110
çevrilir.
“Mən torpağam”, “İnsan şəkli”, “Açın qapıları, insan gəlir” və s. şeir-
lərində oxucu şairin bu qəbildən yüksək ideallarının parlaq ifadəsini görür...
... İnsan qardaşlığı,
İnsan ülfəti yaradın.
Qəlbinizdə məhəbbəti artırın,
Böyük olsun, qaynar olsun!
İnsan məhəbbətilə
Yer üzü bahar olsun!
Şairin lirikasındakı bu axtarışlar onun
“Vaxt var ikən”, “Duyğular, düşün-
cələr”, “Pəncərəmə düşən işıq” və s. kitablarına toplanan şeirlərdə geniş əksini
tapmışdır. Ədəbiyyatda böyük əks-səda yaratmış “Rənglər”
silsiləsinin də ma-
hiyyətində, əslində, insana məhəbbət hissinin ifadəsi dayanırdı. Xalqımızın
yaddaşındakı rəng yozumunu da diqqət mərkəzində saxlayan şair rənglərin və
onların çalarlarının doğurduğu assosiasiyaları maraqlı poetik dillə ifadə etmiş,
ənənədən uğurla bəhrələndiyini və novator mövqeyini təsdiqləmişdir.
R.Rzanın
poemaları müxtəlif mövzularda yazılsa da, onları birləşdirən cəhətlər
də az deyildir; insana dərin məhəbbət, böyük, yaradıcı şəxsiyyətlərin ölməz
amallarının yaddaşlarda dirçəldilməsi və s. bu qəbildəndir.
Bu əsərlərdə M.Fü-
zulinin (“Füzuli”), İ.Nəsiminin (“Son gecə”), M.Ə. Sabirin (“Xalq şairi”), M.Müş-
fiqin (“Qızılgül olmayaydı”) parlaq sənətkar-vətəndaş obrazları yaradılmışdır.
Şair bədii tərcümə ilə ardıcıl məşğul olmuşdur. O, N.Gəncəvinin “Xosrov və
Şirin” poemasını, A.Puşkinin, M.Lermontovun, T.Şevçenkonun, N.Hikmətin,
V.Mayakovskinin və b.-nın əsərlərini uğurla dilimizə tərcümə etmiş, bu sahədə
də oxucuların rəğbətini qazanmışdır.
ARAŞDIRMANI
DAVAM
ETDİRİN
1. Sinifdə öyrəndiklərinizi göstərilən mənbələrdən topladığınız məlu-
mat əsasında zənginləşdirin və tamamlayın.
2. Araşdırma apararkən aşağıdakı sualların cavablarını da əhatə et-
məyə çalışın:
a)
Şairin ictimai məzmunlu şeirlərində başlıca olaraq hansı məsələlə-
rə diqqət yetirilmişdir?
b)
1960-cı illərdə cəmiyyətdə müşahidə olunan
yeniləşmə şairin yara-
dıcılığında öz əksini necə tapmışdır?
№
İctimai şeirlərə aid
nümunələr
Onlarda əksini tapmış başlıca
məsələlər
3.
Yazılı qeydlər əsasında təqdimata hazırlaşın.
4. Mövzulardan birini seçib məruzəyə hazırlaşın:
a)
R.Rzanın yaradıcılığında humanist ideyalar.
b)
Şairin lirikasında vətən mövzusu.
1. XI sinif şagirdləri üçün elektron vəsait. http://edebiyyat.ucoz.com.
2. R.Rza. Seçilmiş əsərləri. 5 cilddə. I cild. Bakı: Öndər, 2005, səh. 5, 7,
8, 12, 15, 16.
3. R.Rza. Seçilmiş əsərləri. 5 cilddə. V cild. Bakı: Öndər, 2005, səh.7,
9, 10, 16, 21.
• EVDƏ İŞ
•
MƏNBƏLƏR
LAYİHƏ
111
•
Sovet dövrü Azərbaycan ədəbiyyatı
•
QIZILGÜL OLMAYAYDI
(ixtisarla)
•
MƏZMUN
ÜZRƏ İŞ
OXUYA HAZIRLAŞIN
Sualların üzərində düşünün, cavabları cədvəllərdə qeyd etdikdən
sonra fikir mübadiləsi və müzakirə aparın.
–
Sovet hakimiyyəti illərində həyata keçirilən repressiya haqqında nə
bilirsiniz?
Repressiyanın
həyata keçirildiyi
tarix
Repressiya haqqında bildiklərim
–
Repressiya qurbanlarından kimləri tanıyırsınız?
Repressiya qurbanı olan söz sənətkarlarımız
Aşağıdakı qaydalara əməl etməklə əsərdən verilmiş parçanın məzmu-
nu üzərində işləyin.
1. Mətni bütövlükdə oxuyun (bunu fərqli formalarda həyata keçirə bi-
lərsiniz).
2. Kiçik qruplar yaradın, aşağıdakı tövsiyələrdən bəhrələnməklə
suallar və onlara cavab hazırlayın.
a) Məzmunun necə mənimsənildiyini aşkara çıxarmağa xidmət
edənlər (Kim? Nə? Harada? və s.).
b) Əsərin məzmununu şərh etməyə istiqamətləndirənlər (Bu əlaqələr
hansılardır? Bunun baş verəcəyi gözlənilirdimi? Hansı nəticəyə
gəlmək olar? və s. ).
c) Dəyərləndirməyə yönəldənlər (Nə üçün belə oldu? Başqa
cür ola
bilərdimi? Hansı düşüncəyə səbəb olur? və s.).
d) Münasibət bildirməyə imkan yaradanlar (Ədalətlidirmi? Haqlı
saymaq olarmı? Bu səhvi bağışlamaq mümkündürmü? və s.).
3. Əsərdən oxuduğunuz parça hansı milli-mənəvi dəyərlər barədə da-
nışmağa imkan verir?
4. Təqdimatlar etməklə qənaətlərinizi bölüşün və gəldiyiniz nəticələri
müzakirə edin.
Gecə qapım döyüldü.
Görəsən, kimdir gələn?!
– Kimsən?
– Mən!
Açdım qapını
Baxdım.
Baxdım.
Yox, tanımadım.
Vahimədən
qorxan körpələr
kimi
çəkildim addım-addım.
Bəlkə də işıq azdı.
İllərin o tayından gələn
yorğun yolçunu
belə adi işıqda
tanımaq da olmazdı.
Başını qaldıranda
gözlərim bircə anlıq
gözlərinə sataşdı.
Elə bil kimsə birdən
köhnə, tanış kitabın
səhifəsini açdı.
Yenə qapandı kitab,
İndi qoçaqsan, buyur,
min
bir varaq içindən
o bir səhifəni tap!
– Salam!
– Salam, buyurun!
Əynində nimdaş palto,
başında bir nimdaş şal –
nə ipəkdi, nə də yun.
Saçları ağ –
illərlə bağlı sandıqda qalıb
şəfəqini itirmiş
adicə gümüş kimi.
Gözlər – cüt qara ulduz –
quyuya düşmüş kimi...
– İzin verin, mən asım.
– Yox, yox!
Özüm asaram.
Özü asdı paltonu.
Sonra da aram-aram
otağa göz gəzdirdi.
Birdən üzümə baxdı,
dodaqları titrədi.
Elə bil
oyuncağı qırılmış
uşaq kimi
hıçqırıb
için-için
indi ağlayacaqdı.
• I dərs
LAYİHƏ