641
yardım üçün onlara ən təcrübəli sərkərdələrini
verdi. Qoşunun sol qanadına Şahrux Mirzə və
nəvəsi Xəlil Sultan rəhbərlik edirdi. Bu qanadın
önündə Sultan Hüseyn bəy yer alırdı. Sağ qanad
Miran şahın əmirindəydi və onun da ön qanadında
Əbubəkr Mirzə mövqe tutmuşdu. Əsas cəbhədə
isə o zamankı Asiyanın ən təcrübəli döyüşçüləri
80 minbaşının əmrində idi. Bu qüvvələrə də
Məmməd Sultan Mirzə rəhbərlik edirdi. Pir
Məmməd, Şeyx Ömər Mirzə, Mirzə İsgəndər və
qardaşları da Sultan Məmmədə yardım edirdilər.
Teymurun özü isə 40 birlikdən ibarət olan ehtiyat
ordunun başındaydı. Bu ordunun ,ön cərgələrində
Hindistan səfəri zamanı ələ keçirilmiş döyüş
filləri dayanmışdı ki, onların belindəki qəfəsdə də
oxçular yerləşdirilmişdi.
Bəyazit də ordusunun lazımi səviyyədə
müharibəyə girməsi üçün bir sıra tədbirlər gördü.
O, ordusunun sağ cinahını Dəspinə xatunun
qardaşı – qaynı Pasir Lausun komandanlığına
verdi. Onun əmrində Avropadan gətirilmiş və
döyüş üçün yetişdirilmiş 20 min zirehli at varıydı.
Bu atların təkcə gözləri görünürdü. Qalan yerləri
ox batmayan zirehlə örtülmüşdü.
Anadolu birliklərindən ibarət olan sol cinah
Bəyazitin oğlu müsəlman Çələbinin
ixtiyarındaydı. Bəyazitin özü isə döyüşə girəcək
qüvvələrin başında dayanmışdı. Ona üç oğlu İsa,
Musa və Mustafa yardım edirdi. Kirişçi ləqəbiylə
tanınan və sultanın beş oğlu içərisində ən
bacarıqlısı olan Mehmət Çələbi isə ehtiyat
qüvvələrə komandan təyin edilmişdi. Onun
642
əmrində 6 paşa (6 general) və çox sayda piyada
qüvvələr varıydı.
1402-ci ilin bir sabahı bütün qərb dünyasının
səbirsizliklə gözlədiyi döyüş baş tutdu. Teymurun
qoşunları ətraf təpələri tutaraq özlərinə mövqe
qurdular. Teymur öncə atından düşüb namazını
qıldı. Sonra da təkrar atına minərək qoşuna
rəhbərlik etməyə başladı. Osmanlılar isə cərgəni
pozmadan, düzənli bir şəkildə savaş borularının,
təbillərin, gərənayların sədası altında böyük bir
coşğuyla irəliləyirdi. Teymurun sağ cinah
ordusunun başında duran Əbubəkr Mirzə
Bəyazitin böyük oğlu müsəlman Çələbinin (ona
Süleyman Çələbi də deyirdilər) komandasındakı
Osmanlı ordusunun sol qanadını ox yağışına
tutdu. Süleyman Çələbi cəsurca döyüşsə də
Əmirin qoşunları qarşısında tab gətirməyərək geri
çəkilmək məcburiyyətində qaldı. Sərkərdə sultan
Hüseyn isə Bəyazit ordusunun sağ cinahına
hücum edərək onları pərən-pərən salaraq çoxlarını
qılıncdan keçirdi. Döyüşü diqqətlə izləyən
Teymur Sultan Hüseynin çox irəli getdiyini
görərək sultan Məmmədi onun köməyinə
göndərdi. O da dördnala çaparaq Osmanlı
ordusunun içərisinə soxularaq, onların nizamını
pozdu. Avropadan gələn əsgərlər cəsarətlə
döyüşürdü. Bir neçə dəfə nizamlı şəkildə Teymur
ordularının üzərinə yerisələr də geri
oturdulurdular. Növbəti cəhddə isə Bəyazitin
qaynı Pasir Laus öldürüldü və Osmanlıların sağ
qanadı tamamilə dağıdıldı. Pir Məhəmməd, Ömər
Mirzə və İsgəndər Mirzənin birlikləri
643
Osmanlıların təpələrdə mövqe tutmuş əsgərlərini
geri çəkilməyə məcbur edə bildilər. Teymur
düşmən qüvvələrinin geri çəkildiyini görər-
görməz bütün qüvvələri hücuma qoşdu. Türk
ordusuna elə bir zərbə vuruldu ki, hücumdan çox
az adam canını salamat qurtara bildi.
Qüvvələrinin azaldığını görən Bəyazit öz
dəstəsilə sultan Məhəmmədin qərar tutduğu
təpələrə hücum etdi və Məhəmmədin birliklərini
təpədən vurub çıxardı. Lakin Teymur bunu
gözlədiyi üçün oğlu Şahrux Mirzəni ora göndərdi.
Osmanlılar qaçmağa başladılar. Amma Teymurun
qüvvələri mühasirə halqasını yavaş-yavaş
daraldırdı. Ədalət naminə demək lazımdır ki,
Osmanlı sultanı bütün gün boyu qəhrəmancasına
döyüşdü. Bir an da olsun döyüş meydanından geri
çəkilmədi. Amma gün batandan sonra döyüş
xəttini yararaq qaçmağa çalışsa da buna nail ola
bilmədi. Teymurun sərkərdəsi sultan Mahmud
xan tərəfindən yaxalandı və gecə yarısı Teymurun
hüzuruna gətirildi.
Əmir Teymur qalib gəlsə də sultanın bu
halından çox pərişan oldu. Onun qollarını açmağa
əmr etdi. Özünü isə çadırının önündə təntənəli
şəkildə qarşıladı, yanında oturtdu. Bu fəlakətə
onun özünün səbəbkar olduğunu incə bir dillə
anlatdı. Bəyazit də qəbahətli olduğunu dilə
gətirərək üzr istədi. Sultan Bəyazitə çox qiymətli
bir xalat hədiyyə edən Teymur ona və ailəsinə
yaxşı baxılacağını da vəd etdi.
Onunla böyük bir imperator kimi rəftar
edildiyini görən Bəyazit müharibə zamanı
644
yanında olan oğlanları Musa ilə Mustafanın
axtarılmasını xahiş etdi. Amma təkcə Mustafanı
tapmaq mümkün oldu. Əmir Teymur Mustafaya
atasının çadırı yanında bir çadır qurulmasını əmr
etdi. Bəyazitin məğlubiyyətini eşidən Ankara
valisi Yaqub şəhərin və qalanın açarlarını
Teymura təslim etdi. Bundan sonra Teymurun
qoşunları İç Anadoluya daraşaraq qənimət
toplamağa başladılar. Salnamələrin yazdığına
görə ən kasıb əsgər belə o qədər sərvət ələ
keçirmişdi ki, hətta adlı-sanlı bəylərin belə o
qədər sərvəti yox idi.
Sultan Məhəmməd də Bəyazitin xəzinələrini
əldə etməkçün Bursaya yola düşdü. Amma bunu
gözləyən Süleyman Çələbi onu qabaqlayaraq
atasının xəzinəsini gizlədə bildi. Məhəmməd də
əliboş dönməyərək Bəyazitin arvadlarından birini
və Mustafanın nişanlısını əsir aldı. Qara Yusif isə
canını qurtararaq Misirə qaça bildi. Amma
Bursada daş üstündə daş qalmadı. İznik
yağmalandı. Çanaqqala boğazına qədər olan
ərazilər talan edildi. Bəyazitin oğullarından
Süleyman Çələbinin ailəsi əsir alınsa da özü
Avropaya qaçdı.
Əmir Teymur Bursa yaxınlığında bir ay
qaldıqdan sonra Bəyazitin Serb əsilli arvadını, bu
Lki türk oğlunun arasının vurulmasında önəmli
rol oynayan Dəspinəni, qızını və bütün
qulluqçularını sultana qaytardı. Amma bu qadının
müsəlmanlığı qəbul etməsini şərt kimi irəli sürdü.
12 ildən bəri Bəyazitin tabeçiliyində olan
Karaman oğlu Əmir Mehmət də Teymurun
Dostları ilə paylaş: |