74
yerindən duraraq Şaxanova sual verdi: “Postsovet ölkələri
müstəqillik qazandıqdan sonra Qərbdən nə gözləyirdilər?”
Muxtar bu suala belə cavab verdi: “Biz gözləyirdik ki,
inkişaf etmiş bir sivilizasiyanın saf bulağından su içə
biləcəyik, amma bizi qərbin kanalizasiyasına qoşdular” –
almanlar şokda idi... Bu insan indi də hakimiyyəti rahat
buraxmır. Belə möhkəm xarakterinə görə ona böyük
hörmətim var”.
Bir-neçə gündən sonra Aytmatov Berlinə qayıtdı. Şəhərin
mərkəzində bizimlə böyük bir görüş təşkil olundu. Məni Almaniyada
intelligent insanların necə çox olması heyrətə gətirirdi. Bunu
almanların verdikləri sualların səviyyəsindən də sezmək olurdu.
Sovet İttifaqında dəbdə olan şəxsiyyətə pərəstiş, Almatıda 1986-
cı il Dekabr üsyanının yatırılmasında Qorbaçovun rolu, bu günün
problemləri – millət və dillə bağlı məsələlər haqqında da suallar
verilirdi. Görüşün sonunda Frank Müllerin qırğız diyarında çəkdiyi
sənədli fi lm nümayiş olundu.
Bir yaddaqalan hadisə barədə də danışmamaq mümkün deyil.
Bu ölkədə mənim poeziyama xüsusi rəğbəti olan üç alman ailəsi
mənimlə birlikdə dörd şəhərdə oldular ki, şeirlərimi əlavə olaraq bir
daha eşitmək imkanı qazansınlar. Belə oxuculara hətta Qazaxıstanda
da rast gəlməmişəm. Axı onlar bilərəkdən öz işlərini ataraq, mənim
ardımca bir şəhərdən o birinə gedirdilər. Onlara görə mən də bir
şəhərdə dediklərimi digər şəhərdə təkrar etməməyə çalışırdım.
Bu qrup Berlinə də gəlmişdi. Mən öz “azarkeşlərimi” Aytmatovla
tanış etdim. Onlardan biri Xitserin alman dilinə tərcümə etdiyi
şeirlərimdən birini əzbər söyləyərək bəyan etdi ki, gələcəkdə oğlu
olsa, onun adını Muxtar qoyacaq. Aytmatov isə alman oxucularının
mənə bu isti münasibətinə uşaq kimi sevinirdi.
75
ETJEMES EŞİMOV
Bir dəfə biz özümüz də bilmədən gülməli və utandırıcı bir
situasiyaya düşdük. Nə vaxtsa qırğızlar arasında Etjemes (ətyeməz)
Eşimov adlı bir personaj populyar idi. Onun prototipi isə partiyanın
rayon komitəsinin birinci katibi Eşimov idi. O, vəzifəyə təyin olunan
kimi camaat onu təzə qoyun əti qonaqlığına çağırmağa başlayır.
Heyvanları bu qırğından xilas etmək üçün Eşimov şayiə buraxır
ki, rayonun yeni rəhbəri ət yemir. Bundan sonra xalq ona Etjemes
Eşımov adını qoyur.
Eşimovun ölümündən sonra bazar iqtisadiyyatına keçid
dövründə onun oğlanları respublikada çox varlı iş adamları kimi
tanınmağa başlayır. Oğullardan birinin şəhərin kənarında tikdirdiyi
çox gözəl bir ev isə onu görən hər bir kəsi valeh edir. Mən özüm
də nə Qazaxıstanda, nə də Qırğızıstanda memarlıq xüsusiyyətləri və
incə tərtibatına görə ona bənzər başqa bina görməmişəm. Evin arxa
hissəsində hərəsi bir-neçə ton olan nəhəng daşlar bir-birinin üstünə
qoyulub. Bu daşların üstündən su axır. Son dərəcə gözəl panoram
sanki qonaqları qırğızıstanın ən mənzərəli məkanına – Alatauya
aparır. Eşimovların bu evini dövlət icarəyə götürüb. Çingiz Aytmatov
beynəlxalq İssıkkul forumunu keçirəndə Qırğızıstan prezidenti
Əsgər Akayev YUNESKO-nun baş direktoru Federiko Mayoru bu
evdə yerləşdirmişdi.
Bir dəfə ev sahibləri Çingiz Aytmatovla məni qonaq
çağırmışdılar. Mən getmək istəmirdim, çünki, həmin gün qidadan
zəhərlənmişdim. Amma, Aytmatov təkid elədi və mən həyat
yoldaşım Kanşaimlə birlikdə ona qoşuldum. Çox yəqin Çingiz-
ağanın yadından çıxıb ki, bu, qırğızlar arasında əfsanəyə çevrilmiş
Etjemes Eşimovun övladlırıdır.
Böyük masa arxasında Etjemes Eşimovun uşaqları, gəlinləri,
nəvələri, yaxınları oturmuşdu. Bizi masanın başında otuzdurmuşdular.
Ümumiyyətlə, qırğızlar çox ət yeyəndirlər. Bəzən bütöv qoyunu
bir dəfəyə bişirirlər. Bizim də qabağımıza ətlə dolu nəhəng bir qab
qoydular. Yeməyin ətri adamı cəlb edirdi, amma mənə ət yemək
76
olmazdı. Həkim belə demişdi və mən evdən çıxanda bu barədə
Aytmatovu xəbərdar eləmişdim. O isə deyəsən bunu unutmuşdu:
- Sən niyə ətdən qorxursan? Yoxsa Etjemes Eşimova
oxşamaq istəyirsən? – deyə o, zarafat elədi. – Biz qırğızlarda
Etjemes Eşımov adlı bir qəribə adam var idi. Xalq arasında
şayiə buraxılmışdı ki, o, ət yemir. O, isə camaatın içində ətdən
imtina etsə də, xəlvətə salıb yeyirdi.
Aytmatovu böyründən çimdikləməyə məcbur oldum:
- Nə olub? – deyə o, başını mənə tərəf əyib qorxa-
qorxa soruşdu.
- Vay-vay, Etjemes Eşimov bunların atasıdır, -
pıçıldadım.
Eşimovun nəhəng masa arxasında yığışmış, utandıqlarından
qıp-qırmızı olmuş övladları və qohumlarının düşdüyü situasiyanın
axmaqlığını sözlərlə təsvir etmək mümkün deyil. Kimin xoşuna
gələr ki, atasını ələ salsınlar?! Halbuki, onlar bütün varlıqları ilə
bizə səmimi xidmət etməyə, qonaqpərvərlik göstərməyə çalışırdılar.
Çingiz Torekuloviçin zarafatı onları ildırım kimi vurdu.
Aytmatov özü də çaşqınlıq içində nə deyəcəyini bilmirdi.
-
Şıke, - mən hamının eşidəcəyi tərzdə dedim – mən
sizin vətəninizdə, Şəkər kəndində olanda sizinlə bir yerdə
böyüyən dostlarınız da sizin haqqınızda o qədər gülməli şeylər
danışıblar ki... İndi mən onlardan bir neçəsini danışsam siz
də utanarsınız. Adamın tay-tuşları nələr danışmır ki? Eşimov
elə qəribə adam olsaydı belə ağıllı və tərbiyəli övladlar
böyüdə bilərdimi? Buna görə də düşünürəm ki, indi böyük
dövlət xadimi, bizim çox hörmətli Eşımovun şərəfi nə badə
qaldırmağın tam zamanıdır.
Bu sözlərdən sonra özlərinə gələn, sanki çiyinlərindən böyük
bir yük düşən ev sahibləri badələrini bir-birinə vurmağa başladılar.
Evə qayıdanda Aytmatov dedi:
- Mənim həyatımda belə axmaq situasiyaya düşməyim
çox az olub. Amma, məni bu günkü köməksiz vəziyyətdən
yalnız sənin hazırcavablığın xilas elədi.
Dostları ilə paylaş: |