.
83
3.4. Tədqiqatların əsas mərhələləri
Sosioloji tədqiqatların aparılması prosesi bir çox
elmi və metodoloji ümumiləşdirmə mərhələlərindən keçir.
Birinci mərhələ sosioloji tədqiqatların məqsədindən iba-
rətdir ki, burada əsas prioritetlər müəyyən edilir. Yalnız
bundan sonra tədqiqatın əhatə dairəsi konkret olaraq də-
qiqləşdirilir. Bu prosesdə aparılan sosioloji tədqiqatlar
eyni zamanda böyük nəzəri və praktiki əhəmiyyətə malik
olur. Bu isə öz növbəsində tədqiqatın iş planının hazırlan-
masına, idarəetmə sisteminə aid olan qətiyyətli qərarların
verilməsinə, sosial həyatın müxtəlif sahələri üzrə səmərəli
fəaliyyətin təşkil olunmasına əsaslı dərəcədə müsbət təsir
göstərir.
Ilkin mərhələdə, sosioloji tədqiqatın təşkilatçıları
qarşıya qoyulan məqsədlə bağlı olan problemlərin həllinə
aid vasitə və imanları nəzərdən keçirirlər.Ikinci mərhələ,
tədqiqatın obyektinin müəyyən edilməsi və predmetinin
dəqiqləşdirilməsi mərhələsidir. Təbii ki, burada sosioloji
tədqiqatın obyekti insanların fəaliyyəti və onların birliyi,
ümumi maraqları, fərdi xüsusiyyətləri və s. ilə əlaqədar
olur. Burada əsas məsələ ondadır ki, sosioloji tədqiqatın
obyekti məhz ictimai, siyasi, mədəni əhəmiyyət kəsb
etməli və sosial problemlərin əsas daşıyıcılarına çevrilmə-
lidir. Bundan sonra isə obyektin öyrənilməsi prosesində
əldə olunan bilgilər əsasında sosial mühitə bu və ya digər
formada təsir etmək imkanı yaranır. Nəzərə almaq
lazımdır ki, hər bir tədqiqat obyektinin hüdudları, yəni
əhatə dairəsi daha geniş olur. Bu proses bəzən də tədqiqat
obyektinin hüdudlarından kənarda özünü biruzə verir. Bu
amil tədqiqat obyektinin gerçəkləşdirilməsinə səbəb olur,
.
84
aparılan sosioloji tədqiqatın obyektiv nəticələrinin müəy-
yənləşdirilməsinə daha geniş şəkildə imkan yaradır. Belə
vəziyyətləri isə, müxtəlif mədəni-kütləvi tədbirlərdə daha
yaxından müşahidə etmək mümkündür. Məsələn, yaradıcı-
lıq məşğələlərində səviyyənin aşağı olması və yaxud da
hər hansı bir tədbirin şablon metodika ilə keçirilməsi təkcə
iştirakçıların fəallığının aşağı səviyyədə olmasından asılı
deyildir. Bəzən bu halın əsas səbəbini məşğələni aparan
müəllimin, rəhbərin və ya təşkilatçının səviyyəsinin aşağı
olmasında axtarmaq lazım gəlir. Bu vəziyyət isə tədqiqatın
obyektini ikiləşdirir. Bir tərəfdən iştirakçılar və ya dinləyi-
cilər ayrıca tədqiqat obyektinə çevrilir, digər tərəfdən isə
tədqiqatın bir obyekt kimi təşkilatçıların, müəllimlərin sə-
viyyəsini, işgüzarlıq dərəcəsini və s. xüsusiyyətlərini öy-
rənməyə zərurət yaradır. Bu amillərin aşkar edilməsi həm
də tədqiqat obyektinin düzgün müəyyənləşdirilməsi üçün
real şəraiti aşkar edir. Məhz obyektin müxtəlif tərəflərinin
aşkar edilməsi və öyrənilməsi tədqiq olunan problemin
hərtərəfli şəkildə öyrənilməsinə imkan yaradır. Üçüncü
mərhələ, tədqiqat prosesində istifadə olunan vasitələrin,
metodların və anlayışların məntiqi təhlilindən ibarətdir.
Məntiqi təhlil zamanı əsasən tədqiqatın metodologiyası
dəqiqləşdirilir və bu dəqiqləşdirməyə uyğun tədqiqat me-
xanizmi, onun vahid konsepsiyası ümumiləşdirilmiş for-
mada işlənilir. Yalnız bu vəziyyətlərin həyata keçirilməsi
əldə olunan ilkin informasiyaları gerçəkləşdirir.
Maraqlıdır ki, bu gün ictimaiyyətlə əlaqələrin fəa-
liyyət imkanlarının tətbiqini sosiologiyadan heç də ayrı
təsəvvür etmək mümkün deyildir. Belə ki, hər iki sahə
empirik materialların məntiqi quruluşuna xüsusi diqqət
yetirir və bu məqsədlə də sosioloji tədqiqatlar zamanı
.
85
metodoloji prosedurların həyata keçirilməsinə yaxından
kömək göstərir. Tədqiqat prosesində mühüm yer tutan
əsas anlayışlar geniş təhlil olunur. Məsələn, “sosial fəal-
lıq”, “sosial siyasi və iqtisaid fəallıq”, “sosial-mənəvi fəal-
lıq” və s. anlayışların təhlili aparılan sosioloji tədqiqatların
istiqamətini genişləndirir, onun məzmununu və əhatə
dairəsinə yeni çalarlar gətirir. Eyni zamanda bu prosesdə
həm də anlayışların məntiqi təhlili aparılır və tədqiqat ob-
yektinin xarakterik xüsusiyyətləri aşkarlanır. Bu da nəticə
etibarı ilə tədqiqatla bağlı yeni hipotezlərin meydana
gəlməsinə səbəb olur.
Tədqiqatın hipotezləri onun məqsədinin aydınlaşdı-
rılmasına yardımçı olur, müxtəlif metod və üsulların tətbiq
olunmasına zəmin yaradır. Hipotezin formula edilməsi isə,
nəticədə tədqiqatın ümumi istiqamətini müəyyənləşdirir.
Beləliklə də, hipotez vasitəsilə hər hansı faktın, hadisə və
prosesin izah edilməsi üçün irəli sürülən elmi fərziyyələr
məntiqi təhlil prosesində ya təsdiq olunur və ya da ki,
birdəfəlik inkar edilir. Məlumdur ki, obyektlərdən asılı
olmayaraq bütün sosioloji tədqiqatlar müxtəlif fərziyyələ-
rə və elmi faktlara istinad edir. Bu baxımdan fərziyyələr
sosioloji informasiyanın toplanması prosesində də xüsusi
əhəmiyyət kəsb edir və aparılan tədqiqatın operativliyini
əsaslı şəkildə sürətləndirir. Bu prosesdə araşdırıcının abs-
trakt təfəkkürü xüsusi rol oynayır. Abstrakt təfəkkür tədqi-
qatçının fantaziyasını artırır və bir çox mücərrəd anlayış-
ların həll edilməsındə ona yardımçı olur. Digər tərəfdən
isə abstrakt təfəkkür tədqiqatçıya həm də, çevik düşünmək
və konkret fikir yürütmək imkanını yaradır. Xüsusilə,
ayrı-ayrı anlayışların məntiqi təhlili prosesində abstrakt
təfəkkür əsas prioritet istiqamətlərdən birinə çevrilir.
Dostları ilə paylaş: |