Mistoqsijiet Parlamentari Seduta Nru. 22 L-erbgħa, ta' Novembru, 2015 fis-6: 00 p m. Mistoqsijiet għal tweġibiet orali lista ta’ mediċina f’ schedule V
SIĠAR TAD-DWIELI – ĠBIR TA’ GĦENEB
Yüklə 66,8 Kb.
|
- Bu səhifədəki naviqasiya:
- GĦAMMIERI - SERER 20162. L-ONOR. TONI BEZZINA
- GĦAMMIERI – TKABBIR TA’ QAMĦ 20163. L-ONOR. TONI BEZZINA
- GĦAMMIERI - PRODOTTI 20164. L-ONOR. TONI BEZZINA
- MCAST – STUDENTI – TAĦRIĠ FL-GĦAMMIERI 20165. L-ONOR. TONI BEZZINA
- SKEMA TAD-DILETTANTI TAL-ĠARDINAĠĠ 20166. L-ONOR. TONI BEZZINA
- KSUR TA’ LIĠI – KAŻ TA’ INDIVIDWU 20216. L-ONOR. SILVIO SCHEMBRI
- KSUR TA’ LIĠI – KAŻ TA’ INDIVIDWU 20217. L-ONOR. SILVIO SCHEMBRI
- RATI DWAR KAWŻI TAL-QORTI – KAŻ TA’ INDIVIDWU 20218. L-ONOR. SILVIO SCHEMBRI
- AFM – PROĊESS FIN-NEGOZJU 20253. L-ONOR. ĊENSU GALEA
- ONOR. CARMELO ABELA
- AFM – PERSUNI LI NGĦATAW KUMPENS 20255. L-ONOR. ĊENSU GALEA
- KORP TAL-PULIZIJA – PERSUNI LI NGĦATAW KUMPENS 20256. L-ONOR. ĊENSU GALEA
- DIPARTIMENT TAL-PROTEZZJONI ĊIVILI – PERSUNI LI NGĦATAW KUMPENS 20257. L-ONOR. ĊENSU GALEA
- FAĊILITÀ KORRETTIVA TA’ KORDIN – PERSUNI LI NGĦATAW KUMPENS 20258. L-ONOR. ĊENSU GALEA
- MINISTERU GĦALL-IŻVILUPP SOSTENIBBLI, AMBJENT U TIBDIL FIL-KLIMA - ASSISTENT PARLAMENTARI 20361. L-ONOR. LUCIANO BUSUTTIL
- MINISTERU GĦAD-DJALOGU SOĊJALI, AFFARIJIET TAL-KONSUMATUR U LIBERTAJIET ĊIVILI - ASSISTENT PARLAMENTARI 20362. L-ONOR. LUCIANO BUSUTTIL
- MINISTERU GĦALL-EDUKAZZJONI U X-XOGĦOL - ASSISTENT PARLAMENTARI 20363. L-ONOR. LUCIANO BUSUTTIL
- MINISTERU GĦALL-EKONOMIJA, INVESTIMENT U ITRAPRIŻI ŻGĦAR - ASSISTENT PARLAMENTARI 20364. L-ONOR. LUCIANO BUSUTTIL
- MINISTERU GĦALL-ENERĠIJA U S-SAĦĦA - ASSISTENT PARLAMENTARI 20365. L-ONOR. LUCIANO BUSUTTIL
- MINISTERU GĦALL-FAMILJA U SOLIDARJETÀ SOĊJALI - ASSISTENT PARLAMENTARI 20366. L-ONOR. LUCIANO BUSUTTIL
- ONOR. MICHAEL FARRUGIA
- PBS – KAP EŻEKUTTIV 20431. L-ONOR. CLYDE PULI
- PBS – NEFQA TAS-SUSSIDJI 20432. L-ONOR. CLYDE PULI
- PBS – NEFQA TAS-SUSSIDJI 20433. L-ONOR. CLYDE PULI
- CAPPING FUQ L-EXTRA DUTY TAL-PULIZIJA 20514. L-ONOR. BEPPE FENECH ADAMI
- MINISTERU GĦALL-ENERĠIJA U S-SAĦĦA - KONSULENTI 20544. L-ONOR. CLAUDETTE BUTTIGIEG
SIĠAR TAD-DWIELI – ĠBIR TA’ GĦENEB 20161. L-ONOR. TONI BEZZINA staqsa lill- Ministru għall-Iżvilupp Sostenibbli, Ambjent u Tibdil fil-Klima: Jista’ l-Ministru jgħid kemm hawn siġar tad-dwieli f’Malta u Għawdex u kemm jinġabar għeneb minnhom kull sena, lokalità b’lokalità? 20/10/2015 ONOR. LEO BRINCAT: Nirreferi lill-Onorevoli Interpellant għat-Tabella li qed inpoġġi fuq il-Mejda tal-Kamra skond l-informazzjoni mogħtija lili mill-Uffiċċju tas-Segretarjat Parlamentari. Seduta 322 04/11/2015 GĦAMMIERI - SERER 20162. L-ONOR. TONI BEZZINA staqsa lill- Ministru għall-Iżvilupp Sostenibbli, Ambjent u Tibdil fil-Klima: Jista’ l-Ministru jgħid kemm hemm serer fl-Għammieri u x’jitkabbar fihom? 20/10/2015 ONOR. LEO BRINCAT: Ninforma lill-Onorevoli Interpellant li minn informazzjoni mogħtija lili mill-Uffiċċju tas-Segretarjat Parlamentari ninsab infurmat li fl-Għammieri hemm totali ta’ 8 serer li waħda minnhom hija kklassifikata bħala ‘shading house’. Fihom jitkabbru fjuri, pjanti endemiċi inkluż ħwawar u ħxejjex varji bi prova. Serra minnhom tintuża biex isiru wirjiet u diskussjonijiet fuq l-agrikoltura lill-istudenti minn diversi skejjel u gruppi ta’ studenti barranin li minn żmien għal żmien iżuru l-Għammieri. Seduta 322 04/11/2015 GĦAMMIERI – TKABBIR TA’ QAMĦ 20163. L-ONOR. TONI BEZZINA staqsa lill- Ministru għall-Iżvilupp Sostenibbli, Ambjent u Tibdil fil-Klima: Jista’ l-Ministru jgħid kemm qed jitkabbar qamħ fl-Għammieri kull sena minn Marzu 2013 sa meta tiġi mwieġba din il-mistoqsija parlamentari u x’qed isiru minnu? 20/10/2015 ONOR. LEO BRINCAT: Ninforma lill-Onorevoli Interpellant li minn informazzjoni mogħtija lili mill-Uffiċċju tas-Segretarjat Parlamentari, fl-Għammieri kull sena jitkabbar il-qamħ bħala mgħalef għal konsum mill-bhejjem (baqar, mogħoż u nagħaġ) li jinżammu fl-Għammieri stess. Ta’ kull sena l- produzzjoni annwali titla ghal madwar 4,000 balal miż-żgħar jew madwar 80,000kg. Seduta 322 04/11/2015 GĦAMMIERI - PRODOTTI 20164. L-ONOR. TONI BEZZINA staqsa lill- Ministru għall-Iżvilupp Sostenibbli, Ambjent u Tibdil fil-Klima: Jista’ l-Ministru jgħid xi prodotti jitkabbru l-Għammieri? 20/10/2015 ONOR. LEO BRINCAT: Ninforma lill-Onor. Interpellant li minn informazzjoni mogħtija lili mill-Uffiċċju tas-Segretarjat Parlamentari ninsab infurmat li fl-Għammieri jitkabbru diversi prodotti fosthom dwieli, mgħalef, żebbuġ, bajtar tax-xewk, basal, qaqoċċ, pastard, tadam, bettieħ, ġdur, kurrat, qarabagħli, ful, lewż u qoton. Seduta 322 04/11/2015 MCAST – STUDENTI – TAĦRIĠ FL-GĦAMMIERI 20165. L-ONOR. TONI BEZZINA staqsa lill- Ministru għall-Iżvilupp Sostenibbli, Ambjent u Tibdil fil-Klima: Jista’ l-Ministru jgħid kemm studenti tal-MCAST li qed jagħmlu t-taħriġ tagħhom l-Għammieri u fuq liema setturi? 20/10/2015 ONOR. LEO BRINCAT: Ninforma lill-Onorevoli Interpellant li minn informazzjoni mogħtija lili mill-Uffiċċju tas-Segretarjat Parlamentari ninsab infurmat li preżentament m’hemm l-ebda studenti tal-MCAST li qed jagħmlu it-taħriġ tagħhom mad-Dipartiment tal-Agrikoltura, fl-Għammieri.Min-naħa l-oħra jekk l-Onorevoli Interpellant qed jirreferi għall-Istitut tal-MCAST li hemm fil-kumpless tal-Għammieri allura nitolbu jirreferi l-mistoqsija tiegħu lill-Ministru kkonċernat. Seduta 322 04/11/2015 SKEMA TAD-DILETTANTI TAL-ĠARDINAĠĠ 20166. L-ONOR. TONI BEZZINA staqsa lill- Ministru għall-Iżvilupp Sostenibbli, Ambjent u Tibdil fil-Klima: Jista’ l-Ministru jgħid jekk hemmx il-ħsieb li terġa’ titwaqqaf l-iskema tad-dilettanti tal-ġardinaġġ li ntemmet sentejn ilu fuq art mhux użata fl-Għammieri? 20/10/2015 ONOR. LEO BRINCAT: Ngħarraf lill-Onorevoli Interpellant li minn informazzjoni mogħtija lili mill-Uffiċċju tas-Segretarjat Parlamentari ninsab infurmat li m’hemmx ħsieb li terġa’ titwaqqaf l-iskema tad-dilettanti tal-ġardinaġġ fl-Għammieri. Ninsab infurmat ukoll fl-Għammieri l-art tintuża kollha. Seduta 322 04/11/2015 KSUR TA’ LIĠI – KAŻ TA’ INDIVIDWU 20216. L-ONOR. SILVIO SCHEMBRI staqsa lill- Ministru għall-Ġustizzja, Kultura u Gvern Lokali: Jista' l-Ministru responsabbli jara li tiġi kkuntatjata l-persuna li d-dettalji dwarha qed jingħataw separatament għaliex qiegħed isir ksur ta' liġi rigward permess ta' bejjiegħ tal-ħaxix? 21/10/2015 ONOR. OWEN BONNICI: Ninforma lill-Onor. Interpellant li s-sit partikolari li qed jirreferi għalih huwa fiż-żona industrijali tal-Imrieħel ġo Birkirkara,u mhux Ħal Qormi. Tali żoni huma esklużi mir-responsabbilta’ tal-Kunsilli għal dak li huwa manutenzjoni f’termini ta’ toroq u indafa. Fid-dawl li l-materja hija ta’ natura kummerċjali, peress li liċenzja biex wieħed jopera attività kummerċjali toħroġ mid-Diviżjoni tal-Kummerċ, allura nirreferi lill-Onor. Interpellant sabiex jagħmel il-mistoqsija tiegħu lill-Ministeru konċernat. Seduta 322 04/11/2015 KSUR TA’ LIĠI – KAŻ TA’ INDIVIDWU 20217. L-ONOR. SILVIO SCHEMBRI staqsa lill- Ministru għall-Intern u s-Sigurtà Nazzjonali: Jista' l-Ministru responsabbli jara li tiġi kkuntatjata l-persuna li d-dettalji dwarha qed jingħataw separatament għaliex qiegħed isir ksur ta' liġi rigward permess ta' bejjiegħ tal-ħaxix? 21/10/2015 ONOR. CARMELO ABELA: Ninforma lill-Onor. Interpellant li ninsab infurmat li minn indagni li għamlet il-Pulizija jirriżulta li l-persuna li ddetalji tagħha ngħataw separatament, għandha permess mill-Awtorita tal-Artijiet biex topera bħal ‘hawker’. Madankollu l-istess persuna m’għandix permess maħruġ mid-Dipartiment tal-Kummerċ sabiex taġixxi bħala ‘hawker’. Il-bejjiegħ l-ieħor tal-ħaxix ghandu permessi ta’ ‘hawker’ kemm mil-Awtorita tal-Artijiet u kif ukoll dak tad-Dipartiment tal-Kummerc Seduta 322 04/11/2015 RATI DWAR KAWŻI TAL-QORTI – KAŻ TA’ INDIVIDWU 20218. L-ONOR. SILVIO SCHEMBRI staqsa lill- Ministru għall-Ġustizzja, Kultura u Gvern Lokali: Jista’ l-Ministru jara li jiġi kkuntatjat l-individwu li d-dettalji dwaru qegħdin jingħataw separatament għaliex jixtieq iktar informazzjoni rigward rati dwar kawżi tal-Qorti? 21/10/2015 ONOR. OWEN BONNICI: L-uffiċjali tal-Dipartiment tal-Qrati tal-Ġustizzja għamlu kuntatt mal-individwu li d-dettalji dwaru ngħataw separatament u ngħata l-informazzjoni rikjesta. Illi kull min jeħtieġ xi informazzjoni dwar xi kawża tiegħu jista’ jirrikorri għand il-customer relations desk tad-Dipartiment tal-Qrati tal-Ġustizzja jew personalment jew billi jċempel fuq in-numru 25902382 jew billi jibgħat email fuq courts.justice@gov.mt. Seduta 322 04/11/2015 AFM – PROĊESS FIN-NEGOZJU 20253. L-ONOR. ĊENSU GALEA staqsa lill- Ministru għall-Intern u s-Sigurtà Nazzjonali: Jista' l-Ministru jagħti tagħrif dwar kif il-Forzi Armati Maltin, qed jipparteċipaw fil-proċess li jassiguraw levelplaying field fin-negozju? X’sar s’issa f'dan ir-rigward mill-Forzi Armati ta’ Malta? 22/10/2015 ONOR. CARMELO ABELA: Nitlob lill-Onorevoli Interpellant sabiex jamplifika aħjar id-domanda Seduta 322 04/11/2015 DIPARTIMENT TAL-PROTEZZJONI ĊIVILI – PERSUNI RTIRATI 20254. L-ONOR. ĊENSU GALEA staqsa lill- Ministru għall-Intern u s-Sigurtà Nazzjonali: Jista’ l-Ministru jgħid kemm kien hemm persuni li kienu jaħdmu mad-Dipartiment tal-Protezzjoni Ċivili u issa rtiraw mix-xogħol? Kemm minn dawn għamlu hekk wara 25 sena servizz? Kemm hemm persuni f'dan id-Dipartiment li għadhom jaħdmu minkejja li għalqu l-25 sena servizz? 22/10/2015 ONOR. CARMELO ABELA: Ninforma lill-Onorevoli Interpellant li ninsab infurmat li bejn Marzu 2013 u l-aħħar ta’ Ottubru 2015 kien hemm disa’ (9) persuni li rtiraw mid-Dipartiment tal-Protezzjoni Civili. Seba’ minn dawn il-persuni rtiraw wara li għalqu l-ħamsa u għoxrin sena servizz. Wiehed (1) wara li ġie promoss għall-Direttur f’dipartiment ieħor tal-Gvern u l-iehor (1) irtira biex mar jaħdem fil-privat. Fil-pre¿ent hemm 31 persuna oħra li għalkemm għalqu l-ħamsa u għoxrin sena servizz għadhom jaħdmu fid-Dipartiment tal-Protezzjoni Civili. Tnejn (02) minn dawn il-31 persuna applikaw għal-pre retirement leave u ser jitterminaw l-impjieg tagħhom fil-ġimgħat li ġejjin. Hemm persuna oħra li ser tittermina l-impjieg tagħha minn mad-Dipartiment tal-Protezzjoni Civili fil-gimgħat li ġejjin minħabba l-eta` u mhux wara ħamsa u għoxrin sena servizz. Seduta 322 04/11/2015 AFM – PERSUNI LI NGĦATAW KUMPENS 20255. L-ONOR. ĊENSU GALEA staqsa lill- Ministru għall-Intern u s-Sigurtà Nazzjonali: Jista’ l-Ministru jgħid kemm, kien hemm membri tal-Forzi Armati ta’ Malta, li matul din is sena ngħataw kumpens minħabba li weġġgħu waqt il-qadi ta' dmirijiethom? 22/10/2015 ONOR. CARMELO ABELA: Nitlob lill-Onorevoli Interpellant sabiex jirreferi din id-domanda lill-Ministeru kkonċernat. Seduta 322 04/11/2015 KORP TAL-PULIZIJA – PERSUNI LI NGĦATAW KUMPENS 20256. L-ONOR. ĊENSU GALEA staqsa lill- Ministru għall-Intern u s-Sigurtà Nazzjonali: Jista’ l-Ministru jgħid kemm kien hemm membri tal-Korp tal-Pulizija li matul din is-sena ngħataw kumpens minħabba li weġġgħu waqt il-qadi ta' dmirijiethom? 22/10/2015 ONOR. CARMELO ABELA: Nitlob lill-Onorevoli Interpellant sabiex jirreferi din id-domanda lill-Ministeru kkonċernat. Seduta 322 04/11/2015 DIPARTIMENT TAL-PROTEZZJONI ĊIVILI – PERSUNI LI NGĦATAW KUMPENS 20257. L-ONOR. ĊENSU GALEA staqsa lill- Ministru għall-Intern u s-Sigurtà Nazzjonali: Jista’ l-Ministru jgħid kemm kien hemm membri tad-Dipartiment tal-Protezzjoni Ċivili li matul din is-sena ngħataw kumpens minħabba li weġġgħu fuq il-post tax-xogħol? 22/10/2015 ONOR. CARMELO ABELA: Nitlob lill-Onorevoli Interpellant sabiex jirreferi din id-domanda lill-Ministeru kkonċernat. Seduta 322 04/11/2015 FAĊILITÀ KORRETTIVA TA’ KORDIN – PERSUNI LI NGĦATAW KUMPENS 20258. L-ONOR. ĊENSU GALEA staqsa lill- Ministru għall-Intern u s-Sigurtà Nazzjonali: Jista’ l-Ministru jgħid kemm kien hemm membri fil-Faċilità Korrettiva ta’ Kordin li matul din is-sena ngħataw kumpens minħabba li weġġgħu fuq il-post tax-xogħol? 22/10/2015 ONOR. CARMELO ABELA: Nitlob lill-Onorevoli Interpellant sabiex jirreferi din id-domanda lill-Ministeru kkonċernat. Seduta 322 04/11/2015 MINISTERU GĦALL-IŻVILUPP SOSTENIBBLI, AMBJENT U TIBDIL FIL-KLIMA - ASSISTENT PARLAMENTARI 20361. L-ONOR. LUCIANO BUSUTTIL staqsa lill- Ministru għall-Iżvilupp Sostenibbli, Ambjent u Tibdil fil-Klima: Jista’ l-Ministru jgħid min kien l-assistent parlamentari li kien jassisti lill-Ministru bejn l-2008 sal-2013 ? X'kien il-pakkett finanzjarju tal-assistent parlamentari? Jista’ jiġi ppreżentat rapport dettaljat dwar il-ħidma li kien għamel l-assistent parlamentari? 23/10/2015 ONOR. LEO BRINCAT: L-Onor. Interpellant japprezza li l-Ministeru li tiegħu jien responsabbli għalih nibet minn Ministeri oħra li kienu jħaddnu wkoll bosta sezzjonijiet u jew entitajiet u dipartimenti li llum ma jiffurmawx parti minn dan il-Ministeru. Ngħarraf lill-Onor. Interpellant ukoll li skond informazzjoni mgħoddija lilli mill-Uffiċċju tas-Segretarju Permanenti fil-parti l-kbira l-Ministeru tiegħi twieled minn dak li qabel kien il-Ministeru għar-Riżorsi u Affarijiet Rurali (MRRA) li minnu twieled ukoll il-Ministeru għat-Trasport u l-Infrastruttura (MTI) tal-lum. Għaldaqstant għal perjodu bejn l-2008 sa Marzu 2013 ir-risposta ser tingħata mill-Ministeru għat-Trasport u l-Infrastruttura li saritlu mistoqsija simili. Seduta 322 04/11/2015 MINISTERU GĦAD-DJALOGU SOĊJALI, AFFARIJIET TAL-KONSUMATUR U LIBERTAJIET ĊIVILI - ASSISTENT PARLAMENTARI 20362. L-ONOR. LUCIANO BUSUTTIL staqsa lill- Ministru għad-Djalogu Soċjali, Affarijiet tal-Konsumatur u Libertajiet Ċivili: Tista’ l-Ministru tgħid min kien l-assistent parlamentari li kien jassisti lill-Ministru bejn l-2008 sal-2013 ? X'kien il-pakkett finanzjarju tal-assistent parlamentari? Jista’ jiġi ppreżentat rapport dettaljat dwar il-ħidma li kien għamel l-assistent parlamentari? 23/10/2015 ONOR. HELENA DALLI: Ninforma lill-Onor. Interpellant li ma kienx jezisti dan il-Ministeru fil-perjodu msemmi. Seduta 322 04/11/2015 MINISTERU GĦALL-EDUKAZZJONI U X-XOGĦOL - ASSISTENT PARLAMENTARI 20363. L-ONOR. LUCIANO BUSUTTIL staqsa lill- Ministru għall-Edukazzjoni u x-Xogħol: Jista’ l-Ministru jgħid min kien l-assistent parlamentari li kien jassisti lill-Ministru bejn l-2008 sal-2013 ? X'kien il-pakkett finanzjarju tal-assistent parlamentari? Jista’ jiġi ppreżentat rapport dettaljat dwar il-ħidma li kien għamel l-assistent parlamentari? 23/10/2015 ONOR. EVARIST BARTOLO: Ninforma lill-Onor. Interpellant li l-Onorevoli Stephen Spiteri kien jassisti lill-Ministru bħala Assistent Parlamentari bejn l-2010 u l-2013. L-Onorevoli Spiteri ma tħallasx dirett mill-Ministeru tal-Edukazzjoni iżda l-Ministeru kien jgħaddi lill-Uffiċċju tal-Parlament schedule tal-pagamenti kif indikat fit-tabella t’hawn taħt.
Il-Ministeru m'għandux informazzjoni li fuqha jista' jippreżenta rapport dettaljat dwar il-ħidma li kien għamel l-Assistent Parlamentari f'dan il-Ministeru. Seduta 322 04/11/2015 MINISTERU GĦALL-EKONOMIJA, INVESTIMENT U ITRAPRIŻI ŻGĦAR - ASSISTENT PARLAMENTARI 20364. L-ONOR. LUCIANO BUSUTTIL staqsa lill- Ministru għall-Ekonomija, Investiment u Intrapriżi Żgħar: Jista’ l-Ministru jgħid min kien l-assistent parlamentari li kien jassisti lill-Ministru bejn l-2008 sal-2013 ? X'kien il-pakkett finanzjarju tal-assistent parlamentari? Jista’ jiġi ppreżentat rapport dettaljat dwar il-ħidma li kien għamel l-assistent parlamentari? 23/10/2015 ONOR. CHRIS CARDONA: Ninforma lill-Onor. Interpellant li l-Assistent Parlamentari li kien jassisti lill-Ministru għall-Ministeru għall-Infrastruttura, Trasport u Komunikazzjoni (MITC) kien l-Hon. Charlo Bonnici li kien jitħallas amministrattivament mingħand il-Kamra tad-Deputati, imma l-Parlament kien jiġi rimborżat mill-Ministeru rispettiv, għal dik il-parti li tirrigwarda r-remunerazzjoni tiegħu marbuta ma’ din il-funzjoni. L-onorarja annwali ta’ Assistent Parlamentari kienet dik ta’ 65% ta’ Skala 1 tal-gradi tas-Servizz Publiku. 50% tal-onorarja – dik ekwivalenti għall-onorarja il kienet titħallas lill-Membru Parlamentari – kienet titħallas mill-fondi tal-Kamra tad-Deputati filwaqt li l-15% l-oħra kienet titħallas mill-fondi tal-Ministeru li kien assenjat miegħu l-Assitent Parlmentari. L-Assistent Parlamentari kien intitolat għal servizz tat-telefon, minn linja fissa u minn mobile, għal ammont li ma jaqbiżx €6,407 fis-sena.Ir-Rapport dwar il-ħidma tal-Assistent Parlamentari ma jinstabx fil-Ministeru. Seduta 322 04/11/2015 MINISTERU GĦALL-ENERĠIJA U S-SAĦĦA - ASSISTENT PARLAMENTARI 20365. L-ONOR. LUCIANO BUSUTTIL staqsa lill- Ministru għall-Enerġija u s-Saħħa: Jista’ l-Ministru jgħid min kien l-assistent parlamentari li kien jassisti lill-Ministru bejn l-2008 sal-2013 ? X'kien il-pakkett finanzjarju tal-assistent parlamentari? Jista’ jiġi ppreżentat rapport dettaljat dwar il-ħidma li kien għamel l-assistent parlamentari? 23/10/2015 ONOR. KONRAD MIZZI: Ninforma lill-Onor. Interpellant illi l-Onor. Peter Micallef kien jassisti lill-Ministru tas-Saħħa ta’ dak iż-żmien bħala Assistent Parlamentari. L-Assistenti Parlamentari, apparti l-onorarja ta’ Membru Parlamentari li kienet tammonta għal 50% ta’ Skala 1 fis-Servizz Pubbliku, kienu jitħallsu wkoll allowance addizzjonali ta’ 15% tal-istess skala. Għalhekk b’kollox l-Assistenti Parlamentari kienu jitħallsu 65% ta’ Skala 1 fis-Servizz Pubbliku, liema ħlas kien isir mill-Kamra tar-Rappreżentanti u mhux mill-Ministru li kienu jassistu fih. Fis-snin li kienu jservu l-Assistenti Parlamentari, Skala 1 fis-Servizz Pubbliku kienet tammonta għal: 2010 - €38,184 2011 - €38,245 2012 - €38,488 2013 - €40,221
04/11/2015 MINISTERU GĦALL-FAMILJA U SOLIDARJETÀ SOĊJALI - ASSISTENT PARLAMENTARI 20366. L-ONOR. LUCIANO BUSUTTIL staqsa lill- Ministru għall-Familja u Solidarjetà Soċjali: Jista’ l-Ministru jgħid min kien l-assistent parlamentari li kien jassisti lill-Ministru bejn l-2008 sal-2013 ? X'kien il-pakkett finanzjarju tal-assistent parlamentari? Jista’ jiġi ppreżentat rapport dettaljat dwar il-ħidma li kien għamel l-assistent parlamentari? 23/10/2015 ONOR. MICHAEL FARRUGIA: Ninforma lill-Onorevoli Interpellant illi fl-2010 kien inħatar l-Onorevoli Stephen Spiteri bħala Assistent Parlamentari fil-Ministeru tal-Edukazzjoni, Xogħol u l-Familja. Ma nstabu l-ebda rekords ta’ ħlasijiet lil Onorevoli Spiteri li ġew effetwati mill-Ministeru imsemmi jew xi rapporti li saru kif indikat fil-mistoqsija. Seduta 322 04/11/2015 PBS – KAP EŻEKUTTIV 20431. L-ONOR. CLYDE PULI staqsa lill- Ministru għall-Ġustizzja, Kultura u Gvern Lokali: B’referenza għat-tweġiba tal-mistoqsija parlamentari 20049, jista’ l-Ministru jikkonferma b’mod ċar li l-Kap Eżekuttiv ġie kkonfermat fil-kariga? Meta seħħ dan? Jista’ jikkonferma li l-Kap Eżekuttiv bil-kuntratt il-ġdid żamm l-istess kundizzjonijiet li kellu qabel? 26/10/2015 ONOR. OWEN BONNICI: Ninforma lill-Onor Interpellant li ma ġie iffirmat ebda kuntratt ġdid mas-CEO tal-PBS għaliex il-kuntratt li sar fi żmien amministrazzjoni preċedenti għadu fis-seħħ u s'intendi ladarba għadu bl-istess kuntratt, huwa għadu jgawdi mill-istess kondizzjonijiet preċiż. Seduta 322 04/11/2015 PBS – NEFQA TAS-SUSSIDJI 20432. L-ONOR. CLYDE PULI staqsa lill- Ministru għall-Ġustizzja, Kultura u Gvern Lokali: B’referenza għall-mistoqsija parlamentari 20040, jista’ l-Ministru jgħid jekk hux minnu li l-fondi ta’ €3.5 miljun li jgħaddi l-Gvern lill-PBS biex jintefaq bħala Public Service Obligation huwiex fil-fatt jintuża biex jixxandar programm ta’ boxing internazzjonali? 26/10/2015 ONOR. OWEN BONNICI: Nixtieq ninforma lill-Onor. Interpellant li l-fondi ta’ €3.5 miljun mhux qed jintużaw biex jixxandar programm ta’ boxing internazzjonali. Seduta 322 04/11/2015 PBS – NEFQA TAS-SUSSIDJI 20433. L-ONOR. CLYDE PULI staqsa lill- Ministru għall-Ġustizzja, Kultura u Gvern Lokali: B’referenza għall-mistoqsija parlamentari 20040, jista’ l-Ministru jgħid jekk hux f’pożizzjoni li jagħti garanzija li l-fondi ta’ €3.5 miljun allokati għall-Public Service Obligation humiex qed jintefqu mill-PBS skont il-kriterji li l-fondi mogħtija mit-taxxi tal-poplu huma allokati għalihom? 26/10/2015 ONOR. OWEN BONNICI: Ninforma lill-Onorevoli membru li l-fondi ta’ €3.5 miljun allokati lill-PBS qed jintefqu skont il-kriterji li huma allokati għalihom. Seduta 322 04/11/2015 CAPPING FUQ L-EXTRA DUTY TAL-PULIZIJA 20514. L-ONOR. BEPPE FENECH ADAMI staqsa lill- Ministru għall-Intern u s-Sigurtà Nazzjonali: B'referenza għall-miżura li ddaħħlet fil-baġit għas-sena 2016, jista' l-Ministru jgħid jekk it-tnaqqis minn 25% għall-15% fuq l-extra duty għandhiex capping? Jista' jgħid jekk hux il-ħidma kollha li ssir on extra duty mill-pulizija hux se tkun intaxxata bir-rata ta' 15% fuq id-dħul kollhu li jkun hemm permezz tal-extra duty? 27/10/2015 ONOR. CARMELO ABELA: Ninforma lill-Onorevoli Interpellant li l-proposta tal-Gvern hija li l-extra duty ikun intaxxat separatament u b’rata ta’ taxxa ta’ 15%. Seduta 322 04/11/2015 MINISTERU GĦALL-ENERĠIJA U S-SAĦĦA - KONSULENTI 20544. L-ONOR. CLAUDETTE BUTTIGIEG staqsiet lill- Ministru għall-Enerġija u s-Saħħa: B’referenza għall-mistoqsijiet parlamentari 19068 u 17558, jista’ l-Ministru jgħid kemm hemm konsulenti għas-settur tas-saħħa? Min huma dawn il-konsulenti? Liema hi l-area ta’ speċjalizzazzjoni tagħhom? Kemm hu s-salarju ta’ kull konsulent? 28/10/2015 ONOR. KONRAD MIZZI: Nirreferi lill-Onorevoli Interpellant ghat-tabella t’hawn taht:
Seduta 322 04/11/2015
Yüklə 66,8 Kb. Dostları ilə paylaş:
|