Milli Təhlükəsizlik və Hərbi Elmlər – National Security and Military Sciences
№3 (4)/2018
MİLLİ TƏHLÜKƏSİZLİK NATIONAL SECURITY
45
daha çox terror metodundan istifadə edirlər. Bunun əsas səbəblərindən biri də odur ki, separatçıların
başlatdığı müharibənin onların özü üçün necə nəticələnəcəyini əvvəlcədən proqnozlaşdırmaq
mümükün deyil, amma keçiriləcək hər bir terror aktının nəticəsi məlumdur.
Separatist maraqlardan yaranan terror fəaliyyəti uzun illər davam edir. Məsələn, Şimali
İrlandiyanın müstəqilliyi üçün mübarizə aparan İrlandiya Respublika Ordusu, Fransa və İspaniya
ərazisində müstəqil Bask dövləti yaratmaq istəyən ETA təşkilatının terror yolunu seçməsi onların
separatçı maraqlarının nəticəsidir.
“Təcavüzkar separatçılığ”ın bariz nümunəsi Dağlıq Qarabağda baş qaldırmış erməni
separatçılığıdır. Beynəlxalq münasibətlər sistemində bir qorxulu tendensiya da var ki, bu
separatçılğın cəzalandırılması əvəzinə onun həvəsləndirilməsi və müəyyən qüvvələr tərəfindən
dəstəklənməsidir. Məsələn, Kosovonun Serbiyadan ayrılmasının Qərb, Cənubi Osetiya və
Abxaziyanın Gürcüstandan ayrılmasının isə Rusiya tərəfindən dəstəklənməsi, Dağlıq Qarabağda baş
verən hadisələrin beynəlxalq birlik tərəfindən birmənalı qiymətləndirilməməsi dünyanın bir sıra
bölgələrində separatçıları ruhlandırır və onları “tam və qəti qələbə” uğrunda mübarizəyə
həvəsləndirir. Beləliklə, separatçılıq cəzasız qaldıqda və dəstəkləndikdə ekstremist xarakter daşımağa
başlayır. Vahid dövlətin bölünməsi və yeni dövlətin yaranması separatçılıq qarşısında duran əsas
məqsəd olduğundan bu, hər bir ölkənin təhlükəsizliyinə və suverenliyinə yönəlmiş ciddi təhdiddir.
Çünki yeni dövlətin yaranması nəinki ərazinin itkisi, həm də bu ərazidə yerləşən resurslardan məhrum
olmaq deməkdir. Eyni zamanda, dövlət öz sərhədlərində ona qarşı düşmənçilik siyasəti yürüdəcək
yeni dövlətin mövcudluğu ilə barışmalıdır.
Qeyd olunduğu kimi, separatçılıq ekstremizmi, ekstremizm isə terrorçuluğu doğurur. Terrorizm
anlayışına ən yaxın ekstremizm anlayışıdır, lakin bunlar eyni mənalı sinonim sözlər deyildir. İlk öncə
kifayət qədər ortaq cəhətlərə malik siyasi ekstremizm ilə siyasi terrorizmi fərqləndirmək
məqsədəuyğun olardı. Çünki ekstremist təşkilatlar məqsədləri naminə terrorçu metodlara olduqca
sıx-sıx müraciət edirlər. Terrorizm kimi ekstremizm də mövcud quruluşa, onların maraqlarına cavab
verməyən siyasi şəraitə qarşı çıxır. Ekstremizm siyasi məqsədlər üçün zorakı vasitələrdən istifadə
etməklə cəmiyyətdə qeyri-stabillik yaratmağı nəzərdə tutur. Ekstremistləri terrorçulardan
fərqləndirən cəhət, onların məqsədləridir. Yəni, onların tələbləri daha dərin siyasi dəyişikliklərdən
ibarətdir. Terrorizmdən fərqli olaraq, ekstremistlər dövlət quruluşunun və sərhədlərin
dəyişdirilməsinə çalışırlar. Əksər hallarda ekstremizm fəaliyyəti ilə siyasətin subyektləri məşğul olur.
Ekstremizm dedikdə, siyasi hərəkatların, partiyaların, həmçinin səlahiyyətli şəxslərin və adi
vətəndaşların, mövcud ictimai-siyasi vəziyyətin zorakı vasitələrlə dəyişdirilməsinə yönəldilmiş
qeyri-qanuni fəaliyyətləri nəzərdə tutulur. Terrorçulardan fərqli olaraq, ekstremistlər zorakılıq
aktlarını deklorativ məqsədlə istifadə etmirlər. Yəni, onlar terror aktlarını cəmiyyətdə böyük əks-səda
doğurmaq üçün deyil, birbaşa qarşılarında duran mənafeləri aradan qaldırmaq üçün törədirlər. Bu
mənada, terrorizmlə ekstremizm arasında sərhədləri nisbi də olsa, müəyyən etmək mümkündür.
Diversiya da terrorizmə yaxın hadisələrdən hesab oluna bilər. Lakin diversiya, bir qayda olaraq,
müəyyən məqsədlərlə dövlətin xüsusi orqanları tərəfindən törədilir. Terror aktının səmərəliliyi, onun
hansı səviyyədə ictimai əks-səda doğurması ilə ölçüldüyü halda, diversiya aktının əks-səda doğurması
əksinə, onu həyata keçirənlər üçün təhlükəlidir. Diversiya aktları, əsasən texnogen qəzaları, bədbəxt
hadisələri və ya başqa qüvvələr tərəfindən törədilmiş zorakılığı imitasiya edir. Terrorizmdən ən
başlıca fərqi də ondan ibarətdir ki, diversiya aktları törədənlər bütün mümkün vasitələrlə gizlin
qalmağa çalışırlar. Dövlət xüsusi orqanları tərəfindən törədilən diversiya aktlarının məsuliyyəti əksər
hallarda tamamilə başqa subyektlərin üzərinə atılır.
Beynəlxalq polis institutunun əməkdaşı B.Ganor 2002-ci ildə “Polis təcrübəsi və tədqiqatları”
adlı beynəlxalq jurnalda çap etdirdiyi “Biri terrorçu, digəri azadlıq uğrunda mübarizə aparan” adlı
məqaləsində terrorizmi partizan müharibəsi, inqilabi zorakılıq, milli-azadlıq uğrunda mübarizə və
zorakılıqla müşayiət olunan başqa fəaliyyət növlərindən fərqləndirməyə çalışmışdır. Terrorizmdən
fərqli olaraq, partizan müharibəsi hərbi qüvvələrə qarşı aparılır. Lakin tarixi müşahidələr, bu
istiqamətdə terrorizmlə partizan müharibəsi arasında sərhədin mövcudluğunun şərti xarakter daşıması
|