Mavzu yuzasidan topshiriqlar va javoblari. Korx

5. Korxona xo`jalik faoliyatining sifat va miqdor ko`rsatkichlari tahlili qanday amalga oshiriladi?
Korxona (firma) faoliyatining asosiy maqsadi foyda (daromad) olish
hisoblanadi. SHuningdek, korxona o’z oldiga ishlab chiqarishni kengaytirish,
personalning kasbiy mahoratini oshirish, fan-texnika taraqqiyoti yutuqlari asosida
mehnatni tashkil etishni takomillashtirish, ishlab chiqarilayotgan va taklif etilayotgan
mahsulotning iste’molchilarini, mijozlarini va insofli sherik, hamkorlarning sonini
ko’paytirishni ham maqsad qilib oladi.
Korxonaning iqtisodiy manfaatlari, turli ehtiyojlar mavjud sharoitda talabni
qondirish, yashash va rivojlanish uchun raqobat kurashi kuchaygan sharoitda himoya qilinadi.
6. Nima uchun raqobatbardoshlikni oshirish iqtisodiy xavfsizlik omili bo`lib
hisoblanadi?
Raqobatdoshlik – iqtisodiy xavfsizlikni ta’minlashning eng muhim mexanizmi
bo’lib, iqtisodiy xavfsizlik va raqobatdoshlik doimo o’zaro munosabatda bo’lib
turadi. Iqtisodiy xavfsizlik ham, raqobatdoshlik ham milliy xo’jalik majmuasi va
uning tarkibiy qismlarini tavsiflovchilaridir.
Jahon moliyaviy-iqtisodiy inqirozi sharoitida iqtisodiyotning barqarorligini
ta’minlash, uni diversifikatsiya qilish va raqobatdoshligini oshirish mamlakat
iqtisodiyotini uning tahdidlaridan himoya qiluvchi muhim omillardan bo’lib
hisoblanadi.