XƏZƏR – QARA DƏNİZ HÖVZƏSİ VƏ CƏNUBİ QAFQAZIN
GEOİQTİSADİYYATI: AZƏRBAYCANIN ENERJİ SİYASƏTİ
113
cülük gücü təxminən 30 mln.
ton nəzərdə tutulsa da, indiyə
qədər heç vaxt 10 mln. tonu aşmamışdır.
Xəzər hövzəsi və Orta Asiyanın karbohidrogen məhsulla-
rının dünya bazarlarına ixracı ilə bağlı yuxarıda artıq qeyd
edildiyi kimi,
ikinci layihəni Azərbaycan irəli sürmüşdü. Bu
ideyanın əsasında
Xəzər dənizi ilə dünyanın enerji bazarlarını
və regionun əsas enerji istehlakçılarını birləşdirəcək çoxva-
riantlı yeni enerji dəhlizləri və ixrac kəmərlərinin çəkilməsi
təşəbbüsü dayanmışdı. Bu istiqamətdə Azərbaycanın təklif
etdiyi əsas variant
Bakı-Tbilisi-Ceyhan neft,
Bakı-Tbilisi-
Ərzurum qaz kəmərləri idi. (Bax: Xəritə 23) Azərbaycanın
yeni təşəbbüslərini həmin dövrdə Rusiya və İrandan başqa
bütün region ölkələri- Türkiyə, Gürcüstan, Qazaxıstan, Ukray-
na,
Türkmənistan, dünyanın aparıcı dövlətləri- ABŞ, Avropa
İttifaqı və s. aparıcı ölkələri də dəstəkləyirdi.
Yeni dəhliz və
kəmərlər vasitəsilə Xəzər dənizi və Orta Asiyanın gələcəkdə
hasil ediləcək və Rusiyanın Novorossiyskdəki Qara dəniz lima-
nının və İstanbul boğazlarının imkanlarına qətiyyən sığmayan
on milyonlarla ton neft və milyardlarla kub metr qazın Avropa
və dünya bazarlarına daşınması nəzərdə tutulurdu.
Xəzər
hövzəsinin enerji ehtiyatları sırasında mühüm paya
malik olan
türkmən qazının Azərbaycanın təşəbbüsü ilə
reallaşdırılan alternativ yollarla Avropa bazarlarına ixracı
məsələsi də hövzənin geoiqtisadi münasibətlər sistemində və
transmilli ixrac siyasətinin formalaşmasında xüsusi önəm
daşıyır. Türkmənistan
Rusiyadan və İrandan
sonra Orta Asiya
və Xəzər bölgəsinin üçüncü qazla ən zəngin və əsas dövlətidir.
Odur ki, Xəzərətrafı ölkələr içərisində Türkmənistan bölgənin
və dünyanın qaz sahəsində mühüm geosiyasi oyunçulardan biri
hesab olunur. Lakin bir faktı da vurğulamaq lazımdır ki,
ƏL İ H ƏS ƏNOV
114
Türkmənistan həm də istehsal etdiyi qazın birbaşa xarici
bazarlara ixracı ilə bağlı bölgədə ən zəif geoiqtisadi və tranzit
mövqeyinə malik olan, bu sahədə ən çox problemlə rastlaşan
ölkə hesab olunur. Ümumi qaz ehtiyatlarının, bəzi beynəlxalq
ekspertlər tərəfindən təxminən 8-10 trln. kub metr qiymətlən-
dirildiyi və bunun da 80-90%-inin ixrac üçün nəzərdə tutul-
duğu Türkmənistanda Rusiyadan tam geoiqtisadi asılılığın və
tranzit alternativsizliyinin hansı problemlər yaratdığını təsəv-
vür etmək çox da çətin deyil.
Müstəqilliyə qovuşduqdan sonra, 1992-ci
ildə Türkmənis-
tan prezidenti S. Niyazov İran və Türkiyə ilə danışıqlara
başlayaraq, İrandan keçməklə Türkiyə və Avropaya uzanan,
təxminən 4-5 mlrd. dollar dəyərində yeni bir transmilli qaz
kəmərinin çəkilməsi haqqında razılığa gəlir. Lakin həmin
dövrdə ABŞ və Qərb ölkələrinin İrana olan mənfi münasibəti
nəticəsində bu kəmərin maliyyələşdirilməsinə beynəlxalq dəs-
tək verilmədi. Kəmərin maliyyələşməsi üçün lazım olan
maliyyə vəsaiti həmin dövrdə Türkiyə, İran və Türkmənistanın
özündə olmadığına görə, onu reallaşdırmaq mümkün olmadı.
Digər tərəfdən həmin illərdə Türkmən qazının İran üzərindən
Qərbə ixracı ideyasına Rusiya da ciddi maneçilik törətdi.
Türkmənistanın qaz ixracı sahəsindəki geosiyasi problem-
lərindən istifadə edən Rusiya, həm də o dövrdə nəinki təkcə bu
ölkənin xaricə alternativ ixrac marşrutları yaratmaq planını
pozdu, eyni zamanda “Türkmənistanın bütün ixrac qazının
2000-ci ilə qədər, hər min kub metri 42 ABŞ dolları olmaqla
Rusiyaya satılması haqqında” S.Niyazovla dövlətlərarası mü-
qavilə bağlamaqla, müəyyən müddətə qaz ixracı sahəsində
onun bütün xarici iqtisadi əlaqələrini dayandırdı.
Beləliklə,
Rusiya həm uzun müddətə Xəzər hövzəsini xarici aləmlə
XƏZƏR – QARA DƏNİZ HÖVZƏSİ VƏ CƏNUBİ QAFQAZIN
GEOİQTİSADİYYATI: AZƏRBAYCANIN ENERJİ SİYASƏTİ
115
birləşdirən yeni kəmər ideyasını arxa plana keçirdi, həm də
Türkmənistanın bütün strateji qaz məhsulunu öz əlinə keçirdi.
1996-cı ildə ABŞ, Türkiyə və Azərbaycanın ciddi səyi
nəticəsində Türkmənistan prezidenti S. Niyazovu gələcəkdə bu
ölkənin qazını yeni çəkiləcək Azərbaycan, Gürcüstan və Tür-
kiyə marşrutu ilə dünya bazarlarına çıxarmağa və Xəzərin dibi
ilə çəkiləcək Transqafqaz kəməri ilə Türkiyəyə (o zaman
Türkiyə təxminən 10 merd. kub metr türkmən qazını alacağına
söz verirdi) birbaşa ixrac eməyə razı sala bildilər. Lakin, bir
tərəfdən bu ölkənin qeyri-prinsipial və dalğın
enerji siyasəti,
digər tərəfdən yenə də rusların müdaxiləsi Türkmənistanı,
onun üçün sözün həqiqi mənasında, “geoiqtisadi cəhətdən
strateji qurtuluş” hesab oluna biləcək belə bir addım atmaqdan
çəkindirdi. Həmin dövrdə, Rusiya bir tərəfdən “Xəzərin statusu
və ekoloji məsələlərini” ortaya ataraq ətraf ölkələri, o cümlə-
dən də Türkmənistanı ciddi təhdid etməyə başladı. Digər tə-
rəfdə isə, Türkiyə ilə separat danışıqlar apararaq, bu ölkənin
türkmən qazına olan ehtiyacını “tam bağlamaq” üçün, “Mavi
axın” (Bax: xəritə 23) adlanan ölkələrarası qaz alqı-satqısı mü-
qaviləsinə onu imza atmağa inandıra bildi.
Türkiyənin maye
qaza olan ehtiyacını məhz elə həmin Türkmənistandan ucuz
qiymətə aldığı qazla təmin etmək məqsədi ilə, ruslar yenidən
Türkmənistanla danışıqlara başlayır və qısa vaxtda onu şirnik-
ləndirici qiymətlərlə türkmən qazının
Xəzər dənizi boyunca
salınacaq yeni marşrutla Rusiyaya ixracı ilə bağlı 50 il
müddətinə strateji müqavilə bağlamağa razı salır. Beləliklə,
həm türklər türkmən qazını əvvəl əldə edəcəkləri qiymətdən
(Rusiyanın xeyrinə olmaqla) azı bir dəfə baha almağa “məcbur
olur”, həm də türkmənlər Türkiyəyə satacaqları qazdan əldə
edəcəyi gəlirlərin azı yarısından uzun müddətə (yenə də Rusi-
ƏL İ H ƏS ƏNOV
116
yanın xeyirinə) məhrum olurlar. Bundan başqa,
Rusiya və
onun müttəfiqlərinin dəstəyi ilə dünyada Transxəzər və Trans-
qafqaz qaz kəmərlərinın perspektivsizliyi, iqtisadi cəhətdən
səmərəsizliyi ilə bağlı ciddi kampaniya başlanır. Lakin həm
türklərin, həm də rusların bu işdə yaratdığı düşünülmüş, yaxud
sadəcə uzağı görməyən fəaliyyətlərinə baxmayaraq, Transxə-
zər qaz kəmərinin çəkilişi yubansa da, Azərbaycan,
Gürcüstan
və Qərb ölkələrinin səyi ilə Transqafqaz kəmərinin (Bakı-
Tbilisi-Ərzurum) çəkilişinə start verildi.
Alternativ ixrac variantına daxil olan və hazırda bölgənin
perspektivli layihəsi kimi müəyyən dairələrində geniş müza-
kirə olunan neft-qaz ixracı marşurutlarından biri də, çəkilişi
üçün maraqlı tərəflərin sərmayə imkanları araşdırılan və Rusi-
yanın xüsusi müqaviməti ilə üzləşən
Transxəzər layihəsidir.
(Bax: Xəritə 23)
Mütəxəssislərin fikrinə görə, Xəzərin dibi ilə Qazaxıstanın
Aktau, Türkmənistanın Türkmənbaşı limanından və Xəzərin
şimalındakı digər perspektivli neft-qaz yataqlarından Azərbay-
cana, oradan da Gürcüstan və Türkiyə vasitəsilə Aralıq dəni-
zinə, Avropa ölkələrinə istiqamətlənməsi planlaşdırılan bu la-
yihənin işə salınması bölgədə tamamilə yeni bir geoiqtisadi
ortam yarada bilər.
Ümumiyyətlə, mütəxəssislər bu marşrutu
Xəzərin enerji resursları sahəsində xüsusi payı və yeri olan
Qazaxıstan və Türkmənistan üçün gələcəkdə ən perspektivli
ixrac yolu kimi dəyərləndirirlər. Onların fikrinə görə, bu gün
Rusiyanın təzyiqi ilə reallaşması qeyri-mümkün görünən bu
layihə gələcəkdə Xəzər hövzəsinin enerji məhsullarını Rusiya-
nın geosiyasi asılılığından qurtararaq Avropanın enerji bazarı
ilə birləşdirəcəkdir. Xəzər hövzəsindən Baltikyanı bölgələrə və
Şərqi və Qərbi Avropaya neft-qaz ixracı perspektivlərindən