Microsoft Word A. Cemil secilmis eserler temiz variant secilmis eserler 111. doc
Yüklə 1,18 Mb. Pdf görüntüsü
|
- Bu səhifədəki naviqasiya:
- 1984 GÖRÜRƏM
- 1984 Сечилмиш ясярляри
Адил Ъямил 232 NAHAQ YERƏ Dərdbilməzə qəm dadını Bildirməyin nahaq yerə. Ağlamaq istəyən kəsi Güldürməyin nahaq yerə. Bölünməz qardaş torpağı - Böldürməyin nahaq yerə. İnsaf edin, ölməzləri «Ölüm haqdır» deyə-deyə Öldürməyin nahaq yerə… 1984 Сечилмиш ясярляри 233 YUXUDA ÖLMƏK Bu gecə yuxuda gördüm ölmüşəm - Əlvida demişəm ömrün kefinə. Bir aylı gecənin aydınlığında Məni bükübdülər bir ağ kəfənə… Aydınca görürəm ağlayanları, Qızımın göz yaşı gözümdən axır. Getmək istəyirəm öz məzarıma - Görürəm tabutum özümdən ağır… Tabutu üzürlər yerin üzündən, Əlvan əklillərə «əkilir» adım. Düşmən dostlarımın vida sözündə «Yaxşı insan» kimi çəkilir adım. Qərəzli-mərəzli tənqidçilər də Təriflər yağdırıb üz tutur mənə. Sağ ikən əl verib əl tutmayanlar Öləndə yalandan yas tutur mənə. Səsim diri qalır - hey qışqırırıram. Fikirli izdiham eşitmir məni. Soyuq çiyinlərdə tabut soyuyur, İsti torpağacan isitmir məni… Məni dəfn eləyib geri dönürlər, Düşmən şübhələnib qorxur ayılam… Mənim yas yerimə gələn kəsləri Mən özüm qapıda qarşılayıram… Адил Ъямил 234 Yenə də başlayır əvvəlki həyat, Yenə də düşmənim, dostum seçilir. Yuxuda gördüyüm ölüm yuxusu Bir kiçik nöqtəyə dönüb kiçilir… 1984 GÖRÜRƏM Düşünürəm olmuşları - Haqqımı ağlar görürəm. Vədəbazın hap-gopuyla Səhrada «bağlar» görürəm. Sinəmə dağ çəkildikcə Yuxumda dağlar görürəm. Qəribsəyən yurd yerində Sönmüş ocaqlar görürəm. Gah solumda, gah sağımda Çürümüş sağlar görürəm. Yeri eşən, göyü deşən Amanlar, ahlar görürəm. Sonra boynuma sarılan Əkiz uşaqlar görürəm… 1986 Сечилмиш ясярляри 235 ƏZİZLƏRİM, ƏKİZLƏRİM Dünyaya bir gəlmisiniz, Bir ağlayıb, gülmüsünüz. Bir nəfəsli iki cansız, Eyni səsli həyəcansız. Ölçüyə bax, ülgüyə bax, Bu qəribə bölgüyə bax. Birinizə soyuq dəysə O biriniz xəstələnir. Yatmaq üçün ikinizə Eyni nəğmə bəstələnir. Bapbalaca dünyanıza Eyni gözlə baxırsınız. Qoşalaşan çaya dönüb Damarımda axırsınız. Göyərçintək qonursunuz Siz hərəniz bir qoluma. İki qolum — iki budaq Həm qızıma, həm oğluma… Bir kədərə şəriksiniz, Bir sevincə ortaqsınız. Bir saplaqda çataqlaşan İki körpə yarpaqsınız. Havanız bir, suyunuz bir, Yaşınız bir, boyunuz bir. Ömrüm vəfa qılaydı kaş — Bir olaydı toyunuz, bir… Адил Ъямил 236 Oğlum Orxan, qızım Xumar — Yurda qalan cüt izlərim, Dünya boyda sevincimlə Əkiz olan əkizlərim, Mənim qoşa qanadımsız — Uçam gərək, əzizlərim… 1984 Сечилмиш ясярляри 237 CAVANLIQDA QOCALIQ Bir vaxt qıjıldayan dağ çayı idim, İndi sakit axan sısqa bulağam. Ömür-gün şamıtək gün-gün əridim, Üzüldü, süzüldü yolum-yolağam. Dəyişdi zirvəyə gedən cığırım, Yüksəkdə gəzmədim ucalığımı. Axırda gəlsəydi mənim axırım Cavankən duymazdım qocalığımı. Əgər sönməyibsə yanğım, alovum Oduma alışan o pəri hanı?.. Yayınıb gözümdən qaçır söz «ovum», Bəs «ovçu» ilhamın təpəri hanı?.. Hələ ömür deyil ömrün uzunu - Min illər yaşayır duyğusuz daş da… Yaxşı deyirlər ki, insan özünü Nə yaşda bilirsə, elə o yaşda… 1986 Адил Ъямил 238 DÜŞMƏSİN İşıq diləyirəm insan ömrünə, Heç kəsin bəxtinə kölgə düşməsin. Gülsün üzümüzə günəşin üzü, Ölkə ayağına ölkə düşməsin. İnsan bu dünyada qonaq olsa da, Arzular mənzili uzaq olsa da, Ömür yollarında sınaq olsa da, Yumşaq ürəklilər bərkə düşməsin. Keçmişim bir ümman — dərindən dərin, Dərdi yazılmayıb çox dərdi-sərin… Yalandan bir gedib, bir gələnlərin Adı tariximə birgə düşməsin. Gəzirəm tapmıram itən günləri, Hərəsi bir ilə o tən günləri… Pozuram yaddaşdan ötən günləri — Yadıma düşənlər bəlkə düşməsin. Bəzən ləl gizlənir sel arasında, Tikanlar bəslənir gül arasında. Gərək elə gəzim el arasında Mənim tərpənişim yekə düşməsin. Fərqi var gürzənin koramal ilə, İlan da yaşamır kor amal ilə. Ürəyim çırpınır bir amal ilə — Ləkəsiz ömrümə ləkə düşməsin. Yüklə 1,18 Mb. Dostları ilə paylaş:
|