Iyiriw sistemalari. Iyiriw ónimleri assortimentleri

1-LABORATORIYALIQ JUMIS

IYIRIW SİSTEMALARİ. IYIRIW ÓNIMLERİ ASSORTİMENTLERİ

Laboratoriya jumısınıń maqseti: Oqıw laboratoriyasındaġı qáwipsizlik qaġıydaları hám iyiriw sistemaların úyreniw, iyiriw ónimleri úlgileri menen tanısıw.
Laboratoriya sabaġı ushın kerek bolatuġın úskeneler hám materiallar: Tastıyıqlanġan texnika qáwipsizligi qaġıydaları. Iyiriw sistemaları plakatları. Jip úlgileri(eris, arqaw, trikotaj) hám gezlemeler.
Tapsırma 1. Oqıw laboratoriyasındaġı qáwipsizlik qaġıydaların úyreniń.

2. 
   Iyirilgen jip assortimentleri menen tanısıń.
   
3. 
   Iyiriw sistemaların úyreniń. Karda, qayta taraw hám apparat jipleri qásiyetleriniń ózgesheliklerin túsindiriń.
   
4. 
   Karda, qayta taraw hám apparat sistemalarında isletiletuġın mashinalar izbe-izligi hám olarda ámelge asırılatuġın texnologiyalıq processlerdi úyreniń.
   

Úyde: Laboratoriya jumısı boyınsha esabat tayarlań.

Tiykarġı maġlıwmatlar

Oqıtıwshı texnika qáwipsizligi boyınsha instruktaj ótkeredi, studentlerdi oqıw laboratoriyasınıń (OL) texnologik úskeneleri hám olardıń qáwipli jerleri menen tanıstıradı. Studentlerdiń texnika qáwipsizligi boyınsha instruktajı arnawlı jurnalda belgilep qoyıladı.
Oqıtıwshı studentlerdi túrli assortimenttegi jipler menen tanıstıradı: jeke jip, pisitilgen jip, shiyki jip, boyalġan jip, melanj jip, eris jip, arqaw jip hám t.b. Olar isletiliwine qarap ta parqlanadı: tigiw jipleri, texnik, ayaq kiyim, keste jibi hám trikotaj tayarlawda isletiletuġin jipler. Iyirilgen jiplerdiń tiykarġi bólegi, toqıwshılıqta gezlemeler alıwda isletilip ol 75% ti, trikotajda 14%ti, tigiw jipleri bolsa 2,5%ti quraydı. Qalġanları attorlik hám jún buyımların islep shıġarıwda qollanıladı. Student bul jiplerdiń tolıq xarakteristikasın dápterge jazadı.
Iyiriw sisteması haqqında túsinik beriledi. Iyiriw sisteması dep jiptiń isletiliwine qarap tańlanġan shiyki
zat, úskeneler hám texnologik processler jıynaġına aytıladı. Úsh iyiriw sisteması bar:
1. Karda; 2. Qayta taraw; 3. Apparat.