Milli Təhlükəsizlik və Hərbi Elmlər – National Security and Military Sciences
№3 (4)/2018
MİLLİ TƏHLÜKƏSİZLİK NATIONAL SECURITY
44
Mərkəzi hakimiyyət ilə qarşıdurma şəraitində separatçılığın təzahürü və onun sonrakı inkişafı
üçün kompleks şərtlərin mövcudluğu vacib sayılır. Həmin şərtlərə aid etmək olar:
a)
hakim xalq (etnos) tərəfindən guya diskriminasiya olunan xalqın (etnik qrupun) həmin
ərazidə çoxluq təşkil etməsi, kompakt şəkildə və uzun müddət yaşaması;
b)
azsaylı xalqlar (etnik qruplar) arasında milli, yaxud dini özünüdərketmə prosesinin yüksək
inkişaf səviyyəsinə çatması;
c)
ölkədə siyasi və sosial-iqtisadi vəziyyətin qeyri-stabil olması;
d)
xarici dövlətlərin xüsusi xidmət orqanları və ya qeyri-rəsmi dairələri tərəfindən azsaylı xalqa
maddi və mənəvi kömək göstərilməsi [1].
Sadalanan şərtlərdən hər hansı birinin mövcud olmaması, açıq şəkildə ayrı-seçkilik siyasətinə
məruz qalan azsaylı xalqlar arasında separatçılıq meyllərinin təzahürünü və inkişaf edib hərəkata
çevrilməsini qeyri-mümkün edir.
Məlumdur ki, xarici və texniki dəstək almayan separatçılıq hərəkatları tez bir zamanda dövlət
tərəfindən söndürülür. Separatçılıq polietnik cəmiyyətlərdə milli azlıqla titul xalq arasında bu və ya
digər səbəblərdən yaranan problemlərin radikal həllinə yönəlmiş hərəkat olduğundan birbaşa
terrorçuluğu doğurur. Terrorçuluqla separatçılıq eyni mənbədən qaynaqlanır. Bu konfliktlər qeyri-
stabillik, dünyanın barışmaz şəkildə “biz” və “onlara” bölünməsidir. Separatçılıq həmişə milli
müstəqilliyin daha təcavüzkar tərəfdarlarının terrorçuluq fəaliyyəti ilə müşayiət olunur və bu elmi
ədəbiyyatda “təcavüzkar separatizm” kimi təsnifatlandırlır. Terrorizm - qarşıya qoyulan maraqlar
sivil yolla təmin olunmadıqda yaranan, mübarizə hədəfinə və hədəfin ünsürlərinə siyasi, iqtisadi və
psixoloji təsir göstərmək məqsədilə zorakılıqlar həyat keçirən qeyri-sivil mübarizə metodudur.
Ümumiyyətlə, terrorizm lap qədimdən başlamış bir zorakılıq üsuludur. Sənayenin, elm və texnikanın
inkişafı, dünyada baş verən proseslər terrorçular tərəfindən daha faciəli nəticələr əldə etmək üçün
terrorizmin mübarizə metodlarını “müasirləşdirib” [4, s.12].
Müasir dövrdə hansısa maraqlar naminə partlayış törədən şəxslə keçmişdə dövlət başçısını,
kral, imperatoru və s. müəyyən maraqlar naminə öldürən şəxs arasında zaman baxımından heç bir
fərq yoxdur. Hər ikisi terrorçudur. Mübarizə metodu kimi terrorizmi seçən qurum yarandıqdan sonra
isə onun formalaşma mərhələləri diqqəti xüsusilə cəlb edir.
Terrorizm yarandıqdan sonra, ilk növbədə ölkəni və ya digər mübarizə hədəfini məcbur etmək
üçün mərhələləri başlayır:
I - hazırlıq mərhələsi. Terror təşkilatının ideoloqları incə ideoloji təbliğata cəmiyyətdə özlərinə
dayaq axtarırlar. Əgər bu dayaq yoxdursa, onda cəmiyyətdə olan çatışmazlıqları, həssas faktorları
araşdırır və əgər hakimiyyət vaxtında tədbir görə bilmirsə və ya görmürsə dərhal bu yöndə, yəni
çatışmazlıqların qabardılması yönündə işə başlayırlar.
II - təşkilatlanma mərhələsi. Birinci mərhələni keçdikdən sonra artıq güclü formada mübarizə
apara biləcək təşkilat qurulmağa başlayır. Bu zaman, kütlə arasında onlara rəğbəti ilə seçilən şəxslər
və bu şəxslərin təsiri altında olan digər şəxslər cəlb edilərək, hər cür formada mübarizə apara biləcək
terrorçular yetişdirilir.
III - ilk terror aktları mərhələsi. Artıq iki mərhələni keçmiş təşkilat yaradılmışdır. Ona görə də
mübarizənin başladığını bildirən ilk terror aktları həyata keçirilir. Bu mərhələnin əsas məqsədi
cəmiyyəti qorxu altında saxlamaqla dövləti terror aktlarının qarşısını ala bilməməkdə günahlandıran
yöndə təbliğat apararaq xalqın hakimiyyətə olan inamını zəiflətməkdir.
IV - daxili müharibə mərhələsi. Bu mərhələdə əsas məqsəd dövlət hakimiyyətini ələ
keçirməkdir. Bu zaman, müxtəlif bölgələrdə təşkilatlar formalaşdırılır, təlim bazaları qurulur və
hökumət qüvvələri ilə açıq döyüşlərə girilir. Bu mərhələdə, həmçinin xarici yardımlar da qəbul
olunmağa başlanır [5, s.26].
Dövlət və cəmiyyət üçün tədricən xüsusi təhlükəli bir problemə çevrilən terrorizmin meydana
gəlməsinin müxtəlif səbəbləri vardır. Bunlardan ən başlıcası separatist maraqlardan doğan
terrorizmdir.
Ümumiyyətlə, separatçılıq tarixən böyük müharibə və münaqişələrin əsasını təşkil etmişdir.
Ancaq müasir dövrdə daha kompleks mübarizə yolunu seçən separatçı qruplar münaqişə ilə yanaşı
|