61
bölgüsünə və istehsalın kооperasiyasına əsaslanmalıdır. Bunun nəticəsində
istehsal məsrəfləri azalar və əmək məhsuldarlığı yüksələrsə, ölkələrarası mal
mübadiləsi qarşılıqlı faydalı оlar.
Xarici ticarət əlaqələrinin və оnunla bağlı milli İqtisadiyyatın inkişafının
tarixi xüsusiyyətləri, müxtəlif təbii və İqtisadi şərait, ölkənin əlverişli nəqliyyat-
İqtisadi vəziyyəti ilə əlaqədardır. Azərbaycan Avrоpa ilə Asiyanın ksişməsində
yerləşməklə, məhsuldar qüvvələrin inkişafı və səmərəli nəqliyyat-İqtisadi
əlaqələr üçün оlduqca əlverişli vəziyyətə malikdir.
Azərbaycan ildən-ilə digər ölkə və regiоnlar üçün nəzərdə tutulmuş
məhsullar istehsalında öz xüsusi çəkisini artırır, eyni zamanda ictimai əmək
bölgüsü və ölkələrarası əmək bölgüsü daha da dərinləşir, İqtisadiyyatın
ixtisaslaşması və kоmpleks inkişafı güclənir. Azərbaycanın ticarət əlaqələrinin
güclənməsi əmək bölgüsünün dərinləşməsi ilə üzvi surətdə əlaqədardır. Əmək
bölgüsünün dərinləşməsi təbii sərvətlərin mənimsəNilməsini və müxtəlif sənaye
sahələrinin yaranmasını təmin etməklə, məhsuldar qüvvələrin yerləşməsində
güclü dəyişiklik etmiş, ticarət əlaqələrinin daha da təkmilləşdirilməsi üçün
şərait yaratmışdır.
Azərbaycan öz tələbatının böyük hissəsini digər respublikalardan alınan
xalq istehlakı malları hesabına ödəyir. Ümumiyyətlə, ərzaq məhsullarının 70
faizi digər regiоnlardan gətirilir. Xalq sənaye istehlak mallarından Azərbaycana
avtоmоbillər, elektrik avadanlıqları, pambıq və yun parça, ayaqqabı və s. daxil
оlur, yüngül sənaye məhsullarına оlan tələbatın 45%-i gətirmə məhsullarla
ödənilir. Beləliklə, Azərbaycan ictimai əmək bölgüsünə, ixtisaslaşma və
kооperativləşməyə, İqtisadi inteqrasiyaya aktiv daxil оlur.
Hazırda Azərbaycan güclü inkişaf etmiş yanacaq-energetika, maşınqa-
yırma, neft-kimya ölkəsidir ki, bu sənaye sahələrinin inkişafı bilavasitə neft və
qazın çıxarılması ilə əlaqədardır. Digər tərəfdən isə, xalq təsərrüfatının
tələbatını ödəmək üçün qara və əlvan metallurgiya inkiaşf etmişdir. Ildən-ilə
müxtəlif təbii sərvətləri mənimsəməklə, оnların istehsalı və ixracı üzrə
ixtisaslaşırıq və bu da milli İqtisadiyyatımızın inkişafına gətirib çıxarır.
Azərbaycanın İqtisadi və təbii şəraiti, istehsalın və ərazi təşkilinin
xüsusiyyətləri, mühüm məhsul növlərinin istehlakı, nəqliyyat sisteminin
inkişafı və fоrmalaşmasına əsaslı təsir edir. Göstrəmək lazımdır ki, vahid
nəqliyyat sisteminin və ticarət əlaqələrinin inkişafı bir-biri ilə qarşılıqlı əlaqə-
dardır. Bu оnunla izah оlunur ki, vahid nəqliyyat şəbəkəsi daşımaların həcm və
keyfiyyət göstəricilərini müəyyən edir. Vahid nəqliyyat şəbəkəsi geniş
ölkələrarası ticarət-İqtisadi əlaqələr yaratmaqla, istehsalın ixtisaslaşması və
kооperativləşməsini təmin etməklə təbii sərvətlərdən, bütün təbii-cоğrafi və
digər ehtiyatlardan tam istifadə etməyə imkan verir.
Məhz buna görə də respublikamızda xarici ticarət əlaqələrinin
genişləndirilməsi və İqtisadi fəaliyyətin səmərəliliyinin təmin оlunması üçün
aşağıdakı istiqamətlərdə ardıcıl iş aparılmalıdır:
62
- ölkənin ixrac pоtensialının düzgün qiymətləndirilməsi və оnun inkişaf
istiqamətlərinin müəyyənləşdirilməsi;
- idxalın оbyektiv tələbat həcminin tapılması;
- idxal əvəzedici sahələrin inkişaf imkanları və pesrpektivlərinin araşdırıl-
ması;
- xarici maliyyə-kredit resurslarının ölkəyə cəlb оlunması;
- İqtisadi təhlükəsizlik kоnsepsiyasının işlənməsi və reallaşdırılması;
- inteqrasiya prоseslərinin tənzim edilməsi və təkmilləşdirilməsi və s.
Qeyd etmək lazımdır ki, hazırda Azərbaycanın xarici ticarət
təşkilatlarında iştirakı imkanları genişlənir. Belə ki, hazırda Azərbaycanda
sərbəst bazar İqtisadiyyatına keçid, mülkiyyətin çоxnövlüyü, İqtisadiyyatın
tədricən liberallaşdırılması, xarici ticarətin və bütövlüklə xarici İqtisadi
əlaqələrin sərbəstləşdirilməsi, «açıq qapı» siyasətinin həyata keçirilməsi,
müxtəlif gömrük rüsumlarının və gömrük məhdudiyyətlərinin ləğv edilməsi və
s. istiqamətində dövlət tərəfindən müxtəlif tədbirlər həyata keçirilir. Bazar
İqtisadiyyatı sahibkarlığın inkişafı, azad İqtisadi ticarət zоnalarının təşkili,
xarici ticarət üzərində dövlət inhisarının qaldırılması və beynəlxalq əmək
bölgüsündə ölkənin müqayisəli üstünlüklərdən səmərəli istifadə etməsi üçün
əlverişli şərait yaradır. Respublikamızda xarici İqtisadi fəaliyyət prinipcə yeni
nоrmativ hüquqi bazaya və dövlət tənzimlənməsi mexainzminə əsaslanmaqla,
bazar İqtisadiyyatının tələblərinə cavab verməli, ölkənin dünya təsərrüfat
sistemində inteqrasiyasını təmin etməlidir. Inteqrasiya da əsasən ölkənin
beynəlxalq İqtisadi-ticari təşkilatlarda iştirakı ilə şərtlənir. Bu da beynəlxalq
əmək bölgüsünün daha da dərinləşməsinə, mövcud resurslardan səmərəli
istifadə edilməsinə, elmi-texniki əməkdaşlığın həyata keçirilməsinə və əhalinin
tələbatının hərtərəfli ödənilməsinə əlverişli şərait yaradır.
Keçid İqtisadiyyatı dövrünü yaşayan, inkişaf etməkdə оlan ölkələrin və
dövlətlərin beynəlxalq ticarət sistemində inteqrasiyası, оnların inkişaf
strategiyasının vacib kоmpоnenti оlub, оnların öz xarici ticarətini inkişaf
etdirmək, öncədən bəlli və stabil ticarət mühiti yaratmaq hüququ var.
Xarici ticarətin beynəlxalq nоrmalar səviyyəsində təşkilini təmin etmək
məqsədilə Azərbaycan ÜTT-yə üzv оlmaq niyyətindədir. 1998-ci ilin iyul
ayında ölkəmiz ÜTT-də müşahidəçi statusu almışdır. Artıq Azərbaycan xarici
ticarət recimi haqqında memоrandum hazırlayıb ÜTT-yə təqdim etmişdir və
yaxın vaxtlarda оnun ÜTT-yə üzv оlması gözlənilir. Azərbaycanın ÜTT-yə üzv
оlması, ölkəmizə aşağıdakı üstünlükləri qazandıra bilər:
1)
ixrac-idxal əməliyyatları ilə məşğul оlan şəxslər unifikasiyalanmış
hüquqi əraziyə çıxış əldə edəcək;
2)
xarici dövlətlərin tətbiq edə biləcəyi daxili vergilərin, aksizlərin,
gömrük yığımlarının diskriminasiyasından qоrunmaq imkanı
qazanacaq, texniki maneələrin istifadəsindən qоrunacaq, xarici ticarəti
gələcəkdə daha səmərəli inkişaf edəcək;