ДЦНЙА ЮЛКЯЛЯРИНИН МЦАСИР СИЙАСИ СИСТЕМЛЯРИ
81
Naxçıvan Muxtar Respublikası idarəetmə formasının xü-
susiyyətlərinə görə Azərbaycan Respublikasından fərqlənir.
Naxçıvan Muxtar Respublikası parlamentli respublikadır və
burada icra hakimiyyəti orqanı olan Nazirlər Kabineti Nax-
çıvan Muxtar Respublikasının Ali Məclisi tərəfindən formalaş-
dırılır və ona tabedir. Naxçıvanda hakimiyyətin bölünməsinin
özünəməxsus xüsusiyyətlərindən biri Naxçıvan Muxtar Res-
publikası Ali Məhkəməsinin digər səlahiyyətlərlə yanaşı, həm-
çinin konstitusion nəzarət funksiyasını da yerinə yetirməsidir.
Qanunvericiliyə görə Naxçıvan Muxtar Respublikasının Ali
Məhkəməsi Azərbaycan Respublikası qanunvericilik aktlarının
düzgün tətbiq edilməsi üçün tədbirlər görür, məhkəmə statis-
tikasını təhlil edir, məhkəmə təcrübəsini öyrənir və ümumi-
ləşdirir, muxtar respublikanın Ali Məhkəməsinin ərazi yuridik-
siyasına aid olan birinci instansiya məhkəmələrinə metodik
kömək göstərir və Azərbaycan Respublikasının qanunvericiliyi
ilə ona aid edilmiş digər səlahiyyətləri həyata keçirir.
Azərbaycan Respublikasının Konstitusiyasına əsasən
(maddə 135) Naxçıvan Muxtar Respublikasının Ali Məclisi
Azərbaycan Respublikasının Konstitusiyası və qanunları ilə
onun səlahiyyətlərinə aid edilən məsələlərin həllində, Nax-
çıvan Muxtar Respublikasının Nazirlər Kabineti Azərbaycan
Respublikasının Konstitusiyası, qanunları və Azərbaycan Res-
publikası Prezidentinin fərmanları ilə onun səlahiyyətlərinə aid
edilən məsələlərin həllində, Naxçıvan Muxtar Respublikasının
məhkəmələri isə Azərbaycan Respublikası Konstitusiyası və
qanunları ilə onların səlahiyyətlərinə aid edilən məsələlərin
həllində müstəqildirlər.
Naxçıvan Muxtar Respublikası parlament idarə-üsuluna
əsaslanan dövlət olduğundan muxtar respublikanın ali vəzifəli
şəxsi parlament tərəfindən seçilir. Naxçıvan Muxtar Respub-
likasının ali vəzifəli şəxsi Naxçıvan Muxtar Respublikası Ali
Məclisinin sədridir. Ali vəzifəli şəxs Naxçıvan Muxtar Res-
Яли Щясянов, Адил Вялийев
82
publikasının Konstitusiyasına uyğun olaraq həm qanunverici-
lik, həm də icra hakimiyyəti sahələrində öz səlahiyyətlərini
həyata keçirir.
Naxçıvan Muxtar Respublikasının Ali Məclisi 45 üzvdən
ibarətdir.
Naxçıvan Muxtar Respublikası Ali Məclisinin səlahiyyət
müddəti Azərbaycan Respublikası Milli Məclisinin səlahiyyət
müddəti ilə eynidir və 5 ildir.
Naxçıvan Muxtar Respublikasının Ali Məclisi Naxçıvan
Muxtar Respublikası Ali Məclisinin sədrini və onun müa-
vinlərini seçir, daimi və digər komissiyalar təşkil edir.
ДЦНЙА ЮЛКЯЛЯРИНИН МЦАСИР СИЙАСИ СИСТЕМЛЯРИ
83
ЫЫ ЩИССЯ
ДЦНЙА ДЮВЛЯТЛЯРИНИН
СИЙАСИ
СИСТЕМЛЯРИ
Яли Щясянов, Адил Вялийев
84
ЫЫЫ ФЯСИЛ
РЕСПУБЛИКА ИДАРЯЧИЛИК СИСТЕМИ
espublika quruluşlu dövlətlərdə hakimiyyətin əsas
mənbəyi xalqdır. Bu idarəçilik sistemində dövlətin
ali hakimiyyət orqanları və vəzifəli şəxsləri vətəndaşlar tərə-
findən seçilir. Müasir dünya dövlətlərinin təxminən 3/4-ü res-
publika quruluşlu ölkələrdir. Monarxiya tipli dövlətlər kimi
respublika quruluşu da qədim idarəetmə forması sayılır. Res-
publika idarəetmə formasında mürəkkəb struktura malik olan
dövlət hakimiyyətinin bütün ali orqanlarına yalnız onlara
məxsus olan müəyyən səlahiyyətlər verilir və bu orqanlar onla-
rın yerinə yetirilməməsi və ya lazımi səviyyədə icra edilməmə-
sinə görə qanunla məsuliyyət daşıyırlar. Hakimiyyətin ali or-
qanlarının qəbul etdiyi qərarlar bir çox hallarda uzun müddət
hazırlanır, müvafiq proseduralar üzrə müzakirə edilir, eksper-
tizadan keçir. Bir qayda olaraq, qərarların qəbulu səsvermə
yolu ilə həyata keçirilir. İxtisaslı və ya sadə çoxluğun qərarın
“lehinə” səs verdiyi təqdirdə o, qəbul olunmuş sayılır.
Respublikanın idarə edilməsi - vahid dövlət hakimiyyə-
tinin qanunverici, icraedici və məhkəmə hakimiyyətlərinə bö-
lünməsi prinsiplərinə əsaslanır. Müasir dünyada respublikanın
üç əsas növü mövcuddur: parlamentli respublika, Prezident
idarə-üsuluna əsaslanan respublika və bunların qarışıq
forması.
Prezident respublikasını hüquqi cəhətdən fərqləndirən
cəhətlərdən biri də odur ki, ümumxalq seçkilərində seçilən
Prezident, eyni zamanda dövlət və hökumət başçısı sayılır. O,
Prezident qarşısında məsuliyyət daşıyan icra administrasiya-
sını və ya hökuməti formalaşdırır. Hökumətdə bir qayda olaraq
R
ДЦНЙА ЮЛКЯЛЯРИНИН МЦАСИР СИЙАСИ СИСТЕМЛЯРИ
85
Baş nazir vəzifəsi olmur. Prezident Parlamenti buraxa bilməz,
Parlament isə Administrasiyanı (Hökumət) istefaya göndər-
mək hüququna malik deyil.
Parlament respublikasında tam hakimiyyətli orqan sayı-
lan Parlament, qarşısında siyasi məsuliyyət daşıyan hökuməti
formalaşdırır və dövlət başçısı (hökumət başçısı deyil) sayılan
prezidenti seçir. Prezident öz səlahiyyətlərini bir qayda olaraq,
yalnız Baş nazirin rəhbərlik etdiyi hökumətin təklifi ilə həyata
keçirir. Əksər üzvlərinin dəstəyini qazanacağı təqdirdə parla-
ment, etimadsızlıq rəyi bildirməklə hökuməti istefaya göndərə
bilər. Bu halda Prezident hökumətin təklifi ilə parlamenti
buraxmaq və vaxtından əvvəl seçkiləri elan etmək hüququna
malikdir.
Respublika idarəçilik formasının digər bir növü qarışıq
(yarı Prezident Respublikası) idarə-üsuluna əsaslanan res-
publikadır. Ona prezident respublikası ilə parlament respub-
likasının elementlərinin birləşdirilməsi əlamətləri xasdır. Real
və hüquqi cəhətdən böyük səlahiyyətlərə malik olan prezident
dövlət başçısı sayılır və bir qayda olaraq ümumi seçkilərdə
seçilir. Lakin, hökumət parlament yolu ilə formalaşır və nəinki
prezident, eləcə də parlament qarşısında məsuliyyət daşıyır.
Prezident baş nazirin başçılıq etdiyi hökumət üzərində ümumi
rəhbərliyi həyata keçirir. Prezident müəyyən səbəblər olduqda
parlamenti buraxmaq hüququna malikdir. Qarışıq formalı res-
publikalar üçün icraedici hakimiyyətin dualizmi səciyyəvidir.
Belə formalı klassik respublikanın bariz nümunəsi Fransa
sayılır. Habelə bu növə aid olan Portuqaliya, Monako və s,
ölkələrlə yanaşı Rusiya, Ukrayna, Rumıniya, Litva, Qırğızıstan
kimi postsosialist dövlətlər də dualist idarəetmə formalı
respublikalar sayılır.
Dostları ilə paylaş: |