_________________Milli Kitabxana
________________
77
Hay ver, İnam Ata!
SUDA CIZIQ ÇƏKMƏK
və ya
ARAMIZDA YALQIZ
(Cikkə)
Möcüzədən məkrədək yol keçmiş “İşıq”
Ailəsinin qaranlığından sərxoşam.
Adamlar arasında Həqiqətçinin tək qalması təbiidir.
***
Bu sözü Sənə desəydim, deyərdin ki, doğrudur. Bəs Özün niyə tək qalmadın,
Öyrətmənim?! Sən ki bizim adamlığımızı görürdün, bilirdin.
***
Sən də suda cızıq çəkdin, ah Öyrətmənim, Öyrətmən!..
***
Müqəddəs Kitablarını su üzündə cızıq çəkmək üçün Müqəddəs Çubuqlar olaraq
yaratdın.
***
Sən mənim rəhmətlik Sayad nənəm kimi, naxırı sürüb evə gətirmək üçün
sübhün alatoranında kövşənə çıxdın.
***
Naxır Sənin hayladığın səmtə getmək istəmədi, Öyrətmənim!..
***
Naxır öz səmtini yaxşı bilirmiş.
***
Öyrətmən (İnsan, Həqiqətçi) səmtiylə naxır səmti bir deyilmiş, ayrıymış.
***
Bizim balıq harasından iyləndi, ah Öyrətmənim, Öyrətmən?!
***
...Əsil getdi — ağı deyib ağladım. Sadiq getdi — başa qara bağladım. Soylugil
getdilər — haray saldım, “İşıq” Ailəsi getdi — cikkə çəkdim...
***
Qara bağlaya-bağlaya, ağlaya-ağlaya, haray sala-sala, cikkə çəkə-çəkə tək
qaldım!..
***
Ağstafa dəfniylə Ocağın da torpağa gömüldüyünü anladım.
***
İnam Atamız var olsun!
_________________Milli Kitabxana
________________
78
8 Sərt (X ay) 20-il. Atakənd.
(8. XII. 1998. Bakı.)
Hay ver, İnam Ata!
QURD DAYIMIZ
(Haray)
Yaxma yaradıcılığına qurşanmışam, yaradıcılığıma qaynaq olaraq da öz Amal
Ocağımı götürmüşəm...
***
Adamlar Zoru istəmədən, Zorun başına yığışırlar; Zorun kölgəsini qılınclayır,
özünü öpüb oxşayırlar.
***
Adamlar Zordan iyrəndiklərini deyəndə, bunu ürəkdən söyləyəndə belə — Zor
istəyirlər. Çünki
***
Adamlar Zorla yaşayırlar, çünki adamlar öz ürəklərini anlamırlar.\
***
Qəribdir içimizdə ürəklərimiz.
***
Elin “Böyüksüz yerdə oturma” sözü bunu təsdiq edir. El bu yöndə bundan
yüksək söz deməmişdir. Bu isə gerçəkliyin həqiqətidir, mütləq həqiqət deyil.
***
Adamlar qiyamçılardan Zorla qopmaq istəyirlər; onları özlərindən Zorla
qoparmaq istəyirlər; qopub da özləri Zor olmaq, Zorlu olmaq istəyirlər...
***
Adamlar ağlamaq istəmirlər, ağlatmaq istəyirlər. Adamlar ağladılmasalar,
ağlamazlar.
***
“İnsan zülmə tabedir” — Elin bu sözü yuxarıdakının davamı və tamamıdır,
arada bircə “çünki” sözü çatmır.
***
Hər yan məndən Zor istəyir. Hər yan öz içinə (ürəyinə) baxmaq əvəzinə,
mənim “iradəmə, qətiyyətimə” (Zoruma) baxır; məndə bunu görmürlər və bunu
gördükləri səmtə əyilirlər.
***
Və, mənə Zor eləmək istəyənlər mənə doğru toplaşırlar. İndi bu gedişlə mən öz
əski “ailəmə” doğru inteqrasiya olunmaqdayam, adamlarsa — qiyamçılara
doğru.
***
_________________Milli Kitabxana
________________
79
Zorun da növləri var axı. “Dərd” adlı Zor da var. Allah hamısını götürür.
Böyük (Zorlu) — götürmür, götürtdürür, özgələrə yükləyir.
***
“Allahsız yerdə otur...” Neyləməli! Gerçəkliyi saya salmamaq olmaz.
***
Mən gerçəklərdən Allahlıq umuram — mənim səhvim budur. “Həqq mənəm,
Həqq məndədir, Həqq söylərəm” deyənin səhvi kimi.
***
İnam Ata da deyərdi: “Hər insan bir Allahdır”. Bu — Atanın insana inamıydı.
İnsanın gerçəkliyinə yox, göycəkliyinə (reallığına yox, ideallığına).
***
Bilirəm, Ocaq bunca incəliklərə gedə bilməz və bu cür incələmələr onun
vəzifəsinə daxil deyil. Mütləq Həqiqət araşdırıcılığı — idraki yalquzaqların
işidir. Bundan yaxşısı yoxdur, bu isə Mütləq Zorsuzluq olduğu üçün adamlara
etkisizdir.
***
Beləliklə, mənə aydın olur ki, Ocağın istədiyi miqyaslarda xalqlaşmama —
sufiliyin, hürufiliyin suçu deyil, içiymiş.
***
Mən gerçəyi gələcək sanan, realı ideal görən, ideal sanan bir uşağam. Mən də
bir növ Don Kixotam.
***
...Zorsa — bizim Qurd Dayımızdır.
***
Atamız var olsun!
9 Çiçək (II) ay 20-il.
OLMALI
(Haray)
Olmalıdan alçaq, olandan uca. Bizim yerimiz — Olmalıdır.
***
Sabah İnam günüdür. İnamsızı — gün saymadım.
***
Öz zirvələrinizi qurmasanız, verməsəniz, sizi heç kəs Dağ Silsiləsi saymayacaq.
***
İnamçı (Ocaqçı, Ocaq Evladı) ayrı, İnamçılığı bilən şəxs ayrı, İnamçı yurddaş
ayrı...
_________________Milli Kitabxana
________________
80
***
İnsanilik elan sevmir: “Mübahisəsizlik” elanından didişmə alındı; “Doğmalıq”
elanından yağılıq alındı...
***
Dünya dilindəki “Elita” sözü — “iyrənc” anlamı daşıyır, Mütləqə İnam
Ocağının dilindəki “Elita” sözü — “Müqəddəs” deməkdir.
***
Mitinq — iştahların üsyanıdır — o biri yeyən-geyən-geydirənlərin payından
kəsib yemək-geymək-geydirmək istəyənlərin bir-biriylə davasıdır. Biz Asifçilər
— İnamçılarsa Ləyaqətin üsyanını hazırlayırıq.
***
Asif Ataya hədsiz sevgi Ata olmayana sevgisizlik yaradırsa — şərdir.
***
Baş üstündə Yer Bircə olur.
***
Başımızın üstündə İnam Ata varkən başımızın üstündə başqası ola bilməz.
***
Ürəyim Ocaqdadır, çörəyim işdə. Ocaqda çörəksizəm, işdə ürəksiz. Buna görə
də nə işi yarıdıram, nə Ocağı; nə işdə yarıyıram, nə Ocaqda. Hay ver, İnam
Ata! Ürəyim qan ağlayır...
***
Ocaqçının, İnamçının “ibadəti” — Asif Atanın əsərlərini oxumaqdır — günün
müəyyən saatlarında dərin təkliyə çəkilib oxumaq.
***
Asif Ata idrakda İnsanilik açarı yaradıb — Safruh o açarda yazır öz əsərlərini.
***
Ocaqsevər kimdir: Ocaq qarşısında üzərinə müəyyən məsuliyyət götürən və
onu yerinə yetirən; ölüsünü din qaydasyla deyil, İnam qaydasıyla götürən,
toyunu Ocaq üstə, “Beşikbaşı” deyə kökləyən...
***
Amaldaş dostdan üstündür — Amal Həyatdan üstün olduğu qədər.
***
İnsan bir qulağından aldığını o biri qulağından salıb itirirdi. Asif Ata Öz
Ocağını bu itkinin qarşısını almaq üçün çatıb.
***
Atamız var olsun!
7 Çiçək ayı, 18-il, —
3 Çiçək ayı, 21-il.
MÜQƏDDƏS KÜFR
(İçsəs)
Dostları ilə paylaş: |