212
bundan ibarətdir, bütün müşahidələr son olaraq bunu qərarlaş-
dırmağa əsas verir.
Bütün baş verənlər, ədəbi axınların gərginliyi, ziddiyyət
və təlatümlər, üslub toqquşmaları təfərrütı ilə Qarabağ
xanlığından, Qarabağ ədəbi mühitinin çevrələdiyi ərazilərdən
boy göstərdi. Əlbəttə burada M.P.Vaqifin düşüncəsinin, zəngin
poeziya qaynağının əsasında duran, onun qan daşıyan
damarlarını təşkil edən Qazax mühitinin və Vaqiflə bir yerdə
Qazax mühitində çağlayan M.V.Vidadinin, Ağqız Oğlu Pirinin,
Sarı Çobanoğlunun rolu və funksiyası az deyildir. Bunun
əsasında isə min illər boyu ozanların, aşıqların yaradıb sosial
sferaya təqdim etdiyi fundamental mədəniyyət, türk bədii-
estetik düşüncəsinin mədəniyyət sistemi dururdu. Əhməd
Yasəvi hecadan bir forma olaraq bəhrələnməklə coşub
çağlayan ilslam bədii-estetik təfəkküründə bu xəttə sahiblik və
qoruyuculuq missiyası ilə yanaşdı, zamanında bunun gərək-
liyini duyub ona nümunə oldu, “daha əski zaman məhsul-
larındakı vəziyyətindən ayıran mütəkamil bir şəkil verməsə”
əlahiddəliyini göstərdi. “Vəznin təkyələrdə tutulmasına
yardımçı oldu” ki, bu da sonrakı orta əsr ritmik mühitində
xalqın olanın təkyə tərəfdən də qorunuşuna və gələcəyə
daşınışına mümkün olanı etdi. Ə.Abidin “asil bizdə hecanın
inkişafı məşhur xalq şairi Kərəmdən sonradır” qənaəti bir
mərhələ kimi məsələyə yanaşmanı zəruri edir, halbuki burada
bu tezis həm də Kərəmə qədər olan hecanın janr
texnologiyasının aydınlaşma gərəkliyini şərtləndirir. Ən güclü
tərəf kimi qopuzdan saza, ozandan aşığa daşınanaların (istər
saz havaları olsun, istərsə də şeir formaları) fonopoetok,
morfopoetik, sintaktik mətn tiplərinin arxitektonikasını, ritmik
məzmunu aydınlaşdırmağı gərəkli edir.
213
M.P.Vaqif bütün bu çarpaz xətlərdə bir intibah hadisəsi
kimi daha ucalıqda görünür, mühitdə nələrlə, hansı keyfiyyət
göstəriciləri ilə xarakterizə olunması müstəvisində maraq
doğurur. Ə.Abid böyük sufi şairi Y.Əmrə ilə bağlı bir məqama
diqqət yetirir ki, “Yunis Əmrəyə qədər zəif və cılız bir şəkildə
gələn heca, onda tamamilə yeni bir cöhrə ərz etdi. Əsərlərində
qədim hecanın ibtidai etradı hiss olunmaz. Yunis Əmrənin
hecası heca ahəngi deyil, misrası ahəngə malikdir” (1, 156).
Onuda əlavə edək ki, bu təkamül bir proses olaraq etnosun
özünün ruhi ehtiyacının ödənilməsi kimi görünür. Məhz bunun
nəticəsidir ki, “Qarabağ xanının sarayında oturan Vaqif də ən
lirik parçalarını heca vəznilə yazıyordu... Vaqifin qüvvətli
şairliyi nəticəsində heca vəzni, müasirlərinin haman həpsi
tərəfindən kullanılıyordu. Bizim ədəbi sahəmizdə on birli
hecanın on yeddi və on səkkizinci əsrlərdə çox məqbul olması
Xətai ilə başlayan və Kərəmlə qüvvət və şəxsiyyət qazanan
hərəkatın nəticəsidir. Vaqifin hecası – aşina olduğu klassik
ədəbiyyat tərbiyəsi dolayısilə - Xətai və Kərəmdən çox fərqli
və bişkindir. (1, 165). Görkəmli ədəbiyyatşünas M.F.Axundov
bu zənginlikdə Vaqif və Zakir müqayisəsinə də diqqət yetirir,
dinamikanın, bütünlükdə bədii məkanın olanları kontekstində
qiymətləndirmə aparır. Ə.Abidin Qarabağ xanlığı və digər
xanlıqlar səviyyəsində münasibəti, məsələyə konseptual
yanaşması daha təfərrüatlı sinxron və diaxron münasibətlərin
də ortaya qoyulmasını aktullaşdırır.
214
MOLLA VƏLİ VİDADİ VƏ
MOLLA PƏNAH VAQİF
Bütün təhlillər, şərhlər, aparılan elmi-nəzəri müşahidələr
bir faktı zərurət kimi ortaya qoyur, bu da ondan ibarətdir ki,
M.V.Vidadi və M.P.Vaqif yaradıcılığı XVIII əsr Azərbaycan
şeirinin düşüncə və meyar faktorudur. Ümumiyyətlə, XVIII əsr
Azərbaycan ədəbiyyatı tarixində xüsusi mərhələdir və bu
mərhələni şərtləndirən, xüsusi məna və özəllik verən bu iki
böyük şəxsiyyətin yaratdıqları möhtəşəm sənət abidələridir.
Bunların bir-birindən ayrılması və fərdi şəkildə təhlillərə cəlb
olunması nə qədər nəzəri, konseptual mülahizələr yürüdül-
məsindən asılı olmayaraq yenə də araşdırmalara ehtiyac doğu-
rur. Vaqif böyüklüyü bir müstəvidə Vidadi özünəməxsusluğu,
bədii-estetik düşüncəsinin sxemləri daxilində açılır, eləcə də
əksinə Vidadinin sənətkarlığı, onun həyat fəlsəfəsi Vaqiflə
müqayisəsiz birtərəflidir. Bütün deyilənlərə, fərqli baxışlara
baxmayaraq, bu belədir və sırf reallıqdır.
XVIII əsr Azərbaycan şeirinin uğurları, yeni sferaya
daxil olması, dinamik mənzərəsi bu iki ustadın yaradıcılıq
ruhu, yaratdığı poetik nümunələrlə reallaşır. Əlbəttə buraya
Vaqif və Vidadi ilə yaxınlıqda olan Ağqızoğlu Piri, sarı
Çobanoğlunu da əlavə etmək gərəyi yaranır. Onların şəxsi
münasibətləri, şeirlərində olan ruhi bağlantılar, bədii-estetik
düşüncə və dünyagörüş yaxınlıqları bu inkişafı şərtləndirmiş,
ədəbiyyatın Füzulidən sonrakı məcrasında yaranan və getdikcə
dərinləşən boşluğu doldurmuşdur. Mövcud mənzərənin isə yeni
məcraya yönləndirilməsi ilə ədəbiyyat Füzulidən sonrakı
təxminən iki yüzillik zamanın sıxıntılarının sonuclanması ilə
baş verirdi. Onu da bir reallıq kimi əlavə edək ki, nə Vaqif, nə
Dostları ilə paylaş: |