82
43. Oğul Corc Buş (George Walker Bush) - 1946
Prezidentlik dövrü: 2001-... Respublikaçı
1946-cı ildə doğulub, Yel universitetini bitirib, hərbi hava qüvvələrində xidmət edib.
1994-cü ildə Texasın qubernatoru seçilib. Bütün qubernatorlardan çox - 152 ölüm hökmünə
imza atıb. 2000-ci ilə qədər bu hökmlərdən yalnız biri icra olunsa da, bu fakt ictimai qınağa
səbəb olub.
2000-ci il seçkilərinin nəticələrinə əsasən, uzun müddət qalibi müəyyən etmək çətin olub,
qardaşı Ceb Buşun qubernator olduğu Florida ştatında seçkilərin nəticəsinin saxtalaşdırıldığı
barədə məlumatlar yayılıb. Lakin dekabr ayında ABŞ Ali Məhkəməsi dörd səs əleyhinə, beş
səs lehinə olmaqla, oğul Buşu prezident elan edib.
Ginnesin Rekordlar kitabmm məlumatına görə, Buş hakimiyyətində varlı adamların sayı
rekord təşkil edir. Bununla belə, yeni prezidentin kabineti irqi və milli azlıqların nüma-
yəndələrinin sayına görə də rekord vurub. O, Asiya əsilli iki nəfəri nazir təyin edib, Afrika
mənşəli Kolin Pauelə (2001) və xanım Kondoliza Raysa (2005) yüksək vəzifə - dövlət katibi
vəzifəsini tapşırıb.
ABŞ tarixinin ən dəhşətli faciəsinin - 3 min nəfərə yaxın insanın həlak olması ilə nəticələnən
2001-ci ilin 11 sentyabr hadisələrinin baş verdiyi günü terrorizmlə müharibənin başlandığı gün
elan edib. 2001-ci ilin noyabrında Əfqanıstanın «Taliban» rejimini devirib, 2003-cü ilin
martında İraqa qoşun yeridib və Səddam Hüseyn rejiminə son qoyub.
«Azadlığa dəstək aktı»na edilmiş 907-ci düzəlişin - ABŞ hökumətinin Azərbaycana maliyyə
yardımını qadağan edən düzəlişin qüvvəsinin dayandırılması (2002) onun adı ilə bağlıdır.
"Birinci Ledi" Fenomeni
ABŞ Konstitusiyasında prezidentlərin xanımları barədə birinci ledilər haqqında maddə
yoxdur. Prezidentin xanımı rəsmi vəzifə daşımır və maaş almır. Onun əsas vəzifəsi rəsmi
tədbirlərdə ərini müşaiyət etmək, qayğıkeş arvad və mehriban ana nümunəsi göstərməkdir.
Bununla belə, ölkənin siyasi həyatına birinci ledilərin təsirini danmaq olmaz. Qeyd edək ki,
ABŞ-da «birinci ledi» titulu yalnız 20-ci əsrdə geniş işlənməyə başlayıb.
ABŞ-ın ilk prezidentinin arvadı Marta Vaşinqton gələcək prezidentin general kimi döyüşdüyü
illərdə daim onun ardınca döyüş bölgələrinə gedib, yaralılara yardım göstərib, onların
paltarlarını tikib, xörək bişirib. Əri prezident seçildikdən sonra, demək olar ki, siyasi proseslərə
müdaxilə etməyib. Lakin cümə günləri Ağ evdə qadınlar üçün çay süfrəsi təşkil edib və bu ənənə
indiyədək yaşayır.
2-ci prezident Con Adamsın arvadı Abigeyl Adams isə, əksinə, siyasi fəallığı ilə seçilib və
buna görə tənqid hədəfinə çevrilib.
Ceffersonun prezident seçilməsindən 18 il əvvəl arvadı vəfat edib və o, bir daha
evlənməyəcəyi barədə verdiyi vədə ömrünün sonuna kimi sadiq qalıb. Ona görə də prezident
seçilərkən Ağ Evin sahibəsi roluna dövlət katibi Ceyms Mədisonun xanımı Dolli Mədisonu
məsləhət görüb. Dolli bu işin öhdəsindən o qədər uğurla gəlib ki, ərinin prezident seçilməsində
də mühüm rol oynayıb.
Dolli Medison 1814-cü ilin avqustunda Britaniya qoşunlarının hücumu zamanı Ağ evdən
mühüm dövlət sənədlərinin və digər qiymətli əşyaların evakuasiya olunmasına rəhbərlik edib.
Əndryü Ceksonun xanımı Reçel 1828-ci il seçkilərində ərinə yaxından kömək edib. O,
Ceksonla yaşamağa başlayanda hələ əvvəlki əri ilə nikahı pozulmadığı üçün Reçeli xəyanətdə
ittiham ediblər. Bütün bu təhqirlərə dözməyən Reçel ərinin iniaqurasiya mərasiminə qədər
infarkt keçirib və vəfat edib. Ona görə də birinci ledi funksiyasını prezidentin qohumu Emili
Donelson yerinə yetirib.
Culiya Tayler vəzifədə olan prezidentə ərə gedən ilk qadın olub. Con Tayler prezident
seçiləndən il yarım sonra arvadı vəfat edib və o, özündən 30 yaş kiçik Culiya ilə evlənib. Culiya
ilk dəfə özünə şəxsi mətbuat katibi təyin edən birinci ledi sayılır.
11-ci prezidentin xanımı Sara Polk Ağ evdə tünd spirtli içkiləri və qumar oyunlarını qadağan
etməsi ilə yadda qalıb.
83
General Zakari Teylorun arvadı Marqaret döyüş bölgələrində həmişə ərinin yanında olsa da,
onun prezident seçilməsini istəməyib. Ərinin namizəd olduğunu eşidəndə isə dəhşətə gəlib və
hər axşam dua edib ki, o, seçilməsin. Qəribədir ki, prezident seçiləndən 17 ay sonra Z.Teylor
qəflətən vəfat edib.
13-cü prezident Millard Fillmorun arvadı Abigeyl birinci ledi kimi Ağ evdə bircə kitabın,
hətta Bibliyanın olmamasından dəhşətə gəlib və kitab almaq üçün vəsait ayırmaq xahişi ilə
Konqresə məktub yazıb, ayrılan vəsaitə kitabları özü alıb.
Abraham Linkolnun arvadı Meri Linkoln emosional xarakteri və qısqaclığı ilə ərinə kifayət
qədər ciddi problemlər yaradıb. Vətəndaş müharibəsinin çətinliklərinə baxmayaraq, Konqres dən
Ağ evin təmirinə pul ayrılmasını inadkarlıqla tələb edib. A.Linkoln güllələnəndə onun dəfnində
iştirak etməkdən boyun qaçırıb. Oğlu onu psixatriya xəstəxanasına yerləşdirməyə məcbur olub.
19-cu prezident Heysin arvadı Lüsi Heys Ağ evdə spirtli içki və qumar oyunlarını, rəqs
etməyi və hətta bilyard oynamağı qadağan edib. Yeganə istisna 1877-ci ildə Rusiya
nümayəndələrinin qəbulu zamanı edilib - müşavirlər onu inandıra biliblər ki, ruslarla içkisiz heç
bir danışıq nəticə verməyəcək.
Frensis Klivlənd ən gənc birinci ledi sayılır: o, 22 yaşında 47 yaşlı prezidentə ərə gedib və Ağ
evdə ilk və yeganə toy mərasimi keçirilən birinci ledi olub. Onun şəkillərindən müxtəlif malların
reklamında istifadə edilib. O vaxt buna görə icazə tələb olunmayıb. Prezidentin müvafiq qanun
qəbul etdirmək istəyini isə Konqres dəstəkləməyib.
Bencamin Harrisonun arvadı Kerolaynın tələbi ilə Ağ evdə ilk dəfə telefon kommutatoru
qoyulub (o vaxta qədər bütün administrasiya üçün cəmi bir telefon olub) və elektrik işığı çəkilib.
Bununla belə, novator qadın elektrikdən o qədər qorxub ki, ömründə bir dəfə də olsun, işığı özü
yandırıb-söndürməyib. Əri də elektrikdən qorxub. Bir dəfə Ağ evdə qulluqçu olmadığı üçün
onlar gecə işığı söndürməyə cəsarət etməyərək, səhərə qədər işıqda yatmalı olublar.
Uilyam Makkinlinin arvadı da heç vaxt qəbullarda iştirak etməyib. Həmişə yataq otağında
corab toxumaqla məşğul olub. 3500 cüt ev ayaqqabısı toxuyub və xeyriyyə məqsədləri ilə
satdırıb.
Teodor Ruzveltin arvadı Edit 6 uşaq böyüdüb və ictimai tədbirlərdə, demək olar ki,
görünməyib. Lakin əri bütün mühüm məsələləri onunla müzakirə edib. Bəzən ev müzakirələri
ciddi mübahisələrlə nəticələnib.
27-ci prezident Uilyam Taft iclaslarda və protokol tədbirlərində yuxulamağa adət edibmiş. Ona
görə də arvadı Helen Taft onu hər yerdə müşaiyət edir, iclaslarda mürgüləməyə başlayan dövlət
başçısını dərhal yuxudan oyadırmış. Taftlar Ağ evdə inək saxlayan son ailə olub.
Ağ evdə onları Uilsonlar əvəz edib və Uilsonun arvadı Ağ evdə qoyun saxlamağa başlayıb. O,
qoyunların yununu Birinci dünya müharibəsi illərində hərracda satdıraraq, gələn gəliri Qırmızı
Xaç cəmiyyətinin fonduna keçirtdirib. Bu qadın həm də, demək olar ki, Uilsonun katibliyinin
rəisi funksiyasını yerinə yetirib. Prezidentin kimi və nə vaxt qəbul etməsini o müəyyənləşdirib.
Herbert Huverin arvadı Lu Huver ərindən daha parlaq şəxsiyyət olub: geologiya sahəsində
təhsil alan ilk qadm sayılıb, bir neçə dil bilib. ABŞ-da uşaq idmanını dəstəkləməklə yadda qalıb.
Amerikanın ən görkəmli birinci ledisi Franklin Ruzveltin arvadı Eleonor Ruzvelt sayılır.
İkinci dünya müharibəsi illərində hərbi hissələrə baş çəkib, həmin dövrdə ABŞ-ın mülki müdafiə
idarəsi rəisinin birinci müavini vəzifəsini tutub. Müntəzəm mətbuat konfransları (ancaq qadın
reportyorlar dəvət edilib) keçirən ilk prezident arvadı olub. Ərinin vəfatından sonra ABŞ-ın
BMT-də nümayəndəsi kimi çalışıb.
Jaklin Kennedi ən cazibədar birinci ledi sayılır. Ağ evdə ən məşhur artistlərin konsertini təşkil
edib. Ərinin ölümündən dərhal sonra onun qardaşı Robert Kennedi ilə, sonralar müxtəlif məşhur
artistlərlə, nəhayət, yunan milyonçu Aristotel Onasislə alovlu məhəbbət macəraları yaşaması ilə
yadda qalıb.
Ledi Conson qarşısına ABŞ-ı gözəlləşdirmək məqsədi qoyub və küçələrdə çiçək əkdirib.
Betti Ford ağıldankəm uşaqların qayğısına qalıb, yetim uşaqlar üçün Ağ evdə qəbul təşkil
edib. Tez-tez uşaq xəstəxanalarına baş çəkib, qocalara, xəstələrə və kasıblara yardım proqramını
dəstəkləyib. 1976-cı ildə ərinin Karterə uduzmasını çox faciəvi şəkildə qarşılayıb; sakitləşdirici
dərmanlar qəbul edib, içkiyə meyllənib və ağır xəstəliyə tutulub. 2 ildən sonra alkoqol və