Izlanishlar, yechimlar muammolar

5
XALQ TA’LIMI:
MUAMMOLAR, IZLANISHLAR, YECHIMLAR
HURMATLI O‘QITUVCHILAR, AZIZ OTA-ONALAR!
Xalq ta’limi vaziri lavozimiga kirishganimga ko‘p fursat o‘tmadi. 
Davlatimiz rahbari tomonidan yurtimiz kelajagini belgilab beruvchi 
o‘ta mas’uliyatli sohaning menga topshirilishi, so‘zsiz, juda katta 
javobgarlikni yukladi.
Ta’kidlash joizki, faoliyatimning ilk kunidanoq tizimda bugungacha
amalga oshirilgan va qilinishi lozim bo‘lgan ishlar bilan ozmi-ko‘pmi tanishdim.
Darhaqiqat, qilingan ishlar ko‘pligi kabi qilinadigan ishlar ham undan kam emas.
Bugun yechimi kechikayotgan har bir muammo ertaga falokatga aylanishiga 
shak-shubha yo‘q. 
E’tiborli jihati, lavozimga kirishganimning ilk kunlari xizmat safari bilan 
Jizzaxga bordim. Joylardagi maktablarga kirdim, holat bilan tanishdim.

Viloyat Xalq ta’limi boshqarmasi boshlig‘i Dilfuza Sadriddinovaning aytgan

bir gapi menga juda qattiq ta’sir qildi. Afsuski, bugun ayrim ota-onalar orasida
farzandlariga:
“O‘qigin bolam, hech bo‘lmasa o‘qituvchi bo‘lasan”,
deganlari ham
uchrayotgan ekan. Bu gap menga juda og‘ir botdi. Bugun bizning oldimizda
turgan birinchi galdagi vazifa mana shunday noto‘g‘ri qarashni yo‘q qilish!
Bir insonning mustaqil va yetuk shaxs sifatida kamol topishida maktabning
Saidov Baxtiyor Odilovich
O‘zbekiston Respublikasi
Xalq ta’limi vaziri

---

---

6
A.AVLONIY NOMIDAGI XALQ TAʼLIMI

MUAMMOLARINI O‘RGANISH VA ISTIQBOLLARINI

BELGILASH ILMIY-TADQIQOT INSTITUTI
roli juda katta.
Aynan maktabda insonning 
“Men”
degan tushunchasi 
shakllanadi.
Shuning o‘zi mazkur sohada faoliyat yuritayotgan har bir
insonning oldiga ulkan mas’uliyat, ya’ni bir shaxs taqdiri orqali millat, davlat va
kelajagimizning taqdiriga javobgarlik yotganini anglatadi.
Buning uchun, avvalo, pedagoglarning, o‘qituvchilik kasbining mavqeyini
ko‘tarishimiz kerak. To‘g‘ri, tan olish kerak, o‘qituvchilarning ham barchasi birdek
emas.
Fidoyi o‘qituvchilar bor, afsuski, bu kasbga adashib yoki ilojsizlikdan 
kirib qolgan o‘qituvchilar ham bor.
Lekin o‘qituvchilik va fidoyilik tushunchalari
doimo hamohang bo‘lgan. O‘qituvchi zimmasidagi mas’uliyatni ich-ichidan his
qilishi kerak. Kelajagimiz taqdiri o‘qituvchilarimiz qo‘lida.