Renessans dövründə maşınqayırma
184
Val döndükdə onun dirsəkləri ardıcıl olaraq üfürcəklərin alt
hissəsindəki hərəkətli tərəfi yuxarıya itələyir və beləliklə, üfürcəyin
içərisindəki havanı sobanın daxilinə üfürür. Valdakı dirsək dönəndən
sonra üfürcəyin alt tərəfi yenidən aşağıya hərəkət edir və onun içərisi
hava ilə dolur.
Yuxarıda təsvir olunmuş maşın yalnız su dəyirmanlarının
yaxınlığında yerləşdirilərək tətbiq edilə bilirdi. Əks hallarda başqa enerji
mənbəyi ilə işləyən maşınlara ehtiyac yaranır. Əl ilə hərəkət etdirilə
bilən çoxlu sayda maşınlar məlumdur. Şəkil 1.133,a və b-də insan
tərəfindən hərəkət etdirilən maşınlar təsvir edilmişdir. Soldakı şəkildə
yan-yana yerləşdirilmiş iki üfürcəyin üst tərəfində bir val yerləşdirilir.
Vala sərt bərkidilmiş iki qol, xüsusi dəstəyin köməyilə əllə aşağı və
yuxarı döndərilir. Bu qollar öz növbəsində bəndlərin köməyi ilə ardıcıl
olaraq üfürcəkləri hərəkətə gətirir. Şəkil 1.133, b-də göstərilmiş maşında
əsas val ayaqla hərəkətə gətirilən çarxa bərkidilir. Çarx döndükdə
fırlanma hərəkəti üfürcəklərin qapaqlarının yuxarı-aşağı hərəkətinə
çevrilir.
a)
b)
Şəkil 1.133. Müxtəlif üfürcək konstruksiyaları.
Birinkuçio həm də eyini zamanda bir neçə sobaya havanın
üfürülməsi üçün maşınlar düzəltmişdir. Şəkil 1.134-də bir çarxın
yaratdığı hərəkət dirsəkli valların köməyi ilə 4 ədəd üfürcəyə ötürülür.
Uc hissəsində çarx oturdulmuş valın digər ucuna dirsək bərkidilir.
Renessans dövründə maşınqayırma
185
Bu dirsək tərpənməz dirək ətrafında dönə bilən linglə birləşdirilir.
Lingin digər ucu üfürcəklər üzərində asılmış qollarla birləşdirilir. Çarx
fırlandıqda o, lingin köməyi ilə eyni zamanda 2, 3 və 4 üfürcəyi
hərəkətə gətirə bilir. Burada, əlbəttə su çarxının gücü nəzərə alınmalıdır.
Onun bu ötürməsi tarixi qaynaqlara görə ən qədim transmissiya
sayılır. Sonralar bu ötürmədən bir mühərrikin köməyi ilə bir neçə
dəzgahın işlədilməsində istifadə edilmişdir. Birinkuçionun kitabında
topların töküklərini emal etmək üçün texnologiyalara da toxunulmuşdur.
Şəkil 1.134. Üfürcək üçün transmissiya.
O, topların deşilməsi üçün istifadə olunan burğulama dəzgahının
layihəsini vermişdir. Şəkil 1.135-də göstərilmiş dəzgahda ötürmə ya su
çarxı, ya da əl ilə fırlanan nazimçarxla hərəkətə gətirilir. Top möhkəm
ağac
lövhələrdən
düzəldilmiş
stolun
üzərindəki
tutqaclarda
yerləşdirilərək, iplərlə bağlanır. Dəzgahın stolunu irəliyə asan hərəkət
etdirmək üçün onun altında üç ağac diyircək yerləşdirilir. Stolu alətə
tərəf, bərabər olaraq dartmaq üçün o, iki tərəfdən alətə yaxın yerdə
yerləşdirilmiş diyircəyə iplərlə bağlanır. Diyircək çarxqolu ilə fırladıla-
Renessans dövründə maşınqayırma
186
raq stolu alətə tərəf çəkir. Burğulama prosesi başa çatdıqda stolu digər
tərəfə hərəkət etdirmək üçün eyni qurğudan istifadə edilir. Deşmənin
məhsuldarlığını artırmaq üçün Birinkuçio iki alətli dəzgah təklif edir
(şəkil 1.135, b). İkinci alət birincinin yaxınlığında hərəkətli bərkidilir.
İki alət arasında dişli çarx ötürməsi ilə hərəkət əsas burğudan ikinciyə
ötürülür. Birinkuçionun yazdığına görə, ikinci alət dişli çarx ötürməsinin
nəticəsində birinciyə nisbətən daha sürətlə fırlanır. Bu dəzgahda eyni
zamanda iki topu deşmək mümk idi.
a)
b)
Şəkil 1.135. Topların burğulanması üçün dəzgahlar
Renessans dövründə maşınqayırma
187
Qeorqius Aqrikola ( 1494
−
1555)
Q
eorqius Aqricola (əsl adı Georg
Pawer olub, sonradan adını latın dilinə
tərcümə edərək özünü Georgius Agricola
adlandırıb) 1494-cü ildə Saksoniyanın
Qlauxau (alm. Glauchau) şəhərində kətan
toxucusu ailəsində, ikinci uşaq kimi
dünyaya gəlmişdir (şəkil 7.37). 1514-cü
ildən
1518-ci
ilə
qədər
Laypsiq
Universitetində qədim dillər üzrə təhsil
almışdır. Təhsilini başa vurduqdan sonra
Tsvikau (alm. Zwikau) şəhərində işləmək
təklifini alır. Beləliklə o, 1518-ci ildə
Tsvikau
şəhər
məktəbində
rektor
vəzifəsində işləməyə başlayır. Aqrikola məktəbdə köklü dəyişikliklər
edərək latın, yunan, hebron dilləri ilə bərabər əkinçilik, üzümçülük,
tikintişünaslıq, ölçmə, hesablama, əzcazçılıq və hərbşünaslıq sahələrini
də tədrisə daxil edir [1.86].
1521-ci ildə Aqrikola yenidən tibb üzrə təhsil almaq üçün öncə
Laypsiqə, sonradan isə (1523-çü il) Boloniyaya və Padua şəhərlərinə
gedir. 1527-ci ildə Almaniyaya qayıdan Aqrikola Kemnits (alm.
Chemnitz) şəhərində həkim kimi işə başlayaraq ömrünün sonuna kimi
burada işləmişdir. O, uzun müddət Kemnits şəhərinin burqermaysteri
vəzifəsində çalışmışdır. Bu işi ilə bərabər Aqrikola tibb, kimya,
filologiya, pedaqoqika, tarix, metrologiya, geologiya və dağ mədən
işləri üzrə elmi tədqiqatlar aparır. O, humanist düşüncəni texniki
biliklərlə əlaqələndirən, renessans dövrünün universal alimlərindən biri
olmuşdur.
Aqrikola tədqiqatçı kimi fəaliyyət göstərdiyi müddətdə öz işlərinin
nəticələrini kitablar şəklində çap etdirmişdir. 1530-cu ildə Aqrikolanın
metalşünaslığa dair yazdığı kitabı (lat. Bermannus, sive de re metallica)
Şəkil 1.136. Georgius Aqrikola.