10
5.5.2. Əmanət üzrə faizlər Xüsusi Şərtlərlə müəyyən edilmiş qaydada (aylıq və ya müddətin sonunda)
ödənilir;
5.5.3. Əmanət üzrə fazilərə faiz hesablanmır.
5.5.4. Depozit hansı valyutada qoyulursa, həmin valyutada da hesablanmış faizləri ilə birlikdə
Müştəriyə qaytarılır.
5.6. Əmanətin müddəti
5.6.1. Əmanətin müddəti Xüsusi şərtlərlə müəyyən edilir. Əmanətin müddəti bitdiyi tarixdə Müştəri
əmanətin qaytarılmasını tələb etmədikdə, müddətin bitmə tarixinin sonrakı günündən başlayaraq 12
ay müddətinə qədər yerləşdirilmiş əmanətlər 6 ay, 12 ay və daha uzun müddətə yerləşdirilmiş
əmanətlər isə eyni müddətə, Bankın tərəfindən birtərəfli qaydada müəyyən olunmuş şərtlərlə
uzadılmış hesab edilir. Xüsusi şərtlərlə müəyyən edilən Əmanət növü üzrə Bankın məhsulu əmanətin
müddəti bitdiyi tarixdə mövcud olmadığı halda, Bankın əmanətin müddətini uzatmamaq hüququ
vardır.
6. ÖDƏNİŞ KARTI
6.1. Bu hissə Bank tərəfindən emissiya edilən, Azərbaycan Respublikası ərazisində və Azərbaycan
Respublikasının hüdudlarından kənarda istifadə edilə bilən ödəniş kartının (bundan sonra “Kart”
adlanacaq) verilməsi və onun istifadəsi, ona bağlı Fərdi kart hesabının (bundan sonra “ Kart hesab”
adlanacaq) Bankda açılması ilə bağlı Müştəri və Bank arasındakı münasibətləri tənzimləyir, tərəflərin
hüquq və vəzifələrini müəyyən edir.
6.2. Bankın öhdəlikləri :
6.2.1. Müştərinin ərizəsi əsasında ona Kart vermək və Kart hesabı açmaq;
6.2.2. Müştərinin ərizəsi əsasında ona və onun müəyyən etdiyi şəxslərə Kart hesabına bağlı əlavə
kartlar hazırlamaq və Müştəriyə təqdim etmək;
6.2.3. Hazırkı Standart şərtlərin və Xüsusi şərtlərin digər bəndləri ilə və qanunvericiliklə nəzərdə
tutulmuş öhdəliklər.
6.3. Bankın hüquqları :
6.3.1. Texniki overdraft nəticəsində, habelə müxtəlif səbəblərdən Müştərinin Kart hesabına artıq
köçürülmüş məbləğləri, Müştərinin razılığını almadan onun hesab(lar)ından silmək;
6.3.2.Qanunvericiliklə, habelə hazırkı Standart şərtlərin və Xüsusi şərtlərin digər bəndləri ilə nəzərdə
tutulmuş hüquqları həyata keçirmək.
6.4. Müştərinin öhdəlikləri:
6.4.1. Kartın alınması və Kart hesabının açılması üçün bank qaydaları ilə nəzərdə tutulmuş sənədləri
təqdim etmək;
6.4.2. Bankın Yerli struktur bölməsindən şəxsiyyətini təsdiq edən sənədi təqdim etməklə müvafiq
sənədləri imzalayıb sifariş olunmuş Kartı (Əlavə kartı), FİN kodu və ya İstifadəçi adını təhvil almaq;
6.4.3. Kartdan onun istifadə etmə müddəti ərzində Azərbaycan Respublikasının qanunvericiliyinə,
ödəniş sistemlərinin qaydalarına, hazırkı Standart şərtlərdə və Xüsusi şərtlərdə nəzərdə tutulanlara,
Bankın müəyyən etdiyi və gələcəkdə müəyyən edəcəyi qaydalarına əsasən istifadə etmək;
6.4.4. Kartdan və Kart hesabından istifadə üçün nəzərdə tutulmuş xidmət haqqı, bank komissiyası və
bank xidmətləri üçün nəzərdə tutulmuş digər haqları ödəmək;
6.4.5. Kartın hesabına bağlı əsas və əlavə kartlara görə hazırkı Standart şərtlər çərçivəsində eyni
dərəcədə məsuliyyət daşımaq;
6.4.6. Texniki overdraft nəticəsində, habelə müxtəlif səbəblərdən Kart hesabına artıq gəlmiş, mədaxil
olunmuş məbləğlərdən istifadə etməmək, istifadə etdiyi təqdirdə Bank tərəfindən tələb irəli sürülən
kimi, dərhal bu məbləğləri geri qaytarmaq və ya hesabdan silinməsinə etiraz etməmək. Həmçinin,
səhvən hesaba mədaxil edilmiş məbləğ aşkar etdikdə dərhal Bankı məlumatlandırmaq;
11
6.4.7. Hazırkı Standart şərtlərin və Xüsusi şərtlərin digər bəndləri və qanunvericiliklə nəzərdə
tutulmuş öhdəliklər.
6.5. Müştəri hüquqları :
6.5.1. Bir Kart hesabına bağlı yalnız bir aktiv əsas Kart və istənilən sayda Əlavə kartlar sifariş
vermək;
6.5.2. Bankın Yerli struktur bölməsinə müraciət edərək hesabdan çıxarışlar almaq;
6.5.3. Hazırkı Standart şərtlər və Xüsusi şərtlər ilə müəyyən olunmuş və qanunvericilikdə qadağan
olunmamış məqsədlərlə kartdan istifadə etmək.
6.6. Kartın mülkiyyəti
6.6.1. Kart Bankın mülkiyyəti hesab olunur. Bank, hazırkı Standart şərtlərin və Xüsusi şərtlərin
müddəaları ilə ziddiyyət təşkil edən halları aşkarlayarsa, Kartı geri ala bilər, vaxtı bitmiş Kartları
yenisi ilə əvəz etməyə bilər və ya istifadəsini dayandıra bilər. Müştəri, Kartın itməsi, oğurlanması və
ya üzərində təhriflərin edilməsinə görə məsuliyyət daşıyır. Kart itdikdə və ya oğurlandıqda, Müştəri
tərəfindən Bankın “196” Müştəri Xidmətinə və ya ölkə xaricindən (99412) 598 44 60 telefon
nömrəsinə təcili xəbər verilməlidir. Müştəri bu xəbərdən sonra Kartın etibarsız sayılacağını qəbul edir
və Bank tərəfindən yeni Kartın verilməsi ilə əlaqədar bütün xərclərin ödənilməsini öhdəsinə götürür.
Əgər Bank tərəfindən Müştəriyə yeni Kartın verilməsindən imtina edilərsə və ya Müştəri yeni Kart
almaqdan imtina edərsə, Müştəri hesabındakı məbləği əldə etmək üçün şəxsiyyətini təsdiq edən
sənədlə birgə Kart hesabının açıldığı Yerli struktur bölməyə ərizə ilə müraciət etməlidir. Bundan
sonra Müştərinin ərizəsi Bankın işçisi tərəfindən qəbul edilir, Kart sistemdə bağlanılır və kassadan
nağd vəsaitin verilməsi təmin edilir.
6.7. Kartın istifadə müddəti
6.7.1. Kart heç bir şəkildə üzərində qeyd edilən son istifadə tarixindən sonra istifadə edilə bilməz.
Üzərində son istifadə günü qeyd edilməyən, yalnız ay və il qeyd edilən Kartlar həmin ayın son
gününə kimi aktivdir. İstifadə müddəti bitən əsas Karta bağlı bütün Əlavə kartların istifadəsi
müvəqqəti olaraq dayandırılır. Kart hesabındakı pul vəsaitinin qalığı Müştəri tərəfindən geri
alınmalıdır və ya vəsaitin köçürülməli olduğu yeni hesab Banka bildirilmədir.
6.7.2. Kartın müddətinin başa çatdığı gündən еtibarən 1 (bir) il ərzində Kart hesabı üzrə heç bir
əməliyyat aparılmazsa, həmin hesab sistеmdə bağlanılır və hesabdakı pul vəsaitinin qalığı Müştəri
tərəfindən geri alınmadıqda və ya vəsaitin köçürülməli olduğu yeni hesab Banka bildirilmədikdə,
həmin vəsait müvafiq müştəri kateqoriyasının bağlanmış hesabların uçotu aparılan hesaba köçürülür
və Bankın tariflərinə əsasən bağlanmış hesabların əməliyyat sistemində saxlanmasına görə müvafiq
xidmət haqqı tutulur.
6.8. Kart üzrə gündəlik istifadə limitləri
6.8.1. Ödəniş kartı ilə aparılan əməliyyatlar üzrə limitlər baş verə biləcək əməliyyat riskinin
azaldılması, Kart itirildikdə potensial itkilərin azaldılması məqsədilə Bank tərəfindən müəyyən edilir
və Bank hər bir limiti birtərəfli şəkildə dəyişdirmək səlahiyyətinə malikdir. Bununla yanaşı, Müştəri
“İnternet/Mobile Banking” xidməti vasitəsilə, xidmət olunduğu Bankın Yerli struktur bölməsinə və
ya “196” Müştəri Xidmətinə (ölkə xaricindən Tel: (99412) 598 44 60) müraciət etməklə, şəxsi
tələblərinə uyğun olaraq ATM-lərdən nağd vəsaitin çıxarılması, İnternet və POS-terminal vasitəsilə
ödənişlərin aparılmasına dair limitlərini dəyişdirə bilər. Müştəri Bankın təyin etdiyi limiti qəbul
edəcəyini və həmin limitdən məlumatının olmaması bəhanəsi ilə etiraz etməyəcəyini öz öhdəsinə
götürür.
6.9. ATM vasitəsi ilə Kart hesabına dair sərəncam verilməsi
6.9.1. Müştəri hazırkı Standart şərtlərə əsasən açılan Kart hesablarına dair sərəncam vermək
hüququnun həyata keçirilməsi və digər bank əməliyyatları, o cümlədən kreditin verilməsi ilə bağlı
müqavilələri ATM vasitəsilə razılığını bildirirərək bağlaya bilər. Bu halda, Kart istifadəçisinin ATM
vasitəsilə təklif olunan şərtlərlə razılaşaraq müvafiq kodu daxil etməsi onun şəxsi imzasının başqa