Mavzu. Harakatlarga o‘rgatish bosqichlarining tuzilish asoslari. Reja: Kirish

1.Jismoniy madaniyat vositalari pedagogik tushunchalar sifatida.
Tarbiya jarayenida jismoniy mashqlarning samarali ta’sirini belgilay oladigan omillarni bilish pedagogik jarayenni boshqarishni osonlashtiradi. Bu omillar quyidagicha guruxlangan:
1. O‘qituvchi va o‘quvchilarning shaxsiy xarakteristikasini bilish asosiy omillardin biri. Ta’lim jarayeni ikki tomonlama – o‘quvchilar ukiydi, o‘qituvchi ukitadi. Shuning uchun jismoniy mashqlarning ta’siri keng darajada kim ukitayetganligiga va kimlarni ukiyetganligiga, axlokiy sifatlariga va iktidori (intellekti)ga, jismoniy rivojlanganligiga va tayyergarligi darajasiga, shuningdek, birlamchi bajara olish malakasi, kizikishi, harakat faolligi hamda boshqalarga bog‘liq.
2. Ilmiy omillar – jismoniy tarbiyaning qonuniyatlarini inson tomonidan anglash meyerini xarakterlaydi. Jismoniy mashqlarning pedagogik, psihologik, fiziologik xususiyatlari qanchalik chukur ishlab chikilgan bo‘lsa, pedagogik vazifalarni hal qilish uchun shunchalik samarali foydalanish mumkin.
3. Metodik omillar – jismoniy mashqlardan foydalanishda amal kilinadigan juda keng kamrovdagi talablar guruxini umumlashtiradi.
Jismoniy mashqni o‘qitish davomida yeki boshqa pedagogik vazifani hal qilish uchun kullayetib (masalan, jismoniy kobiliyatlarni rivojlan tirsh uchun) shuni xisobga olish kerakki, birinchidan, shu jismoniy mashqdan kutilayetgan samara, ya’ni bu mashq bilan qanday vazifalarni (bilim berish, tarbiyalash, sog‘lomlashtirish) hal qilish mumkin; ikkinchidan, uning tuzilishi – statik yeki dinamik mashqmi, siklik, atsiklik yeki boshqacha harakatmi; uchinchidan, mumkin bo‘lgan takrorlash usullari (bo‘laklarga ajratib yeki mashqni to‘la bajarish bilan o‘rgatish maqsadga muvofikmi, takrorlashlar oraligida aktiv dam olishni qo‘llashmi yeki passiv dam olishnimi va xokazolar). Jismoniy mashqlarning bunday xarakteristikasi qo‘yilgan pedagogik vazifalarni hal qilish uchun jismoniy tarbiya vositalari va metodlarini tanlash imkonini beradi.
Jismoniy tarbiya jarayonida o‘rgatishning asosiy vazifasi harakat ko‘nikmalari va maxsus bilimlarini egallashdir. Jismoniy tarbiya jarayonida ham ta’lim ham tarbiya amalga oshiriladi. Bundan o‘rgatishning asosiy fani bo‘lib o‘zaro bog‘langan harakat tizimini o‘z ichiga oluvchi ratsional harakat faoliyatlari hisoblanadi. Biror bir harakatga o‘rgatish shug‘g‘ullanuvchilarning jismoniy rivojlanishi, fuksional imkoniyatlarini oshirish va rivojlantirish, sogliqni mustahkamlash va h.k. lar bilan bog‘liqdir, hamda jismoniy sifatlarini oshirish sodir bo‘ladi.
Harakat faoliyatlariga turli va konkret vazifalarni hal etgan holda o‘rgatiladi. Ko‘pgina holda quyidagilarga olib kelinadi:
1. Harakatning dastlabki maktabini ta’minlash, ya’ni harakat faoliyatini murakkab shakllari uchun dastlabki bazani yaratgan harakat apparatining asosiy bo‘ginlarida oddiy harakatlarni boshqarishga o‘rgatish. Masalan yuqori stardan chiqish.
2."Yerdamchi” mashqlar yangi yoki ayrim jismoniy sifatlar qobiliyatlarni rivojlanishiga ta’sir etuvchi vositalar sifatida foydalaniladigan harakatlarga o‘rgatish. Masalan: har-xil usulda balandlikka sakrash- plankasiz oyoqlarni har-xil ketma-ketli harakatlari
3.Kundalik hayotda, faoliyatning mehnat, sport va boshqa sohalarda zarur bo‘lgan asosiy harakat ko‘nikma va malakalarni shakllantirish hamda takomillashtiruvning kerakli darajaga olib borish. Masalan: har-xil sport turlari. Bu vazifalarning xarakteriga va o‘rganilayotgan harakat faoliyatlarining xususiyatlariga bog‘liq holda o‘qitish jarayoni bir qator xususiyatlariga egadir. Ma’lumki, vazifalarning qiyinligiga qarab ularga sarf bo‘ladigan vaqtlar ham turlichadir. Masalan: bir-ikki bo‘g‘inli gimnastika harakatlariga o‘rgatish mu’lum holatlarda nisbatan tezroq bo‘ladi, lekin ularni o‘zlashtirish hamda murakkab harakat foliyatlarni yuqori darajaga oshirishga ba’zan yillab vaqtlar ketadi (misol: shest bilan sakrash).
Bunday holatda o‘rgatish metodikasi ham farq qiladi. Harakat faoliyatining tuzilish murakkabligi ma’lum darajada harakatga dastlabki harakatda asosiy metodlarni tanlashni oldindan aniqlaydi.
Oddiy harakatlarga o‘rgatishda butunlicha o‘rgatish qo‘llanilsa, murakkab mashqlarda esa qismlab o‘rgatish qo‘llaniladi. Harakatning tayyorlov, asosiy, yakuniy vazifalari orasida bog‘lanish muhim ahamiyatga va xususiyatlarga egadir.
Ba’zi hollarda o‘rgatishning asosiy vazifalaridan foydalanilsa, (masalan, balandlikka sakrashda, depsinish) boshqa hollarda esa tayyorlov vazifasidan foydalaniladi, (masalan: tebranish va engashgan holda tayanch holatga o‘tish), ayrim hollarda yakuniy fazasidan o‘rgatish lozim (masalan, bolalarga sakrashda yumshoq qunishni o‘rgatish).
Harakatlarga o‘rgatish umumiy didaktik prinsiplariga asoslanadi, bu prinsiplar jismoniy tarbiya sohasida o‘z maxsus ifodasini topadi. Bu maxsus harakat ko‘nikmalari va malakalarini hosil qilish qonuniyatlaridan kelib chiqadi.
Harakat ko‘nikmalari va malakalari. Mashqlarni harakat ko‘nikmasi va harakat malakasi bo‘lgan taqdirdagina bajarish mumkin. Bu ko‘nikma va malakalar harakatlarni bajarishning muayyan usullarini ifoda etadi.
Harakat ko‘nikmalari. Kishida harakat tajribasi va bilimlari to‘planib, jismoniy jihatdan zarur darajada rivoj topgach, kishida biror bir harakat vazifasi hal qilish imkoniyati yaratiladi. Biror harakat faoliyatida Qatnashishni amalga oshirish uchun kishi ilgari hosil qilgan ko‘nikmalar va malakalardan jismoniy va ma’naviy irodaviy sifatlarda ijodiy foydalana oladi. Keyinchalik esa, yangi ilgari tanish bo‘lmagan harakat faoliyatini bajarishga imkon yartadi. Bunda hamisha butun faoliyat davomida ma’lum darajada aqliy mehnat bilan ish ko‘rish talab qilinadi.
Bilim va tajribalar asosida egallangan harakat ko‘nikmalari - ya’ni harakat faoliyati jarayonida harakatlarni ongli ravishda avtomatlashmagan holda boshqarish qobiliyatidir. Jismoniy tarbiya jarayonida 2 xil ko‘rinishda bo‘lgan harakat ko‘nikmalari: a) yaxlit harakat faoliyatini amalga oshira olish. b) har xil murakkablikda - bo‘lgan alohida harakatlarini bajara olish ko‘nikmalari hosil qilinadi.
A.)Birinchi ko‘rinishdagi ko‘nikma murakkab, o‘zgaruvchan sharoitlarda to‘satdan bo‘ladigan vazifalarni hal qilish zarurligi bilan bog‘liqdir. Bunday harakat faoliyati har doim ongli ravishda bajariladi, lekin avtomatlashmagan ravishda bajariladi va standart xarakterda bo‘la olmaydi. Bu ko‘nikmalar umumiy malakaga aylanmaydi. O‘rganilgan harakat va jismoniy sifatlarni chaqqon va ijodiy ravishda qo‘llanish bu har xil ko‘nikmalarga xos xususiyat bo‘lib qoladi.
B) Alohida harakatlarni bajara olish ko‘nikmalari, odatda malaka hosil qilishga olib keladi. O‘rganish jarayonida bu ko‘nikmalar harakat texnikasini dastlabki umumiy tarzda egallashdan tortib, mukammal ravishda egallagunga qadar rivojlanadi. Oddiy yoki murakkab harakatlarni bajara olish qobiliyati bu harakatlarni bajarish uchun butun harakat aktini, bajarish diqqatini to‘la talab qilmagunga qadar ko‘nikma doirasi bo‘ladi.
Harakat malakalari - Harakat mashqlarini ko‘p martaba stereotip tarzda takrorlash malaka hosil qilishga olib keladi. harakat malakasi - bu bir butun harakat vaqtida harakatlarni avtomatlashgan usulida olib borishga aytiladi.
Harakat akti stereotip ravishda takrorlanaversa, uning bajarilishini asta sekin odatga aylanib qoladi; harakat aktining biror bir qismi qanday bajarilish ustida tobora kamroq fikr yuritiladi; yetarli darajada o‘ylab, sinab ko‘rilgan va odat bo‘lib qolgan harakatlarga fikrni qaratishga endilikda zaruriyat qolmaydi va asta-sekin harakat avtomatlashib boradi. Shunday qilib ko‘nikma reflektori harakat aktlari tizimi bilan mustahkamlangan malakaga aylanadi. Avtomatlashgan holat malakaning asosiy xususiyatlaridir. Avtomatlashish bilan umuman harakat aktini ongli ravishda bajarishga chek qo‘yilmaydi, lekin har bir alohida harakatni bajarishga ongning ishtirokiga ixtiyoj qolmaydi.
Malaka hosil bo‘lish davrida ong yo‘q bo‘lib ketmaydi, balki o‘z rolini almashtiradi - Malakaning hosil bo‘lishi jarayonida alohida harakatlarning avtomatlashishi bilan birga bu harakatlar tuzilishining nisbatan doimiy fazoviyligi, vaqtliligi va kuchliligi bilan bir butun aktga harakatlarga birlashish yuzaga keladi. Bu harakatlarning yengil, ritmik, tejamli bo‘lishini ta’minlaydi. Malaka o‘sishining eng yuqori bosqichida suzishda "suvni his etishda» o‘yinda "o‘yinni his etish", konki bilan figurali uchishda "belni his etish» singari ixtisoslashgan sohaga xos tasavvurlar paydo bo‘ladi.
Harakat malakasining barqarorligini harajat amalining o‘zgaruvchanligini ajratib bo‘lmaydi. Malakaning mustaxkamlanib borishi bilan harakat aktini uning texnikasi asosini saqlagan holda har xil variantini ko‘rish imkoniyati paydo bo‘ladi.
(Masalan: gimnast turnikda ko‘tarilish mashqini har xil holda bajara oladi, changichilar va yugiruvchilar joyning relyefiga muvofiq holda yugirish texnikasini ham boshlash va tugallash oson bo‘lib qoladi va bu o‘zgarilgan harakatni boshqa harakatlar bilan qo‘shib bajarishga imkon beradi samarali harakat qilish imkoniyati kengayadi. Bu o‘zgaruvchanlikka harakat aktining tayyorlanish, to‘ldirish va yakunlash vazifalar natijasida erishiladi.
Harakatlarga o‘rgatish - Jismoniy tarbiya jarayonida o‘rgatishning asosiy vazifasi harakat ko‘nikmalari va maxsus bilimlarni egallashdir. Jismoniy tarbiya jarayonida ham ta’lim ham tarbiya amalga oshiriladi. Biror bir harakatga o‘rgatish shug‘ullanuvchilarning jismoniy rivojlanishi, funksional imkoniyatlarni oshirish va rivojlantirish, sog‘liqni mustahkamlash va h.k lar bilan bog‘liqdir, hamda jismoniy sifatlarni oshirish sodir bo‘ladi.
Harakat mashqning amaliyotda o‘zgaruvchanligi oliy tarbiyadagi yangi ko‘nikmaning hosil qilingan malakaning bir butun faoliyatida qulay bo‘lish ko‘nikmasining har bir holat uchun harakatni bajarishning eng yaxshi variantlarini tanlay olish ko‘nikmasining o‘zagi kelishib bog‘liq bo‘ladi.
Kishi hayotida malakaning ahamiyati nihoyatda kattadir. K.D.Ushinskiy bu to‘g‘rida shunday yozgan edi: "Agar kishi malaka hosil qilish faoliyatiga ega bo‘lmaganda, o‘zining uzluksiz ravishda son-sanoqsiz qiyinchiliklar bilan bo‘ladigan taraqqiyotida bir qadam ham oldinga siljiy olmagan bular edi. Buqiyinchiliklarni, aql va idroki yangi ishlar uchun, yangi g‘alabalar uchun qoldirib, faqat malaka orqali bartaraf etishi mumkin". Harakat malakalari kishi hayotida uning mehnat, harbiy turmush, sport faoliyatiga tayyorgarligining bir tomoni sifatida muhim o‘rin tutadi. Malaka yangi ko‘nikmalar hosil qilishning negizi hisoblanadi. Harakat faoliyati mustahkam tarkib topgan malakalarga asoslanmog‘i kerak. Qancha ko‘p malakaga ega bo‘linsa faoliyat shuncha xilma-xil va samarali bo‘ladi.
O‘rgatish bosqichlarining vazifalari va uning metodik xususiyatlari - Ayrim harakat faoliyatiga o‘rgatish jarayonida quyidagi bosqichlar farq qiladi:
1. Dastlabki o‘rgatish - bu o‘rgatish jarayonida harakatning asosiy ko‘rinishida va umumiy harakatlarda harakat ko‘nikmalari hosil bo‘ladi.
2. Chuqurlashtirilgan o‘rgatish natijasida harakat ko‘nikmasi zarur darajada aniq bajaradi, ayrim oddiy harakatlarda malaka hosil bo‘ladi.
3. Harakatlarni mustahkamlash va keyingi takomillashuv harakatlar malakasini paydo bo‘lishi bilan shuningdek, uning turli sharoitda turlanishi bilan farq qilinadi.
I. Dastlabki o‘rgatish bosqichida - maqsad, ko‘nikmaning hosil bo‘lishi,harakatni asosiy variant ko‘rinishida umumiy harakatlarni bajara bilish. O‘rgatish jarayonida shug‘ullanish harakat texnikasining asosini o‘zlashtirishlari zarurdir. Bu bosqichning xususiy masalalari quyidagilardan iborat:
a) harakatlarning fazoviy va vaqt xarakteristikasini muskul kuchlanishining aniq emasligi (o‘rinsiz);
b) harakat faoliyatlarining turgun emasligi;
v) keraksiz qo‘shimcha harakatlarning mavjudligi;
g) murakkab harakatlarni oralig‘ida fazaning butunligini yo‘qligi.
A) Harakatlarni fazoviy va vaqt xarakteristikasi muskul kuchlanishining aniq emasligi birinchidan, asab jarayonlarining bosh miya po‘stlog‘ida irrodiatsiya bo‘lishidagi, ikkinchidan esa ichki tormozlanishining kam kuchlanishiga bog‘liqdir. Asab jarayonlarini bosh miya po‘stlog‘ining harakat taxlil irrodiatsiyasi funksional harakatlarning ayrimlari ishtirok etish o‘rniga il paytida boshqalarning ishtirok etishi qo‘zg‘alish jarayonida o‘rinsizdir. O‘rganuvchi ko‘p ortiqcha kuch sarf qiladi.
Bular hammasi esa ozgina ish bajarish orqali yuqori darajada charchash va ishchanlik qobiliyati pasayishi bilan xarakterlaydi.
B) Harakat akti ritmining turg‘un emasligi - bunda shug‘ullanuvchi harakat akti ayrim fazalarni vaqtidan oldin bajarishga harakat qiladi. Bular ko‘proq ko‘p kuch sarflash bilan bog‘liq bo‘lgan asosiy fazalardir. Bu albatta asosiy fazadan oldin pauza bo‘lishi harakatlarda farqlanadi. Dastlabki harakat ko‘nikmalarini hosil bo‘lish xususiyatlarini hisobga olib, o‘rgatishning birinchi bosqichida quyidagi vazifalar qo‘yiladi:
1. Shug‘ullanuvchilarda harakat faoliyat bo‘yicha to‘liq tasavvur hosil bo‘lishi uchun u to‘g‘risida asosli tushuncha hosil qilish.
2. Yangi harakatlarni o‘rganish uchun shug‘ullanuvchilarning bilimlari to‘g‘risida kerak bo‘lgan elementlar bilan to‘ldirib borish.
3. Harakatlarni butunlay bajarishga erishish.
4. Ortiqcha muskul kuchlanishlarini va ortiqcha keraksiz harakatlarni yo‘q qilish.
Bu bosqichda qo‘llaniladigan o‘rganish metodikasi didaktik prinsiplarini amalga oshirish bilan, o‘rganishning shu bosqichi uchun kerakli bo‘lgan metod va usullardan foydalanishda qator xususiyatlarga egadir. Bularga so‘z metodi, ko‘rgazmalilikni ta’minlash metodi, shug‘ullanuvchilarga oson tushunarli va individuallashtirish, muntazamlilik hamda talabalarni tabora oshirib borish prinsiplari kiradi.
So‘z metodi mashq to‘g‘risida tasavvur hosil qilish, shuningdek shu mashqni paydo bo‘lishi haqida uning amaldagi va sport sohasida ahamiyati haqida so‘zlab shug‘ullanuvchilarni qiziqtirish.
Ko‘rgazmalilikni ta’minlash metodi o‘rgatish lozim bo‘lgan mashq to‘g‘risida shug‘ullanuvchilarda aniq tasavvur hosil qilish uchun vositali va vositasiz variantlari ko‘riladi.
Harakatlarning aniqmasligi va xatolar oldin yirik so‘ngra esa mayda xatolar yo‘q qilib boriladi. Harakatlarning aniqmasligini va xatolar sabablarini ravshan belgilash zarurdir. Xatolar yo o‘rgatish metodini oqilona bo‘lmasligi, yo o‘quvchilarning vazifalarini yetarli daraja aniq tushunmasliklari, yo murakkab harakatning avvalgi fazalarini noto‘g‘ri bajarish natijasida paydo bo‘ladi. Birinchi bosqichda o‘rgatishning muntazamligi, vazifalarining optimal miqdorda takrorlanishning va ular orasidagi intervalning qanchalik zarurligi bilan xarakterlanadi.
II. Chuqurlashtirilgan o‘rgatish bosqichi va bosqichnig maqsadi - Ilgari xosil qilingan "qupol» texnika ko‘nikmalarini aniqlashtirishdir. Dastlabki o‘rgatish jarayonida harakatlar shunday aniqlik bilan bajarilishi kerakki natijasida harakatko‘nikmasi harakat malakasiga aylanishi lozim. Agarda dastlabki o‘rgatish harakat texnika asosini o‘rganishdan iborat bo‘lgan bo‘lsa, ikkinchi bosqichda bu chuqurlashtirilgan holda o‘rganiladi va uning detallari aniqlanadi.
Bu bosqichda harakatlarning vaqtli, fazoviy va ayrim murakkab harakatlar xarakteristikasi bilan xarakterlanadi. Bu bosqichning didaktik vazifalari quyidagilardan iborat:
1. O‘rganilayotgan harakatlarining qonuniyatlarini yanada chuqurroq tushunish;
2. O‘rganilayotgan harakatlar texnikasining detallarini o‘rganish va aniqlash.
3. Harakatlarni butunlay, aniq, bir tekis, oson bajarishga erishish.
Bu bosqichga asosan so‘z metodi, shug‘ullanuvchilarga oson tushunarli va individuallashtirish metodi, keyinchalik jismoniy tarbiyaning metodik prinsiplrdan esa talablarni tobora oshirib borish prinsipi, onglilik va faollik prinsipiga e’tibor etiladi.
III. Harakatlarni mustahkamlash va yanada takomillashtirish bosqichi - Jismoniy tarbiyaning umumiy yo‘nalishiga bog‘liq holda, bu bosqichni davom ettirish har xil bo‘ladi. Bu bosqichda o‘rgatish jarayoni harakat malakalarini rivojlantirishning 2 xil stadiyasini o‘z ichiga oladi:
1. Harakat malakasining asosiy varianti mustahkamlash stadiyasi;
2. Ko‘nikma va malakalarni qo‘shimcha variantda hosil bo‘lish stadiyasi. Birinchi stadiyada o‘rganilayotgan harakat texnikasining asosiy variantiga mos dinamik stereotip mustahkamlanadi.
Ikkinchi stadiyada esa, bu asosiy stereotipga qo‘shimcha harakat reaksiyalari mustahkamlanadi. Bu bosqichda vazifalar quyidagilardan iborat:
1) Harakat ko‘nikmasi, harakat malakasi xosil bo‘lish uchun harakatlarning har xil variantlarda bajarilishi.
2) E’tiborni oldingi bosqichda yo‘l qo‘yilgan xatoni yo‘q qilinishiga qaratilishi zarur.
3) Asosan harakat texnikasini o‘zlashtirish va mustahkamlashga erishish zarur.
4) Harakat faoliyatini maksimal darajada aniq bajarilishiga erishishdir.
Bu bosqichda o‘rgatish metodikasi yuqorida ko‘rsatilgan vazifalarni muvofiqli bajarishga qaratilgan bo‘lishi kerak.
Onglilik va faollik prinsipini amalga oshirishda shug‘ullanuvchilarning diqqatini bir nuqtaga yo‘nalishga qaratish lozim. Harakat aktiga hosil qilingan ritmning bo‘zilishiga, alohida harakatlar o‘rtasida o‘zaro aloqalarning bo‘zilishiga olib kelishi mumkin. Lekin bu bilan bu bosqichda ishga ongli munosabatda bo‘lishning roli kamayadi deb tushunish mutlaqo noto‘g‘ri.
Harakatlar faoliyatini takomillashtirish jarayonida ko‘p vazifalarni hal qilishda ongli va faollik prinspi yetakchi rol o‘ynaydi. Onglilik o‘rganilayotgan harakat texnikasini, uning qonuniyatlarini va bajariladigan ishining natijasini yanada chuqurroq tushunib olishga qaratilishi kerak.
Bu bosqichda muhokama, suhbat, nazariy manbalar ustida mustaqil ishlash va hokazolar birinchi o‘ringa qo‘yiladi. Harakat malakasini mustaµkamlash jarayonida o‘rgatishning ko‘rgazmaliligi oldingi, bosqichlarga qaraganda boshqacha shakl yotadi.
Harakatni o‘rgatishga yordam beradigan qushimcha vosita va metodlar asta-sekin minimum darajagacha kamaytiriladi. Harakat malakasining mustaxkamlanishida harakat analizatori yetakchi rol o‘ynaydi, masofa analizatorlari esa "yo‘qlanadi", bu diqqatni harakatning tashqi sharoitiga qaratishga imkon beradi. Bu o‘z navbatida, taktik ko‘nikma va malakalarni xosil qilish va takomillashtirish uchun qulay sharoit yaratadi. Bunda ko‘rgazmali vositalar, video va kino materiallardan, turli xil taktik vaziyatlarni aks ettiruvchi rasm va chizmalardan foydalanadi.
Muntazamlilik prinsipi bo‘lsa, harakat malakasini mustahkamlash va takomillashtirish harakatini butunlaycha qayta takrorlash sharoitlarida amalga oshiriladi. Hamda extiyojga qarab, qismlarni bo‘lishga ham yo‘l qo‘yiladi. Bunda standart va o‘zgaruvchan mashqlar metodlaridan birgalikda foydalanish juda katta ahamiyatga ega.
Bu bosqichning dastlabki o‘rgatish bosqichida doimiy sharoitlarda o‘tkaziladigan standart mashq yaxshidir, chunki hosil bo‘lgan dinamik stereotip hali yetarli darajada mustaxkamlanmasdan o‘zgartirishga o‘rinilganda, asosiy variantda "salbiy ko‘chish» ko‘zga tashlanadi va o‘rganilgan qismlarni aniqlash yuzasidan olib borilayotgan ishni davom ettirishga halaqit beradi.
Bundan keyin malakaning mustahkamlanishiga qarab, asosiy o‘rinni o‘zgaruvchan mashq eggalaydi, bu mashq jarayonida xilma-xil sharoitlarda harakat turli o‘zgaradi.
Harakat malakalarini takomillashtirish jarayonida oson tushunarli va individuallashtirishni ta’mnlash bilan birga, o‘rganilgan harakatning qanchalik mustahkamlanganligiga qarab musobaqa metodidan oldin harakat texnikasiga asosan, so‘ngra butun funksional imkoniyatlarini ko‘rsatib yanada kengroq foydalaniladi. O‘rganishning bu bosqichida jismoniy yuklanish bilan dam olishni almashinishi, takomillashining belgilanadigan darajasiga bogliqdir. O‘rgatishning bu bosqichida malakaning mustaxkam bo‘lishi va talabning tobora oshib borishi muhim o‘rin egallaydi. Harakat ko‘nikmalari va malakalarini takomillashtirish uchun shart-sharoit harakat vazifalarini muntazam ravishda yangilab mukamallashtirib turish va jismoniy sifatlarini har tomonlama rivojlantirishga qaratilgan funksional jismoniy yuklanishlarni oshirish yo‘li bilan yaratiladi. Shuni ham aytib o‘tish kerakki bu bosqichda o‘rgatish jarayonining harkterli tomonlaridan biri bu o‘rgatish jarayonining jismoniy sifatlarini tarbiyalash jarayoni bilan yaqin bog‘liqligidir.
O‘RGATISH BOSQICHLARI.
DASTLABKI O‘RGANISH
CHUQUR O‘RGANISH
TAKOMIL VA MUSTAHKAM O‘RGANISH

Maqsad-o‘rganish jarayonida shug‘ullanuvchilar harakat texnikasining asosini o‘zlashtirish. Bu bosqichning xususiy vazifalari quyidagilardan iborat:

a) shug‘ullanuvchilarda harakat faoliyati bo‘yicha to‘liq tasavvur hosil bo‘lishi uchun u to‘g‘risida asosli tushuncha hosil qilish,
b) Yangi harakatlarni o‘rgatish uchun shug‘ullanuvchilarning bilimini, harakatlar to‘g‘risida kerak bo‘lgan elementlar bilan to‘ldirib borish,
v) Harakatlarni butunlay bajarishga erishish,
g) Ortiqcha muskul kuchlanishlarni va ortiqcha keraksiz harakatlarni yo‘q qilish. Amalga oshirish metodlari.
1. So‘z metodi.
2. Ko‘rgazmali metod.
3.Bo‘lib - bo‘lib o‘rganish metodi.
Maqsad- ilgari xato qilingan -qo‘pol- texnika ko‘nikmalarini aniqlash va yo‘q qilishga intilish. Bu bosqichning asosiy vazifalari:
a) O‘rganilayotgan harakatlarning qonuniyatlashtirishni yanada chuqurroq tushuntirish,
b) O‘rganilayotgan harakatlar texnikasining detallarini o‘rgatish va aniqlash,
v) Harakatlarni butunlay aniq bir tekis, oson bajarishga intilish,
g) Harakatni turlicha bajarish imkoniyatini oldindan yaratish.
Amalga oshirish metodlari
1. Butunlay o‘rgatish.
2. So‘z metodi.
3. Ko‘rgazmali metod.
4. Musobaqaviy metod.
Maqsad amaliyotda harakat faoliyatini takomillashgan holda egallashni ta’minlash. Xususiy vazifalar quyidagilardan iborat: a)Harakat ko‘nikma harakat malakasi hosil bo‘lish uchun harakatlarni har xil variantda bajarish. b)Oldingi bosqichda yo‘l qo‘yilgan xatoni yo‘q qilish. v)Asosan texnikani va o‘zlashtirish va mustahkamlashga erishish zarur.
g) Harakat faoliyatini maksimal darajada aniq bajarishga erishish. Amalga oshirish metodlari:
1. Takroriy standart mashq metodi. 2. Takroriy o‘zgaruvchan mashq metodi. 3. Onglilik va faollik. 4. Muntazamlik.
Malakalarning o‘zaro aloqasi va o‘rgatishining ketma-ketligi - Harakat malakalari tarkib topishi va qo‘llanish jarayonida ko‘pincha bir-biriga ta’sir ko‘rsatadi. Ilgari hosil qilingan malakalar ko‘chish deb ataluvchi mexanizm bo‘yicha yangi malakaning tarkib topishini yoki namoyon bo‘lishini osonlashtirish yoki qiyinlantirish mumkin. Ko‘chish ko‘p hollarda yangi ko‘nikma va malakaning hosil bo‘lishiga yordam beradi. Masalan: kichik koptokni irgitish granata irgitishni, velosipedda yurish malakasi, mototsiklda yurishni o‘rgatishga yordam beradi va h.k. Malakalarning bunday o‘zaro aloqasi ijobiy samara beradi yoki "ijobiy ko‘chish» deyiladi.
Shu bilan birga malakalarning o‘zaro aloqasi salbiy ham bo‘ladi. Masalan: Balandlikka sakrash malakasi tusiqlardan yugirishni o‘rganishga halaqit berishi mumkin, yonboshlagan usulida suzish malakasi ma’lum sharoitlarda brass harakat qilishini izdan chiqaradi. Ko‘chirishning bunday turi o‘rgatish jarayonida salbiy ta’sir etadi va ijobiy samara bermaydi yoki "salbiy ko‘chish» deyiladi.
Ko‘chish xarakteri - uning ijobiy yoki salbiy bo‘lishi, o‘rgatishning to‘la yoki qisman bo‘lishi, ilgari harakat hosil qilingan ta’siri yangi tartibga qaysi darajada yaroqli bo‘la olishiga bog‘liqdir.
Malakalarning o‘zaro ijobiy aloqasi - O‘rganilayotgan harakat faoliyati bilan ilgari o‘zlashtirilgan biror faoliyatining tuzilishlari o‘rtasida o‘xshashlik qancha ko‘p bo‘lsa, yangi harakat faoliyatini o‘rganish shuncha yengil bo‘ladi. Bunga asos - harakatlarni o‘rganish ketma-ketligini shunday rejalashtirish zarurki, bunda bir harakatni o‘zlashtirish ko‘nikma va malakaning boshqa harakatni o‘rganishga "ijobiy ko‘chish"ga imkoniyat yaratsin. Bu jihatdan qaraganda, faoliyatlari har xil bo‘lgan mashq turlarida, ayniqsa katta imkonityalar mavjuddir. Harakat faoliyatining bunday turlarida harakatlarning tuzilishining o‘xshashligiga qarab guruhlarga bo‘lish mumkin. So‘ngra harakatlarni guruhlarga, ularning murakkabligiga qarab joylashtirilsa, bu guruhlarning navbatdagi harakatlariga tayyorlanishi guruhi bo‘lib qoladi. Ko‘chish odatda, harakat faoliyatlarini asosiy fazalari o‘xshash bo‘lganda ijobiy samara beradi. Masalan: chang‘i sportiga o‘rganishni birin-ketin ikki qadamlab oldinga yurish usuli bilan boshlash tavsiya etiladi, chunki bu usul boshqa barcha yurish elementlarini tashkil etadi. Turli harakatli mashqlar uchun ko‘p bo‘lmagan sport turlarida "ijobiy ko‘chish» holatida maxsus tayyorgarlik, ya’ni imitatsiyali mashqlar yordamida foydalaniladi.
Masalan: konkida yugurish imitatsiyasi va roliklarda yugirish konkida uchish sportida keng va muvaffaqiyatli qo‘llaniladi. Harakat faoliyatining asosiy vazifasigina emas, xatto tayyorlanish va yakunlovchi fazalarini egallashda ham malakalar ko‘chishi ijobiy samara berishi mumkin.
Shuni nazarda tutish kerakki, "ijobiy ko‘chish» o‘rganishning dastlabki bosqichlarida ayniqsa keng namoyon bo‘ladi. Maslan: granata uloqtirish masalasi nayza uloqtirishda dastlab yordam beradi.
Malakaning o‘zaro salbiy ta’siri - Tuzilish dastlabki fazalariga o‘xshash va keyingilari o‘rtasida katta farqlar bo‘lgan harakat faoliyatini o‘zlashtirish jarayonida malakalarning o‘zaro salbiy ta’siri ko‘pincha sezilib turadi. Agar navbat bilan bunday harakat faoliyatlarini tarkib toptirib ko‘rilsa, u vaqtda bir harakatdan ikkinchi harakatga, ya’ni yangi o‘rganilgandan va dastlabki faza bo‘yicha o‘xshash bo‘lganharakatga beixtiyor o‘tish mumkin. Asab tizimi o‘z faoliyatini har doim ancha tejam bilan amalga oshirishga intiladi. Chunki I.P.Pavlov va uning shogirdlari ko‘rsatib o‘tishganidek, asab tizimi uchun odat tusiga kirgan steriotiplik faoliyat, hatto bu faoliyat birmuncha soddaroq bo‘lsa ham yangi faoliyatga qaraganda yengilroqdir.
O‘rgatish jarayonida o‘quv materialini raqobatlashuvchi malakalarning bir vaqtda tarkib topishiga yo‘l qo‘ymaslikni yoki ko‘chishning salbiy ta’siri ancha kam bo‘lishini ta’minlaydigan qilib rejalashtirish muhimdir. Masalan: oldin turnik yoki brusda bir oyoqda osilib ko‘tarilish emas, balki to‘nkarilib ko‘tarilish maqsadga muvofiqdir.
Tug‘ma avtomatizmlarning ta’siri - Murakkab harakat faoliyatlarini egallashda tug‘ma avtomatizmlar ancha muhim ahamiyatga egadir. Ba’zi hollarda ular yordam bersa, ba’zi vaqtda halaqit beradi. Masalan: koordinatsion qadamlari tug‘ma chalishtirib yurish, yugirish va boshqa bir qator harakatlarning tabiiy asosini tashkil etadi.
O‘rgatish ketma-ketligi o‘rgatilayotib, shu kabi tug‘ma koordinatsion harakatlar tomonidan yaratiladigan ijobiy imkoniyatlardan foydalanishga intilish kerakligi o‘z-o‘zidan ma’lumdir.
Masalan: suvda suzishga o‘rgatishni brass, krol usulidan; chang‘ida yurishni birdan ikki oyoqni quzg‘atishdan emas, birin-ketin qadam tashlab yurishdan boshlash maqsadga muvofiqdir. Shu bilan bir qatorda, ko‘p hollarda innervatsiya va bo‘yinni mustahkamlash reflekslari bilan bog‘liq bo‘lgan tug‘ma avtomatizmlarni yengish talab qilinadi.
Harakat malakalarini shakllantirish va jismoniy sifatlarni tarbiyalash - Jismoniy tarbiya jarayonida bola pedagog rahbarligida dasturda ko‘zda tutilgan harakat malakasini va ko‘nikmasini egallaydi. Turli harakatlarga o‘rgatish jarayonida malaka va ko‘nikmalarni shakllantirish jismoniy sifatlarni tarbiyalash bilan uzviy bog‘liqlikda amalga oshiriladi. Jismoniy sifatlarni rivojlantirish jarayonida o‘quvchilar jismoniy mashqlarning yangi shakllarini egallash qobiliyatlari oshib boradi. Jismoniy madaniyat nazariyasida harakat malakasi harakat texnikasini egallash darajasi bilan belgilanadi. Harakat malakasining ikki turi farqlanadi: ulardan biri yaxlit harakat faoliyatini amalga oshirishda, ikkinchisi ayrim, murakkabligiga ko‘ra turlicha harakatlarda ifodalanadi.
Harakat malakasi - bu harakat texnikasini egallash darajasi bo‘lib unda harakatlarni boshqarish avtomatik tarzda ko‘chadi va harakatlar o‘zining juda ishonchligi bilan ajralib turadi.
Harakat malakalarining bola uchun amaliy ahamiyati juda katta. Hosil qilingan ko‘nikmalar jismoniy, ruhiy kuchlarni tejamkorlik bilan sarf etish, yaxlit harakat faoliyatiga kiruvchi harakatlarni tez va aniq bajarish imkonini beradi. Ular ongli ravishda mashqlar bajarish natijasida uning bajarish usuli va qoidalarini takomillashtirib boradilar va shu malakaga binoan mashqlarni ma’lum bir vaqt oralig‘ida texnik jihatdan to‘g‘ri bajara olish qobiliyatini saqlab qoladilar. Harakatlarning uyushgan holda, aniq va tez bajarish bolalarning ruhiyatini oshiradi.
Jismoniy sifatlarni tarbiyalash jismoniy tarbiyaning asosiy vazifalaridan biridir. Jismoniy sifatlar bola organizmining morfofunksional, psixofiziologik va biologik xususiyatlari bilan bogliqdir.
Jismoniy sifatlarni, harakat ko‘nikmalarini o‘rgatish bilan birgalikda tarbiyalash bolanining takomillashuviga, tanasining sog‘lomlashuviga, hissiy ruhining ko‘tarilishiga ta’sir ko‘rsatadi, bolalar harakatlarni tobora ishonch bilan bajaradilar, yangi harakatlarni tezroq, oson bajarilishiga, yuqori natijalarga erishishga intiladilar, ijobiy mustaqillik ko‘rsatadilar.
Asosiy jismoniy sifatlarning /tezkorlik, chaqqonlik, chidamlilik, kuch va egiluvchanlik/ rivojlanishi harakat malakalarining shakllanishi bilan uzviy bog‘liq. Ana shu jarayonga xizmat qiluvchi mashqlar qat’iy izchillikda va harakat ta’siri murakkablashtirilgan holda jismoniy tarbiya darslari tarkibiga, o‘yin soatlariga, sport mashqlariga hamda o‘quvchilarning maktabdan va sinfdan tashqari sport tadbirlari tarkibiga kiritiladi. Harakat ko‘nikmalarini shakllantirishga e’tibor ayniqsa maktab kun tartibida olib boriladigan jismoniy sog‘lomlashtirish tadbirlari davomida amalga oshirilishi kerak. Katta tanaffuslarda o‘tkaziladigan harakatli o‘yinlar, dars boshlanishidan oldin o‘tkaziladigan ertalabki gimnastika, sayrlar, sinfdan tashqari olib boriladigan ommaviy tadbirlarning barchasi jismoniy sifatlarning tarbiyalanishiga imkon yaratadi. Har bir jismoniy sifat uchun alohida o‘ziga xos mashqlar majmuasi tanlanadi va maxsus usulda bajartiriladi.