658
İsmayılın çağırışını eşidərək tələm-tələsik onun
qərargahına gəlir.
Bu hadisələr İsmayılın Ərzincan və
Anadolunun digər bölgələrində böyük nüfuza
malik olduğunu açıq-aşkar göstərir. Elə Çaldıran
döyüşünü hazırlayan səbəblərdən biri də bu idi.
Gənc İsmayıl qüvvələrinin artdığını görərək
Azərbaycanı vahid dövlət halında birləşdirmək
üçün mübarizəyə başladı. İlk hədəf Səfəvi
şeyxlərinə düşmən olan Şirvan seçildi. Gülüstan
qalası yaxınlığındakı döyüşdə Şirvanşah Fərrux
Yasar öldürüldü. Əvvəlcə Şamaxı, ciddi
müqavimətdən sonra isə Bakı ələ keçirildi.
(Məqsədimiz Çaldıranı törədən səbəbləri açmaq
olduğu üçün belə hadisələrin üzərində çox
dayanmayacağıq)
Şirvan dövlətini özündən asılı vəziyyətə
salan İsmayıl 1501-ci ilin payızında Şərur
yaxınlığında yeddi minlik qoşunuyla Əlvənd
Mirzənin otuz minlik ordusunu ağır məğlubiyyətə
uğratdı. Elə həmin il Təbrizə daxil olaraq özünü
yeni yaratdığı Səfəvilər dövlətinin şahı elan etdi.
Ölkə daxilində Şah İsmayılın yalnız bir
düşməni qalırdı – Ağqoyunlu Murad. 1503-cü
ildə Murada məktub yazan Şah İsmayıl onun
təslim olmasını istəsə də Murad bu təklifi rədd
etdi. 1503-cü il iyunun 21-də Həmədan
yaxınlığında 12 minlik qoşunuyla Muradın 70
minlik ordusunu darmadağın edən gənc şah daxili
düşmənlərdən qurtulmuş oldu. Şah İsmayıl
Muradı təqib edərək ölkənin içərilərinə doğru
hərəkət etdi. 1508-ci il ərəfəsində Şah İsmayıl
659
Xorasandan başqa bütün İranı, Ermənistanı, Ərəb
İraqını, Kiçik Asiyanın bir çox vilayətlərini tutdu.
Beləliklə, XVI əsrin birinci on illiyində
Azərbaycan Səfəvi dövləti mərkəzi Təbriz olan
böyük bir qüvvəyə çevrildi. Şah sarayındakı 74
əmirdən 69-u azərbaycanlı olan dövlətin dili də
Azərbaycan dili idi. Gənc şahın şan-şöhrəti bütün
Orta və Yaxın Şərqi bürümüşdü. O dövrün bir çox
hökmdarları Şah İsmayılla yaxın münasibət
qurmaq üçün öz elçilərini qiymətli hədiyyələrlə
Təbriz sarayına göndərirdilər. Bu da o zaman
özbək taxtında oturan və özünü Çingiz xanın
varisi hesab edən Şeybani xanın xoşuna gəlmirdi.
Herat hökmdarı Hüseyin Bəyqaranın satqın
oğulları sayəsində öncə Heratı, sonra da Xorasanı
tutan Şeybani xan Şah İsmayıla «İsmayıl dəvriş»
başlığı ilə başlayan bir məktub göndərdi. Bu
məktubda o, Məkkəyə gedəcəyini bildirir və
keçəcəyi yerlərdə onun adına xütbə oxunmasını,
üstündə şəkli olan sikkələrin basılmasını, qiymətli
hədiyyələrlə onun pişvazına çıxmasını İsmayıla
əmr edirdi.
Qonşu dövlətlərlə normal münasibətə önəm
verən Şah İsmayıl Şeybani xanın yanına elçilər
göndərsə də bir nəticə hasil olmadı. O, Şah
İsmayıla əsa və kəşkül göndərərək məktubda
onun dədə-babasının dəvriş, özünün isə yeddi
iqlim padşahı olduğunu, ona görə də İsmayılın
ona tabe olmasının vacibliyini yazdı.
Şeybani xanın yola gəlmədiyini görən Şah
İsmayıl da ona məktub yazaraq Məşəd şəhərində
babalarına məxsus 70 batman cəvahirlə bəzənmiş
660
qızıl nəzirləri olduğunu və yaxın vaxtlarda onu
almağa gələcəyini bildirirdi.
Şah İsmayılın qoşunları Xorasana çatmamış
Şeybani xan Herata qaçmağa çalışsa da Mərv
yaxınlığındakı Mahmudi kəndində baş verən
döyüşdə öldürüldü. Xorasan və Heratla yanaşı
Bədəxşan, Qəndəhar, Kabülüstan və digər
şəhərlər Səfəvilərin əlinə keçdi. Şah İsmayıl
Heratı Səfəvilərin ikinci mühüm mərkəzinə
çevirərək oranı əvvəlcə Təhmasib, sonra Sam
Mirzənin valilik mərkəzinə çevirdi. Həmin qışı
Heratda keçirən şah o dövrün görkəmli alim və
sənətkarlarını ətrafına toplayır, böyük bir qismini
paytaxt Təbrizə göndərir. Bəzilərini də bilik və
bacarıqlarına görə dövlət qulluğuna təyin edirdi.
Kadr dəyişir. Nizami Xudiyevin çıxışı efirə verilir.
NİZAMİ XUDİYEV: – Göründüyü kimi, 1512-ci ildə
Osmanlı taxtına çıxan Sultan Səlim zamanında
səltənətdə elmin, sənətin inkişafına böyük qayğı
göstərilirdi. O dövrün bir çox padşahları kimi
Sultan Səlim də incə ruhlu şeirlər yazırdı.
«Divanı» və «Səlimnamə» adlı külliyyatı indi də
əlimizdə qalmaqdadır. Bütün bunlara
baxmayaraq, o öz dövrünün oğlu idi. Şahlığı,
sultanlığı şairliyinin önündə gedirdi. Sultan
Səlimin elmə, sənətə qayğısı bəlkə də Səfəvi
hökmdarı Şah İsmayıldan qaynaqlanırdı. Şah
İsmayıldan 16 yaş böyük olan Səlim öz sələfindən
geri qalmamaq üçün hakimiyyətə gələn kimi şeir
məclisləri, sənət yarışları keçirirdi.
661
Beləliklə, Çaldıran savaşına bir neçə il
qalmış şərqin iki böyük türk dövlətinin başında
incə ruhlu, şair təbiətli hökmdarlar dayanmışdı.
Zənnimizcə burada o zamanlar Təbriz sarayında,
Şah İsmayılın ətrafında necə böyük simaların
olmasını anlatmadan keçmək olmaz.
Onu qeyd edək ki, Şah İsmayılın adı
çəkiləndə hər şeydən öncə Azərbaycan dili yada
düşür. Mübarizəyə başladığı ilk gündən
Azərbaycan uğrunda mübarizə apardığını bəyan
edən bu böyük insan ömrünün sonuna qədər
verdiyi vədə əməl etdi. Azərbaycan dili dövlət dili
elan edildi. Uzaq-yaxın qonşulara, Avropa
saraylarına yazılan məktublar dilimizin
şəhdişirəsini, təravətini, dünya dili olmaq
imkanlarını üzə çıxardı. Mühüm dövlət işlərinə
Azərbaycan əsilli əmirlər təyin edildi. Digər ölkə
səfirlərinin dilimizi öyrənməsi üçün Təbriz
kitabxanasında şərait yaradıldı. Şah İsmayıl təkcə
dilimizin inkişafı qayğısına qalmaqla
kifayətlənmədi, Xətai təxəllüsüylə gözəl şeirlər,
qəzəllər, qəsidələr yaratdı.
Böyük Azərbaycan şairi Məhəmməd Füzuli
«Bəngü-Badə» əsərini ona həsr etdi.
XVI əsrin birinci rübündə Azərbaycanda
rəssamlıq, xüsusən də miniatür sənəti özünün ən
yüksək zirvəsinə qalxmasında Şah İsmayıla
borcludu. O dövrdə Kəmaləddin Behzad,
Ağamirək, sultan Məhəmməd Təbrizi, Xacə
Əbdül Əziz, Seyidmir, Şah Məhəmməd, Dost
Məhəmməd və onlarca başqaları şahın himayəsi
ilə ölməz incilər yaradırdılar. İndi dünyanın
Dostları ilə paylaş: |