53
Finans institutlarının reytinqi özündə bank reytinqini təsbit edir. Bank reytinqi 2 əsas
istiqamətə - biznes riskinin qiymətləndirilməsi və finans riskinin qiymətləndirilməsi
istiqamətlərinə bölünür.
Korparasiya reytinqinin əsasını emitentin finans vəziyyətinin analiz edilməsi təşkil edir.
Reytinq prosesinin birinci mərhələsini səhmdar cəmiyyətin fəaliyyətinin qiymətləndirilməsində
istifadə edilən göstəricilər təşkil edir. Fond bazarı inkişaf edən ölkələrdə qiymətləndirmə bir qayda
olaraq rəqabətə davamlılığın və finans vəziyyətinin analizinə əsaslanır. Bu zaman şirkətiı inkişaf
perspektivləri, idarəetmə keyfiyyəti, rəqabətə davamlılıq mövqeyi və s. tədqiq edilir. Şirkətə
investisiya cəlb etmək baxımından reytinqini qurmaq üçün yeddi qiymətləndirmə qrupunun təşkil
edilməsi təklif edilir:
1. gəlir norması;
2. aktivlərin gəlirliliyi;
3. aktivlərin dövriyyəsi və verimliliyi;
4. satışların gəlirliliyi;
5. istehsalın gəlirliliyi;
6. aksiyaların cari və ümumi gəlirliliyi;
7. şirkət bazar kapitalizasiyası.
Bu göstəricilər şirkətin gəlirliliyini və onun aktivlərinin keyfiyyətli idarə edilməsini
xarakterizə edir.
kinci qrupa şirkətin finans vəziyyətinin göstəriciləri daxil edilir.
1. alıcılıq qabiliyyəti;
2. likvidlik;
3. şirkətin bazara davamlılığı.
Üçüncü qrupa şirkətin istehsal potensialını göstərən göstəricilər daxildir: səhmdar
cəmiyyətin əmlakının tərkibi və onun finansman mənbəyi. Əsas göstəricilərə isə nizamnamə
kapitalında və balansın aktivindəki əsas vəsaitlərin payı, həmçinin də əsas vəsaitlərin istifadə
edilmə və işlənib köhnəldilməsi dərəcələrini xarakterizə edən göstəricilər daxil edilir.
Dördüncü qrupa isə şirkətin qiymətli kağızlarına qoyulan vəsaitin güvənliyini və
təhlükəsizliyini xarakterizə edən göstəricilər aid edilir. Bura aşağıdakılar aiddir:
1. debitor borclarının riski;
2. debitor və kreditor borclarının nisbəti;
3. bir aksiyanın likvid qiyməti;
4. inflyasiyaya uğrama riski;
5. ikinci bazarda aksiyanın qeyri-likvidlik riski.
Beşinci qrupa isə aksiyanın qiymətlərinin böyümə perspektivini, həmçınin onun sahələrinin
inkişaf dinamikası və eksport potensialını xarakterizə edən göstəricilər aid edilir.
Qiymətli kağızlar bazarının iştirakçıları. Azərbaycan Respublikasının Mülki
Məcəlləsinin 15-ci bölməsinin 1078-ci maddəsinə müvafiq olaraq qiymətli kağızlar bazarında
aşağıdakı fəaliyyət növləri mövcuddur.
1. broker fəaliyyəti;
2. diler fəaiiyyəti;
3. qiymətli kağızların idarə olunması üzrə fəaliyyət;
4. depozitar fəaliyyəti;
5. qiymətli kağızların sahiblərinin reyestrinin aparılması üzrə fəaliyyət;
6. klirinq fəaliyyəti;
7. fond birjası fəaliyyəti.
Həmin peşəkar fəaliyyət yalnız QKDK tərəfindən verilmiş müvafiq xüsusi razılığa
(lisenziyaya) malik olan şəxslər tərəfindən həyata keçirilə bilər. Bu fəaliyyət növləri ilə məşğul
olunması qaydaları QKDK-nin normativ sənədləri ilə tənzimlənir.
Broker və diler fəaliyyəti. Əvvəllərdə qeyd etdiyimiz kimi, bazarın fəaliyyət göstərməsi üçün
bazara maraq göstərən satıcılar, alıcılar və vasitəçilər olmalıdır. Qiymətli kağızlar bazarında vasitəçi
rolunda, adətən brokerlər və dilerlər çıxış edirlər. Tapşırıq və ya komisyon müqaviləsi əsasında
54
müvəkkil və ya komisyonçu kimi fəaliyyət göstərən hüquqi və ya fiziki şəxs onun müştərisinin
marağına uyğun və onun hesabına qiymətli kağızlarla mülki hüquqi əqdlərin bağlanması broker
fəaliyyəti hesab edilir.
Qiymətli kağızlar bazarının broker fəaliyyəti ilə məşğul olan peşəkar iştirakçısı broker adlanır.
Broker sifətində həm fiziki şəxslər, həm də hüquq şəxslər çıxış edə bilərlər. Fond bazarında peşəkar
broker fəaliyyəti müəyyən lisenziya əsasında həyata keçirilir.
Broker bu lisenziyanı müvafiq dövlət orqanlarından alır.
Qiymətli kağızlar bazarında broker və ya broker təşkilatı kimi fəaliyyət göstərmək üçün
aşağıdakı tələblərə cavab vermək lazımdır:
1. müəyyən edilən minimal kapitala sahib olmalıdır ki, investor qarşısında maddi məsuliyyət
hiss etsin;
2. qiymətli kağızlarla əməliyyatları tam və dəqiq təzahür edən, işlənib hazırlanmış haqq-hesab
sisteminə malik olmalıdır.
Broker və müştəri öz əlaqələrini müqavilələr əsasında qurur. Broker müştərinin adından və
hesabından çıxış edir. Broker müştərinin tapşırığı əsasında hərəkət edir. Brokerin əsas gəliri sazişlərin
məbləğindən asılı olaraq tutulan komisionlardır.
Çox zaman brokerler öz fəaliyyətinə qiymətli kağızlar bazarında müştərilərlə məsləhət etməyi
də daxil edirlər.
Diler. Hüquqi şəxsin müəyyən qiymətli kağızlarının alış və satış qiymətlərini elan edib, bu
qiymətli kağızların elan edilmiş qiymətlər üzrə alınması və ya satılmasını öhdəsinə götürməklə öz
adından və öz hesabından qiymətli kağızlarla alqı-satqı əqdlərinin bağlanılması diler fəaliyyəti hesab
edilir. Qiymətli kağızlar bazarında diler fəaliyyətini həyata keçirən peşəkar iştirakçı diler adlanır.
Brokerdən fərqli olaraq diler qiymətli kağızlar bazarında hüquqi şəxs kimi fəaliyyət göstərən
investisiya şirkətlərini təmsil edir. Əqdləri də müştərilərin hesabına deyil, öz hesabına yerinə yetirir.
Dilerin gəliri alqı-satqı qiymətləri arasındakı fərqdə olur. Bazarda operator rolunda çıxış edən diler
alqı-satqı qiymətlərini, alınan və satılan qiymətli kağızların minimal və maksimal saylarını, həmçinin
də elan edilən qiymətlərin nə vaxta qədər qüvvədə qalacağını müəyyən edir.
Depozitari fəaliyyəti. Qiymətli kağızların və ya onların sertifikatlarının saxlanılması, yaxud
uçotu və qiymətli kağızlara olan hüquqların keçməsi üzrə xidmətlər göstərilməsi depozitari fəaliyyəti
hesab olunur. Qiymətli kağızlar bazarının depozitari fəaliyyətini həyata keçirən peşəkar iştirakçısı
depozitari adlanır. Qiymətli kağızların uçotu üçün təyin edilmiş hesabat "depo hesabı" adlandırılır.
Yalnız hüquqi şəxs depozitari ola bilər. lk depozitari sistemi fond birjalarına xidmət etmək üçün yara-
dılmışdır. Depozitari fəaliyyəti ilə bağlı olan əməliyyatların hamısı depozitari və deponent arasında
bağlanan müqavilələr əsasında həyata keçirilir. Depozitor müqaviləsi yazılı şəkildə bağlanır və bu
müqavilənin bağlanması deponentin qiymətli kağızlara olan hüququnun depozitariyə keçməsini
bildirir. Depozitar deponentin onda saxladığı qiymətli kağızlar sertifikatlarının qorunınasına mülki
hüquqi məsuliyyət daşıyır.
Depozitari müqaviləsinə aşağıdakı mühüm şərtlər daxil edilməlidir:
1) müqavilənin predmetinin birmənalı müəyyən edilməsi, qiymətli kağızların sertifikatlarının
saxlanılma və ya qiymətli kağızlara olan hüquqların uçotu üzrə xidmətlərin göstərilməsi;
2) deponentin depozitaridə saxlanan qiymətli kağızları üzrə sərəncam verilməsi haqqında
deponentin depozitariyə məlumat vermə qaydası;
3) müqavilənin qüvvədə olduğu müddət;
4) müqavilədə nəzərdə tutulmuş depozitari xidmətlərinin ödənilməsinin həcmi və qaydası;
5) depozitarinin deponent qarşısında hesabat verməsinin forması və dövriliyi;
6) depozitarinin vəzifələri.
Öz aralarında danışan brokerlər onlarda saxlanılan bütün qiymətli kağızların sertifikatlarını yığır
və birja depozitarisində deponent edirlər. Bu zaman bütün reyestrlərdə bu qiymətli kağızları broker
hesabından nominal sahib kimi çıxış edən birja depozitarisinin hesabına köçürürlər. Birja
depozitarisində hər bir brokerə "depo hesabı" açılır ki, burada da ona məxsus olan bütün qiymətli ka-
ğ
ızların hesabatı gedir. Beləliklə, brokerlər arasında görülən sazişlərin nə-ticələrinin rəsmiləşdirilməsi
üçün reyestr xidmətlərinə müraciət etmək lazım deyil. Mülkiyyətçinin dəyişdirilməsi birja
Dostları ilə paylaş: |