kütləsindən dairəvi bitoçkalar və ya uzunsov kotletlər hazırlanır,
quru çörək ovuntusunda urvalanır və yadğa qızardılır. Kotletin
yanına təzə tərəvəz düzülür, süfrəyə ayrıca narşərab verilir.
Hər pay üçün burada 200 q balıq əti, 50 q buğda çörəyi, 70
q süd və yaxud su, 0,2 q istiot və duz götürülür.
Balıq dolması
Balıq (kütüm, suf, ağ balıq)
təmizlənib sümükdən ayrılır. Duz,
istiot, xırda doğranmış baş soğan və
keşnişlə qarışdırılır, ət maşınından
keçirilir. Üzüm yarpaqlarının saplağı
kəsilir və qaynar suda pörtülür.
Yarpağın hər birinə 25-30 q qiymə
bükülüb qazana yığılır. Üzərinə
balığın sümüklərindən hazırlanmış bulyon tökülür və bişirilir.
Süfrəyə verildikdə yanına qatıq qoyulur.
Hər pay üçün burada 150 q balıq əti, 10 q baş soğan, 45 q
üzüm yarpağı, 20 q keşniş, 50 q qatıq, istiot və duz götürülür.
Təkrar üçün suallar
1. Balıq suda necə bişirilir və az suda necə bişirilir?
2. Suda bişirilən balıq xörəyi necə hazırlanır və süfrəyə
necə verilir?
3. Buxarda balıq necə hazırlanır və süfrəyə necə verilir?
4. Əsas üsulda qızardılmış, bol yağda qızardılmış (fri),
xəmirdə qızardılmış balıq necə hazırlanır və süfrəyə necə verilir?
166
5. Kartof ilə birlikdə salaka, kilkə, xəmsə və mərsin balığı
qızartması, qiymələnmiş balıq qızartması necə hazırlanır və
süfrəyə necə verilir?
6. Balıqdan milli xörəklər - kütüm ləvəngisi, qızardılmış
qızılbalıq, nərə balığından kabab, balıq dolması necə hazırlanır və
süfrəyə necə verilir?
3.7. Ət və ət məhsullarından hazırlanan isti xörəklər
167
Ət müxtəlif üsullarla bişirilir və qovrulur. Ət isti emaldan
keçiriləndə onun tərkibindəki zülal maddələri dəyişilir.
Ətin codluğu əsas etibarilə birləşdirici toxumalarından
asılıdır; həmin birləşdirici toxumalar isə elastin və kollagen
deyilən zülal maddələrindən ibarətdir.
Elastin maddəsi istinin təsiri altında yumşalmır, lakin həcm
etibarilə yığışır. Elastin maddəsi ətin hissələrində (boyundan
başqa) az miqdar təşkil edir.
Kollagen maddəsi suyun və istinin təsiri altında qlyutin
deyilən (yapışqan) başqa maddəyə çevrilir; qlyutin maddəsi suda
əriyir və bunun da nəticəsində ət yumşalır. Ət cəmdəyinin
müxtəlif hissələrində (maçadan başqa) kollagen maddəsi 2%-dən
4%-ə qədər təşkil edir.
İsti emalda ətin yumşalmasının vaxtı kollagen maddəsinin
həm miqdarından, həm də ət cəmdəyi hissələrində istinin təsirinə
göstərdiyi müqavimətindən asılıdır. Ət cəmdəyi hissələrinin
kulinar etibarilə növlərə bölünməsi elə buna əsaslanır.
Ət cəmdəyinin davamsız kollagenli hissələri 10-15
dəqiqədə yumşalır, davamlı kollagenə malik olan hissələrin
yumşalmasına isə 2 saat və daha çox vaxt tələb olunur.
Müxtəlif heyvan növlərində kollagen maddəsinin davamı
da müxtəlifdir. Ən davamlı kollagen maddəsi mal cəmdəyinin
hissələrində olur; qoyun cəmdəyinin hissələrində kollagen
maddəsi nisbətən az davamlıdır.
168
Bundan başqa müxtəlif ət cəmdəklərinin eyni hissələrində
də kollagen müxtəlif davamlılıqda olur. Məsələn, bəslənən mal-
qaranın ətində kollagen maddəsi iş mal-qarasının ətindəkindən
davamsızdır. Kollagenin davamlılığına bir sıra səbəb təsir gös-
tərir; bu səbəblərdən ən əhəmiyyətlisi heyvanın cinsindən, həyat
şəraitindən, köklük dərəcəsindən, yaşından və cinsiyyətindən
ibarətdir.
Kollageni davamlı olan ət hissələri qovrulanda ətin tərki-
bindəki su kollagenin qlyutinə çevrilməsindən daha tez buxarlanır
və ət cod qalır. Buna görə də qovurmaq üçün yalnız davamsız
kollagenli ət hissələri tətbiq edilməlidir. Kollageni davamlı olan
ət hissələrindən suda bişirmək və habelə kotlet kütləsi hazırlamaq
üçün istifadə olunmalıdır.
Kollagenin qlyutinə çevrilməsi 60°C temperaturda başlanır
və bu proses 100°C-dən yuxarı temperaturda daha sürətlə gedir.
Ona görə də ət bişirən zaman avtoklav tətbiq edilə bilər, yəni
prosesi təzyiq altında aparmaq olar.
Turşuların da (sirkə turşusu, süd turşusu) mövcüd olması
kollagenin qlyutinə çevrilməsi prosesinin sürətləndirir, ətin
marinadlaşdırılması və ətin öz buğunda bişirilən zaman turş
mühit yaradılması da elə buna əsalanır.
İsti emal zamanı ətin zülal maddələri müxtəlif dəyişikliklər
keçirib su hopdurmaq (şişmək) və bəziləri isə həm də suda
ərimək qabiliyyətini itirir. Şişmək qabiliyyətini itirməklə, zülal
maddələri su buraxır və bunun da nəticəsində isti emal zamanı
ətin çəkisi azalır. Suda bişən zaman ət, orta hesabla 40%, urvasız
tikə şəklində qovrulanda - 35% və urvalanmış tikə şəklində
qovrulanda isə 27% öz çəkisini itirir.
Çiy ətin rəngi qırmızı olur. Bunu, ətin təkibindəki mioqlo-
bin maddəsi törədir. 70-75% temperaturda mioqlobin dağılır və
ona görə də isti emaldan sonra ətin rəngi dəyişilir.
Ətin suda bişirilməsi tiyanlarda, qazanlarda və yastı qazan-
larda, qovrulması – tavalarda, yastı qazanlarda (frityur, yəni bol
yağ içində) və şişdə, buğda bişirilməsi – qazanlarda və yastı
qazanlarda, qızardılması isə paylıq tavalarda aparılır.
169