ÀÇßÐÁÀÉÚÀÍÛÍ ÝÅÎÑÈÉÀÑßÒÈ
73
Britaniyanın təşəbbüsü ilə Paris sülh konfransı Ali Şurasının
sessiyasında Transqafqaz respublikaları ətrafında yaranmış və-
ziyyət geniş müzakirə olundu.
12
Ali Şura hərbi ekspertlərin bu
respublikalara hərbi yardım göstərilməsi barədə təkliflər ver-
məsini vacib hesab etdi. Ali Şuranın iclasında İngiltərənin xari-
ci işlər naziri lord Kerzon çıxış edərək, Lloyd Corcun Azərbay-
can və Gürcüstanın müstəqilliyini tanımaq məsələsini müzaki-
rə etməyin tərəfdarı olduğunu bildirdi. İclasda çıxış edən Avro-
pa dövlətlərinin xarici işlər nazirləri həqiqətən də Azərbaycan
və Gürcüstan ətrafında təhlükəli vəziyyət yarandığını vurğula-
dılar. Lord Kerzon Azərbaycan və Gürcüstan hökumətlərinin
Antanta dövlətlərinə yardım üçün müraciətlərini nəzərə alaraq,
onları de-fakto tanımağın vacib olduğunu bildirdi. Yanvarın
11-də Ali Şuranın qəbul etdiyi qərarda bəyan edildi ki, “müt-
təfiq və birlik ölkələri Azərbaycan və Gürcüstan hökumətlərini
birlikdə de-fakto səviyyəsində tanıyırlar”. Fevralın 7-də Yapo-
niya hökuməti də Ali Şuranın bu qərarını müdafiə etdi.
Böyük Britaniyanın bu təklifi irəli sürməsi və fəal şəkildə
onu müdafiə etməsi bir sıra hərbi-siyasi, sosial-iqtisadi və geo-
siyasi amillərlə bağlı idi. İngiltərə iki cəbhədə - həm Türkiyəyə
qarşı, həm də Rusiyada vətəndaş müharibəsində bolşevizmə
qarşı döyüşən qüvvələrə kömək edirdi. Bu da ölkə daxilində
sosial-iqtisadi vəziyyəti ağırlaşdırırdı. Müharibənin nəticələri-
nin və hərbi əməliyyatların doğurduğu çətinliklər əhalinin na-
razılığını artırırdı. Cənubi Qafqaza döğru hərəkət edən bolşe-
viklərə qarşı yeni bir cəbhə açmaq və hərbi əməliyyatlar apar-
maq Böyük Britaniya üçün xeyli çətin idi. Britaniya hökuməti
12
Notes of a Meeting of the Ministers of Foreign Affairs, held at the Quai
d’Orsay, Paris, Saturday, Yanuary 10, 1920, at 11: 30 a.m.- Papers Relating to
the Foreign Relations of the United States. The Paris Peace Confenrence. Vo-
lume IX. Washington, United States Government Printing Office, 1946, p. 835.
ßËÈ ÙßÑßÍÎÂ
74
Azərbaycan və Gürcüstanın müstəqilliyini tanımaqla bu ölkələ-
rin müdafiəsi üçün məsuliyyəti də onların öz üzərinə qoyurdu.
ABŞ bu məsələni rəsmi surətdə dəstəkləmədiyini bildirdi.
Amerikalıların Azərbaycanın istiqlalını tanımağa soyuq yanaş-
masının bir sıra səbəbləri var idi. Onların fikrincə, keçmiş
Rusiya imperatorluğunun bir hissəsində yaranmış qurumların
müstəqilliyini tanımaq müttəfiqlərlə münasibətləri pozar, bol-
şevizmə qarşı mübarizə aparan və Rusiya imperiyasını bərpa
etməyə çalışan qüvvələri zəiflədərdi. Belə tanınma avtomatik
olaraq Rusiyanın digər hissəsində mövcud olan bolşevik reji-
mini tanımaq anlamına gələrdi. ABŞ diplomatları ingilislərin
tanımaq barədə qərarını romantizm kimi qiymətləndirirdilər.
Paris sülh konfransı Ali Şurasının yanvarın 19-da keçirilən
iclasında Azərbaycan və Gürcüstana hərbi və maliyyə yardı-
mının göstərilməsi məsələləri müzakirə edildi. İclasın sonunda
Qafqaz məsələsinə dair qərar qəbul edildi.
13
Bu qərarda müt-
təfiq hökumətlərin Cənubi Qafqaza ordu göndərmək imkanı
olmadığı bildirilirdi. Lakin ərzaq və hərbi sursatla kömək gös-
tərilməsi nəzərdə tutulurdu. Belə bir qərarın qəbul edilməsi
qalib ölkələrin daxilində bolşeviklərin sosialst təbliğatının ya-
ratdığı sosial narazılıqla, müharibənin aparılması xərclərindən
doğan iqtisadi vəziyyətlə və beynəlxalq münasibətlərdə yaran-
mış əlverişsiz şəraitlə, getdikcə güclənən bolşevik Rusiyasının
geosiyasi planlarının həyata keçirməsinə böyük dövlətlərin
mane olmaq imkanlarının zəifliyi ilə bağlı idi.
Azərbaycan Respublikasının müstəqilliyinin Paris sülh
konfransında tanınması Azərbaycan hökumətinin, xüsusilə nü-
13
Notes of a Meeting Held in M. Pichon’s Room, Quai d’Orsay, Paris,
Monday, January 19, 1920, at 10: 30 a.m.- Papers Relating to the Foreign
Relations of the United States. The Paris Peace Confenrence. Volume IX, p.
889-904.
ÀÇßÐÁÀÉÚÀÍÛÍ ÝÅÎÑÈÉÀÑßÒÈ
75
mayəndə heyətinin gərgin diplomatik fəaliyyəti nəticəsində
mümkün oldu. Bu tarixi hadisə Azərbaycanda böyük təmtə-
raqla qeyd edildi. Yanvarın 14-də Baş nazir Nəsib bəy Yusif-
bəylinin ölkə vətəndaşlarına müraciətində və həmin gün Azər-
baycan parlamentinin iclasındakı çıxışlarda bildirildi ki, Azər-
baycanın müstəqilliyinin tanınması böyük tarixi əhəmiyyət
daşıyır. Parlamentin iclasına sədrlik edən Həsən bəy Ağayev
qeyd edirdi: “Bu bayram yalnız bizim bayramımız deyil, bütün
türk xalqının bayramıdır. Sübut etmək lazım idi ki, biz müs-
təqil həyata layiqik. Avropa bizim dövlətimizdə olan nümayən-
dələri vasitəsilə xalqımızın həyat qabiliyyətinə inandı və bizim
müstəqilliyimizi tanıdı. Böyük qurbanlar bahasına biz buna
nail olduq”.
Azərbaycanın müstəqilliyinin tanınması sadə bir akt olma-
yıb, böyük geosiyasi əhəmiyyətli hadisə idi. Cənubi Qafqazda
yeni müstəqil dövlətin mövcudluğunun tanınması ilə regionun
yeni geosiyasi xəritəsi qəbul edilirdi. Bu, böyük geosiyasi
dəyişiklik demək idi. Bütün Şərqdə və müsəlman dünyasında
ilk dəfə olaraq respublika formasında dövlət quran Azərbay-
canın və Azərbaycan xalqının xarici aləmə müstəqil təsir im-
kanları yaranırdı. Azərbaycan xalqı müstəmləkə zülmü altında
inləyən başqa xalqlara, o cümlədən digər türk və müsəlmanlara
azadlığın yolunu göstərir və nümunə rolunu oynayırdı. Əslində
Azərbaycanın istiqlalının elan edilməsi və tanınması ilə türk-
müsəlman xalqlarının yaşadığı coğrafiyada gələcək mühüm
geosiyasi dəyişikliklərin başlanğıcı qoyulurdu.
Azərbaycan hökuməti dövlət müstəqilliyinin tanınmasın-
dan sonra sovet Rusiyası tərəfindən üzləşdiyi təzyiqləri dəf
etmək yönündə öz fəaliyyətini artırdı. Azərbaycanın Xarici
İşlər və Hərbi nazirlikləri Respublika ətrafında yaranmış
vəziyyəti nəzərə alaraq, ölkənin müdafiəsinin təşkil edilməsi
Dostları ilə paylaş: |