74
Düzgünlük
əsasında
qurulan
formada
və
formanın
fəaliyyətində ədalətin mövcudluğu onun təmiz, saf gerçəkliyini
şərtləndirir və məzmununu ehtiva edir. Ədalətli məzmuna sahib
olan forma başlıca olaraq tarazlı fəaliyyəti təmin edir və
nəticədə də tarazlı münasibətlər formalaşır. Humanistlik və
haqq-ədalət və düzgünlük əlamətlərini özündə cəmləşdirməklə
yüksək əxlaqa sahib olan liderlər milli maraqlarla yanaşı,
rəngarəngliyin tərkibi olaraq digər xalqların da maraqlarına
xüsusi önəm veriblər və belə hesab ediblər ki, dəyərlər
ortaqdır, hər bir xalqın xoşbəşt yaşamağa haqqı vardır. Bu
liderlər isə daima qlobal müharibələrin, uzun sürən silahlı
toqquşmların əleyhinə olaraq, bəşəri sabitliyi qlobal və
regional, o cümlədən milli səviyyədə sosial sabitliyi bəşəri
sülhün təminatında mühüm istiqamət kimi görüblər. ABŞ
prezidenti olmuş Vudro Vilson I Dünya müharibəsindən
bezmiş Avropa xalqları üçün “Müharibəyə yox” şüarını
gətirmiş oldu. ABŞ-dan gələn çağırışlar içərisində “Bir daha
dünya iki cəbhəyə bölünməsin, rədd olsun xalqları onların
xəbəri olmadan, iradəsini əks etdirmədən qırğınlara gətirib
çıxaran əski cinayətkar gizli diplomatiya! İdarə edənlərin
ümumi razılığına əsaslanan və sadə insanların təşkilatları
vasitəsilə ifadə olunan iradəsinin dəstəklədiyi hüququn aliliyi
bərqərar olsun-Yeni və daha yaxşı bir dünya düzəni qurulsun”
(İng. “The reign of law, based upon the consent of the
governed and sustained by the organized opinion of mankind”)
kimi şüarlar mərkəzi yeri tutdu.
1
Humanizm və hüququn ilahi
səltənəti mövcud olmalı idi. Vudro Vilson öz Kovenantı
(nizamnaməsi-bu Kovenant ümumi sülh müqaviləsinin əsas
tərkib hissəsi idi. –“inteqral part of the general treaty of peace”.
Kovenant əsasən bəşəriyyətin sülh problemini, sonra isə ayrı-
ayrı xalqların sülh məsələsini həll etməyi qarşısına məqsəd
1
Stefan Zweig. Sternstunden Der Menschheit. Vierzehn historische Miniaturen.
Fischer Taschenbuch Verlag. Stefan Sveyq Bəşəriyyətin ulduzlu saatları. Tarixi
miniatürlərdə. Alatoran. Alman dilindən tərcümə: Ağalar Məmmədov. Bakı, Qanun.
2010, 408 səh., səh. 375-397.
75
qoymuşdu) ilə Avropada müəyyən qədər sülhə nail oldu. Bir
çox xalqlar müstəqillik əldə etdilər. Millətlər Liqası Vudro
Vilsonun
nəzəriyyələri
əsasında
formalaşdı.
(Sülh
cəmiyyətlərinin, millətlərin sülh birliklərinin əsas prinsipləri
isə 1795-ci ildə alman klassik fəlsəfəsinin nümayəndəsi,
idealist filosof İmmanuel Kantın “Əbədi sülhə doğru” siyasi
traktatından götürülüb. İmmanuel Kant birinci dəfə olaraq
gələcək Avropa birliyinin mədəni və fəlsəfi əsaslarını
xarakterizə edib, əsaslandırıb, bununla da Millətlər Liqası
ideyasını irəli sürüb. Hansı ki, yaradılacaq bu qurum
münaqişəli vəziyyətlər üzərində nəzarəti həyata keçirə bilərdi
və dövlətlər arasında sülhün möhkəmləndirilməsi və qorunması
üçün müəyyən gücə malik ola bilərdi).
Digər bir humanist fikirli lider olmuş və öz düçüncələrini
əməli fəaliyyəti ilə ahəngləşdirmiş, Türkiyə dövlətinin və
xalqının inkişafını seçimlərdə, fərdi və ümumi dəyərlərin
harmonizasiyasında, cəmiyyətin fərqli əsaslarla inkişafında
görən Türkiyə dövlətinin banisi Atatürk də qeyd edirdi: “Azadlıq
olmayan bir ölkədə ölüm və uçurum vardır. Hər irəliləyişin və
qurtuluşun anası azadlıqdır”, “Milli əməllər, milli iradə yalnız
bir şəxsin düşüncəsində deyil, bütün millət fərdlərinin
arzularının, əməllərinin birləşməsindən ibarətdir.”, “Çağdaş bir
respublika qurmaq demək, millətin insan kimi yaşaya bilməsi,
insan kimi yaşamağın nədən asılı olduğunu öyrənməsi
deməkdir”, “Millətin rəy və iradəsinə əsaslanan hər işin
nəticəsinin millət üçün xeyir və səadət olacağı gerçəkdir”,
“Millətə əfəndilik etmək yoxdur; xidmət etmək vardır. Bu
millətə xidmət edən onun əfəndisi olur”, “Millət tərəfindən,
millətin adından, dövləti idarə etməyə səlahiyyətli olanlar üçün
lazım olduqda, millətə hesabat vermək məcburiyyətdir,
saymazlıq və özbaşınalıq yaramaz”, “Millət işlərində hər fərdin
zehninin sərbəst fəaliyyətdə olması gərəklidir”, “Vicdan azadlığı
mütləq və müdaxilə edilməzdir, o, fərdin təbii hüquqlarının ən
mühümlərindən hesab edilməlidir”, “Din və məzhəb hər kəsin öz
vicdanından doğan bir işdir. Heç kəs heç kimi nə bir din, nə bir
76
məzhəbi qəbul etməyə məcbur edə bilməz. Din və məzhəb heç
bir zaman siyasət aləti kimi istifadə edilə bilməz”, Milləti
aldatmayacayıq. Millətə daima və daima gerçəyi söyləyəcəyik.
Bəlkə səhv etdik, yanlış şeyləri gerçək zənn etdik; qoy millət
onu düzəltsin”.
1
Digər bir humanist baxışlı, yüksək mənəviyyatı özündə
cəmləşdirən və 1915-ci ildən Hindistan milli azadlıq hərəkatına
rəhbərlik edən Mahatma Qandi Hindistanda müsəlman və
hindusların birləşərək vahidliyinə çağırırdı. Onun rəhbərliyi
altında 1947-ci ildə Hindistan müstəqillik qazandı. Mahatma
Qandinin qeyri-silahlı yolla kütləvi xalq hərəkatına rəhbərlik
etməsi, müstəqillik uğrunda mübarizəsi dünya tarixində onu ən
gözəl şəxslərdən birinə çevirdi. Hindistanlılar onu -“maxatma”,
sanskritdən tərcüməsi -“böyük qəlb” adlandırdılar.
Tarixdən məlumdur ki, 1857-ci ildə Britaniya-Ost-Hind
şirkətinin idarəçiliyindən olan narazılığın nəticəsi olaraq axırıncı
moğol imperatoru Bahadur Şah Zəfərin liderliyi ilə “Sipahlar
üsyanı” başladı. Bu, müstəqillik uğrunda ilk müharibə idi. Hərbi
yolla üsyan yatırıldı, Moğollar sülaləsinin hakimiyyətinə son
qoyuldu. Nəticədə Britaniya Ost-Hind şirkəti ləğv edildi və
Hindistan Britaniya İmperiyasının koloniyası olaraq Britaniya
taxt-tacının idarəçiliyinə verildi. Koloniyadan azad olmaq
uğrunda azadlıq mübarizələri davam edirdi. 1920-ci ildən
etibarən Mahatma Qandi kimi rəhbərlər britaniya kolonial
hökumətinə qarşı kütləvi kampaniyalara başladılar. Britaniya
İmperiyasının koloniyasından azad olmaq istəkləri ilə yanaşı,
çox illərdən bəri hinduslar və müsəlmanlar arasında gərginlik
yaşanırdı. Müsəlmanlar azlıq təşkil edirdilər və müsətqillk
qazandıqdan sonra hindusların hakimiyyəti altına keçməli idilər
və buna görə də müstəqillik məsələsinə ehtiyatla yanaşırdırlar.
Onlar hindusların idarəçiliyinə inanmırdılar və Britaniya
kolonial hökumətinə qarşı çıxmaqda tərəddüd edirdilər, qətilik
nümyiş etdirmirdilər. Müsəlmanlarla hinduslar arasında birliyin
1
Utkan Qocatürk. Atatürk.-Bakı:Elm, 1991.-212 s. Tərcümə və qeydlər Dünyamalı
Vəliyevindir. Kitabda Atatürkün ölməz sözləri bölməsi. səh.99-184.
Dostları ilə paylaş: |