İrrasional idrak fenomeni
71
ya fəlsəfi) mistik təcrübə çərçivəsində, ona istinadən həyata keçirilir,
yəni hər hansı bir rasional vasitə də (musiqi dinləmək və ya kitab
oxumaq) bu təcrübə iĢığında fərqli rəng ala bilir.
Ġrrasional idrakın digər mənəvi metodu duadır. Məhəmməd
peyğəmbərin (s.) bildirdiyi kimi «ibadətin iliyi və mahiyyəti» [29, 149],
yəni onun batini tərəfi və «nəzəri» hissəsi kimi dua ibadətdən daha
əhatəli və mürəkkəb xarakterlidir. Əgər ibadət ümumi qəbul edilmiĢ dini
ayinlərin artıq sabitləĢmiĢ qaydalarıdırsa, dua insanın mənəvi aləminə
aid, yerindən, zamanından və Ģəraitindən asılı olmayaraq icra edilən,
məzmunca tez-tez dəyiĢə bilən və yalnız Ali Varlığa ünvanlanan
müraciətdir. Dua ya müəyyən dərəcədə ibadətdə ifadə olunur, ya da
ümumiyyətlə təzahür etmir, gizli qalır.
Ġbadətlə sıx bağlı olduğundan onun malik olduğu xüsusiyyətləri
duaya da aid etmək olar. Eyni zamanda, özünün də bir sıra spesifik
cəhətləri vardır ki, onların insanın mənəvi təcrübəsində əhəmiyyətini
belə xarakterizə etmək olar. Əvvəla, dua insana tək olmaması hissini
bəxĢ edir və onu özündən daha güclü və mükəmməl bir varlıqla
əlaqələndirir. Ġkincisi, dua insana maddiyyatdan kənar bir aləmin
varlığını dönə-dönə aĢılayır və onun özünün də həmin aləmə daxil ola
biləcəyi hissi verir. Bundan baĢqa, dua zamanı insan gündəlik həyatının
daha saf, daha ali bir halını, hissini yaĢayır və xaosdan ayrılıb sakit, rahat
bir mühitə düĢür. Nəhayət, dua insanın «mən»ini konkretləĢdirir, o,
qayğıların, problemlərin içində özünü görür və dinləyir.
Duaların məqsədi əsasən Ali Varlıqdan kömək istəmək olsa da,
insanın Ģüur və imanından, əxlaq və sosial durumundan irəli gələn
tələblə müxtəlif məzmunlu ola və bildirdiyimiz kimi, tez-tez dəyiĢə bilər.
Bu baxımdan, duaları iki növə bölmək olar: sosial və metafizik
xarakterli. Adından da görünür ki, birinci növ dualar insanın bütün
gerçək həyatını, məiĢət tələblərini və s. bu kimi istəkləri ehtiva edir və
dualar arasında onlar üstünlük və çoxluq təĢkil edir.
Ġkinci növ dualara irrasional düĢünmənin məhsulu kimi əsasən
yaradıcı insanlarda, mütəfəkkir və alimlərdə rast gəlmək mümkündür.
Bu, Allahdan düzgün düĢünmə, əsl həqiqəti dərk etmə, baĢladığı idrak
prosesini baĢa vura bilmək istəkləri və ya Onun verdiklərinə görə
minnətdarlıq hissləri olur. Müqəddəs Avqustinin dualarının birində
deyilir: «Sən bizə dualarımızla çox Ģey göndərirsən; istəməmiĢdən qabaq
xeyirli Ģeyi də Səndən alırıq, sonralar anladığımız Ģeyi də» [70, 193].
N.Gəncəvi isə belə yazır:
72
Şərq və Qərb: ilahi vəhdətdən keçən özünüdərk
«Nitqə gələn insana könül zövqü verirsən,
Hər cana idrak adlı yanar məĢəl verən sən!» [6, 92]
Qeyd etdiyimiz kimi, insanın Ģüurüstünün aktivləĢməsi Ali
Varlığın qüdrəti və imkanındadır. Bu səbəbdən, fövqəltəbii
həqiqətləri, hər Ģeyin əsl mahiyyətini, nəhayət, Mütləqin özünü dərk
etmək istəyən insan Ona müraciət edir və bu, dua Ģəklində ifadə
olunur. Bonaventura bunu belə təsvir edir: «Əgər buna (Ali məqama –
K.B.) necə çatdığımı soruĢsan, onda təlim deyil, nemət istə, ağıl
deyil, Ģövq, kitabların tədqiqini deyil, duanın həsrətini, müəllim deyil,
niĢanlı (Ġsa Məsih – K.B.), iĢıqlılıq deyil, qaranlıq (fəna – K.B.), iĢıq
deyil, tam külə döndərən od istə… Bu od – Allahdır» [77]. Mənsur
Həllac isə Allaha belə bir dua ilə müraciət edir: «Allahım, Sən naqis
ədədin tam əhatə etmədiyi vahidsən (birsən), ən dərin düĢüncənin
anlaya bilmədiyi təksən.
Sən göydə və yerdə olan Tanrısan
(Quran
43/84). Ariflərin qəlbini iĢıqlandıran, asi ruhları zülmətə qərq edən
üzünün nuru ilə Səndən rica edirəm, Səni baĢqalarından fərqləndirən,
Səndən savayı olanlardan təkləndirən qüdsiyyətinlə Səndən rica
edirəm ki, məni heyrət meydanlarında təkbaĢına buraxma, təfəkkür
selindən mənə nicat ver, məni aləmdən uzaq tut, münacatınla məni
rahatlaĢdır, ey rəhimlilərin ən rəhimlisi» [143, 24].
Dua insanı məkan və zamandan, onu maddi dünyaya bağlayan hər
bir Ģeydən «xilas edən» vasitədir. Maraqlıdır ki, çox vaxt sadalanan
maneələrin baĢında insanın öz «mən»i dayanır. Müqəddəs Avqustinin
«Etiraf» əsərindən belə məlum olur ki, onu yalnıĢ yoldan xilas edən və
düzgün iman bəxĢ edən anasının səmimi duaları olmuĢdur. Bonaventura
isə belə yazır: «Biz yalnız bizi yüksəldən ali qüvvə sayəsində öz
üzərimizdə qalxa bilirik. Nə qədər hüzurumuzda daxili pillələr olsa da
ilahi yardım olmadan bu, heç nəyə yaramır. O isə onu təslimiyyət dolu
ürəklə istəyənə verilir… Dua həqiqətən bizim yüksəlməyimizin anası və
mənbəyidir» [77]. Ġslam mütəfəkkirlərinin eyni məzmunlu dualarına
baxaq.
Mənsur Həllac yazır:
«Səninlə mənim aramda mənimlə çarpıĢan mən var,
Öz mərhəmətinlə götür məni bu aradan» [134].
Nizami Gəncəvi belə dua edir:
İrrasional idrak fenomeni
73
«Tanrım, götür pərdəni, görün öz birliyinlə,
Əsirgəmə, qaldır, at, pərdə mən olsam belə» [6, 91].
Və ya Yunus Əmrə deyir:
«Al götür məndən mənliyi,
Doldur qəlbimə Sənliyi,
Öz dünyanda öldür məni,
Hüzurunda ölməz olum» [5, 35].
Deyilənlərdən belə nəticə çıxır ki, dua – irrasional idrakın ilk
mərhələsinə baĢlamaq, maddiyyatdan ruhaniliyə keçmək, nəhayət,
Mütləq Həqiqətdən öz zərrəsini dərk edib Ali Varlıqla vəhdətə çatmaq
istəyidir.
Beləliklə, irrasional idrakın metodları əsasən insanın maddi
hüdudlardan qurtulmasına, günah və naqislikdən təmizlənməsinə,
Ģüurüstünü aktivləĢdirməklə ruhani aləmə keçməsinə xidmət edir. Bu cür
vasitələrin sayını çox uzatmaq mümkün olsa da, zənnimizcə, onlar ya
ibadətin, ya da mistik təcrübənin müxtəlif təzahür formalarıdır. Bu
səbəbdən, biz onların ayrı-ayrılıqda deyil, ümumilikdə təhlili ilə
kifayətlənirik.
Dostları ilə paylaş: |