12
analoqu kimi qiymətləndiriləcəkdir. ATM vasitəsilə kreditin götürülməsinə dair şərtlər hazırkı
Standart şərtlərnin 4-cü hissəsi ilə müəyyən edilir.
6.10. Kart vasitəsi ilə mal və xidmətlərin ödənilməsi
6.10.1. Müştəri Kartdan istifadə etməklə POS-terminal quraşdırılan müəssisələrdən mal və ya xidmət
almaq hüququna malikdir. Müəssisədən mal alınması və ya xidmətlərlə əlaqədar tərtib edilən satış
sənədi Müştəri tərəfindən müvafiq qaydada imzalanır və ya əməliyyat zamanı FİN-kodun daxil
edilməsi imzalanmanın analoqu hesab olunur və satış sənədində FİN-kod daxil edilib/yoxlanılıb
yazısı əks olunur. Müəssisənin məsul şəxsi Müştəridən onun şəxsiyyətini təsdiq edən sənəd tələb edə
bilər. Müştəri satış sənədini imzaladıqdan sonra, sənəd üzərindəki qeydlərə görə etiraz etməyəcəyini
öhdəsinə götürür. Müştəri hesabın surətini özündə saxlamalıdır. Bank, Müştərinin müəssisədən satın
aldığı mal və xidmətlərin növü, mahiyyəti, məzmunu, keyfiyyəti və miqdarına görə məsuliyyət
daşımır. Müştəri ödəniş kartı ilə aparılan əməliyyatların məbləğinin hesabından silinəcəyini və
hesabında kifayət qədər vəsait olmadığı təqdirdə çatışmayan borc qədər texniki overdraft-ın
yaranacağını qəbul edir.
6.11. Ödəniş kartından nağd vəsaitin çıxarılması
6.11.1. Müştəri Bank tərəfindən xüsusi zərfdə verilmiş FİN koddan istifadə etməklə Kart vasitəsilə
Bankın və Ödəniş sistemlərinə üzv olan digər müvəkkil bankların ATM-lərindən, Kart hesabındakı
qalıq və nağd vəsaitin çıxarılması üzrə limitlər daxilində, nağd vəsait çıxara bilər. Müştəri Kart
vasitəsilə POS-terminal quraşdırılan məntəqələrdən nağd pul alarkən onlar tərəfindən tərtib edilən
satış sənədini imzalayır və sənəd üzərindəki qeydlərə görə etiraz etməyəcəyini öhdəsinə götürür.
Məntəqənin məsul şəxsi tələb edərsə Müştəri şəxsiyyətini təsdiq edən sənəd göstərməlidir. Kart
vasitəsilə ATM-lərdən nağd pul alma əməliyyatında, nağd ödəmə sənədi tərtib edilmədiyi üçün,
Müştəri Bankın bu əməliyyatlar barədə qeydlərinin dəlil olduğunu qəbul edir.
6.12. Telefon, internet və faks vasitəsilə sifariş
6.12.1. Müştəri müəssisə ilə üz-üzə gəlmədən, telefon, internet və ya faks vasitəsilə aparılan
əməliyyatların dəyərinin avtomatik olaraq hesabından silinəcəyini və bu növ əməliyyatlar zamanı heç
bir satış qəbzinin tərtib edilməyəcəyini qəbul edir.
6.13. Kart vasitəsi ilə Kredit sənədinin tərtib edilməsi
6.13.1. Kart vasitəsi ilə alınmış bir malın qaytarılması, xidmətin dayandırılması və ya artıq alınan
pulun geri qaytarılması üçün müəssisə Kredit Sənədi tərtib edir. Lakin Kredit Sənədinin tərtib
edilməsi, Müştərinin mal və xidmət üçün əvvəllər imzaladığı satış sənədinə görə yaranan borc və
öhdəliklərini ləğv etmir. Bank Kredit Sənədini müəssisədən alanadək, Müştəri bu barədə heç bir iddia
və tələb irəli sürə bilməz. Müştəri, malın qaytarılması və ya xidmətin dayandırılması ilə əlaqədar, özü
ilə müəssisə arasında yarana biləcək mübahisələr və bu mübahisələrdən irəli gələn nəticələrə görə
Bankın məsuliyyət daşımadığını qəbul edir.
6.14. Hesabdan çıxarışın tərtib edilməsi
6.14.1. Kartın ölkə daxilində və ya ölkə hüdudlarından kənarda istifadəsi nəticəsində yaranmış bütün
borc və öhdəliklər haqqında qeydlər hesabdan çıxarışda öz əksini tapır. Hesabdan çıxarışı almaq üçün
Müştəri Banka müraciət etməlidir. Hesabdan çıxarış borc və ödəmələri əhatə edən mühüm
sənədlərdən biridir.
6.15. Xidmət haqqı
6.15.1. Müştəri hər Kart üçün Bank tərəfindən onun Tarif dərəcələrinə əsasən müəyyən edilmiş
miqdarda xidmət haqqını ödəməyi əvvəlcədən qəbul edir. Müştəri Kartı dəyişmək barədə Banka
müraciət etdikdə xidmət haqqı nağd şəkildə qəbul edilir və ya Müştərinin hesabından silinir.
6.16. Faiz, komisyon haqqı və digər ödəmələr
6.16.1. Müştəri Kartdan və Kart hesabından istifadə ilə bağlı yaranan borcu, həmçinin Kartlar üzrə
Bankın Tariflərdə göstərilmiş faiz, komisyon haqqı və digər ödəmələri Banka ödəməyi öhdəsinə
götürür. Bank xarici valyutanın konvertasiyası üçün əlavə komisyon haqqı almaq hüququna malikdir.
13
6.17. Borcların ödənilməsi
6.17.1. Müştəri yaranmış borcu Banka ödəməlidir. Ödəmələr hesabın valyutasına müvafiq olaraq
qəbul edilir. Ödəmələrdə Bank tərəfindən müəyyən edilən valyuta məzənnələri Bank tərəfindən əsas
kimi götürülür. Müştəri Kart hesabında texniki overdraft-ın (valyuta məzənnəsinin dəyişməsi, təkrar
silinmə və s.), yaranacağı təqdirdə Kartın istifadəsinin dayandırılacağını, bütün borc və öhdəlikləri
təcili yerinə yetirəcəyini və bununla əlaqədar hesablanacaq cərimə haqqını ödəməyi öhdəsinə götürür.
6.18. Kartların fəaliyyətinin dayandırılması və ləğvi
6.18.1. Müştəri tərəfindən limitin aşılması və yaranmış borc müəyyən edilmiş qaydada və müddətə
ödənilmədikdə və ya Bankla bağladığı müqavilənin(lərin) müəyyən bir müddəasına əməl edilməməsi
səbəbi ilə və yaxud heç bir səbəb göstərmədən Bank Kartın istifadəsini dayandıra bilər. Bundan əlavə,
Müştərinin müflisləşməsi və onun başqa şəxsin qəyyumluğuna, himayəçiliyinə, tabeçiliyinə keçməsi
ilə əlaqədar olaraq Bank hazırkı Standart şərtləri birtərəfli qaydada ləğv etmək və Müştəridən alacağı
məbləği tələb etmək hüququna malikdir. Müştəri vəfat etdikdə, kartın fəaliyyəti dayandırılır və
yaranmış borcların təcili ödənilməsi qüvvədə olan Azərbaycan Respublikasının qanunvericiliyinə
uyğun olaraq onun vərəsələrinin üzərinə düşür. Bundan əlavə, Bank heç bir səbəb göstərmədən
Müştəridən Kartın geri qaytarılmasını tələb edə bilər və ya istifadə müddəti başa çatmış Kartın
dəyişdirilməsindən imtina edə bilər. Bank tərəfindən Kartın fəaliyyətinin dayandırıldığı və Kartın
dəyişdirilməsindən imtina edildiyi halda, Müştəri Bank qarşısında olan borc və öhdəliklərini
bütövlüklə yerinə yetirənə qədər, bu şərtlərin müddəalarının qüvvədə olduğunu qəbul edir. Müştəri
kartın fəaliyyətini dayandırılmasına baxmayaraq ondan istifadə etdiyi halda yaranacaq borc və
cərimələrin ödənilməsini öhdəsinə götürür. Bu hallarda, Müştəri bütün borclarını dərhal ödəyəcəyini
qeyd-şərtsiz qəbul edir. Müştəri, əsas Kartın fəaliyətinin dayandırılması halında ona bağlı bütün
Əlavə kartların da fəaliyyətinin dayandırılacağını qəbul edir. Əgər Kart Xüsusi şərtlər imzalandığı
tarixdən etibarən 90 təqvim günü ərzində Müştəri tərəfindən alınmazsa, Bank tərəfindən ləğv edilə
bilər.
6.19. Müştərinin məsuliyyəti
6.19.1. Müştəri, Kart və FİN kodu heç kimə verməyəcəyini, bunların üçüncü şəxslərin əlinə
keçməsinin qarşısını almaq məqsədilə lazımi tədbirləri görəcəyini, hər hansı səbəbə görə Kartın
üçüncü şəxslər tərəfindən istifadə edilməsinə görə məsuliyyət daşıdığını, bu barədə Banka şikayət və
etiraz etməyəcəyini, belə hallarda Bankın çəkəcəyi ziyanı ödəyəcəyini qəbul edir və öhdəsinə götürür.
Müştəri Kartın itirilməsindən, oğurlanmasından sonra üçüncü şəxslərin gizli şifrədən və həmçinin
skimminq yolu ilə düzəldilən saxta kartlardan istifadə edərək, apardıqları əməliyyatlar üçün Bankın
məsuliyyət daşımayacağını və bu səbəbə görə Bank qarşısında heç bir tələb irəli sürməyəcəyini qəbul
edir və öhdəsinə götürür. Müştəri Kart vasitəsilə heç bir qanunsuz əməliyyat aparmamağı və eləcə də
Ödəniş sistemlərinin, habelə Azərbaycan Respublikasının qanunvericiliyinə zidd olan hər hansı bir
mal və xidmətin alınmasında istifadə edilməməsini qəbul edir.
6.20. Müştərinin əməliyyatlara etiraz etmə hüququ
6.20.1. Müştərinin Kart hesabından çıxarış ilə bildirilən borc və ödənişləri haqqında qeydlərinə dair
etiraz etmək hüququ vardır. Müştəri öz etirazlarını hesabından silinmə tarixindən 45 (qırx beş) təqvim
günü ərzində yazılı şəkildə Banka bildirəcəyini, əks təqdirdə həmin əməliyyatları qəbul edəcəyini
öhdəsinə götürür. Bundan əlavə, Müştəri etiraz və Kartla bağlı olaraq meydana çıxacaq bütün
anlaşılmazlıqlarda Bankın sənədlərinin və kompüter məlumatlarının qəti dəlil olacağını, onlara etiraz
etməyəcəyini qəbul edir və öhdəsinə götürür.
6.21. Müştəri haqqında məlumatlar
6.21.1. Müştəri adı, ünvanı, imzası və s. məlumatların dəyişməsi barədə Banka yazılı şəkildə məlumat
verməyi öhdəsinə götürür. Müştərinin Xüsusi şərtlərdə yaşayış yeri kimi göstərdiyi ünvana
göndəriləcək məlumatlar ona göndərilmiş kimi sayılacaq. Müştəri ünvan dəyişikliyini Banka