. Son dərəcə sıxıntı içində idi. Hamisi Qur-
banəli Şərifova məktub yazırdı. İlk cümləni belə başladı: “Yalnız
kəndiniz oxuyacaqsınız!..” O, məktublarında Qurbanəli bəyə
İstanbul haqqında çox şey yazmışdı. Ancaq bu gün başqa şeylər
74
Əsrin şairi IX
yazır, ürəyinin dərdini, vətən nisgilini kağız üzərinə köçürürdü.
- Əfəndim! Bən, sağlıq olsa, marta qədər Qafqazı ziyarət
edəcəyəm, ziyarətinizə ki, bəncə, ən böyük səadətdir, nail olaca-
ğam. Lakin İstanbuldan yavaş-yavaş soyumağa başlayıram...
Şimdi burada hər zəhmətə mütəhəmmil olub da aldığım maaşla
fəqiranə bir güzəran ilə burada üç-dörd sənə qədər dəxi həm
tədris, həm də tədərrüs edə bilərəm. Lakin... Validəm, vətənim,
vətəndaşlarım bütün-bütün unudulacaq bir hala gəlir...
1
Bu, şairin səmimi etirafı idi. O, bir çox Qafqaz, Orta Asiya və
Krım türkləri kimi, İstanbulda Osmanlı olmaq istəmirdi. Vətəni,
valideynləri və vətəndaşları onu maqnit kimi özünə çəkirdi. (Şair
həmin məktubu yazanda heç ağlına da gətirmirdi və gətirə də
bilməzdi ki, 31 ildən sonra o, müdhiş bir Sibir həyatı da
yaşayacaq...)
Şairin vətən və millət mövzusunda yazdığı üç şeiri diqqəti
xüsusilə cəlb edir. Onlardan biri “Olubdu qəlbimə hakim mənim
məlali-vətən” misrası ilə başlayan qəzəldir.
*
İkincisi, “Növhə”,
üçüncüsü, “Hali-əsəfiştimalımı təsvirdə bir ahi-məzlumanə:”
şeirləridir. Şeirlərin üçü də İstanbulda qələmə alınmışdır.
İlk öncə bir neçə söz “Olubdu qəlbimə hakim mənim məlali-
vətən” (Yəni: Vətən hüzni, kədəri, qəmi mənim qəlbimə hakim
olubdur.) qəzəli barəsində. Qəzəlin 1906-1907-ci illərdə yazıldığını
ehtimal etmək olar. O məzmunca şairin başqa qəzəllərindən çox
fərqlənir. Burada nə gül, nə bülbül, nə də lirik qəhrəmanın eşq və
məhəbbət yolunda çəkdiyi əzab təsvir edilir. Qəzəldə şairin vətən
haqqında bədii düşüncələri öz əksini tapmışdır.
- Vətən, vətən deyərək hər diyara səs salıram.
Düşərmi bircə dilimdən mənim məqali-vətən...
1
Əziz Şərif. Keçmiş günlərdən, Bakı, 1977, s. 67-68.
*
Q
əzəl farsca yazılmışdır. Onu Azərbaycan türkcəsinə İ.Cəfərpur tərcümə
etmişdir. “Azərbaycan” jurnalında və Ə.Şərifin “Keçmiş günlər” kitabında çap
edilmişdir.
75
İsgəndər Atilla
- deyən, vətən sözü, vətən mövzusu dilindən düşməyən
“dekadans şair”, dünyaya səs salır. Onu xata-bəladan, hüzn və
kədərdən uzaq görmək istəyir. Başında şeir ilə məskən salmış
vətənini xəyalında canlandırır.
Neçin şərafətini, fəxrini verib əldən,
Bu qədər yurduna biganədir ricali-vətən?
Vətən kişilərinin, vətən ərlərinin öz yurdlarına qarşı
biganəliyindən şair təəssüf hissi keçirir. Vətən söhbəti qürbət eldə
bir an da olsa onun dilindən düşmür. Çünki:
- Vətən məhəbbətini əmr edibdi peyğəmbər,
Xoş ol kəsə, ona həmdəm olub vüsali-vətən...
Qəzəlin kontekstində “vətən” anlayışı geniş məna daşıyır.
Şair “vətən” deyərkən yalnız Azərbaycanı, Qafqazı deyil, böyük
arealda yaşayan türk ellərini, türk soylarını, türk yurdlarını,
bütövlükdə bütün müsəlman dünyasını nəzərdə tutur. Vətənin
şərafətinin əldən verilməsi, vətən kişilərinin ona qarşı laqeydliyi
şairi narahat edir. Ürəyi sanki qan piyaləsinə dönür. Birmənalı
şəkildə bildirir: “Zəmanə ötsə də möhnətli, əminəm, qanlı
qəlbimdən vətənin ibtizali slinməyəcək.”
Mən burada oxucuların diqqətini şairin “ibtizali-vətən”, yəni
“vətən zilləti” anlayışına cəlb etmək istəyirəm. Zaman keçdikcə
şair əsərlərində həmin problemin üzərinə dönə-dönə qayıdacaq.
Bütün ömrü boyu doğma vətənini, türk ellərini azad və xoşbəxt
görmək arzusu ilə yaşayacaq. “Hərb və fəlakət” şeirində şərəfli
Turanın tarixinə nəzər salacaq, bundan böyük qürur hissi
keçirəcək. Fəqət yaşadığı zamanda əzilən və qəhr olan türkün
halından sanki dəli-divanə olacaq, qanlı göz yaşı tökəcək və
böyük ürək ağrısı ilə yazacaq:
- ...Ah, bir baqıb görsən!?
O şəhamətli türkün evladı
Dostları ilə paylaş: |