ßËÈ ÙßÑßÍÎÂ
64
göstərilirdi ki, bu bütün Qafqazın 247.376,15 kv.km olan
ərazisinin 30 faizini təşkil edirdi.
Sənədin 4-cü bölməsində Azərbaycan Respublikasının
müstəqil dövlət quruculuğu istiqamətindəki fəaliyyətində müt-
təfiq dövlətlərin mənəvi yardımına arxalandığı qeyd edilirdi.
Vurgulanırdı ki, “biz Qafqazda artıq de-fakto mövcud olan
dövlətlərin tanınması məsələsini qoyuruq ki, onlardan da biri
müstəqil Azərbaycan Respublikasıdır”.
Azərbaycan nümayəndə heyətinin üzvləri V. Vilsonla
görüşdən ümidsiz çıxsalar da ABŞ ilə təmas qurmağın özünün
o dövr üçün mühüm hadisə olduğunu anlayırdılar. Vilsonun
Azərbaycan nümayəndə heyətini qəbul etməsi əslində ölkənin
müstəqilliyə can atmasına onun göstərdiyi hörmətin nümunəsi
idi və gələcəkdə yeni-yeni əlaqələrin qurulması üçün təməl
rolunu oynayırdı. Bu görüşün baş tutması Azərbaycan diplo-
matiyasının uğurlarından sayıla bilərdi. Ə. Topçubaşovun özü
də sonralar bəhs olunan görüşlə bağlı bildirirdi ki, “bizim
nümayəndə heyətinin prezident Vilson tərəfindən qəbulu çox
böyük hadisə idi. Çünki başqa Antanta dövlətlərinin başçıları
kimi, Vilson da heç bir nümayəndə heyətlərini qəbul etmirdi”.
Parisdə olarkən Azərbaycan nümayəndə heyətinin üzləş-
diyi növbəti problem mayın 26-da Antanta ölkələri və Yapo-
niya dövlət başçılarının admiral A. Kolçak başda olmaqla
Omsk hökumətini Ümumrusiya hökuməti kimi tanıdıqlarını
bəyan etmələri və ona nota ilə müraciət etmələri oldu.
Kolçakın Ümumrusiya hökuməti kimi tanınması yeni yaranmış
digər müstəqil dövlətlər kimi Azərbaycanın da mövcudluğunu
və tanınmasını sual altında qoyurdu. Bu əslində onların
Rusiyanı əvvəlki sərhədləri çərçivəsində bərpa etmək cəhdi idi.
Ə.Topçubaşov dərhal bu hadisəyə etiraz etdi və mayın 31-
də Azərbaycan nümayəndə heyəti adından bəyanatla çıxış etdi.
Bəyanatda deyilirdi ki, admiral Kolçak hökumətinin Ümum-
rusiya hökuməti kimi tanınması çar Rusiyasından ayrılaraq
ÀÇßÐÁÀÉÚÀÍÛÍ ÝÅÎÑÈÉÀÑßÒÈ
65
istiqlaliyyətini əldə etmiş xalqların, o cümlədən Azərbaycanın
milli maraqlarına ziddir və Azərbaycan Respublikasının ərazisi
gələcək Rusiya dövlətinin tərkibinə daxil edilə bilməz.
Azərbaycan nümayəndə heyəti bununla kifayətlənmədi.
İyunun 5-də sülh konfransının sədrinə və Antanta dövlətlərinə
etiraz notası göndərildi. Sənəddə Kolçak hökumətinin keçmiş
çar Rusiyasının hüdudlarında tanınmasına etiraz edilir, Azər-
baycanın bu dövlətin tərkibindən birdəfəlik çıxdığı göstərilirdi.
Notada qeyd olunurdu ki, “Rusiyada hansı hökumətin tanınma-
sından asılı olmayaraq, Azərbaycan Rusiyanın ərazisinə daxil
edilməməlidir”.
Azərbaycan bu etirazlarını təkbaşına etmədi. Digər ölklə-
rin də səylərini birləşdirmək üçün cəhdlər edildi. İyunun 17-də
admiral Kolçakın hökumətinə etiraz əlaməti olaraq, Parisdə
Azərbaycan, Estoniya, Gürcüstan, Latviya, Şimali Qafqaz,
Belorusiya və Ukrayna nümayəndələri adından birgə bəyan-
namə imzalandı. Bəyannamədə bildirilirdi ki, sənədi imzalayan
respublikalar Sülh Konfransının qarşısında böyük dövlətlərin
tezliklə onların siyasi müstəqilliyini tanıması xahişi ilə çıxış
edirlər.
Admiral Kolçakla yanaşı o dövrdə Denikinin də fəaliyyəti
Qafqaz respublikalarının müstəqilliyi üçün ciddi problemlər
yaradırdı. Bunu nəzərə alaraq, iyunun 23-də Azərbaycan, Gür-
cüstan və Şimali Qafqaz Respublikalarının nümayəndələri sülh
konfransına 7 maddədən ibarət etiraz notası təqdim etdilər.
Notada Kolçakla yanaşı Denikinin də Qafqaz respublikalarının
istiqlaliyyətinə qarşı təhlükə törədə biləcəyi vurğulanırdı.
Sənəddə Qafqaz respublikalarına siyasi vahid kimi baxıldığı
təqdirdə, Rusiya ilə onun ərazilərinin gələcək siyasi quruluşu
və sərhədlər haqqında qarşılıqlı saziş bağlamağın mümkün
olduğu qeyd olunurdu. Bu sənədi ermənilərdən başqa Rusi-
yadan ayrılmış bütün ölkələrin nümayəndələri imzalamadılar.
Ermənilərsə o zaman Kolçak və Denikinlə gizli əlaqələr
ßËÈ ÙßÑßÍÎÂ
66
yaradaraq onların köməyi ilə Bakını və digər Azərbaycan
torpaqların ələ keçirməyə ümid bəslədiklərinə görə şimaldan
gələn bu təhlükəyə qarşı birgə mübarizə aparmaqdan imtina
edirdilər. Ermənilərin Cənubi Qafqazda yaratdığı qarşıdurma
və millətlərarası ziddiyyətlər Rusiyanın yenidən regionu öz
təsiri altına almasına əlverişli şərait yaradırdı.
Cümhuriyyət hökumətinin xarici siyasətinin əsas istiqa-
mətlərindən birini Fransa, İtaliya və Böyük Britaniya dövlət-
lərin mandatı altında (qəyyumluğu ilə) fəaliyyət göstərmək
məsələsinə Azərbaycanın münasibətini müəyyənləşdirmək və
müvafiq addımlar atmaq məsələsi təşkil edirdi. Millətlər Cə-
miyyəti yaradıldıqdan sonra meydana gələn mandat məsələsi
Paris sülh konfransında da əsas müzakirə mövzularından biri
idi. Bu məsələnin mahiyyətini dünyanın aparıcı dövlətlərinin
Millətlər Cəmiyyətindən mandat aldığı ərazinin sosial-iqtisadi,
siyasi və mədəni inkişafı üçün həmin qurum qarşısında
məsuliyyət daşıması təşkil edirdi.
Azərbaycan hökuməti özünün milli təhlükəsizliyini, hər
şeydən əvvəl, müstəqilliyini qoruyub saxlamaq üçün həmin
dövrdə dünyada böyük nüfuzu olan dövlətlərdən biri ilə strateji
tərəfdaşlıq münasibətləri qurmağı və ondan yardım almağı
məqsədəuyğun hesab edirdi. Sözsüz ki, bu məsələdə Azərbay-
cana Osmanlı Türkiyəsindən yaxın dövlət ola bilməzdi. Lakin
Osmanlı imperatorluğunun Birinci dünya müharibəsindəki
məğlubiyyəti bu strateji tərəfdaşlığı çətinləşdirmişdi. Eyni za-
manda, Millətlər Cəmiyyətinin mandatlıq sisteminin özü
Almaniya və Osmanlının məğlubiyyətindən sonra bu ölkələrin
keçmiş müstəmləkələrini idarə etmək zərurətindən yaranmışdı.
Paris sülh konfransında ABŞ və Fransa nümayəndələrinin
çıxışlarında onların Cənubi Qafqazda gedən ictimai-siyasi pro-
seslərlə yaxından maraqlandıqları, habelə bu bölgəyə xüsusi
diqqət yetirdikləri özünü açıq şəkildə göstərirdi. İtaliya höku-
məti də bu baxımdan həmin dövlətlərdən geridə qalmırdı. Bu
Dostları ilə paylaş: |