Azərbaycan Tarixi
205
ci ildə Qarabağa qaçmışdır.
Burada o, Nadir şah hakimiyyətinə
qarşı mübarizə aparan üsyançı dəstələrinə rəhbərlik edir. Pənah
xan çox varlı və nüfuzlu şəxs olmuşdur. A.Bakıxanovun
yazdığına görə o, igid, işgüzar adam olmuşdur, savadsız olsa da
təbii istedada malik olmuş, şəxsi münasibətlərdə sadə
olmuşdur.
Pənah xanın Xorasandan qaçmasından xəbər tutan Nadir
şah, onu yolda ələ keçirmək üçün ardınca çaparlar göndərdi.
Lakin Pənah xan bir müddət Qarabağın dağlarında və Qəbələ
mahalında gəzib, dolaşdı. Mirzə Camal Cavanşir yazır ki, Nadir
şahın vəfatından sonra Pənah xan üzə çıxdı.
Vaxtilə şah
tərəfindən Xorasana köçürülmüş Cavanşir eli oradan köçüb
Qarabağa qayıtdı. Pənah xan onları qarşıladı. Hər kəs öz
əvvəlki yurduna gedib rahatlandı. Pənah xan özünə qoşun
düzəldib, Bayat qalasını özünə mərkəz seçdi.
Pənah xan Qarabağ məlikliklərini özünə tabe etmək
istədi. Qarabağ məlikləri Pənah xanın hakimiyyətinin
möhkəmlənməsindən narahat olub Şəki və Şamaxı xanlarını
ona qarşı mübarizə aparmağa təhrik etdilər. Pənah xanın
adamlarından çoxlu zərər çəkən Şamaxı və Şəki xanları ittifaq
bağlayıb, Pənah xanı aradan qaldırmaq üçün böyük qoşunla
Bayat qalasına hücum edərək onu mühasirə etdilər,
lakin onu
ala bilməyib geri qayıtmalı oldular.
Adil şah tərəfindən Azərbaycana sərdar təyin edilmiş
Əmiraslan xan Pənah xanın Qarabağda olan şöhrətini
eşitdikdən sonra ona hədiyyə olaraq at, qılınc və xələt
göndərərək, onu Adil şaha itaət etməyə dəvət etdi. Pənah xan
onun elçilərinə layiq olan hörmət və mehribanlıq göstərdi.
Çünki belə bir güclü əmrlə düşmənçilik və müharibə etmək
vaxtı deyildi. Pənah xan Adil şahın dövlətinə itaət etməyə hazır
olduğunu və ona xidmət edəcəyini bildirib, sədaqət əlaməti
olaraq elçilərlə birlikdə ellərin adlı-sanlı kəndxudalarından bir
neçə nəfərini hədiyyələrlə Təbrizə Əmiraslan xanın yanına
göndərdi. Əmiraslan xan bu barədə Adil şaha xəbər verdi.
Qəzənfər Rəcəbli
206
1748-ci ildə Adil şah Pənah xana xan adı verilməsi və
Qarabağa hakim təyin edilməsi haqqında fərman göndərdi. Az
sonra Pənah xan Adil şahın öldürüldüyünü eşidib özünü
tamamilə müstəqil elan etdi.
Pənah xan 1752-ci ildə Şahbulağın üstündə Tərnəküt adlı
yerdə yeni bir qala tikdirdi. Sonra o, Xəmsə məliklərini özünə
tabe etmək fikrinə düşdü. Öncə Vərəndə məliyi Şahnəzər bəy
ona itaətə gəldi. Vərəndə məliklərinin əsilləri Göyçə
mahalından olub. Məlik Şahnəzər əmisi Məlik Hüsünü öldürüb
məlik taxtına oturmuşdu. Xəmsə məlikləri bu hadisəni eşitdikdə
«sən nə üçün itaəti vacib olan əminə ağ olmusan» deyə
birləşərək onu cəzalandırmağa gedirlər. Məlik Şahnəzər Pənah
xanın hakimiyyətini tanımaqla özünü onlardan qoruyur. O,
Vərəndə ərazisində indiki Şuşa şəhərinin yerini Pənah xana
tərif edir. Şəhərin bina olunacağı yerdə axar su və bulaq yox
idi. Yoxlamaq üçün bir neçə quyu qazdırdılar. O, quyulardan su
çıxandan sonra hicri tarixlə 1170-ci ildə, miladi tarixlə
1756/1957-ci ildə Şuşa şəhərinin binası qoyuldu. Əhməd bəy
Cavanşir isə Şuşanın təməlinin qoyulmasını 1754-cü ildə hesab
edir. Şahbulağın şakinləri və bir neçə kəndin əhalisi köçürülüb
buraya gətirildi. Şəhər əvvəllər Pənahabad,
sonra isə
qonşuluqda yerləşən Şişəkəndin adı ilə Şuşa adlandırıldı.
Vərəndənin ardınca Xaçın məlikliyi tabe edildi. Onların
məliyi Həsən Cəlalyan idi. O, məliklik mənsəbindən məhrum
olduqdan sonra, bir müddət bu mahalın müstəqil məliyi
olmamışdır. Sonralar Xınzırıstanlı Məlik Mirzə xan bu mahala
məlik təyin edilir. Sonra növbə ilə onun oğlu Məlik Allahverdi
və nəvəsi Məlik Qəhrəman bu şərəfə nail olurlar. Dizag,
Çiləbörd və Talış (Gülüstan) məliklikləri bir neçə il Pənah xana
müqavimət göstərirlər. Dizagın məliyi Məlik Yeqan idi. O,
Loridən gəlmiş və şahın fərmanı ilə burada məlik olmuşdu.
Çiləbördin məliyi Məlik Allahqulu idi. Onların iqamətgahı
Cermux qalası idi. Məlik Allahqulu Nadir şahla Osmanlı
sərkərdəsi Körpülü oğlu Abdulla paşa arasında olan
Azərbaycan Tarixi
207
müharibədə fərqləndiyinə görə Nadir şah ona sultan titulu
vermişdi.
Talış məliyi Məlik Usubun əsli, Mirzə Adıgözəlbəyin
yazdığına görə, Şirvandan gəlmədi.
Məlik Usub bir müddət
Talış kəndində sakin olmuş, sonra isə Gülüstan qalasını zəbt
edib öz iqamətgahına çevirir. Bu vaxtdan həmin məliklik
Gülüstan məlikliyi adlanır.
Ağoğlanda yaşayan sultan Allahqulu Pənah xanla görüşə
gəldiyi vaxt, Mirzə Adıgözəlbəyin yazdığına görə. Naxçıvan
hakimi Heydərqulu xan ona qonaq idi. O, Pənah xana məsləhət
görür ki, belə şan-şöhrətin sahibi sənə itaət etməz, onun başını
vurdur. Pənah xan bu məsləhətə qulaq asıb onu öldürür.
Allahqulunun qardaşı Məlik Hatəm Çiləbördün məliyi olur. O,
Talış məliyi Məlik Usubla birləşib Cermux qalasına çəkildilər
və 4 il Pənah xanla vuruşdular. Nəhayət, məğlub oldular. Məlik
Usub öz elatı və təbəələri ilə birlikdə Gəncə tərəfə gedib
Şəmkir mahalında məskən saldı.
Sonralar Pənah xan Bərgüşad, Meqri, Tatef, Sisyan,
Zəngəzur, Qafan, Göyçə mahallarını da zəbt etdi.
Cənubi Azərbaycanda hökmranlıq edən Fətəli xan
Qarabağa hücum edib ələ keçirə bilmədi. O, Pənah xanın oğlu
İbrahimi girov götürməklə Pənah xanı öz vassalı elan etdi və
geri qayıtdı. Pənah xan Kərim xan Zənd
ilə ittifaqa girib Fətəli
xanı məğlub etdilər və özünü də əsir aldılar. Kərim xan Zənd
Pənah xanı təcrübəli bir məsləhətçi adı ilə yanında saxladı,
onun böyük oğlu İbrahim xanı da Şiraza çağırdı, Qarabağa isə
Pənah xanın kiçik oğlu Mehrəli xanı hakim təyin etdi. (1766)
1768-ci ildə İbrahim xan Şuşaya qayıdır. Bundan 2 ay
sonra müəmmalı şəkildə vəfat edən Pənah xanın cənazəsi
Şuşaya gətirildi. Ibrahim xanla Mehrəli xan arasında
hakimiyyət üstündə mübarizə başlandı. Bu mübarizədə İbrahim
xan qohumu Umay xanla birləşib qalib gəldi. Mehrəli xan
Kərim xan Zəndin fərmanı ilə xan təyin olunduğundan ona
pənah apardı. Kərim xan bundan bir qədər sonra vəfat etdi.
Qəzənfər Rəcəbli
208
Mehrəli xan qubalı Fətəli xana qoşuldu. Fətəli xan Gəncəni,
Mehrəli xan isə Qarabağın aran
hissəsini tutub Şuşa üzərinə
yürüşə hazırlaşdıqları zaman, 1779-cu ildə Mehrəli xanı,
vaxtilə Fətəli xan tərəfindən Şamaxıdan qovulmuş Ağası xan
öldürdü.
Beləliklə, İbrahim xan müstəqil xan oldu. O, qubalı Fətəli
xanın ölümündən sonra Gəncə, Şamaxı, Şəki və Gilan
xanlıqlarını da özünə tabe edərək xeyli qüvvətləndi.
1795-ci ildə İranda hakimiyyəti ələ almış Ağaməhəmməd
şah Qacar Qarabağa hücum etdisə də Şuşa qalasını ala bilmədi.
1798-ci ilin yazında o, yenidən Qarabağ üzərinə yeridi. İbrahim
xan Şuşanı tərk edərək öz ailəsi ilə birlikdə Car-Balakən
mahalına qaçdı. Ağaməhəmməd şah Qacar Şuşaya döyüşsüz
daxil oldu. Bir həftə Şuşada edamlar davam etdi. Nəhayət, 7-ci
gün Ağaməhəmməd şah Qacar şahın sərkərdəsi Sadıq xan
Şəqqaqinin və onun qohumu Mehrəli xanın oğlu Məhəmməd
bəyin razılığı ilə, şahin pis - xidmətləri Səfərəli bəy və Abbas
bəy tərəfindən, öz yataq otağında öldürüldü.
Ertəsi gün
Məhəmməd bəy saraya gəlib hakimiyyəti ələ aldı və dəhşət
içərisində qalan İran qoşunlarını sıxışdıraraq Araza qədər
qovdu.
Məhəmməd bəy Qarabağ xanlığını idarə etməyə başladı.
Gəncə xan Cavad xan və Şuşanın bir çox adlı-sanlı bəyləri
Məhəmməd bəyi İbrahim xanın Qarabağda qalan oğullarını
mötəbər adamların əli ilə öldürməyi və İbrahim xanı bütün
ailəsi ilə birlikdə Car-Balakən mahalında qurmaq üçün Cavad
xanla əlbir olmağa təhrik edirdilər.
Ağaməhəmməd şahın qardaşı oğlu Fətəli xanla
müharibədə Sadıq xanın məğlub olması və Fətəli xanın İran
taxtına sahib olması xəbəri alındıqdan sonra Məhəmməd bəy bu
təkliklərə cavab olaraq elan etdi ki, gec-tez güclü qonşu
dövlətlərdən birinə tabe olması lazım gələn bu məmləkətdə
xanlıq etibarsız
olduğundan, o, heç bir zaman özünün 70 yaşlı
əmisini və əmisi oğlanlarını öldürməyə və ya ölkədən qovmağa