ßËÈ ÙßÑßÍÎÂ
212
Avrasiyadakı regiondaxili geosiyasi münasibətlərin mü-
rəkkəbliyi əsasən bölgə ölkələri arasındakı inkişaf istiqamətlə-
rinin fərqliliyi, regional münaqişələrin mövcudluğu, transmilli
və milli maraqların kəsişməsi, xarici geosiyasi güclərin təsiri
və s. amillərlə izah edilir. Region ölkələrinin qarşısında qlobal-
laşmanın irəli sürdüyü iqtisadi və sosial yeniləşmə, liberal-
laşma və demokratik transformasiya kimi tələblərin ciddi bir
vəzifə kimi dayandığı müasir dövrdə, bölgədə geoiqtisadi in-
teqrasiyaya, vahid geostrateji struktura, ölkələrarası bərabərhü-
quqlu əməkdaşlığa, sabit və təhlükəsiz birgəyaşayışın forma-
laşmasına region və beynəlxalq qüvvələrin yürütdüyü siyasət
də müvafiq təsir göstərir. Hövzə ölkələrinin inkişafı, bölgənin
sabitliyi və sivil birgəyaşayış normaları ilə tənzimlənən beynəl-
xalq münasibətlərə qatılması bərabərhüquqlu, qarşılıqlı fayda-
lı əməkdaşlıqdan, hər bir dövlətin beynəlxalq hüquq normala-
rına, özünün və qonşularının suveren hüquqlarına və geosiyasi
mənafelərinə hörmətlə yanaşmasından asılıdır.
Göründüyü kimi, Avrasiya hazırda bir tərəfdən beynəl-
xalq güclərin, ABŞ, Avropa Birliyi, Rusiya, Türkiyə, İran, Çin
və Yaponiya kimi böyük ölkələrin, digər tərəfdənsə Orta Asi-
ya, Cənubi Qafqaz və digər postsovet respublikalarının yerləş-
diyi və məxsusi maraqlarının təmsil olunduğu məkan hesab
olunur. Hazırda Avrasiya sözün həqiqi mənasında, dünyanın
gələcək geosiyasi taleyinin müəyyənləşdiyi və beynəlxalq mü-
nasibətlərin dinamik cərəyan etdiyi əhəmiyyətli bir məkan ro-
lunu oynayır. Dünyanın artan enerji və xammal ehtiyaclarını
ödəmək qabiliyyəti olan bu bölgə on milyardlarla dollarlıq
xarici investisiyanın yatırıldığı, ən qabaqcıl texnologiyaların
tətbiq edildiyi və nəhəng transmilli layihələrin reallaşdığı
önəmli bir geosiyasi və geoiqtisadi mərkəzə çevirmişdir. Xüsu-
silə, Azərbaycan, Qazaxıstan və Türkmənistanın enerji mənbə-
lərinin, neft-qaz yataqlarının istismarına, sərbəst və əlverişli
marşrutlarla dünya bazarlarına daşınmasına və sərbəst satışına
ÀÇßÐÁÀÉÚÀÍÛÍ ÝÅÎÑÈÉÀÑßÒÈ
213
yönəlmiş, həm Qərb, həm də Şərq ölkələrinin cəlb olunduğu
nəhəng transmilli layihələr dünya güclərinin əsas diqqətini bu
regiona cəlb etmişdir.
Müasir dövrdə Avrasiya regionunda dövlətlərarası bey-
nəlxalq münasibətlər və milli maraqlar uğrunda mübarizə
əsasən bir neçə istiqamət üzrə cərəyan edir. Bunlar:
regionun böyük dövlətlərinin (Rusiya, İran, Türkiyə,
Çin və s.) ayrı-ayrılıqda təzahür edən maraqları;
dünyanın digər böyük dövlətləri və dövlət birlikləri-
nin maraqları: Buraya ABŞ, Avropa İttifaqı və onun
bəzi üzv dövlətlərini (Böyük Britaniya, Fransa, Alma-
niya), Yaponiya və Çini aid etmək mümkündür;
regionun mühüm geosiyasi və geostrateji əhəmiyyət
kəsb edən dövlətlərinin milli maraqları: Bu sıraya
Azərbaycan, Ukrayna, Qazaxıstan, Gürcüstan, Özbə-
kistan, Türkmənistan və digər region dövlətlərini aid
etmək olar.
Qeyd etmək lazımdır ki, SSRİ-nin süqutuna qədər, bölgə-
nin geosiyasi həyatında hazırkı dövlətlərarası gərginlik müşa-
hidə olunmurdu. Bunun əsas səbəbi yuxarıda qeyd olunduğu
kimi, Sovet İttifaqı dağılana qədər bu region onun tam təsiri
altında olması idi. ABŞ və NATO ölkələri regionda Türkiyə
vasitəsilə öz maraqlarını reallaşdırmağa çalışsalar da, bu sahə-
də ciddi müvəffəqiyyət qazana bilmirdilər. Öz regional siyasə-
tində SSRİ ilə gərginlik yaratmamaq və onunla razılaşdırılmış
siyasət yürütməyə üstünlük verən Çin, İran və s. kimi böyük
ölkələr isə Avrasiyanın bu bölgəsində müstəqil faktor kimi
çıxış etmirdilər.
Sovet İttifaqının süqutundan sonra Avrasiya bölgəsinin
geosiyasi vəziyyətinin xarakteri və inkişaf meyilləri köklü şə-
kildə dəyişdi. Artıq böyük dövlətlərlə yanaşı, müstəqillik əldə
etmiş və beynəlxalq hüququn subyektinə çevrilmiş keçmiş so-
vet respublikaları da, bölgənin tamamilə Rusiyanın nəzarətində
ßËÈ ÙßÑßÍÎÂ
214
olması faktı ilə razılaşmayaraq daha aktiv siyasət yürütməyə
başladılar ki, bu da regionun geostrateji münasibətlərini mü-
rəkkəbləşdirdi və beynəlxalq əhəmiyyətini bir qədər də artırdı.
Regionun böyük dövlətləri təmsil olunduqları bütün bölgə
təşkilatlarında bir qayda olaraq, üstün statusla çıxış edir və əsa-
sən, öz milli maraqlarının qayğısına qalırlar. Bu ölkələr istər
milli maraqlar, istərsə də regional təhlükəsizlik baxımından
özləri üçün bəzi siyasi və iqtisadi dayaqlar yaradaraq geosiyasi
hədəflərini müəyyənləşdiriblər. Lakin XX əsrin sonlarından
etibarən dünyada geosiyasi vəziyyət elə sürətlə dəyişir ki, döv-
lətlər öz dayaq və hədəflərinə mütəmadi olaraq çevik dəyi-
şikliklər etmək məcburiyyətində qalırlar. Bəzi ölkələrin cəmi
bir neçə il ərzində tamamilə fərqli prinsip və maraqlar əsasında
qurulmuş təşkilatlarda təmsil olunması, mütəmadi olaraq öz
xarici siyasi kursunu, prioritetlərini və hədəflərini dəyişməsi
artıq adi hala çevrilib.
Avrasiyanın regional geosiyasi vəziyyətini və ölkələrarası
münasibətlərin xarakterini müəyyən edən səciyyəvi cəhətlər-
dən və meyillərdən biri də region çərçivəsində mürəkkəb geo-
siyasi mühitin və arxasında müxtəlif maraqlı dövlətlərin da-
yandığı geostrateji qruplaşmaların gizli mübarizəsinin möv-
cudluğudur. Regionun Rusiya, Türkiyə, Çin və İran kimi ölkə-
lərinin müxtəlif maraq çərçivəsi, fərqli hədəflərə malik döv-
lətlərin mövcudluğu və s. amillər istər-istəməz geosiyasi, geo-
iqtisadi və inteqrasiya proseslərində qruplaşmaya şərait yara-
dır. Bu dövlətlərin hər biri Avrasiyada öz məqsədi və marağına
müvafiq olaraq, digər ölkələri ətrafında, yaxud təsir dairəsində
saxlamağa cəhd göstərir. Məsələn, Rusiya özünün böyük döv-
lət statusu və keçmişdə «SSRİ-nin yaratdığı iqtisadi, siyasi, so-
sial və mədəni reallıqlar»dan çıxış edərək xüsusi statusa və
ondan irəli gələn üstünlüyə can atdığı halda, İran özünəməxsus
üsullarla “islamyönlü” siyasət yürüdərək, bölgənin müsəlman
əhalisinin say üstünlüyündən öz maraqları naminə istifadə
Dostları ilə paylaş: |