Quyidagi rasmda yaradorni tashishning bir necha usullari keltirilib o’tilgan
Tibbiy evakuatsiya qilishning asosi, kasal va yaradorlarni ommaviy zararlanish o‘chog‘ida yig‘ish, ularni olib chiqish, tibbiy evakuatsiya bosqichlarida transportirovka qilish, tibbiy yordam ko‘rsatishdan iborat. Yaradorlarni evakuatsiya qilishni boshliq tashkil etadi. Feldsher rahbarligida yaradorlar qidiriladi va jang maydonidan olib chiqiladi. Feldsher yordamida sanitariya transporti bilan BMPga olib kelinadi. Agar texnika yetishmasa, tez yordam bo‘limiga transportyorlar bilan yetkaziladi.
Yengil yaradorlarni batalyonning tibbiy nuqtasi (BTN) yoki polkning tibbiy nuqtasi (PTN)da ularga piyoda-boshliq tayinlanib, evakuatsiya qilinib, davolashga qoldiriladi.
Yaradorlarni BTN yoki PTNga yuborishda yo‘llanma beriladi. Og‘ir yaradorlar tibbiy-sanitariya bo‘limlariga samolyotda, vertolyotda yetkaziladi. Yaradorlarni evakuatsiya qilganda tibbiy xodim birga kuzatib borishi zarur. Yo‘lda zarurat bo‘lsa, tibbiy yordam ko‘rsatiladi. Bemorni keyingi nuqtalarga topshirishda hujjati ham beriladi.
Yaradorlarga birinchi tez tibbiy yordam ko‘rsatish:
Birinchi tez tibbiy yordamga quyidagilar kiradi. Qon ketishini to‘xtatish, jarohatni bog‘lash, siniqlarga qo‘lda yasalgan yoki tabelli shinalar qo‘yish, kuchli og‘riq bo‘lganda og‘riqsizlantirish (promedol, morfin), zarur bo‘lganda protivogaz kiygizish yoki kimyoviy vositalardan saqlanish uchun ularga qarshi vositalarni qo‘llash. Ko‘z, burun, og‘iz, me’dani kuchsiz sodali suv bilan yuvish, sun’iy nafas berish, ziddizahar (antidot) yuborish, yurakni bevosita uqalab ishga tushirish, radiatsiyaga qarshi tabletkalar berish.
|
Quyidagi rasmda birinchi tibbiy yordam turlari ko’rsatilgan.
|
Dostları ilə paylaş: |
