Mikroprotsessor mp

Amallar maydoni. (buyruqlar maydoni) – operatorlar bajaradigan amallarni mnemonik harflar bilan yozilishini o’z ichiga oladi.
Mnemonik yozishda belgilar soni amallarning turiga qarab bitta harfdan boshlab bir nechtagacha (tilga bog’lik holda) bo’lishi mumkin.
Operandlar maydoni – bitta yoki bir nechta operandlarga ajratilgan. Operandlar bir nechta bo’lsa, ular bir-biridan vergul bilan ajratiladi. Operandlar sifatida sonlar, simvolik ism va ifoda bo’lishi mumkin. Ifodada arifmetik ishoralar ishlatilishi mumkin. O’zgarmas sonlar o’n oltilik, o’nlik, sakkizlik, yoki ikkilikda bo’lishi mumkin.
Sharxlash maydoni. Bu maydonga operatorning yoki boshlang’ich programmaning fragmentini tushuntirib beradigan va programmani bajarishga halaqit bermaydigan ixtiyoriy tekstni joylashtirish mumkin.
Hamma sanalgan (keltirilgan) maydonlar bir-biridan eng kami bitta probel yoki qo’shtirnoqli ";" "*" belgilar orqali ajratiladi.
Assembler tilida quyidagi guruh operatorlari bor:
— mashina buyruqlarining operatori;
— psevdobuyruqlar operatori;
— makrokomanda;
— sharxlash maydoni;
— assemblerni boshqarish buyrug’i.
Mashina buyruqlarining operatori.
MikroEHM dagi mashina buyruqlarini simvolik ko’rinishda yozishga to’g’ri keladi.Har bir bunday operator translyasiya yoki assemberlash natijasida tegishli mashina buyrug’iga o’zgartiriladi.
Psevdobuyruqlar operatorlari (aniqlovchi buyruqlar) quyidagi vazifalarni bajarish uchun mo’ljallangan:
1) xotirani rezervlash (zaxiralash) uchun;
2) buyruqlar sanagichini boshqarish uchun;
3) o’zgaruvchan va o’zgarmas qiymatlarni ifoda etish (yozish) uchun;
4) ekvivalent qiymatlarni ko’rsatish uchun;
5) programma modulining boshlanishi va oxirini va sh.o’xsh. Berish uchun.
Har xil assembler tillaridagi psevdobuyruqlarda amallar mnemonikasi har xildir.
Makro buyruqlar. Makrobuyruqlar, assembler tilidagi shunday operatorki, ular translyatsiya davomida tilni boshqa operatorlar ketma-ketligi bilan almashtiradi. Bunday ketma-ketlikni mak-robuyruqni makrokengaytirish deyiladi. Bundan tashqari har bir makrobuyruqqa makroaniqlash to’g’ri keladi. Makroaniqlash makrobuyruq yoki makroaniqlash bibliotekasi joylashgan programma modulida bo’lishi mumkin.
Sharxlash. Berilgan programmaning tekstiga tushuntirish berish uchun kerak. Sharxlash operatori ayrim ajratilgan ishora bilan boshlanadi. Masalan, «.» yoki «.» belgiliri orqali. Bu belgilardan keyin erkin tekst kelishi mumkin.