Microsoft Word lisonut-tayr ziyouz com doc

www.ziyouz.com
кутубхонаси
52
Shunday bir kishining mushkuli oson bo'lgach, sen uning oldida kim bo'libsan, ey, 
murodiga yetmagan zaif. Tavba qil va undan o'z najotingga erish, yo'lga azm aylab, 
maqsadingga yet! 
XCIII 
Yana bir qushning Hudhudga savoli 
Yana bir savol beruvchi so'radi:
- Ey toj ko'rki! Mening tabiatimda o'zgaruvchanlik mijozi mayjud. Ta'b u yoki bu 
sifatda raso emas. Ba'zan fisqu fasod ishlar bilan shug'ullanaman: ba'zan taqvodorlik 
qilaman. Gohida egri bo'lsam, gohida to'g'riman. Goho mayxona ahli bilan ulfat bo'lsam, 
goho Allohga munojot qiluvchilar davrasiga qo'shilaman. Goh Ka'bani tavof qiluvchi 
Alloh-parastman, goh dayrda but oldida sig'inaman. Holatimda barqarorlik yo'q, shunga 
ko'ra haddan ziyod iztirob chekaman. Bu o'zgaruvchan shum mijozim va bu xil 
nafratlanarli odatim bilan to'g'ri yo'l topa olmasam kerak, deb o'ylayman. Chunki bu 
yo'lda yakrang, ya'ni barqaror e'tiqodli bo'lmasam o'zimni topolmasman, deyman. 
XCIV 
Hudhudning javobi 
Hudhud unga shunday dedi: 
— Darhaqiqat, bu xil bema'ni xislat barchaning zotida mavjud. 
Ularning barchasiga nafs va ruh sababchidir. Agar bularning biridan bandlar 
bog'lansa, ikkinchisidan ochiladi. Agar kimki nafsoniyatni inkor qilsa, uning zotida 
ruhoniyat g'oliblik qiladi. Har bir kishi bunday sharafga ega bo'lsa, u kishi pok sanalib, 
o'z vaqtini xush o'tkazgan bo'ladi. 
Bordi-yu kishining mijozi o'zgaruvchanlikka moyillashsa-yu, sen kabi sharmandalikka 
duchor bo'lsa, bunday kishi riyozat chekish tufayli ushbu kasallikdan iloj topadi va tabiati 
barqaror bo'ladi. Agar nafs kishini shunday xatarga yo'liqtirsa, uning chorasi murshid 
tadbiri orqali topiladi. Chunki murshid har qanday illatlarga tabib bo'lib, xaloyiq uni "pir" 
ham deb ataydi, ey ziyrak kishi. Agar so'fiylik yo'lidagi tolibga nafs to'dasidan turli 
tubanliklar yuzlansa-yu, natijada fe'lida yomonlik paydo bo'lsa (talab ahllari gohida 
bunga mubtalo bo'ladilar), pir ularning har biriga turli davolar qilib, illatini daf etadi va 
tolib shifo topadi. Sen aytgan narsa ham shunday kasalliklardan biridir. Buning tadbiri 
esa riyozat chekmoqdan iborat. Sen ham bu ishga o'zingni chog'lab, bu qattiqlikka 
belingni bogiasang, umid uldirkim, bir oliy marhamat ko'rsatilib, seni bu xil nomusga 
qolishdan xalos etadi. Shunda sen u qiyinchiliklardan xursand bo'lib, haq yo'lida pok 
yo'lovchi bo'la olasan. 
XCV 
Shayx Abu Turob Naxshabiy hikoyati 
Pok tabiatli haqiqatni aniqlovchilardan biri haqqa vosil bo'lgan Abu Turob Naxshabiy 
bir muridning holiga nazar solib, unda zebu ziynat nishonasini ko'rar edi. Chunki bu 
murid kiyadigan xirqa toza matodan bolib, u qizil, yashil va sariq naqshlar bilan 
ziynatlangan edi. Uning nafsi go'zallikka, kiyinishda zebolikka ko'prog' mayl ko'rsatardi. 
Pir bundan qutulish uchun unga ko'pgina riyozatlar buyurdi, ammo uning so'zlari 
befoyda bo'lib qolaverdi. Undagi bu sifatning daf bo'lmaganini ko'rgan pir oxir-oqibatda 
shunday buyurdi: “Uni o'zining yomon nafsini tugatgunga qadar har kun mol 

---

Lisonut-tayr. Alisher Navoiy