Яли Щясянов, Адил Вялийев
124
CƏNUBİ KOREYA
Ümumi məlumat: Koreya insan sivilizasiyasının ən qə-
dim mərkəzlərindən biri sayılır. Vahid Koreya dövlətinin
yaranması 668-ci ildə tam olaraq başa çatmışdır. 1910-1945-ci
illər ərzində ölkə Yaponiya İmperiyasının tərkibinə (General-
qubernatorluq statusunda) daxil edilmişdir.
1945-ci ilin sentyabr ayında Koreyanın 38-ci paraleldən
cənuba doğru hissəsinin Amerika hərbi birləşmələrinin
nəzarətinə keçməsi ilə, ölkənin iki yerə bölünməsinin əsası
qoyulmuşdur. Nəticədə, 15 avqust 1948-ci il tarixində Seul
şəhərində Koreya Respublikası (Cənubi Koreya), həmin ilin 9
sentyabr tarixində isə Pxenyanda Koreya Xalq-Demokratik
Respublikası (Şimali Koreya) rəsmən elan edilmişdir.
Şərqi Asiyada, Koreya yarımadasının cənub hissəsində
yerləşən Cənubi Koreya Respublikasının paytaxtı Seul
şəhəridir.
Ölkənin ərazisi 100,210 km², əhalisi (2012) 50,004,441
nəfərdir (əhali sıxlığı 491 nəfər/km²).
Cənubi Koreyanın rəsmi dövlət dili koreya dilidir.
Dövlətin İnsan İnkişafı İndeksi - 0.897 – çox yüksəkdir
(15-ci yer).
Dövlət quruluşu: Məhdud hakimiyyətli prezident idarə-
etmə üsuluna malik respublikadır. Milli bayram günü olan
müstəqillik günü (1948, Yaponiyadan müstəqilliyini elan et-
mişdir) avqust ayının 15-də qeyd olunur. Ölkənin 6-cı Konsti-
tusiyası 1988-ci ilin fevralından qüvvədədir.
ДЦНЙА ЮЛКЯЛЯРИНИН МЦАСИР СИЙАСИ СИСТЕМЛЯРИ
125
İnzibati bölgüsü: 9 əyalətə
(Çxunçxon-Pukto, Çxunçxon-
Namdo, Kanvondo, Kenqido, Kensan-Pukto, Kensan-Namdo,
Çolla-Pukto, Çolla-Namdo və Cecudo), 6 əyalət statuslu şəhə-
rə (Pusan, Tequ, İnçxon, Kvancu, Tecon və Ulsan) və xüsusi
statusa malik Seul şəhərinə bölünür.
Dövlət başçısı: Ölkədə siyasi hakimiyyət Prezidentə
məxsusdur. Cənubi Koreya Respublikasının Prezidenti ümum-
xalq səsverməsi yolu ilə 5 il müddətinə seçilir.
Dövlətin milli müstəqilliyinin, ərazi bütövlüyünün, Kons-
titusiyanın müdafiəsinin təminatçısı olan, habelə silahlı qüv-
vələrin ali baş komandanı vəzifəsini də yerinə yetirən dövlət
başçısı Cənubi Koreyanı xaricdə təmsil etməkdə, diplomatik
nümayəndələrin təyinatında və qəbulunda, beynəlxalq müqavi-
lələrin bağlanmasında və digər siyasi sahələrdə geniş səlahiy-
yətlərə malik olmaqla yanaşı, müharibə elan etmək və ya sülhə
imza atmaq, habelə zəruri hallarda ölkədə fövqəladə vəziyyət
elan etmək hüququnu özündə saxlayır.
25 fevral 2013-cü ildən etibarən Cənubi Koreyanın hazır-
kı, sayca 11-ci Prezidenti xanım Pak Kın Xedir.
Qanunverici hakimiyyət: Qanunverici orqan - birpalatalı
Milli Assambleyadır. Parlament 300
üzvdən ibarətdir və onlar
4 illik müddətə seçilirlər. Ümumi seçkilər yolu ilə seçilmiş de-
putatlar Assambleyanın tərkibinin 5/6 hissəsini təşkil edir, qa-
lan yerlər isə proporsional olaraq ümumi seçkilər nəticəsində 5
və ya daha artıq yer qazanmış partiyalar arasında bölüşdürülür.
Qanunvericilik səlahiyyətləri ilə yanaşı, Parlament illik
dövlət büdcəsinin müzakirəsi və təsdiqi, beynəlxalq müqavilə-
lərin ratifikasiyası, müharibəyə razılıq verilməsi, ölkə ərazi-
sində xarici ölkələrin hərbi kontingentinin yerləşdirilməsi və s.
funksiyaları da yerinə yetirir. Dövlət başçısı Milli Assamble-
yanı buraxmaq səlahiyyətlərinə malik deyildir, əksinə, qanun-
verici orqan Prezidentə etimadsızlıq göstərməkdə səlahiyyət-
lidir.
Яли Щясянов, Адил Вялийев
126
2012-ci il aprel ayının 11-də keçirilmiş son Parlament
seçkilərinin nəticələrinə əsasən Milli Assambleyada yer almış
ölkənin əsas siyasi partiyaları:
“Senuri” Partiyası – (150 yer),
Birləşmiş Demokratik Partiya – (127 yer),
Birləşmiş Proqressiv Partiya – (13 yer),
Liberal Proqressiv Partiya (LFP, 5 yer),
Müstəqillər - (3 yer).
“Senuri” Partiyasının seçkilərdə qalib gəlməsi xalqın mü-
hafizəkarlara göstərdiyi böyük etimad kimi qiymətləndirilir.
İcraedici hakimiyyət: Prezident
Baş naziri Parlamentin
razılığı ilə təyin edir. Nazirlər Kabineti - Dövlət Şurası Prezi-
dent tərəfindən Baş nazirin təqdimatı əsasında formalaşdırılır.
Hökumətin tərkibinə müvafiq Nazirliklərlə yanaşı, Milli Kəş-
fiyyat Xidməti, eləcə də Dövlət qulluğu üzrə Komissiya da-
xildir.
Dövlət Şurası ölkənin daxili və xarici siyasətinin əsas isti-
qamətlərini müəyyənləşdirir, Baş prokurorun, komitə sədrləri-
nin və bir sıra digər vəzifəli şəxslərin təyinatını həyata keçirir.
Cənubi Koreya Hökumətinə 01 oktyabr 2010-cu ildən
etibarən Kim Xvan Sik başçılıq edir.
Məhkəmə hakimiyyəti: Konstitusiya Məhkəməsi və
Ali
Məhkəmə ölkədə ali məhkəmə hakimiyyətini həyata keçirirlər.
Üzvləri (9 hakim) Prezident tərəfindən təyin edilən Konstitu-
siya Məhkəməsi ölkədə Konstitusiya nəzarətini həyata keçir-
məkdə və impiçmentlə bağlı son qərar verməkdə səlahiyyət-
lidir.
Digər məhkəmə məsələləri isə sədri (Assambleyanın razı-
lığı ilə) və üzvləri Prezident tərəfindən təyin olunan
Ali Məh-
kəmənin və digər ixtisaslaşmış məhkəmələrin
(Ailə Məhkəməsi
və Hərbi Tribunal) nəzarətindədir.