Microsoft Word dinda savol2 ziyouz com doc

Savol: Ayol erining muhabbatini tiklash uchun «issiq-sovuq» qilishi 
mumkinmi?
Javob: Muhabbat qozonish yoki o‘rtaga sovuqlik solish uchun «issiq-sovuq» qilish 
haromdir. («Fatovoi Hammodiya») «Naf’ul mufti» kitobida erining muhabbatiga «issiq-
sovuq» qilish bilan emas, Alloh taolodan qo‘rqish bilan erishiladi, deyiladi.
Darhaqiqat er-xotin o‘zaro bir-birlari oldidagi burchlarini to‘la ado etsalar, o‘rtalaridagi 
muhabbatga hech bir holda xalal yetmaydi.
 
Savol: Nikoh kechasi xos so‘zlar bilan o‘qilgan iplar, tugunchaklar bilan 
kuyovning «yo‘li»ni bog‘lab qo‘yishadi. Shular to‘g‘rimi?
Javob: Nikoh kechasi kuyovning «yo‘li»ni bog‘lab qo‘yish sehrning bir turidir. Sehr 
esa haromdir. U bilan shug‘ullanish mumkin emas. Qur’on va hadisda bu ishdan 
qaytarilgan. Sehrgarning jazosi o‘limdir. Ammo sehrlangan, afsun bilan «bog‘lab» 
qo‘yilgan kishilarni qaytariq qilishga shariatimiz ijozat bergan. Qatoda (r.a.) Said ibn 
Musayyabdan rivoyat qilishlaricha, «Rasululloh (s.a.v.) darddan xalos bo‘lmoqqa nafi 
tegadigan amallarni sira ham man qilmaganlar». Albatta bunda Qur’oniy duolarni o‘qib 
dam solish kabi shar’iy amallar ko‘zda tutilgan.
 
Savol: Oxirzamon bo‘lganida Iso alayhissalom yerga tushadilar, deb 
o‘qib qoldim. Shu haqda to‘laroq ma’lumot beraolmaysizlarmi? 

---

Dinda savolim bor. 2-kitob 
www.ziyouz.com kutubxonasi 
31
Javob: Zamona oxirida Dajjol paydo bo‘lib, yer yuzini fitna-fasodga to‘ldirib turgan 
paytda Iso alayhissalom osmondan tushib, uni o‘ldiradilar. Bu xususda sahih hadislar 
vorid bo‘lgan. Ahli sunna val jamoa ulamolari haqiqatda shunga ijmo’ qilishgan. 
Iso alayhissalom, yahudiy va nasroniylar aytayotganidek, o‘lgan emaslar. Balki u zotni 
Alloh taolo osmonga ko‘targan. Qur’oni Karimda bu haqda aytiladi: «Haqiqatda, ular uni 
o‘ldirganlari ham, osganlari ham yo‘q. Faqat ularga (boshqa birov Isoga) o‘xshatib 
qo‘yildi xolos. So‘ng ular o‘ldirilgan Iso yo boshqa ekanligida ixtilof qilishdi. Ularning 
hammasi bu ishda gumon qiladilar. Uni o‘ldirmaganlari aniqdir. Balki Alloh uni osmonga 
ko‘targandir.» (Niso surasi, 157-158-oyatlar). Iso (a.s.) qiyomatdan oldin yerga tushib, 
Islom shariati bilan hukm yuritadilar, odamlar tark etgan amallarni tiklaydilar. Yer 
yuzida Alloh hohlaganicha yashab, keyin vafot etadilar. Musulmonlar uzotga janoza 
o‘qishib, dafn qilishadi. 
Payg‘ambarimiz (s.a.v.) bunday deganlar: «Nafsim qo‘lida bo‘lgan zotga qasamki, 
yaqinda orangizga Iso ibn Maryam odil hukm bilan tushadi. Hochni sindiradi, to‘ng‘izlarni 
o‘ldiradi, jizyani bekor qiladi. Mol-dunyo ko‘payadi, hatto hech kim sadaqa olmay 
qo‘yadi. Bir marta sajda qilish dunyo va undagi bor narsadan yaxshiroq bo‘lib qoladi» 
(Buxoriy va Muslim rivoyat qilgan).