637
da o, bunu ciddi qəbul etmirdi. Bir tərəfdən də
Papanın və Avropa liderlərinin, xüsusən də serb
sarayının göndərdiyi cəsuslar Bəyazitin
sayıqlığını əlindən alır, Teymurun zəif, gücsüz
sultanın qarşısında davam gətirə biləcək bir gücə
malik olmadığını söyləyirdilər. Serb sarayının
bütün planlarını cani-dildən həyata keçirən
Dəspinə xatun İldırım Bəyazitdə təkcə Əmir
Teymura qarşı deyil, sultanın yaxın və sadiq
adamlarına qarşı da kin və nifrət yaradırdı. Bunun
nəticəsiydi ki, Əmir Teymura qarşı çıxmamağı,
əksinə ona dost münasibəti göstərməyi təklif edən
bir çox dövlət adamının boynu vurulmuşdu.
Teymurun dəfələrlə bu lazımsız savaşdan,
təhqirlərdən əl çəkmək xahişləri Bəyazit tərəfdən
rədd edilmişdi.
Bizans tarixçisi Duqasa görə Əmir
Teymurun Osmanlıya yürüşünün əsas səbəbi
İldırım Bəyazitin ona qarşı göstərdiyi
hörmətsizlik deyil, sultanın türk bəylərinə etdiyi
zülm idi. Teymur Bəyazitin səlibçilərlə apardığı
müharibələrdə qazandığı qələbələri təriflədiyi
halda müsəlmanlara qarşı göstərdiyi ədalətsizliyi
pisləyirdi. Duqasın bu fikirlərini demək olar ki,
bütün Batı tarixçiləri də təkrar edir. Türk
tarixçilərinə görə Əhməd Çələyiri Misir sultanına
qarşı mübarizədə Bəyazitə sığınmış, sultan da
bundan istifadə edərək Elbistan, Malatiya, Divçigi
və Nebbiyi Misir sultanının əlindən almışdı. Eyni
zamanda Ərzincan şahzadəsi Tahrin bəyi məğlub
edərək onun xərac verməsiylə kifayətlənməyib,
arvadı və iki oğlunu da girov kimi Bursa sarayına
638
gətirmişdi. Tahrin bəy də Əmir Teymura
sığınaraq sultana qarşı ondan yardım istəmişdi.
Bəzi tarixçilər isə Bəyazitin Tahrin bəyin
qadınına aşiq olduğu üçün onu saraya gətirdiyini
qeyd edirdi. Tarixçi şərafəddin Əliyə görə isə
müharibənin birbaşa səbəbi Bəyazitin Tahrin bəyə
qarşı haqsızlığı, Əmir Teymurun elçilərinə
göstərdiyi hörmətsizlik idi.
Əmir Teymurun elçiləri saraydan
biabırcasına qovulanda Teymurun özü
Gürcüstanda idi. Sultanın bu hərəkətlərinə artıq
dözməyən Əmir qoşunlarını Anadoluya doğru
yeritməyə başladı və hicri tarixiylə 803-cü ilin
məhərrəm ayının 1-də Anadoluya ayaq basdı.
Sivasa doğru irəlilədi, Kirişçi ləqəbiylə tanınan
Mehmət Çələbinin qoşunlarını təqib etdi. Tezliklə
onun ordusunu qılıncdan keçirərək Sivası
mühasirəyə aldı. Qala qapıları şiddətli zərbələrə
dözməyərək uçub-dağıldı. Şəhər əhalisi
Teymurun qəzəbindən qorxaraq şəhərin əmiri
Mustafa bəyi Teymura təslim etdilər. Əmir
Teymur bütün qala divarlarını yerlə-yeksan
etdirdi. Beləliklə, hər iki tərəf addım-addım
Çubuğa doğru yaxınlaşmaqda davam edirdi.
Kadr dəyişir. Kadr arxası mətn oxunur.
MƏTN: – Sivasın işğalından sonra çoxları Teymurun
Bursa üzərinə yürüş edəcəyini düşünürdü. Lakin
belə olmadı. Əmir qoşunlarına Suriyaya doğru
hərəkət etməyi tapşırdı. Bununla da o, Bəyazitə
barışıq üçün daha bir şans verdi. Özü isə Misir
639
sultanına sığınaraq onunla mübarizə aparan
Əhməd Cəlayir və Qara Yusifi ələ keçirmək üçün
qeyd etdiyimiz kimi Suriyaya doğru gedərək bu
torpaqları ələ keçirdi.
Əmir Teymur Suriyada olarkən Bəyazit
Əhməd Cəlayir və Qara Yusifin təhriki ilə
Ərzincan üzərinə yeridi və bu şəhəri ələ keçirdi.
Ərzincan hökmdarının arvadlarıyla uşaqlarını
Bursaya göndərdi. Bu xəbər Teymura çatan kimi
o, Şahrux Mirzənin başçılığı ilə ordu hissəsini
Osmanlılara qarşı göndərdi. Şahrux Mirzənin
Osmanlıya doğru yol aldığını eşidən sultanın
elçiləri Bəyazitin barışıq haqqındakı məktubunu
Teymura çatdırmağa tələsdilər. Eyni zamanda
Ərzincan hakiminin ailəsini sərbəst buraxaraq
Tahartendən də onunla Teymur arasında vasitəçi
olmasını xahiş etdi. Əmir Teymur onsuz da
Anadoluya könülsüz getmişdi. Odur ki, Şahrux
Mirzəni geri çağırdı. Sultanın elçilərinə isə iki
şeyi Bəyazitə çatdırmalarını söylədi.
Birincisi, illərdən bəri onun hakimiyyəti
altında olan Ketah qalasının ona qaytarılmasını,
ikincisi, Qaraqoyunlu əmiri Qara Yusifin ya
öldürülməsini, ya təslim edilməsini, ya da ölkədən
qovulmasını. Bundan əlavə Teymur Bəyazitin
düşmənlərinə qarşı mübarizəsinə hər cür dəstək
verəcəyini də vəd etdi. Eyni zamanda öz elçisini
də Bəyazitin elçiləriylə bərabər sultanın hüzuruna
göndərdi. Daha sonra hər on beş gündən bir
Bəyazitin sarayına yeni elçilər gəlməkdə davam
edirdi. Lakin aradan iki ay keçməsinə
baxmayaraq, elçilərdən bir xəbər çıxmayınca
640
Anadoluya doğru yol aldı. Yolüstü Bəyazitdən
istədiyi Kəmah qalasını ələ keçirərək
komandanlığı Tahartenə tapşırdı. Sivas
civarlarında göndərdiyi elçilərdən biri Bəyazitin
təhqirlə dolu cavabını ona gətirdi. Teymur yenə
də səbrini basaraq Bəyazitə son məktubunu
göndərdi. Bu məktubda o, Osmanlı qüvvələrinin
xeyli hissəsinin kafirlərlə mübarizə apardığı üçün
Bəyazitə hücum etməyəcəyini, əvəzində isə
şahzadə Tahartenin adamlarını buraxmağı və
oğullarından birini onun sarayına göndərilməsini
təklif etdi. Lakin bu şərtləri qəbul etməyən
Bəyazit ordusunun başında Toqata gəldi.
Bu xəbəri eşidən Teymur birbaşa yolun
qalın meşəlikdən keçməsini nəzərə alaraq Kayseri
yoluna döndü və Ankara üzərinə yeridi. Bəyazitin
də orduları hərəkətə gələrək demək olar ki, eyni
zamanda Ankaraya yetişdi. Teymur Ankara
qalasının mühasirəsini dayandıraraq Osmanlıların
su mənbələrini ələ keçirməklə ordunu susuz
buraxdı. Belə olan şəraitdə Bəyazitin ordusu
Ankaranın 45-50 kilometrliyindəki Çubuq
bölgəsinə çəkildi. Teymur da onu izləyərək qarşı-
qarşıya mövqe tutdu.
Türk dünyasını uzun müddət inkişafdan
qoyan Çubuq döyüşü ərəfəsində rəqiblərin döyüş
taktikasına nəzər salaq. Öncə Teymurun taktikası
barədə. Şərq aləmində islamın ən böyük
bilicilərindən olan Əmir Teymur bütün gecəni
ibadətlə keçirdikdən sonra sabah erkəndən
qüvvələrini üç yerə böldü. Hər birliyə
oğullarından birini komandan təyin edən Teymur
Dostları ilə paylaş: |