Microsoft Word dinda savol2 ziyouz com doc

 
Savol: Yerni ijaraga olgan kishi ushr beradimi?
Javob: Ha, yerni ijaraga olib dehqonchilik qilgan kishi ushr berishi lozim. Muzora’ada 
agar urug‘ yer egasidan bo‘lsa, yer egasi ushr beradi. Agar urug‘ dehqondan bo‘lsa, 
egasi va ijarachi o‘zlari olgan ulushlaridan ushr chiqarishlari kerak bo‘ladi. («Radd ul-
muxtor»). 
Savol: «Dinda savolim bor»ning birinchi kitobidagi «Zakot bobi»da 
«Badavlat kishining faqir katta o‘g‘liga, badavlat kishining faqir xotiniga, 
farzandi boy bo‘lsa-da, uning faqir otasiga zakot berish joiz», degan 
jumlani o‘qib qoldim. Nima, boy odam o‘zining faqir katta o‘g‘liga zakot 
bersa bo‘ladimi? Nega endi faqat kattasiga, kichiklariga-chi? Shuni 
kengroq izohlab bera olmaysizlarmi? 
Javob: Siz bu iborani butunlay boshqacha tushunibsiz. Bu yerda gap boy kishining o‘z 
farzandi yoki xotiniga emas, to‘ng‘ich yoki kenja farzandiga ham emas, balki 
boshqalarning ana shu kishilarga beradigan zakoti haqida ketyapti. Islom fiqhining 

---

Dinda savolim bor. 2-kitob 
www.ziyouz.com kutubxonasi 
23
e’tiborli manbai hisoblangan «Hidoya»ning «Zakotni kimga berish mumkin va kimga 
berish mumkin emasligi haqidagi bobi»da shunday deyilgan: 
«Zakotni boy kishining yosh farzandiga berilmaydi». Chunki yosh farzand o‘z otasining 
boyligi hisobiga boy deb z’tibor qilinadi. Ammo u balog‘atga yetgach, otasining boyligi 
bilan boy hisoblanmaydi. Zero mustaqil bo‘ladi. Agar kambag‘al bo‘lsa, (otasi emas!!!) 
boshqalar unga zakot berishi mumkin. Shuningdek, boyning xotini ham agar kambag‘al 
bo‘lsa, unga ham boshqalar zakot berishi mumkin, chunki xotin erining boyligi sababli 
boy, deb hisob qilinmaydi. Erning xotinga beradigan nafaqasi (moddiy ta’minoti) bilan 
xotin boy bo‘lib qolmaydi».